متى استخدمت الكمبيوتر وكيف دخلت عالم النت ..؟

[BioMario]

السلام عليكم ورحمة الله وبركاتة


شباب الموضوع درامي إلى محزن شوي :yuck: ..
كل واحد يكتب كيف عرف النت ومتى استخدم الكمبيوتر .. ياليت الكل يشارك ::


عن نفسي :-

كنت اتوقع إلي يستخدم الكمبيوتر إنسان معقد وما عنه سالفة يقعد على الشاشة ويقعد يطقطق على الكيبورد طبعاً ما كنت اعرف سمها لول ..
ومرة سبحان الله رحت مع صديقي مقهى الأنترنت أشوفهم يلعبون العاب ( network ) مثل كونتر سترايك و جينرالز زيرو اور
طبعاً شفت شباب على كبري كثيييييير يلعبون و يستخدمون الكمبيوتر و و و قلت واااااو شو هذا المنظر
شو هذا الإدمان الموب طبيعي .. على طول رح البيت و قعدت أصيح عند أبوي و أمي لوول كنت صغير ايامها
المهم اشترلي ابوي اول كمبيوتر في حياتي كنت فرحان اتوقع اني امتلكت الدنيا لول اشتريت جنرالز زيرون اور و لعبتها على كمبيوتري و تطورت السالفة لما لعبت اون لاين بعدين سمعت عن الخرايط وانك تقدر تنزلها من الأنترنت واول كنت اول ما اسمع كلمه انترنت كنت اشوف الموت لوول
كنت اكرهها بشكل موب طبيعي المهم مع اوقت خليت الاهل يعلموني الأنترنت
واول موقع دخلته هو منتدى المدينه الإلكترونية ( منتدى انغلق من زمان ) والله شباب كل ما اتذكرة اني ادمع :cryy:
عموماً من هذاك اليوم بديت استكشف أكثر و أكثر في عالم الكمبيوتر


طرائف في بداياتي في الكمبيوتر :-

- ما كنت اعرف استخدم الماوس ابداً لووول بعد 3 او 4 ايام اتعودت
- ما كنت اعرف اسوي ريستارت او شت داون للكمبيوتر لول
- ما كنت اعرف كيف احط الصور في المنتدى ( بالموت اتعلمت الطريقة )
- ما كنت اعرف أحمل البرامج ( حتى اتفهها )
- يوم اسمع كلمة ماسنجر كنت أرتعب منه أخاف وايد وايد لوول
- الكيبورد كانت عقدتي قلت الله يعيني على الكتابة متى رح اتعود اكتب بسرعة لأنت كنت بطيء بشكل ما تتوقعون أدور للحرف وين مكانه لول

لو كتبت مارح اخلص لول ..
سوري على الكلام الطويل ياليت لو كل واحد يكتب حتى ولو سطر واحد :laugh:

 

[Khalid-S]

لووول على القصة.

اتذكر اني دخلت الانترنت عام 2000 (لول تذكرت لاني كنت اسولف مع عامل في المقهى ان عام 2000 يقولون هو يوم القيامة) او كان Late 1999.

كنت اعرف Gamespot واعتقد Gamefaqs .. لول خزنت صور Resident Evil على Floppy Disk وكنت فرحاااااان فيها على كومبيوتري الي بالبيت.

كان المقهى اسمه Millennium. وقبله كان في واحد قبال اليورو مارشيه بالرياض (صغير جداَ، لكن اعتقد من الاوائل الي فتحوا .. لكن قفل بسرعة بسبب الهيئة)

لكن Millennium كان صاحبه واحد قوي وكان مطعم + انترنت كافيه ... لول يومياَ كنا نروح هناك ... والله يومياَ. طقيناها صحبه مع الطباخين وكل الي يشتغلون لدرجة اننا عادي ندخل المطبخ ونسلم عليهم ونفتح الثلاجه وناخذلنا خياره ولا بييبسي ولا كيكه ولا اي شي.

حتى كنا ندخل مكتب المدير (مو صاحب المحل .. مسؤول فلبيني) ونكتب على لوحة السبوره حقت "مهام اليوم" وغيره .. وهم عادي فالينها.


ايام .... اضحي باي شي وارجعلها.

 

[DeaDMaN]

امم بديت استخدم كمبيوتر ايام الطفولة , لما كنت في الروضه .. الكمبيوتر كان IBM سرعته 30 "ماذكر وش الوحده كانت" p: الكمبيوتر box مستطيل بالعرض ..

-_- قبل مايكونوا انظمة التشغيل المتطوره موجوده , كنت استخدم الDOS .. ابوي علمني اشغل العاب عليه p: .. حفظت الطريقة ولما احط ديسك اعرف له .

امم الانترنت تعلمت عليه من المقاهي p: ماذكر سنة كم , ممكن 2000 .. كنت ادخل الhotmail و المسنجر "تعلمت عليه من صاحبي" p: . هذي قصتي .

 

[BioMario]

هههههههههههههههههههه الظاهر كلها او اكثر الشباب عرفو النت من المقاهي مثلي ..
لول خالد سالفة انكم تدخلون المطعم عجيبة ههههههههههههههه

وبالفعل ايام اول موب طبيعية أبداً ياليتها تتكرر :cryy::cryy::cryy:

 

[Zeyad]

خخخخخخ حلوه الطرائف

اول مره استخدمت كمبيوتر كان عندي صاحبي ,, امم اذكر تحمست للكمبيوتر وللألعاب الموجودة عليه واللي أغلبها كان fps وبعد كذا طلبت من الوالد يشتري لي كمبيوتر ,, والحمدالله في اقل من يومين وصل الكمبيوتر للبيت واذكر كان كبير نوعاً ما ..

بخصوص الانترنت كنت اقرا عنه بالمجلات وتحمست وشريت بطاقة انترنت واذكر اول موقع دخلت عليه اممم اذكر كان الساحات ثم قمت اطقطق في موقع جيم سبوت عشان الحلول والاسرار خخخخ

اللي يضحك فعلاً اني كل ماشريت بطاقة جديدة اشيل الكمبيوتر واخذه للمحل عشان يضبط البروكسي والبورت :yuck:

 

[Xeno]

مجلة ألعاب الكمبيوتر سنة 2000, قسم الرسائل, واحد أرسل رسالة ومدح موقع games4arab و gamespot وقال مفيدين جدا ووو... الخ.

ثاني يوم أونلاين حتى يومك هذا لول.

 

[Hwoarang]

المشكلة ما كنت أعرف مواقع ألعاب فأدخل مواقع الشركات
capcom.com
namco.com
ألخ

كنت أتابع RE3 وCode veronica وSoul Calibur
بعدي اتذكر كيف كان شكل الصفحات

موقع سكوير كان يعجبني تطلع فيه موسيقى بداية FF9 ... ما اسوي شئ غير اسمع اللحن

وبعد
اكتشفت DMC صدف بموقع كابكوم, الكلام كان ياباني فقعدت أطالع الصور بس, لكن الفيديو هو اللي أذهلني.
الخلفيات ثري دي والإضاءة على الجدران كان شئ مذهل بذاك الوقت ...

 

[Colorization]

ما اتذكر أي سنة بالضبط، لكنها سنة صدور فاينل فانتاسي8 النسخة اليابانية. كنت ألعبها مع ولد عمي وكنا ننحبس\نوقف باللعبة كثير لأننا مو فاهمين شي. واحد من ربعه أعطاه موقع gamefaqs وكنا نروح مقاهي الإنترنت بشكل شبه يومي عشان اللعبة (لول ما كنا ندري إننا نقدر نطبع أوراق عند المقهى، كنا نكتب الأشياء المهمة على ورقة وقلم).

هذا بالنسبة للنت. الكمبيوتر بشكل عام ما اتذكر متى، بداية المتوسطة يمكن (96).

 

[iCon]

اذكر اول مره فيها استخدم كمبيوتر كان على يد زوج خالتي - الله يرحمه - و اظني كان ماك .. اول شي جربته كان لعبة تعليم انجليزي على ما اذكر ...

اول مره امتلك فيها كمبيوتر كان اظني ايام ثاني او ثالث اعدادي .. عمي وعدني بجهاز اذا نجحت في الامتحانات ... و طبعا ايامها اكلت الكتب اكل هههه .. المهم جئ اليوم الموعود و قالي عمي اسف ماشي كمبيوتر لك ... طبعا شفت الدينا سودء في عيوني ... لكن لاني اعرف حركات عمي .. تسحبت و رحت اشوف سيارته و شفت فيها صناديق كمبيوتر و صار ويهي ^ــــــــــــــ^

المهم في الاخير عمي جهز لك الكمبيوتر .. المصيبه لما حبيت اطفئ الجهاز ما عرفت هههه اتصلت في صاحبي علشان يعلمني كيف اطفيئه ... و نفس الشي لما حبيت اشغله ما عرفت له و رجعت اتصل في صاحبي علشان يعلمني ... ايام ولله

بخصوص الانترنت .. اول مره استخدم فيه الانترنت كان اظني ايام فيلم تايتانيك .. كنت حاجز حق الفيلم و باقي ساعتين على العرض .. فكان فيه مقهى قريب السينما ... رحت ويا الشباب و كنت متصور استخدام النت شي صعب جدا و يحتاج خبره ... اول برنامج استخدمته ساعتها اظني Netscape ...و بعدها ركبنا انترنت في البيت بس للاسف كنت ساكن في الطابق الثاني و الغرفه الوحيده اللي فيها خط انترنت كانت في الطابق الاول .. مديت لي خط تليفون لين فوق هههه كان طويل من جد ... كل ما زارنا احد كنت اشله و انتظرهم لين يروحوا علشان ارجع و اشغل النت ... كنت كسلان اروح اسوي لي خط في غرفتي لاني ما كنت احتاجه من الاساس ... و الحين غيرت الغرفه و صار عندي خطي الخاص ....

اول ايميل لي كان akrka@hotmail كانت اختصار اول حروف من اسمي

 

[Humam]

أول مرة استخدم كمبيوتر والله ما اتذكر.. يمكن عند ولد خالي.. كان عنده ماكنتوش قديييييييييييييم.. كان عمري 6 سنوات.. كنا نلعب شطرنج عليه لول.

- اول بي سي امتلكه كان في المرحلة المتوسطة .. كانت ماركته كومباك, المعالج 550 هرتز, الهارد ديسك 10 جيجا ( لول ).. والرام 64 ميجا بايت.. كرت الجرافيكس كان من شركة ماتروكس, لول أظنها فلست قبل 5 سنوات والا حاجة.. شيء مرة مضروب.

دخلت عالم الانترنت في 2000.. أول موقع فيديو جيمز كان اسمه Game Center وكان تابع لشبكة ZDnet اذا ماخب ظني.. وكان في موقع ثاني اسمه PSX2center .. كنت اشوفه شيء خرافي.

أول ايميل عملته كان في موقع والله ناسي اسمه.. بس كان حاجة 4arab.. كان مرة مشهور بس فعلا نسيته.

انا كنت مثل هوارانق, ما اعرف موقع العاب كثيرة, كنت ادخل مواقع الشركات الرسمية, أكثر موقع كنت ادخله هو موقع نامكو, كان عندي هوس لتكن تاق تورنمنت وريدج ريسر 5.. كنت أشوفهم شيء خرافي تماما..

 

[Torpedo]

اول مرة يمكن كان عمري 4 سنوات .. رحت مع أبوي الدوام مرة و أخذني واحد من اصحابه و جلسني قبال الشاشة و يقول لي العب ..لول .. اتذكر لليوم انها كانت Prince of Persia كنت اسميها علاء الدين >.>
بعدين اول مرة يكون فيها كمبيوتر في بيتنا لما أخوي خطب تقريباً في 94 كانت هدية من خالي >.> كنت مبسووووط عليها >.> ( المشكلة مو لي P: ) و فرحتي كانت اكثر لما شفت نفس اللعبة ((( علااااء الدين >.> )))

اول مرة امتلكت فيها كمبيوتر كانت في 97 ..و في نفس اليوم بدأت أدخل على الانترنت فيه.. كنت اعرف كم موقع بس >.> Videogames.com الي هو Gamespot الحين .. و Nintendo.com الي عجبني فيه اذكر الـ Code Bank و شكل الموقع الي مثل يد الننتندو 64 :'( و طبعاً بعد فترة اكتشفت Gamefaqs.com و الايميل على ما اعتقد كان اسمه Gomail او شي كذا >.>

بداياتي مع المنتديات كنت ادخل اشوف من وقت لوقت Games4Arab و منه تعرفت على منتدى المنتدى في نهاية 2000 و اشتركت في 2001 و بعد فترة قصيرة بس تعرفت على عمر و محمد و همام ، و حميد - الله يرحمه - و أوكس ( وين توقيعي -_-" ) و رااااااااااااااااااااااااااااالف المشاكس - رئيس منظمة عشاق الجيم كيوب - >.> و كثير من الشباب .. و لهذا اليوم وين ما محمد ، همام و عمر يروحون ما نقدر نتخلى عنهم


مشكور على الموضوع .. ذكريات >.> و الله يخلي الشباب لبعض - آمين - ..

 

[Torpedo]

طرائف في بداياتي في الكمبيوتر :-

- ما كنت اعرف استخدم الماوس ابداً لووول بعد 3 او 4 ايام اتعودت
- ما كنت اعرف اسوي ريستارت او شت داون للكمبيوتر لول
- ما كنت اعرف كيف احط الصور في المنتدى ( بالموت اتعلمت الطريقة )
- ما كنت اعرف أحمل البرامج ( حتى اتفهها )
- يوم اسمع كلمة ماسنجر كنت أرتعب منه أخاف وايد وايد لوول
- الكيبورد كانت عقدتي قلت الله يعيني على الكتابة متى رح اتعود اكتب بسرعة لأنت كنت بطيء بشكل ما تتوقعون أدور للحرف وين مكانه لول

لول .. بالنسبة لي :

- ما كنت اعرف وين حرف الـ ( ذ ) اذكر كلمت ولد خالتي الساعة 12 الليل أسأله عنها >.>
- اول ما اخذت الكمبيوتر فتحته أبي اشوفه من داخل و ثاني اسبوع أخذته للمحل قلت له يزيد الي الذاكرة ( طبعاً كنت اسمع هذه الجملة و ما ادري ايش تعني >.>) زاد لي الرام اذكر من 128 إلى 192 لول ..
- بعد فترة سمعت عن بطاقات 3d طبعاً نفس الشي ما ادري ايش الدعوة قلت بروح اركبها .. اخذت الجهاز قلت له ابي بطاقة 3D نفسه الرجال مستغرب مني واحد بزر ، يوم جاي يبي ذاكرة و الحين 3d قال لي في نوعين بدون تفكير قلت له الأغلى ههههه .. طبعاً كانت بـ 750 ريال و كانت ATI ALL-IN-WONDER 16MB >.> أيام عزهم لول xD
- جهازي كانت مساحته بس 7 جيجا و كنت اخزن فيديوات رسلمينيا 2000 على فلوبي درايف و اروح المدرسة أتكبر على الطلاب الي يحبوا المصارعة >.>

لو تذكرت اكثر راح اذكرها >.> هذا الإفتكره للحين ..

 

[Mista Koo]

1990+
الكمبيوتر استخدمته منذ نعومة أظافري.. ما أتذكر متى
لكن كان عندنا كمبيوتر قديم DOS وكان عندنا كثير ألعاب على الفلوبيات الكبيرة هذيك (للأسف ما أتذكر شي منها لأني على ما إنولدت نصها خربانة >.>)
اللي أتذكره زين كان في لعبة أحبها لبدر وأنيس (Bert & Ernie) كان لازم تسوي طريق لـrubber duck عشان توصل لأنيس وهو في البانيو عن طريق إستخدام مربعات كل وحدة تودي البطة في جهة (تشبه ميني جيم الهاكنق اللي في بيوشوك بس مو بالضبط)

اللعبة اللي بعدها أتذكرها هي مورتال كومبات 2.. ما أتذكر منها غير سب زيرو وسكوربيون وسونيا وفنش هم والحبل حق سكوربيون لما يطلع قلب اللي ضده (بس كنت ألعب بجوني كيج مع أني ما كنت أعرف اسمه واسميه أبو نظارة)
في كمان كم لعبة نسيتهم أبرزهم لعبة بلاتفورم تلعب بشخص راسه برتقالي وعنده سلاح يشبه المسدس (هذي أظنها كانت على الـ3.1)

1995+
الإنترنت أتذكر أول شي كان عن طريق الشرقية عن طريق البحرين.. وقتها ما كان عندنا بس كان عن عمي
أخواتي الكبار كانوا يروحون يستخدمونه هناك أحيانا وهذاك اليوم كانوا فرحانين مرة إنهم سووا إيميلات وكانت أساميها غبية مرة.. غرت أنا بعدين وسويت لي أول إيميل أسطوري لي باسم [email protected]
كان قصدي أكتب hippo بس ما كنت أعرف شلون أكتبها >.>.. للأسف بعد كم سنة صار ياهو ما يرضى تستخدم الإيميل إلا بعد موافقة ولي الأمر وخرابيط وضاع علي =(
الباسورد بعد كانت illi (لا تسألون ليش لول)..
أومج أومج جربت أدخل الحين بنفس الباسورد ونفعت O__O
طلعت حاط اسمي الكامل بالبروفايل بعد ._.

بعدها لما توفر الإنترنت هنا جبناه سنة 98 يمكن؟ (كان عن طريق مستشفى التخصصي الوالد الله يرحمه كان يشتغل معاهم في شي يتعلق بالكمبيوترات)
أتذكر كان رهيييييب.. نقعد نص ساعة فأكثر على ما يشبك وسرعته خيالية لول
ما أتذكر ايش بالضبط أول موقع دخلته (أتوقع ياهو؟).. بس أتذكر كنت أجرب com.أي كلمة في راسي.www خخخ
فجربت يوم أكتب videogame أو videogames وطلع لي جيمسبوت :bigSmile: (ومن يومها وأنا أدخله)
وأعتقد أنا الوحيد اللي ما عرفت عن المواقع/المنتديات العربية إلا متأخر مررررة >.>

2000+
بالفترة اللي بعدها آخر الإبتدائي/المتوسط بديت أتعلم عالبور بوينت إلين صرت أعرف تقريبا كل شي فيه :cooool:
كنت أسوي عروض فلة.. بالبداية كنت أستخدم فان آرت لمصارعين (أيام المصارعة) وأرسم حلبة وأخليهم يتحركون كأنه فلم عالأساس أو شي كذا
بعدها تطورت شوي وصرت أستخدم الأوتو-شيبس (لول) وأرسم الشخصيات بنفسي.. سويت مسلسل كوميدي من حلقتين أو ثلاثة أبطاله أنا وأصحابي في المدرسة (لو حصلته ممكن أحطه بعدين)
بعدها أعتقد كنت أسوي لعبة 3d بالبور بوينت xD بس طبعا ما سويت فيها غير المقدمة

2003+
بعد فترة لما الكل صار مدمن إنترنت.. والبيت فيه 7 أفراد يستخدمونه (والوالد مدمن ياهو جيمز) تم تحديد ساعتين لكل شخص في اليوم
واستمر الحال على كذا لفترة طويلة.. إلى أن أخترع الدي اس ال وجبناه بغرض إن أكثر من شخص يشبك بنفس الوقت (كان وقتها سرعته 65 kbps)

على آخر أيام المتوسط أو الثنوي إختي كانت جايبة دروس فوتوشوب من صاحبتها.. وكنا نقعد يوميا أنا وخواتي نشتغل عالفوتوشوب ونتعلم
هم فترة وبطلوا تصميم للأبد وأنا كملت.. وبعدين صاروا يطلبون مني تصاميم

وعلى سنة 2004-2006 تقريبا صرت أستخدم الكمبيوتر عدد خرافي من الساعات
فقررت أن أدخل كمبيوتر ساينس ليصبح الكمبيوتر جزء لا يتجزأ من حياتي <tgman>

النهاية.
(ترى تعبت عالقصة الرهيبة هذي فعبروني وأقروها P: )

 

[Colorization]

اول موقع دخلته كان ياهو (الهوم بيج للمتصفح لول)، أول إيميل من ياهو بعد (ما بحط الإسم عشان محد يضحك

).

من الأشياء اللي أتذكرها إني كنت أفتح ياهو او جووجل وأفكر بأشياء أبحث عنها. كنت أخزن صور وايد على دسكات الفلوبي (فلوبي لصور المصارعة، فلوبي للألعاب، فلوبي لبريتني لول). وأتذكر اول يوم شريت فيه الـCD writer، كان من اسعد الأيام بحياتي (والحين ما اتذكر متى آخر مرة حرقت سي-دي p: )

الموضوع مليان غبار

 

[BioMario]

مشكور على الموضوع .. ذكريات >.> و الله يخلي الشباب لبعض - آمين - ..

آآآآآآآآآآآآآآآآآآآآآآآآآآآآآآآآآآآآآمين

-----------------------------
ميستا صدقني مافي حرف ينكتب وإلى و اقراه :yuck:
------------------------------
كولو قول قول الأسم لووول <tgman>

 

[Xavi]

الكمبيوتر من يومي في الابتدائية كنت في مدرسة أهلية و كان في حصة للكمبيوتر والنظام اذكر Windows 3.1 أو 3.11 مني فاكر ، أول كمبيوتر اشتريناه في سنة 1997 لول عمي اشترا واحد أبوي شافه وقام اشترا لنا واحد .. طبعا أول ماشريناه كنا بس نكتب خرابيط في الوورد ونطبع .

في 1998 أو 99 دخلنا عالم النت .. أذكر جبنا مهندس في محل كمبيوتر وجا سوا لنا النت في البيت لول الموقعين الوحيدين اللي كنت اعرفهم أين و طرب .

الله يهديك رجعت لي ذكريااااااااااااااات :cryy: .

 

[The Shark]

1990+
الكمبيوتر استخدمته منذ نعومة أظافري.. ما أتذكر متى
لكن كان عندنا كمبيوتر قديم DOS وكان عندنا كثير ألعاب على الفلوبيات الكبيرة هذيك (للأسف ما أتذكر شي منها لأني على ما إنولدت نصها خربانة >.>)
اللي أتذكره زين كان في لعبة أحبها لبدر وأنيس (Bert & Ernie) كان لازم تسوي طريق لـrubber duck عشان توصل لأنيس وهو في البانيو عن طريق إستخدام مربعات كل وحدة تودي البطة في جهة (تشبه ميني جيم الهاكنق اللي في بيوشوك بس مو بالضبط)

اللعبة اللي بعدها أتذكرها هي مورتال كومبات 2.. ما أتذكر منها غير سب زيرو وسكوربيون وسونيا وفنش هم والحبل حق سكوربيون لما يطلع قلب اللي ضده (بس كنت ألعب بجوني كيج مع أني ما كنت أعرف اسمه واسميه أبو نظارة)
في كمان كم لعبة نسيتهم أبرزهم لعبة بلاتفورم تلعب بشخص راسه برتقالي وعنده سلاح يشبه المسدس (هذي أظنها كانت على الـ3.1)

1995+
الإنترنت أتذكر أول شي كان عن طريق الشرقية عن طريق البحرين.. وقتها ما كان عندنا بس كان عن عمي
أخواتي الكبار كانوا يروحون يستخدمونه هناك أحيانا وهذاك اليوم كانوا فرحانين مرة إنهم سووا إيميلات وكانت أساميها غبية مرة.. غرت أنا بعدين وسويت لي أول إيميل أسطوري لي باسم [email protected]
كان قصدي أكتب hippo بس ما كنت أعرف شلون أكتبها >.>.. للأسف بعد كم سنة صار ياهو ما يرضى تستخدم الإيميل إلا بعد موافقة ولي الأمر وخرابيط وضاع علي =(
الباسورد بعد كانت illi (لا تسألون ليش لول)..
أومج أومج جربت أدخل الحين بنفس الباسورد ونفعت O__O
طلعت حاط اسمي الكامل بالبروفايل بعد ._.

بعدها لما توفر الإنترنت هنا جبناه سنة 98 يمكن؟ (كان عن طريق مستشفى التخصصي الوالد الله يرحمه كان يشتغل معاهم في شي يتعلق بالكمبيوترات)
أتذكر كان رهيييييب.. نقعد نص ساعة فأكثر على ما يشبك وسرعته خيالية لول
ما أتذكر ايش بالضبط أول موقع دخلته (أتوقع ياهو؟).. بس أتذكر كنت أجرب com.أي كلمة في راسي.www خخخ
فجربت يوم أكتب videogame أو videogames وطلع لي جيمسبوت :bigSmile: (ومن يومها وأنا أدخله)
وأعتقد أنا الوحيد اللي ما عرفت عن المواقع/المنتديات العربية إلا متأخر مررررة >.>

2000+
بالفترة اللي بعدها آخر الإبتدائي/المتوسط بديت أتعلم عالبور بوينت إلين صرت أعرف تقريبا كل شي فيه :cooool:
كنت أسوي عروض فلة.. بالبداية كنت أستخدم فان آرت لمصارعين (أيام المصارعة) وأرسم حلبة وأخليهم يتحركون كأنه فلم عالأساس أو شي كذا
بعدها تطورت شوي وصرت أستخدم الأوتو-شيبس (لول) وأرسم الشخصيات بنفسي.. سويت مسلسل كوميدي من حلقتين أو ثلاثة أبطاله أنا وأصحابي في المدرسة (لو حصلته ممكن أحطه بعدين)
بعدها أعتقد كنت أسوي لعبة 3d بالبور بوينت xD بس طبعا ما سويت فيها غير المقدمة

2003+
بعد فترة لما الكل صار مدمن إنترنت.. والبيت فيه 7 أفراد يستخدمونه (والوالد مدمن ياهو جيمز) تم تحديد ساعتين لكل شخص في اليوم
واستمر الحال على كذا لفترة طويلة.. إلى أن أخترع الدي اس ال وجبناه بغرض إن أكثر من شخص يشبك بنفس الوقت (كان وقتها سرعته 65 kbps)

على آخر أيام المتوسط أو الثنوي إختي كانت جايبة دروس فوتوشوب من صاحبتها.. وكنا نقعد يوميا أنا وخواتي نشتغل عالفوتوشوب ونتعلم
هم فترة وبطلوا تصميم للأبد وأنا كملت.. وبعدين صاروا يطلبون مني تصاميم

وعلى سنة 2004-2006 تقريبا صرت أستخدم الكمبيوتر عدد خرافي من الساعات
فقررت أن أدخل كمبيوتر ساينس ليصبح الكمبيوتر جزء لا يتجزأ من حياتي <tgman>

النهاية.
(ترى تعبت عالقصة الرهيبة هذي فعبروني وأقروها P: )

قصة مؤثرة :yuck: قريتها كلها حرف حرف ...

بالنسبة لي بدايتي مع الكومبيوتر كانت متأخرة شوي ... كنت ادرسه أيام الابتدائي في المدرسة ... لكن ما كنت احبه .. كانت ألعابه مملة و ما فيه غير طباعة بالوورد .. يعني ما كان فيه الشيء المثير لي ... المهم سنة 2001 نزلت على ابوي قلت له لازم تجيب لي كومبيوتر (بعد ما شفت النت عند صاحبي و مواقع الجيمز و بالذات موقع جيم سبوت) المهم ابوي قال لي على الاجازة .. و لما جت الاجازة غيرت رأيي قلت له خلاص ما أبغاه أبغى بلاي ستيشن 2 (كنت متحمس لجاك آند داكستر و ديفل ماي كراي و أونيموشا الي شفتهم في مجلة ألعاب البلاي ستيشن) فشريت بلاي ستيشن 2 و أجلت شراء الكومبيوتر لاجازة السنة الي بعدها ... السنة الي بعدها جبت كومبيوتر و اتصل على صاحبي (العضو snoke من منتدى المنتدى) عشان يسوي لي عضوية في المنتدى و ايميل .. الخ ... مهم سويت لي عضوية باسم Mark Hamond (كنت مجنون The Getway وقتها) ... و كنت عضو ما يدري وين الله حاطه ... و مرة لطشت موضوع من جريدة العالم الرقمي و نسبته لنفسي لكن محمد msm قفشني فسبت المنتدى و رجعت له بعضوية جديدة و ايميل جديد ... العضوية كانت @عاشقPS2@ و الايميل الأسطوري [email protected] (ايميلي الي سبته يوم ما سجلت في ترو جيمنج يوم 20/6/2007) ... كانت عضوية @عاشقPS2@ تمثل أيامي الذهبية في عالم النت ... و بعد ما ساب زينو رقابة منتدى الاكس بوكس بفترة عينوني مراقب ... فغيرت اسمي بعد فترة لـ(The Shark) ... و قعدت فترة من أسوء فتراتي النتية بسبب المشاكل المستمرة مع أعضاء منتدى الاكس بوكس الي كانوا متحزمين مع بعض و أنا كنت بالنسبة لهم الغريب الي جاي لرقابة قسمهم من منتدى البلاي ستيشن ... فزهقت منهم و سبت الرقابة و استمريت لمدة سنة و نص بعدها في منتدى المنتدى ... و ما كنت ناوي اسيبه لين ما شفت نفسي لوحدي في المنتدى بعد ما عزل اغلب الأعضاء الي اعرفهم لترو جيمنج و غيره فقلت مع الجماعة يا ولد بلا راس ناشف ...
الشيء الي افخر به في مسيرتي أيام منتدى المنتدى إني طوال الفترة الي كنت فيها في المنتدى (أربع سنين) فزت بجميع مسابقات قسم الألعاب بالمركز الأول (أربع مسابقات ورا بعض) ...

متفرقات نتية :
- قصة عضوية Mark Hamond ما حد يعرفها غير عضوين هم الهروب العظيم و كايتو (أظن إنه العضو SALAH) ...
- أول ما سجلت في منتدى المنتدى كنت معجب بالمراقبين وقتها فيصل (Ash 90) و عبد السلام (التنين المائي AMG) و محمد (msm) و زينو ... و ما زلت أعزهم ...
- موقع جيمز فور أرب كان سبب حقيقي في انتقالي من الكجولة إلى الهاردكورية ...
- أول ما سجلت في المنتدى كنت عامل لي تيم مع الهروب العظيم و عضو ما أذكر اسمه بالظبط لكن كان فيه كلمة سكوال و Tomb Raider كضيف شرف ... و كان كايتو يصمم لنا ...
- أول كنت بطيء جدا في الكتابة بالكيبورد ... و عشان اعود نفسي صرت اطبع مقالات من الجريدة لين ما تعودة خلال فترة قصيرة ...
- أصدقاء النت إلي أعزهم ... محمد Ash Storm و حسين و لاستو The Last Fantasy و Zero ...

 

[Bounty]

لووول

بدايتي كانت سنة 97 .. كانت شاري كمبيوتر ماركته على شكل alians مادري ناسي اسم الشركه .. المهم كنت متابع لمنتدى.كوم من اول ما فتح وماكنت اعرف اشترك فيه .. اشتركت فيه سنة 2000 :yuck: .. قبلها كنت مقزرها على gamespot.com و ign.com ..وطبعا موقع كابكوم الي مادري ليش كنت ادخله كل يوم .. كنت اشبك قبلها عند ولد عمي الله يرحمه على برنامج الMIRC لول ايام ...

بالنسبه للمنتديات ما انسى ربعي الي قبل (سيلفي - سلفر - سورا - سكوال - يوجي هاتوري - وشباب وايد ) يا حلو ايامهم ..

ما اشتركت (وتابعت) الا منتدى.كوم و انقطعت والحين انا بتروجيمنج .. وان شاء الله مستمرين ..

ذكريات :

- كنت مخزن تقريبا فوق ال4000+ صورة عن christina aguilera .. لو تدري جان تزوجتني ..
- كنت مدمن برنامج عالكمبيوتر من ديزني .. اطبع بريد على اشكالهم .. العب بالبرنامج .. كان عجيييب ..

مادري ليش كنت حيل مستانس لول ..

مستعد اسوي اي شي عشان ارجع الوقت لهالأيام..

 

[persona]

97 نفس باونتي حتى ساعه الانترنت كانت جنه بـ5 او 3 دنانير ..بمجمع الخليجيه

كنت مدمن دووم وديابلو ومدمن mIRC

منو فيكم يذكر هالمصطلحات بنج ، فويس ، فلوود ، جان سيرف ، نك سيرف ، سب سفن

والدراما اللي تصير اذا واحد شاتوه من القناه

غبره.. ادري لول..

 

[Ginko]

ما اذكر اول مره استخدمت كمبيوتر، مره زمان. دخولي النت كان في 1995 او قبل حتى.

 

[Saadawii]

بدايتي كانت في ثاني أو أول ابتدائي، في بيت خالي، كانت عندهم برينس او بيرشيا وكانت قمة الدراما بالنسبة لي ذيك اللعبة. خصوصاً المقدمة بالأميرة والفار. بعدها بسنة جا اخوي من امريكا ومعه كمبيوتره، جيت واي. وصرنا نلعب عليه كثير. بعدين اشتركنا بشبكة محلية بالرياض اسمها نصف القمر، كانت شي متطور، ركبنا موديم عشانها! لول. حتى زملائي بالمدرسة مو مصدقين "التكنولوجي" اللي عندنا، شابكين الكمبيوتر على التيليفون!! طبعاً هذا كان في الابتدائي، قبل الانترنت بسنوات كثيرة. كان فيه ميزة بالشبكة هذي انه فيه كثيرين مشتركين فيها وفيها تشات وخرابيط. وكان فيه طريقة تكتب رسالة ويحطونها بموقع على الانترنت، بعد ما سمعنا عنه ولا جانا، بعدين ممكن يرد عليك أحد هناك فينقلون لك الرسالة!.
بعدين دخلت الانترنت عندنا، وكنت بالثانوي، يمكن ثاني، لأن أول ثانوي كانوا الناس يدخلون الانترنت عن طريق الاتصال بالبحرين، أنواع التكاليف والجنون. كنت أبحث عن الأشياء اللي أحبها، صور أفلام، صور جيمز. وطحت طيحة شينة بموقع ننتندو، وهبلت بي صور ايرث باوند... لين ما دلني صديقي على منتدى المنتدى، وهنا شاركت وكنت سبهة، بالبداية لما كثرت مشاركاتي، قال لي واحد من الزملاء الموجودين حالياً: سعد، عطني ايميلك عشان أضيفك للمسنجر!. رديت: وانت لا تنسى تعطيني ايميلك عشان أضيفك! والله ما كنت أدري وش الطبخة، دابة سليمة على ما قالوا. بس يلله، تشعبت الاهتمامات وتفرقت القلوب وان ما تفرقوا الناس.

 

[Bounty]

لول توني استوعب سالفة (اول مره دخلت النت) .. انا دخلت النت بروحي بال97 .. لكن قبلها كنت اشبك بعد عند ولد عمي الله يرحمه بال94 تقريبا او حتى قبلها ... ما اذكر من كثر ما هي قديمه

 

[hamad 11]

الجهاز تقريبأً اشتراه اخوي في 1998 وركبنا الأنترنت 2000.. رح تصدقوا لو قلت لكم ما بدلت الجهاز للحين؟ :embarrassed:

اول موقع دخلته كان www.gameshark.com خخخ كنت رايح اجيب شفرات لـDino Crisis.. والله ذكريات

- أول ما سجلت في المنتدى كنت عامل لي تيم مع الهروب العظيم

بسام .. والله كان اعز اصدقائي في الانترنت بأول فترة


على العموم, أذكر كان عندي فوق الـ4 جيجا كلهم صور ريزدنت ايفل - ميتل جير - ستريت فايترز.. وغيرهم لكن راحوا مع الفرمتة

من الطرائف اول ما استخدمت الكمبيوتر اني ما كنت اعرف اماكن الحروف, عشان ادور على كل حرف رح اكتبه كنت امر على حروف الكيبورد كلها, والكلمة الواحدة عشان اكتبها تقريباً 30 ثانية >_< بس خلاص

 

[Lunar Poet]

متفرّقات:
- كنت أروح مع أبوي للعمل عشان ألعب في الكمبيوتر [فوكس و توم و جيري و الأمير فارس (برنس أوف برشيا) اللي كانت أسود و أبيض] :cryy:
- أخوي كان يقص علي :/ .. كان يقول لي نقدر نلعب توم و جيري على اثنين (يعني ملتي بلاير). لول كان يعطيني الآلة الحاسبة و يقول لي تقدر تلعب بتوم بها! لول و انا على نياتي أصدّق ! كان هو يلعب بجيري و يستانس و انا أتوّهم اني ألعب بتوم .

- أوّل ما سوّيت لي إيميل كان conan_رقم@hotmail.com ، و كان إذا أي أحد كلّمني و قال لي منو انت أرد عليه: "اسمي سينشي كودو طالب في المرحلة الثانوية سقاني رجال عصابة دواء ساما فتقلص جسدي و تغير صوتي" <--- لول كنت أقعد سنتين على ما أكتبها

برب

 

[MR1]

معرفة الكمبيوتر:
* عام 1995 أو 1996 شرا أبوي PC ثاني له و حط فيه winndows 95 و عطاني حقه القديم 3.11
و ما علمني الا "win" علشان اشغل وندوز و من هنا الى الرسام علطول بس ارسم. و هو يجي ياخذ ملفات من الجهاز و يستخدم فتحت الfloppy 5.25 و اناظر فيه الين عرفت بعض اوامر الDOS و اقعد اضغط بزر التيربو xD

معرفة الانترنت:
* عام 1998 أو 1999 أو 2000 (مدري والله بس أول ما جاء النت بالرياض كنت أروح مع احد أقاربي لمقها و يدخلني على mIRC و انا ماعندي اصلاً احد اتكلم معه (أول يوم كان طفش) جاء و دخلني موقع (نسيت وشو) بس المهم اني شفت شكل الURL و قلت انا اذكر اني شايف زي هذا بـأحد المجلات الأجنبية. و أرجع للبيت و ألقى صفحة كامله فيها روابط لكل شركات ألعاب الكمبيوتر (capcom, konami, squaresoft, nintendo, sony, ..... etc) و أشقها و احطها ببوكي و أشوف علبة الFloppys و القى رابط و اكتبه بورقه و اروح للمطبخ و القى علبه الخلاط فيها رابط و سجل ... و امش على البيت كله و جمع روابط . واقعد تفرج عليهن و معي 3 فلوبيات اجمع بها صور (متشقق من الفرح).

* على أواخر 2000 أخوي شراء PC فيه Millenum و شابكين dailup فيه و هنا بديت اتعود على شوي شوي. بعد سنه حطينا win 2000 فيه.

* على 2003 (العطله الطويله من ثالث ثنوي الى الجامعة) شريت PC علشاني بدخل حاسب.

 

[pacino]

1995-2000
اتذكر بداية عام 95 ابوي اشترى كمبيوتر ما اذكر شنو نوعه بنظام ويندوز95..وهذي بداية معرفتي لمصطلح كمبيوتر.كنت في اول او ثاني ابتدائي.كنت احسبه شيء كبير وما يصير اشتغل عليه إلا ذا كبرت مثل ابوي واشتغلت

2000-2003
اخترب كمبيوتر ابوي واشترى واحد جديد.اتذكر في بداية المتوسطه تم اضافه مادة "الحاسوب" كمادة اساسيه.فقمت اشتغل على الوورد والبوور بوينت وهالسوالف المدرسيه..وكنت اعرف النت معرفه سطحيه..مجرد رابط احطه واشوف صور واقرا بس .

في عام 2002 تعرفت على منتدى المنتدى وكنت اشوف المواضيع فقط بحكم اني ما كنت اعرف اسجل..وفي نفس العام تعرفت على جيم ماستر.بعد عدة محاولات عرفت شلون اسجل واحترت بين التسجيل بجيم ماستر او منتدى المنتدى...لكن في بداية 2003 سجلت بجيم ماستر

2003- إلى الآن

بعد ما سجلت بجيم ماستر ما كنت اعرف اي شيء..إلى الآن اتذكر شلون كنت اطلب من محمد *كنج زيل* على الرسايل الخاصه شلون يعلمني رفع الصور وارفاقها بالمواضيع *ويعطيه العافيه محمد* ما قصر وشرح لي اكثر من مره شغلات ما كنت اعرفها..
وطبعا الانطلاقة الحقيقه لي في عالم النت وبداية الأدمان في عام 2003 ..بعدها شوي شوي قمت اعرف شغلات كثيره من التصميم بالفوتشوب إلى بناء المواقع

 

[Ammar_R]

خخخخخ كنت اجمع مجلات ماجد - فيه ملحق في النص عن مواقع الإنترنت - .. يوم شبكنا النت جبت أعداد المجلة كلها ورحت غرفة أختي ( الكمبيوتر كان فيها ) .. واذكر جبنا اشتراك 15 ساعة .. وخويا الكبير كان اول واحد بيجرب .. قريت اسم موقع في وحدة من المجلات وجيت أقوله لأخويا حرف حرف .. إلا اطالع ألاقيه كتب wwwdot#$%^dotcom .. خخخخخخخخ كاااااااي وقتها .. المشكلة أنا كنت صغير وقتها .. أقولهم ابغى اقعد على النت .. خخخ قالولي امسك سرا .. واخويا اخرتها في الليل نسي الكمبيوتر شغال وغلق الإشتراك .. حسبت وقتها إنو خلاص مافي نت أبدا لول ...
امكن في الكم سنة الي بعدها ماكنت اخش النت إلا عشان ادخل إيميلي واقرا الرسايل اللي كانت تجيني من الإيميل ( لول كلها من أخواتي واخويا ) .. إلين تعرفت على جيم ماستر OMG موقع ألعاب ياناس .. خصوصا أيام الموقع القديم .. يوم اكتشفت قسم الحلول الكاملة .. بيييي ياهوا .. خخخخ هاتك طباعة في طباعة .. واطالع في مجلات المحترف ولسان حالي يقول in your face .. خخخخ وبعدين في المنتدى .. هاتك حفظ في المواضيع على فلوبي دسكز .. ومن يومتها وانا دايما على النت ...

 

[ZiZ]

أصغر من 8 سنوات:

جهاز الوالد المحمول (كان زي الشنطة وفيه شاشة وحجمه أكبر مني) كانت النظام DOS والشاشة ذات لون واحد كنت ألعب عليه بعض الألعاب (كان الجرافيكس كأنه مرسوم الـ ASCII) أذكر كان فيه لعبة زي تترس وفيه لعبة تشبه الثعبان الجائع ولعبة كان اسمها Space Fly أو Super Fly أو شي زي كذا، بس كان استخدامي له قليل جداً ...

من 8 - 12 سنة:الوالد جاب جهاز جديد Windows 3.11 كنت أدخل على الألعاب سواءً عن طريق الوندوز أو الـDOS كان فيه ألعاب مثل Commander Keen و Prince of Persia و the Jetsons و لعبة مدافع تشبه Worms.

بعدها جاء ويندوز 95 - 98 - Me ثم XP

دخولي على الانترنت كان 1997 وكنت أقرأ أخبار عن Banjo Kazooie وغيرها... بعدين تركت النت لفترة...

في المتوسط كنت أدخل النت بين الفترة والفترة (ساعة كل كم اسبوع)...

في الثانوي أخيراً صار عندي جهاز خاص فيني بس ما كنت أقدر أدخل على النت إلا بعد كم سنة...

 

[High Lander]

في مغالطات غريبه في الموضوع ...
الانترنت عالميا بداء في 96-97
في السعوديه بداء 99 - 2000
كانت في بعض المحاولات من السعوديين انهم يشبكون عن طريق البحرين في 98 ... اما غير هالكلام فشي غريب جدا...يمكن لصغر السن ما كنت تتذكرون زين

 

[Torpedo]

في مغالطات غريبه في الموضوع ...
الانترنت عالميا بداء في 96-97
في السعوديه بداء 99 - 2000
كانت في بعض المحاولات من السعوديين انهم يشبكون عن طريق البحرين في 98 ... اما غير هالكلام فشي غريب جدا...يمكن لصغر السن ما كنت تتذكرون زين

الانترنت في السعودية قبل 97 .. + لا تنسى أرامكو