hits counter

ماشينيما: أفضل عشر العاب على الجيل المنصرم.. أحد يتفق معهم؟

Blue Blood

Blue Blood

Banned
المهابيل نزلوا توب تين جديد بس هالمرة عن افضل عشر العاب على الجيل السابع المنصرم
[video=youtube;0dS0jxKUGWI]https://www.youtube.com/watch?v=0dS0jxKUGWI&feature=youtube_gdata_player[/video]

الفيديو كان ممتاز لين آخر لعبتين!
صحيح مايقدرون يحطون كل الالعاب بالقائمة بس في العاب تستحق تنحط بهالمركزين بدل اللي حطوهم.

من ضمن الالعاب اللي انسحب عليها و تستاهل المركزين الاول و الثاني هم: ريد ديد، دارك سولز، ذا ويتشر 2 او حتى ممكن (جيرز اوف وار 2 بس مش ضمن الاول او الثاني)

شرايكم؟
 
أتفق معاك لكن جالكسي المركز التاسع ؟؟ لاست اوف أس المركز الرابع ؟
 
المركز الاول والثاني(خصوصا) تنم عن ذوق رفيع جدا ما اتوقعته لما شفت اختياراتهم من البداية..مجس4 تستاهل مكانها وديمونز سولز كذلك، عندي مشاكل مع الترتيب اكثر من الاختيارات @@
 
اجل هيڤي رين ضمن التوب تن لوووووول :joy:
 
هيفي رين افضل من ماريو جلاكسي ؟؟ ماشي الحال :no_mouth:
 
المركز الأول والثاني وأنهم ذكروا ماريو و TLOU شيء ممتاز جدا.

عموما مواضيع القوائم هذي كريهة، محد يتفق "شيء طبيعي"

وكثير يزعل ان لعبته من انذكرت بالمقدمة، وينسى ان اللعبة موجودة بقائمة افضل 10 ألعاب أصلا...
 
احلى شي ولا مطور ياباني فاللسته الا ماريو و من المراكز الاخيره


بورتال2 بنظري المفروض المركز الأول لكن بايوشوك تستاهل بعد , المراكز الباقية خربوطه ماعدا ماريو مفروض ماتدخل القائمة , مب كره في ماريو لكن المطور الياباني ما قدم شي فالجيل الماضي و مايستاهل الذكر
 
ما بقى الا نمشي ورا ماشينما زعيم الكجولة
 
king zell قال:
ما بقى الا نمشي ورا ماشينما زعيم الكجولة
أنقر للتوسيع...
اتمنى تعملون مسابقة تصويت في تروجيمنج لأفضل ألعاب الجيل
لكن طبعا بعد ماتنزل دارك سولز 2 :stuck_out_tongue_wi
 
لوول جد، كل من سوا قناة على اليوتيوب صار يسوي قوائم :grinning:
 
^

وش دخل التقاييم؟

انا كشخص عايش الحدث ما راح ارضى مثلا ان يتم وضع هيڤي رين او بيوند ضمن العشرة الاوائل لانهم مايستحقون اللا اذا عملو لهم جنرا خاصة فيهم فممن يلاقو مكان تجارب حلوة لا اكثر.الترتيب بحد ذاته نكته لوول
 
كثر الله خيرهم حطوا ماريو ! و اﻷخ الكريم اللي شطح و جاب التقاييم للكجولة ! لكل وحدة جنرا مختلف و جيمبلاي مختلف ! فبيوند و ريثم هيفن ما تستحق تكون من التوب تن و جالكسي و LoU المفروض من الثلاثة اﻷوائل ! حاطين كل وحدة بمركز ! معليش شوي لكن رتب نفسك شوي و هد أعصابك !
 
ASWD قال:
^

وش دخل التقاييم؟

انا كشخص عايش الحدث ما راح ارضى مثلا ان يتم وضع هيڤي رين او بيوند ضمن العشرة الاوائل لانهم مايستحقون اللا اذا عملو لهم جنرا خاصة فيهم فممن يلاقو مكان تجارب حلوة لا اكثر.الترتيب بحد ذاته نكته لوول
أنقر للتوسيع...

بينما في اشخاص عجبهم ترتيب القائمة الى المركز الرابع.
اذا كانت القائمة نكتة فهي في اخر لعبتين بالنسبة لي.
kiko رغم انه بي سي جيمر عجبته القائمة كاملة و هم ماحطوا حصرية وحدة للبي سي.
 
Blue Blood قال:
مشينيما زعيم الكجولة أجل؟
وش تقول عن المواقع الي قيمت بيس14 ب9 و عطت بيوند 5؟
أنقر للتوسيع...

اذا مش عاجبك الموقع و تعتقد انه مكجول فالله معك و تابع ماشينما لأنه يناسبك كما يبدو

و صدقني ما راح نخسر أي شي
 
king zell قال:
اذا مش عاجبك الموقع و تعتقد انه مكجول فالله معك و تابع ماشينما لأنه يناسبك كما يبدو

و صدقني ما راح نخسر أي شي
أنقر للتوسيع...

انا ماقلت مكجول، سألتك سؤال و فهمته بطريقتك، تطمن الموقع للاولد سكول جيمرز ولا كان ماشاركت فيه اصلا :D

بينما ماشينما ماعاد يعجبني زي اول من حطو بروس قرين السامج.
 
Blue Blood قال:
انا ماقلت مكجول، سألتك سؤال و فهمته بطريقتك، تطمن الموقع للاولد سكول جيمرز ولا كان ماشاركت فيه اصلا :D

بينما ماشينما ماعاد يعجبني زي اول من حطو بروس قرين السامج.
أنقر للتوسيع...

أوه أنا فاهمك صح صدقني، و الإستهبال نعرف نتصرف معاه كويس في ترو جيمنج، حط هالشي في بالك لما تكتب ردودك الجاية
 
king zell قال:
أوه أنا فاهمك صح صدقني، و الإستهبال نعرف نتصرف معاه كويس في ترو جيمنج، حط هالشي في بالك لما تكتب ردودك الجاية
أنقر للتوسيع...

وين الاستهبال بكلامي؟
انت اللي عصبت عشان جبت طاري التقاييم بيس14 =/
 
السمين = البيسيمي
المضروب = دم أزرق

[video=youtube;cqWzdPxjTwU]http://www.youtube.com/watch?v=cqWzdPxjTwU[/video]
 
هههههههههههههههههههههه ، أصبت كبد الحقيقة .. صعرورة يجي بالكنوز !
 
قوائم الـ توب تن دائما خاطئة بغض النظر عن اللي كاتبها سوا كان معروف انة "مكجول" او انة موقع "احترافي"


على العموم قائمة مافيها ديمون سولز ما تستحق نسوي لها موضوع
 
بغض النظر عن الترتيب , أغلب خياراتهم صائبه
 
s3rorh قال:
السمين = البيسيمي
المضروب = دم أزرق

[video=youtube;cqWzdPxjTwU]http://www.youtube.com/watch?v=cqWzdPxjTwU[/video]
أنقر للتوسيع...

ههههه، ياني ضحكت ضحك، الإغنية راكبة بشكل :joy:


ثاني شي لا تحاول تخرب بيني و بين الأعضاء :::angry:::
 
القائمة لا باس فيها بغض النظر عن الترتيب + وجود هافي رين و بورتال + عدم وجود ريد ديد و جيرس
يبدلون الثنتين و ابصم لهم :thumbsup:
 
عرفت ان ننتندو مالها حضور يذكر بالفيديو من تعليقات البعض!
 
هذي القائمه من أختيارتهم الشخصيه .. من ذوقهم!!!

عشان حطوا ماريو جالكسي المركز التاسع ولا ما حطو ديمون سولز خير شر مو معناته انه موقع مكجول او ما يعرف يسوي قوائم!!! , ببساطه هذا اللي هم شافوه يستحق مالهم خص توافق مع ذوقك او تعارض , ولو بيرضون كل جيمر بيضطرون يسوون مليون قائمه!!!

انا صراحه اشوف قائمتهم اكثر من ممتازه كألعاب نفسها اما كترتيب فأنا عندي نظره مختلفه.
 
قائمة ممتازة أكاد أتفق معهم.
على فكرة مو شرط القائمة تعجب الكل ترا الناس أذواق بس حنا عرب للأسف تعارض الآراء عندنا غير مقبول.
 
إختيارات جميلة (كان ممكن تكون أسوء), ورقم واحد هذي براحة عندي بايوشك. هافي رين, بورتل سعيد انهم أخذو حقهم .. تجارب مميزة وطازجة.
 
Hero Zero قال:
هذي القائمه من أختيارتهم الشخصيه .. من ذوقهم!!!

عشان حطوا ماريو جالكسي المركز التاسع ولا ما حطو ديمون سولز خير شر مو معناته انه موقع مكجول او ما يعرف يسوي قوائم!!! , ببساطه هذا اللي هم شافوه يستحق مالهم خص توافق مع ذوقك او تعارض , ولو بيرضون كل جيمر بيضطرون يسوون مليون قائمه!!!

انا صراحه اشوف قائمتهم اكثر من ممتازه كألعاب نفسها اما كترتيب فأنا عندي نظره مختلفه.
أنقر للتوسيع...

Silverado قال:
قائمة ممتازة أكاد أتفق معهم.
على فكرة مو شرط القائمة تعجب الكل ترا الناس أذواق بس حنا عرب للأسف تعارض الآراء عندنا غير مقبول.
أنقر للتوسيع...

حطوا لايكات بالله!

قائمة منطقية، ألعاب جميعها تتشارك بالجودة إلى أخرها، والإختلاف في الأذواق. بس لو حطوها بدون ترتيب :thumbsup:

بدل السخرية والكلام الفاضي، ليش مانرتقي بإسلوبنا ونضيف شي للموضوع ؟ مثلاً ليش بيوشك 1 وإلا بورتال 2 ماتستاهل مراكزها ؟ عن نفسي ماحطهم بالمركز الأول والثاني، وهذا راجع لمسألة الذوق الشخصي، لكن في الجهة المقابلة أتفهم تماماً ليش أي شخص يحطهم بهذي المراكز، لعبتين من أفضل الألعاب بجنراتهم ومن أفضل ألعاب الجيل بالراحة. يمكن الوحيدة اللي مش قادر أتفهم تواجدها في القائمة هي هافي رين، لعبة ضعيفة جيم بلاي، وحتى الأساسات القصة والإخراج والمستوى الكتابي ماكانوا لذاك الزود، لكنها بشكل عام كانت تجربة جميلة ومميزة بس ماتستاهل. ممكن أحط مكانها أكثر من لعبة; ديمون/دارك سولز، ريد ديد، باتمان أركهام، زيلدا توالايت،,etc
 
يجب تسجيل الدخول أو التسجيل كي تتمكن من الرد هنا.
عودة
أعلى