برفع الموضوع بحكم انه اللعبة مالها موضوع رسمي من اللي شفته..
لعبة ممتعة، ممتازة صراحة.
قصة رهيبة، واحداث مشوقة، اسلوب القتال ممتع جدا، لما تفتح كل خواص الشخصيات وحركاتهم بتصير تهبل بالمعركة بشكل كبير ومتنوع.
الاغاني والموسيقى جميلة وفيها نوستالجيا جميل.
تصاميم الشخصيات حلو كثير، كويل وغامورا وروكيت اشكالهم ممتازة مرة، دراغس تصميمه اقرب للكومكس ما حبيته كثؤر لكن شخصيته بطلة، يمكن غروت اللي كان اقل شخصية اثارة للاهتمام سواء من احداث او تصميم باللعبة.
لكن ربما افضل ما فيها تفاعلات الشخصيات مع بعض، كمية حوارات متنوعة ممتازة بالقصة.
تطور شخصيات رائع، فيه تقريبا ارك لكل شخصية باللعبة والاركات ذي تتقدم وتتقفل بشكل ممتاز.
كويل بطل رهيب، للاسف ما اظن بنشوف جزء ثاني منها مع انها تستاهل، من افضل العاب الsuper heroes بالساحة بالراحة.
اللاما السخيفة ضحكتني كثير.
اللعبة لعبة اكشن بقصة جدية لكن يغلب عليها طابع كوميدي، الكوميديا هنا حلوة كثير، مكتوبة بعناية.
كمية ايشتر اغز وريفرنس للكومكس كبيرة باللعبة فاللي مهتم بقصص الغارديانز والنوفا وغيرهم بينبسط كثير.
فيه كم بوس فايت رهيبين.
يعيبها بعض الاشياء هي:
- لعبتها على باللابتوب عندي اللعبة فيها مشكلة بالاصوات ما تتضح الاصوات الا لما تشبك سماعات، شفت ناس تشتكي من نفس المشكلة بالنت بس بدون حل.
- فيه غلتشات هنا وهناك لكن ما اثرت على تجربتي كثير
- اللعبة تحسها مو منتج مكتمل، تحس لسة كانت تحتاج ابديت او اثنين ثانيين يعدلوا كم حاجة بالكت سينز والغيمبلاي.
- المراحل طويلة فصعب تعيدها مع انه فيه خيار لاعادة الفصول، فلو كان فيه طريقة عشان تعيد الفصول من نقاط معينة فيها كان بيكون احسن.
- المدينة اللي تزورها كانت تحتاج تحسين اكثر، ولو استخدموها كمنطقة اساسية او منطقة تقدر تروحها باي وقت كانت بتضيف كثير
شخصيا اشوف انه اللعبة كانت بتطلع احسن كثير لو اخذت فكرة قيادة المراكب الفضائية لمستوى اكبر.
تقدر تقاتل بالمركبة حقتك اظن مرتين باللعبة، لكن لو سمحوا لك الحركة فيها بحرية بالفضاء، تنزل على كم كوكب فيه كم مدينة تقدر تشتري منها بعض الادوات وفيها كم كويست، او تستخدمها للتنقل بين المراحل كانت بتضيف كثير باللعبة.
وبالتاكيد كانت بتكون احسن بمراحل لو سمحوا لك تلعب بكل الشخصيات مو تستخدم حركاتهم بس.
شخصيا حبيتها كثير، بس سكوير انكس شركة تافهة، اللعبة كانت تستحق احسن من كذا تسويقيا او من ناحية دعم بمحتوى وتحديثات وغيره، خاصة انها احسن من لعبتهم الاساسية الثانية Avengers بكثير.
ايوة اللعبة ذكرتني بلعبة ثانية شهيرة من سكوير بس ما بقول اسمها لانه يكفي نتكلم عنها بالمنتدى.
اسوي مثل جماعه الجيم باس
