الله يعطيك العافية على المراجعة
دائما افضل الps1 على ps2 تجارب الألعاب كانت نقلة جبارة عن الجيل الي قبله
sega saturn الجهاز الوحيد في حياتي الي كانت تجربتي تعيسة معاه.. الله يحفظه الوالد اتذكر في المحل خيرني بين ps1 او ساترن , طبعا اخترت ساترن بما اني كنت فان سيجا ايامها
المصيبة كانت لما بدأت المدرسة وتكتشف انه كل الفصل اشترى ps1 , وطبعا افضل الألعاب كانت عليه و شغل الكوبي كان منتشر والشباب ما شاء الله كل اسبوع كانوا يشتروا لعبة ويسلفوا بعض. استغربت وقتها كيف بشتروا العاب كثير كذا ولما عرفت سعر اللعبة يمكن 10 ريال كنت حتجنن..
وانا الي استنى من العيد الى العيد عشان اشتري لعبة وحدة حسيت نفسي منبوذ
المهم انتظرت فترة الين نزلت النسخة الأروبية من الps1 (الي كانت النسخة الأفضل في منطقتنا) واشتريته وعشت ذكريات طيبة الحمدلله
مشكور سالم ع المراجعة الشيقة لهذا الجهاز العظيم ... اللي اعتبرة افضل جهاز في التاريخ عشت ايام جميلة لا تنسى ولا تكرر معاه وصارت ذكرياته بعض الاحيان تسبب لي الحزن بسبب تلك الايام الجميلة وبالذات مع الاقرباء والاصدقاء افتقدتها كثير بصراحة ... الجهاز كان مليان ألعاب قوية واكسسوارات متعددة ما لحقت على اغلبها لكن شفت منها الكثير حتى لو ما اقتنيتها في وقتها ... وبعضها ما عرفتها الا من مراجعتك اليوم ... اعرف انك ما لحقت على ذكر اغلب العناوين القوية في المراجعة لكن ما قصرت والله يعطيك العافية انت والشباب اللي معاك ... MGS1 اعظم لعبة ميتل جير بالتاريخ كقصة ووقتها كجيم بلاي وابداع في الافكار يمكن لليوم ما شفت شيء بمستواها هذا غير الشخصيات والساوندتراك العظيم في اللعبة ... صدر بجانبها العاب عظيمة مثل ريزدنت ايفل الثاني والثالث وداينو كريسيس الاول والثاني وسايلنت هيل الاول وألون ان ذا دارك وبراسايت ايف الثاني وتومب رايدر وسايفون فلتر الاول والثاني ونايت مير كريتشرز ... هذا اللي افتكرة كأقوى الالعاب طبعاً لعبت تكن وكراش وعناوين كثيرة اخرى لكن الالعاب المذكورة مقدماً هي اللي كانت الأقوى بالنسبة لي ولو تلاحظ من العناويين المذكورة وبسبب هذا الجهاز صرت مائل لالعاب الرعب ومحب للرعب بشكل عام ... متحسف اني كنت استخدم الكوبي وقتها ولا كنت اعرف اضراره اللي اثرت بشكل كبير ع الصناعة بس وقتها لولا الكوبي لما عشت ولعبت هذه الذكريات الجميلة ... مشكور سالم وكالعادة في انتظار كل جديد منك .