صاحي أنت تبغاني أتناقش معاك عن كل ذا؟ يا عمي أنت منتصر هنا، لا قبل لي بك!
كوجيما عنده اخطاء كثيره بمسيرته لكن التطبيل الأعمى من الفانز خلاه يصدق نفسه و يسوي حاجات artsy fartsy يعني واحد يهايط بالاخراج وينسى امتاع الجمهور مثل ديث ستراندنج و مجس4 , شغله اتفق معه فيها بمجس5 هي اختيار صوت كيفر سذرلاند لان الواقعيه فاللعبه ارتفعت لمستوى جديد ويحتاجون ممثل صوتي اكثر واقعيه ومش متصنع لدرجة ان صوته صاير اركيدي مثل ديفيد هيتر , مع صوت هيتر الواقعيه بشخصية بيق بوس لما يتكلم مع شخصيات فاللعبه بتكون اقل بكثير خاصة ان باقي الممثلين يتكلمون بطريقة اقرب للحوار الواقعي من حوارات الألعاب المتصنعه أو مسلسلات التسعينات الي فيها كمية كرينج كبيره لما تشوفها مره ثانيه, توجه كوجيما مع مجس5 فالتمثيل الصوتي كان صحيح باختصار
ديفيد هيتر باختصار انتهى زمانه وهنا تقدر تحس انه جالس يمثل بعقلية ممثلين الثمانينات
انا اقدر اتقبل تغيير طاقم التمثيل ، انا اقدر اتقبل مواهب جديدة اذا تم استخدامها بشكل صحيح و بدون تعارض مع ال lore الاساسي - اللي للأسف الرابع و الخامس فشلوا فيها فشل ذريع - لكن انا عندي مشكلتين رئيسيتين في الطاقم الصوتي في فانتوم بين :
- زي ما ذكرت في الرد السابق : سذرلاند بالكاد ادى ٣ صفحات نصية في كل اللعبة بكبرها ، بقية اللعبة وضعه صار زي الأطرش في الزفة. هذا الشيء معارض لشخصية بيق بوس اللي معروف عنه ان لسانه ٦ أمتار و ما يسكت. ممكن بتقول لي عشان التويست ذاك في النهاية ، كنت راح اتفق معك لكني تذكرت انه كمان سوى الاداء الصوتي في قراوند زيرو فما اعتقد انه هذا كان السبب.
- الاداء الصوتي لشخصية أوسلوت : هذه صراحة ما راح اسامحهم فيها … الاوسلوت اللي طلع لنا هنا لا ينتمى لنسخة المراهق و نسخة الشيبة على الاطلاق جملةً و تفصيلاً …. هنا صار دكتور مادة فيزياء ١٠١ في جامعة الملك سعود ، بارد ، كاريزما ضعيفة ، ما اتذكر انه سوى أكشن الا في البداية مرة بعد كذا اشتغل خدمة العملاء المدة كلها ، ما استخدم سلاحه الشخصي و لا مرة… هذا مو اوسلوت نهائياً انا مقتنع انه imposter
زي ما انا قلت ، ما احد خرج كسبان من موضوع الاداء الصوتي هذا.
كالعادة موضوع فوكشيما ذا ترهات وكلام فاضي ماله قيمة مجس 3 كان الفريق كله يشتغل عليها بدون كوجيما لانه رفض يعمل عليها ولما فشلوا فشل ذريع طلبو منه ان يمسك المشروع وهنا شفنا احد افضل الالعاب ف التاريخ
انا علقت في الرد السابق بنقاط و ملاحظات خلتني اعتقد ان موضوع فوكشيما ما هو "كلام فاضي" و انه أكيد شخص كان له أثر في الكتابة مو جينيتور ينظف مكاتبهم كل يوم…. ممكن انه ما كان كاتب قد ما كان مُدقق كتابي : " هيه يا ابو كجم ، النقطة هذه تعارض شغلة كتبناها في الجزء الثاني ، عدل عليها" لكن يظل الفريق كان بحاجة لشخص مثل هذا لما شفت كيف صارت قصص الرابع و الخامس. بخصوص النقطة الثانية : انا ابغى مصدر للكلام ان كوجيما ما كان يبغى يشتغل على الثالث - لكن ما كان عنده مانع يكون مساعد مخرج او كاتب في اسيد و توين سنيكز في تلك الفترة - …. خاصةً انه كان متحمس لها و كان يبغاها تكون مختلفة و تعب عليها مع الفريق الين طلعها لنا في البي اس ٢ بدل البي اس ٣ … انا ما اصدق انه رفض يشتغل على جزء اساسي الين اشوف مصدر.
مجس 4 الي يقال عنها سيئة من ناحية قصصيه كثير من الاشخاص يعتبرها تحفه قصصيه افضل حتى من قصص الثلاثيه الاولى ماعجبتك ! لا يعني انها سيئة .
اللي يقول ان الرابع "تحفة قصصية" و انها "افضل من الثلاثية الاولى" لاحظت انهم واحد من التالي :
- يقولها ترولة عشان يسبب حرب باردة.
- يقولها من جده لأنه ما مسك الثلاثية و لعب الرابع فوراً.
- لعب الثلاثية و الرابع ككقيم بلاي لكنه سوى skip لكل المحادثات و المقاطع السنمائية …. نعم للإسف فيه اللي سوى كذا ثم يتجرأ و يقول عن نفسه انه "فان" للسلسلة.
- شغلة فانبويزم لكوجيما أو للبي اس ٣ و اللي كانت عالية جداً في سنة نزولها.
أي واحد لعب الثلاثية و تابع قصصهم ثم مسك الرابع و ركز و لو بنسبة ٥٪ راح يلاحظ على طول التناقضات اللي حصلت ، قرارات في بعض الاحداث ما لها معنى أو شغلات cringe انحطت على حساب اشياء اهم و طز في ال lore و كل اللي كان متابع مع السلسلة.
فيه شيء حصل اثر على كتابة الجزء الرابع بشكل سلبي لكن ما احد يعرف ايش كان ! هل فيه ناس طلعت من الفريق و انخبص كل شيء ؟ هل كانوا المرة هذه خايفين يسووا شيء جديد زي الاجزاء الثلاثة الاولى فقرروا انهم يسووا recycle للشخصيات و الاحداث ؟ هل وقت التطوير كان ضيق عليهم ؟؟ ما احد يعرف …
معلومة اضافية توني عرفتها : فوكوشيما كان مع طاقم الكتابة في الجزء الرابع ، بتحصل اسمه موجود في تريلر الرابع اللي طلع سنة ٢٠٠٥ …. لكن اسمه اختفى لو شفت الكريدت اللي في اللعبة الان.
مصادفة ؟؟؟ انا ما اعتقد.
مجس 5 كانت فيها قصة عظيمة وعظيمة جدا لكن وين تلقاها ! للاسف ف الكاستيتات وهنا الخطاء كان في طريقة السرد العجيبه الغريبه التعيسه . القصة فعلا ظلمها سردها .
اتفق معك ١٠٠٪ في موضوع انهم المفروض حولوا الكاسيت تيب الى مقاطع سينيمائية - او على الاقل اللي كان مُعلم عليها بالأصفر -.
للأسف ما وقفت على كذا: القصة كانت
مبتورة ، وجود تشابتر ٣ على هيئة مقطع و كونسبت ارت للي طلبوا اللميتد اديشن هو دليل قاطع لذلك …. اشياء كثيرة ما انشرحت و للأسف ما راح نعرف ليش بسبب وضع السلسلة الحالي … دمار شامل لشخصية سكل فيس …تكرار المهمات في تشابتر ٢ بس باطوار صعبة … تويست واضحة جداً لانهم اعطوك تلميح في التريلر و في مقدمة اللعبة فما كانت مفاجأة البتة … و غيرها
كوجيما مخرج ومطور عظيم حبيت اعماله او لا هذا الرجل قدم الكثير والكثير للصناعة ومازال يعمل بنفس الشغف . ان كنت كاره له انا اسف لكن كرهك لا يغطي حقيقة ان كوجيما مطور عظيم جدا .
الرجل سوى اشياء كثيرة ما احد ينكر الشيء هذا لكن في نفس الوقت ما هو بيرفكت زي ما يدعون متابعينه … الرجل ارتكب اخطاء غالباً بسبب طموحه العالي اللي اعمته عن امكانية فريق التطوير اللي كان شغال معه … تقدر تحط الملامة على كونامي قد ما تبغى لكن في رأيي المتواضع بعض اخطائه كان يمكن اصلاحه لو هو خفف حماسه شوي او كان معاه شخص / اشخاص ينصحوه. في رأيي انا اشوف اكبر غلطتين سواه كوجيما / كوجيما برودكشين اللي لعب دور في انهاء سلسلة ميتل قير بالشكل المحزن هذا :
- ميتل قير رايزنق : كوجيما و فريقه حمسنا انه بيشتغل على لعبة من منظور رايدن بعد تحوله - مين يتذكر العد التنازلي ذاك ؟ - لكن المشكلة انهم عانوا من ناحية القيم بلاي و حصلت تأجيلات عدة مرات الين طلبوا النجدة من بلانتينوم و قالت لهم : "شوف يا نووب انت و هو ، كذا تسووا هاك اند سلاش قيم" … للأسف لأنه ما صار فيه وقت اضطروا يحذفوا اجزاء من القصة مثل لما رايدن استخدم جسمه الجديد عشان ينقذ صاني و بقيت ككونسبت ارت.
- ميتل قير فانتوم بين: بعد اللي حصل في رايزنق الواحد فينا توقع انه خلاص التيم المرة هذه بيكونوا اكثر حذر و ما يخاطروا على اشياء ما عندهم عنها اي خلفية …….. اوبن وورلد بيبي !!!!! كان يقدروا يستخدموا اسلوب بيس والكر او قراوند زيرو في توزيع المراحل لكنهم فضلوا يعطونا منطقتين ٧٥٪ منها فاضية. كانوا يقدروا يشتغلوا على انجن الجزء الرابع مع تطورات كثيرة و يركزوا على اللعبة نفسها لكن لا ، اشتغلوا على فوكس انجن اللي اكل منهم سنوات تطوير و عشرات الملايين من الدولارات - اقدر اتخيل ان هذه اللي خربت العلاقة مع كونامي -.
للأسف اثنينهم خسروا بعض و خسروا + خسرنا سلسلة عظيمة لاسباب اغلبها ما طلعت من مكاتبهم و ما راح نعرف عنها شيء.
اللي بقي لي كفان اقدر اسويه :
- العب بيس والكر على الاكس بوكس ، اسمع انه لا زال الاونلاين كميونتي حي هناك.
- اشحن و اشجع نفسي العب ديث ستراندنق خلال الشهور القادمة عشان اشوف كيف مستوى اللعبة بنفسي.
المعذرة على الهذرة لكن من زمان ما تحمست لموضوع ميتل قير