صاحي أنت تبغاني أتناقش معاك عن كل ذا؟ يا عمي أنت منتصر هنا، لا قبل لي بك!انشغلت يومين و الظاهر اني سويت حرب اهلية هنا
اعرف ناس لو سمعوا كلامك اللي بالأحمر راح يتحولوا الى ويروولف اللي من ريزدنت ايفل ٨
انواع الدم و الدراما حصلت بين اللي يبغوه ضد اللي كانوا ييغون ديفيد هيتر ، اللي كانوا مؤيدين كيفن كانوا يقولون انه من اكابر الممثلين لما كانوا يسبونني … اقصد يناقشون معي و انه المفروض يمسك سوليد سنيك من زمان و من الكلام هذا …
اخرتها و لا واحد من الطرفين فاز ، لا ديفيد استمر مع السلسلة - حتى الان - و كيفن سوى كلمتين بين كل ٥ ساعات قيم بلاي.
انا ما ادري عن مؤدية كوايت - اتذكر انهم قالوا انها متعودة دايمن هاي كلاس - لكن انت اكيد شفت الخرفنة اللي حصلت في فترة التطوير و في اللعبة نفسها … ما استبعد لو نص الميزانية راحت لجزئيتها أسلوب باااااااع … اوه و لا ننسى الفيقر الليمتدد اديشن ذاك اللي خلص خلال دقيقتين …. لا مو عشان اني حاولت اطلب …. واحد من الشباب قال لي …. نعم
و طبعاً ما له داعي ادخل في موضوع احتكاكه بناس مثل نورمان ريداس و العالم ثانية الين خرج لنا بپي تي و ديث ستراندق.
على سيرة ديث ستراندنق ، من باب الموضوعية و النقد العادل انا ما راح اتكلم عنها لأنني ببساطة ما لعبتها .. لكن ثق تماماً بمجرد اليوم الاسود ذاك يجي راح تعرفوا لأنكم راح تشوفوا طيارات شركة امبريلا تلوح فوق الموضوع الرسمي.
تفضل يا عيوني النقاط التالية و ابغاك تفكر فيها :
- في اي عمل فني او كتاب او غيره ، لما تكتب اسم شخص تحت اي بند في المقدمة او في الغلاف هذا على طول تعرف ان هذا الشخص مهم و انه له دور كبير تحت البند هذا. اطلع فوق و شوف مشاركتي السابقة : بتحصل اسمه ككاتب مع كوجيما. اللي ابغى اوصل له هنا ان انحدار المستوى القصصي لجزئي الرابع و الخامس حصلت بعد اختفائه مباشرةً ….. هل هذه مصادفة و كلام منتديات ؟ او انه تحليل منطقي اي واحد يقدر يسويها زي واحد زائد واحد يساوي اثنين؟
- تعقيباً على السابق : انا اقول نعم ، انا اعتقد انه هناك رابط عجيب بين ترك فوكوشيما للسلسلة و الهبوط الملحوظ في مستوى القصصي و اللي بدأت في الجزء الرابع funny enough ... من الرابع و الالعاب اللي بعدها كان فيها نقص ملحوظ خاصةً في القصة ، الاستثناء الوحيد اللي حصل كانت رايزنق بس لا ننسى ان فريق كوجيما كان يدور حول نفسه و اشتغلوا تأجيل لسنوات - اذا ما خانتني الذاكرة هم تورطوا في القيم بلاي - الين كونامي صاحت : انقذني يا حليب PlatinumGames …. عاد اذا انت تبغى تقول ان الرابع و الخامس مستواهم كمستوى الثلاثي الذهبي او افضل و انه ما فيه مشاكل …. انا صراحة ما ادري ايش بأقول لك.
- metal gear ghost babel: كوجيما ما كان المخرج الرئيسي لكنه كان يساعد على خفيف - متوقع لأنه كان مركز على الجزء الثاني وقتها- ، و الكاتب كان - مفاجأة - فوكوشيما … كل اللي اعطاها فرصة انبهر بالقصة و فيه اللي تمنى انه يصير لها ريميك عشان توصل للعيبة اكثر - السلبية الوحيدة اللي سمعتها مرات كانت انه فيه مشاكل صغيرة في الترجمة - …. انا الان بديت اتحمس العبها لما اخلص من فاير امبلم ٦. اللي ابغى اوصل له هنا ان النقطة هذه تدعم ان الفريق خسر شخص اساسي في الكتابة.
- انا ما ادري بالضبط ايش تبغى توصل له بالصفحة اللي عارضها اللي واضح انها من مجلة حول سنة ٢٠٠١ .. لو انا منك ما راح امسك اي مقالة انكتبت في مجلات التسعينات او بداية الألفية و اخذ كلامها انها صح ١٠٠٪ … يا ما حصلت اخطاء في الترجمة ، اخطاء في القايد ، شطحات ما لها معنى في التقييمات او الاعلانات ، بهارات من كاتب المقال عشان يبيع المجلة او اسوائها فضحية اخلاقية في مهنة الصحافة زي اللي صار مع درايفر ٣ …. و بعدين واضح لي ان الصفحة هذه عمرها ٢٠ سنة : قبل نعرف اي شيء من سنيك ايتر، الرابع و الخامس ما كانت خلايا في قسم التطوير حتى مع العاب الجانبية و تقريباً ممكن نص اللي هنا ما اتولدوا يومها. و يبغى لي اتأكد من الشيء هذا بعدين بس بعض أجزاء المقالة هذه متعارضة مع كلام قالوه طاقم التطوير و الكُتاب نفسهم في مقالات كتبوها في سنوات لاحقة.
- اوه … تبغاني اشيك اللي داخل المربع الاصفر ، اوكي . النص الاول ما راح اجادل الآن فيه لأنه فعلاً كان المُخرج ، اللي راح اجادل فيه هو النص الثاني : الكاتب استخدم اسلوب تهكمي لما ذكر جزئية الكوديك ، رمى كم كلمة من جيبه ثم نقز للجزئية اللي بعدها. اعتقد اننا كلنا نتفق ان نص التويستتات و الاجزاء المهمة من القصة - اذا مو اكثر من النصف - جات من الكوديك … الكوديك هي اهم جزئية في العاب ميتل قير و حبيبنا الكاتب هنا قاعد يتكلم كأنها و لا شيء ، داعماً نقطتي السابقة - على الاقل ذكر فوكوشيما ياااي - .
- اخر شيء كان ديث ستراندنق ، ايوه صحيح اني قلت اني ما راح انتقد شيء الا لما العبه بنفسي … لكني سمعت من ناس لعبوها - منهم ما مسك سلسلة ميتل قير حتى - سلبية موحدة : "يا معود !!! انا ابغى العب قيم ، مو اشتغل نايت شفت في شركة فيديكس". هذه ما هي علامة جيدة لكن راح احط شريط لاصق على فمي الين اجربها بنفسي.
في نهاية الامر ، مهما تناقشنا حول الموضوع هذا لازم نتذكر ان السلسلة "ميتة" على الاقل حتى اشعار اخر …. اذا كونامي قررت انها ترجع السلسلة للحياة - او غيرها - لازم ترجع رجعة صادقة للسنقل بلاي و لا تبدأ من اونلاين قيم او الكابيتشنو ماتشين او اياً كانت اسمها. عارف انه هذا صعب و في نظر البعض استحالة ، لكن الواحد يتمنى