hits counter

ليش فيه نسختين من بوكيمون مع كل اصدار جديد ؟

khaled 13

True Gamer
اول شيء اعذروني عن جهلي لألعاب البوكيمون لكن السؤال هذا كان في بالي من فتره طويلة
ليش فيه نسختين من كل اصدار جديد ؟ زي حاليا x و y وقبلها بلاك و وايت
هل الفرق فقط في بعض البوكيمنات ؟ ولا فيه فروقات ثانية من ناحية القصة وغيرها ؟ وليش مايعملونها نسخة واحدة ؟
يعني هل هي محاولة لكسب العديد من الأموال من ننتيندو خصوصا انه اللي اعرفه من محبين البوكيمون انهم يحبون التجميع !
 

dro

Versus XIII Epic
اكيد عشان الـ $$$

الجزء الجاي راح يكون بوكيمون لايت و بوكيمون دارك ........ oh wait .... لا تقولو لي انه already فيه اجزاء اسمها كذا (&) !؟
 

khaled 13

True Gamer
معقولة ؟ واللاعبين راضين بهذا الشي ؟
مستغرب جدا ماشفت احد انتقدهم من قبل , اشوفها حركه رخيصة جدا
على الأقل يقدروا يحطونها dlc الآن مع 3ds
 

Shlinkx

Hardcore Gamer
سبب أن في نسختين من ألعاب بوكيمون كان من أهم أسباب نجاح بوكيمون وهذا الشيء أغلب الي لعبوا بوكيمون
يعرفونها وهو التواصل مع اللاعبيين خلنا نقول أنك تلعب في بوكيمون X وتحتاج للأسطوري الخاص بلعبة بوكيمون Y
بتحتاج أنك تكلم شخص عنده لعبة بوكيمون Y وتتبادل معه وهذا الشيء للحين موجود بين لاعبيبن البوكيمون ولو كان العكس وكنت
تلاقي كل البوكيمونات في شريط وأحد كان ما لقيت التبادل بين الأعبيين وكان جيم فريك ما تعبت عمرها وحطة GTS وهو مكان في اللعبة
تحط في بوكيمون وتطلب بوكيمون وتنتظر وأحد يشوف الطلب مالك وموافق عليه ويعيطك الي تبيه ويأخد بوكيمونك
 

khaled 13

True Gamer
سبب أن في نسختين من ألعاب بوكيمون كان من أهم أسباب نجاح بوكيمون وهذا الشيء أغلب الي لعبوا بوكيمون
يعرفونها وهو التواصل مع اللاعبيين خلنا نقول أنك تلعب في بوكيمون X وتحتاج للأسطوري الخاص بلعبة بوكيمون Y
بتحتاج أنك تكلم شخص عنده لعبة بوكيمون Y وتتبادل معه وهذا الشيء للحين موجود بين لاعبيبن البوكيمون ولو كان العكس وكنت
تلاقي كل البوكيمونات في شريط وأحد كان ما لقيت التبادل بين الأعبيين وكان جيم فريك ما تعبت عمرها وحطة GTS وهو مكان في اللعبة
تحط في بوكيمون وتطلب بوكيمون وتنتظر وأحد يشوف الطلب مالك وموافق عليه ويعيطك الي تبيه ويأخد بوكيمونك

او كي لكن فيه شيء اسمه بوكيمنات نادرة
اعني يقدرون يحلون المشكلة ذي عن طريق جعل البوكيمنات الاسطورية نادرة جدا وعشوائية الظهور وبكذا الناس تقدر تحصل على بوكمينات مختلفة ويتبادلو مع بعض في نفس النسخة
 

Sage

True Gamer
محد يجبرك تاخذ النسختين.. بالعكس انا احب هالشي. عادة انا آخذ نسخة و اخوي او صاحبي ياخذ النسخة الثانيه و نتبادل.. شي جميل.

ما تحتاج النسختين عشان تاخذ كل الاسطوريين.. هو فقط اسطوري واحد يكون حصري لكل نسخة.
 

Shlinkx

Hardcore Gamer
او كي لكن فيه شيء اسمه بوكيمنات نادرة
اعني يقدرون يحلون المشكلة ذي عن طريق جعل البوكيمنات الاسطورية نادرة جدا وعشوائية الظهور وبكذا الناس تقدر تحصل على بوكمينات مختلفة ويتبادلو مع بعض في نفس النسخة

لو حطوهم بنسخة وحده كان لقيت الكل يحاول يطلعهم بنفسهم هم حطوا عدد محدد من البوكيمونات تكون في لعبة وما تكون في الثانية والعكس ويعطونك العدد
عشان يكون التواصل أجباري لأنه من أفضل مزايا اللعبة وبالنسبة للبوكيمونات النادرة في بوكيمونات ما تقدر تلاقيهم الأ في أماكن محدده وبنسبة قليلة توصل لـ1% أو تكون بمتطلبات
وفي البوكيمونات اللامعه وهي مزية موجودة بكل البوكيمونات وهي في نسبة 1 من 8192 أن البوكيمون يلمع ويكون بلون مختلف مثلا بدل ما تلاقي تشاريزارد باللون البرتقالي تلاقي بالأسود
وغير الأيفنتس وهو بوكيمونات تنزلهم جيم فريك والعاده يكون عندهم شيء مميز مثل هجمة ما يقدر يتعلمها الأ من الايفنت
 

Sir Guts

Ryo Hazuki
سبب أن في نسختين من ألعاب بوكيمون كان من أهم أسباب نجاح بوكيمون وهذا الشيء أغلب الي لعبوا بوكيمون
يعرفونها وهو التواصل مع اللاعبيين خلنا نقول أنك تلعب في بوكيمون X وتحتاج للأسطوري الخاص بلعبة بوكيمون Y
بتحتاج أنك تكلم شخص عنده لعبة بوكيمون Y وتتبادل معه وهذا الشيء للحين موجود بين لاعبيبن البوكيمون ولو كان العكس وكنت
تلاقي كل البوكيمونات في شريط وأحد كان ما لقيت التبادل بين الأعبيين وكان جيم فريك ما تعبت عمرها وحطة GTS وهو مكان في اللعبة
تحط في بوكيمون وتطلب بوكيمون وتنتظر وأحد يشوف الطلب مالك وموافق عليه ويعيطك الي تبيه ويأخد بوكيمونك

و هذا هو الجوال لسؤالك اخوي خالد و للأمانة كذا تكون امتع، انت مو ملزوم تشتري النسختين عشان تستمتع في اللعبة

في النهاية اللعبتين نفس الشي بس يحتوون على بوكيمون اسطوري مختلف
 

حساب محذوف

مكجول سعيد ولا محنك مكتئب
لأن زيادة الخير خيرين. :D
ما بتنقصك المتعة بنسخة وحدة.
وما بتحس بفرق المتعة لو امتلكت النسختين.
الكلام بالتفرد والتميز لو أخدت أنت نسخة وصاحبك نسخة مُختلفة.

تقدر تقول زي أي مُنتج ينزل له كم لون.
(باندلز ال3DS، جوالات، سيارات، ساعات، جزم، إلخ...)
اللون ليعجبك اختاره ومنتا مُضطر تشتري وتجمع كل الألوان النازلة بيه...
وتسأل ليش ما في لون موحد ونسخة موحدة. :::angry:::

في ناس بدأت بجزء Red وناس بBlue.
وتحس بطعم لعبهم وتجربة كل جزء على حدى إلى الآن.
 

Punished Noctis

A Silver Bullet
هو الهدف؟ مادي طبعاً.
لكن بالنسبة لي، المتعة اما تشتري اكس و صاحبك يشتري واي و تبادلوا البوكيمونات مع بعض و تتكلموا عن الفروق و التفاصيل هنا و هناك لا تعوض.
 

khaled 13

True Gamer
شكرا ياشباب على التوضيح , الحركة باين انها تنفع على ألعاب بوكيمون فقط ااجل
يعني لو فيه لعبة آخرى عملت نفس الفكرة زي مثلا دارك سولز 2 وكون كل نسخة تحتوي على دروع خاصة كان شفت غضب الناس عليهم
لكن مع بوكيمون اقدر اتفهم الآن انه تساعد على التفاعل وزيادة شعبية اللعبة عند جمهور اللعبة المختلف عن باقي الألعاب
 

Lunar Poet

True Gamer
لأن فكرة بوكيمون من الأساس (قبل ريد و بلو) طلعت من كيبل الجيم بوي. كانت الفكرة صناعة لعبة إجتماعية تشجع الناس على ربط أجهزتهم ببعضها للتبادل و القتال. لو كان فيه فقط نسخة وحدة فما بيكون فيه سبب كافي للاعبين إنهم يربطون أجهزتهم ببعض، و ما كانت بوكيمون بتنجح هالنجاح اللي شافته.

و فعلاً، موضوع النسختين لا زال يخلي اللعبة دائماً حيوية و نشطة إجتماعياً مع كل إصدار، و شخصياً أشوف الموضوع ممتع. فيه ناس يقولون إن الموضوع نصب لأنك تحتاج تشتري النسختين عشان تجمع كل البوكيمونات. المشكلة هنا مب من ننتندو، المشكلة من اللي ماخذ تجميع كل البوكيمونات بجدية زايدة لدرجة إنه مستعد يدفع سعر لعبتين و يضيع 40 ساعة لعب من حياته عشان يجمع كل البوكيمونات. مب لازم تجمع كل البوكيمونات، و إذا تبي تجمعهم كلهم دور على ناس تبادل معاك.
 

rIn

Gamer
المعذرة بس افهم من كلامكم انه اقدر اجمع بوكيمونات من نسخة y وانا عندي نسخة x ؟
 

Lunar Poet

True Gamer
المعذرة بس افهم من كلامكم انه اقدر اجمع بوكيمونات من نسخة y وانا عندي نسخة x ؟
تقدر تبادل مع الناس اللي عندهم النسخة الثانية. توني قبل شوي بادلت Swirlix (بوكيمون حصري لـX) بـSpritzee (حصري لـY).
 

slifer dragon

True Gamer
الفارق بين النسختين يكون بالبوكيمون الأسطوري الرئيسي وبظهور بوكيمونات كثيرة مختلفة تكون حصرية لكل نسخة.. كثير من هالبوكيمونات تكون قوية وبالتالي يصير فيه تنويع بتشكيلات البوكيمونات الي يلعب بها الناس ويتشجعون على التبادل.. الفارق بالقصة صغير وينحصر أكثر على عدد بسيط من المحادثات والقتال مع البوكيمون الأسطوري الرئيسي..
+ ببعض الأجزاء تكون فيه فوارق أوضح مثل وايت وبلاك لو ما كنت غلطان كان فيه منطقة حصرية لكل جزء.. بواحد من الأجزاء الظاهر كانت غابة والثاني ناسي وش كانت..

بس على العموم, السالفة ما هي مستحدثة بالنسبة للسلسلة ومن يوم ما إنعرفت وهي تمشي بهالنظام.. وبصراحة أشوفه نظام أزين..
الشيء الوحيد الي ما يعجبني ببوكيمون هو إصدار النسخة المطورة من كل جيل بعد صدوره بسنة مع بوكيمون أسطوري جديد.. تحسها إستغلال.. ممكن يصدروها بنفس وقت النسختين ويعطون كل نسخة حصريات وميزات وبيكون أفضل..
 

rIn

Gamer
تقدر تبادل مع الناس اللي عندهم النسخة الثانية. توني قبل شوي بادلت Swirlix (بوكيمون حصري لـX) بـSpritzee (حصري لـY).

اها اذا كذا بالعكس اشوف تزيد المتعة اذا فيه نسختين مختلفتين​
 
أعلى