ليش تعيد اللعبة الأكثر من مرة ؟؟

[The Shark]

بسم الله الرحمن الرحيم ...

اليوم زهقان و قرفان ... سحبت على محاضرة في الجامعة و لا لي خلق ألعب و لا أشوف فيلم و لا أدرس ... و مواقع النت الحركتاتية مليت منها ... و بينما انا في هالوضع الكئيب قريت موضوع حلو في موقع جيم انفورمر بعنوان Why Do We Replay Games? The Reasons We Hesitate To Move On

حمى إعادة ميتل جير تجتاح المنتدى بتوجيه همام
​

الكثير منا يعيد الألعاب أكثر من مرة ... أحيانا ورا بعض و أحيانا في مرات متفرقة لكن برأيكم ايش هو السبب الرئيسي لذلك ؟؟؟
بناء على المقالة اقترحوا إن الأسباب هي :
1 - محدودية القدرات المالية : فالبعض من اللاعبين قدراته المادية ضعيفة خصوصا إذا كان طالب مدرسي أو طالب جامعي مغترب ... و القيمة الألعاب مرتفعة كثير فلذلك يلجأ لاعادة الألعاب أكثر من مرة ...
2- تذكر قصة الأجزاء الماضية : خصوصا لما يكون في جزء جديد راح ينزل قريب ...

يا ترى ما سبب اعادة Genya Arikado لكراش مرة أخرى
​

3 - اكتشاف بعض الأشياء السرية و تجريب بعض كلمات السر : خصوصا في ألعاب الـ2d العتيقة ..
4 - فتح الأشياء المغلقة : مثل مرحلة سرية أو شخصية جديدة كما في ألعاب القتال ..
5 - تجربة مستوى صعوبة آخر أو اللعب التعاوني (Co-Op) أو الملتي بلاير : أظن السالفة واضحة ...
6 - الحصول على نقاط الـAchievements : في ألعاب الـ360 ...
7 - الرجوع لألعابك القديمة بعد فترة ادمان طويلة على لعبة MMO : واضح إن قصدهم WOW (تحية لأخو بو لارا) ...
8 - ببساطة لأن اللعبة ممتعة ...

عن نفسي أنا أرجع ألعب اللعبة أكثر من مرة تحليلا لسعرها و من شان الـAchievements و طبعا الملتي بلاير (تحية لأسطورتي أسطورة الأساطير جيرز أوف وور <<< اللعبة الي غيرت حياتي و خلتني اعرف معنى كلمة فان بوي و أعيشها و على قولة همام غيرت العالم على الأقل بالنسبة لي) و طبعا المتعة ... لكن ما عندي استعداد أعيد لعبة استعدادا لجزء جديد أو من أجل شيء سري و نحوه .. لكن السبب الرئيسي لاعادتي الألعاب هو محدودية القدرات المالي .. أنا مصروفي شامل سكني و دراستي و أكلي و لبسي و لعبي فدايما احاول اوفق بين هالمصاريف ... و هذا امر صعب جدا لكن يحسس الانسان بقيمة المال ... و كذلك المتعة ... و هذا السبب يظهر بقوة معي مع ألعاب كابكوم ...

وش بالنسبة لكم ؟؟؟​

 

[Futrus]

من الاسباب اللي ذكرت فوق ، بعض الالعاب لما تنهيها تحصل اضافات تخليك تنهيها مرات اضافيه

 

[Isaac]

همممم من رأيي تعدل على الـPoll وتخليه Check boxes لأن الواحد ممكن يختار أكثر من خيار.



أنا اخترت لأني حبيت اللعبة على كل الأحوال.


بس أتمنى أحد المراقبين يعدل اعدادات الـPoll أو يفتح الموضوع مرة ثانية.

فكرة الموضوع جميلة.

 

[The Shark]

همممم من رأيي تعدل على الـPoll وتخليه Check boxes لأن الواحد ممكن يختار أكثر من خيار.



أنا اخترت لأني حبيت اللعبة على كل الأحوال.


بس أتمنى أحد المراقبين يعدل اعدادات الـPoll أو يفتح الموضوع مرة ثانية.

فكرة الموضوع جميلة.

و أنا اكتب الموضوع كنت حاط ذا في بالي لكن سويت بوست و نسيت ...

 

[Humam]

أنا من الناس الي نادرا يعيد لعبة علشان يطلع أشياء اضافية.. بس بعض الألعاب صراحة فيها اشياء حلوة وتخليك تسويها ( التوكسيدو في ميتل جير 1 لول ).

بس غالبا.. انا ما أعيد اللعبة إلا لأني حبيتها و أحب ألعبها ثاني.. و على فكرة ما اتذكر اني عدت لعبة أقل من 3 مرات.. يعني اذا بعيد لعبة بعيدها كثير لول.

 

[Isaac]

أوكيه، حلو أجل أطلب من أحد المراقبين يحرر الـPoll. أو امسح محتوى الموضوع وسوي واحد جديد.

 

[Strife]

لاني هاردkــور، ولما اخلص اللعبة مرة طريقة لعبي تتطور واحب اطبق اللي تعلمته طول اللعبة من البداية.

 

[Krat0s]

اممممم

اغلب شي اعيدها علشان اني حبيتها

 

[king zell]

التصويت ما يتعدل.. لو الكاتب يبي يكتب الموضوع مرة ثانية مش مشكلة

 

[Aoks]

اللعبتين الوحيدتين اللي عدتهم في حياتي

هم ميتل جير 2 وريزدنت ايفل 2

اعيدهم لروعتهم , لاني احس مره وحده غير كفيله بأنك تشوف كل شي رهيب في اللعبة

باقي الالعاب القويه ( ميتل جير 3 - جود اوف وار - شادو او ذا كلوسس - ريزدنت ايفل 4 )

كلها لعبتها مره وحده بس​

 

[The Shark]

التصويت ما يتعدل.. لو الكاتب يبي يكتب الموضوع مرة ثانية مش مشكلة

خلاص ما في مشكلة ... لو واحد عنده اكثر من رأي يذكره في رده ...

 

[Id]

انا مدري عنكم وايش اسلوبكم في إعادة الألعاب ولكن .. أنا و أخوي الكبير والصغير .. كل سنه في الصيفيه نشغل MGS1 و FF7 و XENOGEARS ... ونلعبها من أولها لأخره .. كل صيف من عام 99 ... الى الصيف الماضي ...

بالنسبة للتصويت مافي شيء معين في بالي منها لأنه السبب زي مو موضح بالاعلى انا حبيت اللعبة خلاص ... بلعبها الف مره ... بس ما أظن في هذا الصيف اقدر ... العاب عالميه ذي السنه ...

 

[GreeN StorM]

اتذكر قصة الأجزاء الماضية استعدادا لجزء جديد ..

لاني هاردkــور، ولما اخلص اللعبة مرة طريقة لعبي تتطور واحب اطبق اللي تعلمته طول اللعبة من البداية

.

:suspiciou

Add Strife to Your Ignore List

 

[Isaac]

أوكيه إذا

أكثر لعبة عدتها كانت MGS1

لعبتها عالبلاي ستيشن يمكن 10 مرات أو أكثر

لعبتها عالكيوب 3 مرات تقريبا.

بعدها "ريزي 3" ممكن أنهيتها +7 مرات.



صراحة لي 4 سنين الآن أنهي اللعبة مرة وحدة وخلاص، ما عاد أعيدها. بدأت هالعادة مع MGS3 ما عدتها بتاتا طقطقت شوي بالهارد. وخلاص ماعادني قادر استسيغ إعادتها.


رغم كل المميزت الموجودة في الجيل الحالي (الكو-أب / الأتشيفمنتس) إلا إني للحين ما اعتقد إني أنهيت لعبة مرتين. هيلو 3 يمكن هي أقرب لعبة حاولت تكسر هالعادة، باقي لي التشابترين الأخيرة بالكو-أب وما خلصتها لسا.


تعديل:

همممم تذكرت قيرز أوف وور. الله يذكركم بالخير يا مشاري ويا أوزما.

 

[Nintendo]

بعض الالعاب لاني حبيتها مره ( ريزدنت ايفل2 , فف7 , العاب ماريو البلاتفورم جميعا ) .. بعض الالعاب عشان اطلع كل شئ فيها ..

فيه العاب زي سلسلة ماريو كارت ذي بتدخل بقائمة ( عشان الادمان ) ..

 

[Kaze]

بعض الالعاب تكون لها ذكريات رائعة ... مثلا ً FF7, يمكن السبب الرئيسي لتكرار لعبها هو التغلب على الزعماء من جديد وعيش تلك اللحظات الحماسية, طبعا ً القصة كانت من مقومات ذلك الجزء, بس مع ذلك عدت لعبها من جديد و من جديد و الكلام ايضا ً كان ينطبق على باقي اجزاء فاينل الثلاث التي تم إصدارها على الـ ps1 .

بس اللعبة الي عمري ما تملليت وانا اللعبها بشكل اسبوعي من بعد الدوام هي RE2 ... كنت العبها كل اربعاء اول ما اوصل البيت و من بعد صلاة العصر اشغل الجهاز و العبها واختمها قبل لا ياذن المغرب, و السبب هو الـ Gameplay ...

في بعض الالعاب افضل العبها من جديد عشان القصة في حال ترابطها باجزاء ثانية لها, و في الالعاب العبها عشان احترفها من باب التحدي.

السعر ماله دخل دامي راح العب شيء انا احبه, و المراحل السرية و الاشياء السرية مع التكرار نكتشفها و حتى لو ما طلعتها فما تمثل لي اي اهمية الا اذا كان لها دور اساسي في القصة.

 

[Hardcore Gamer]

ما اعيد الا الالعاب اللي احبها ... ميتل جير ، رزدنت ايفل ...الخ

 

[Strife]

اتذكر قصة الأجزاء الماضية استعدادا لجزء جديد ..

.

:suspiciou

Add Strife to Your Ignore List

ضغطت وصلتك طلعلي

Sorry, no matter how much you try, you can not ignore yourself

 

[Xeno]

ماعيد الألعاب, الألعاب الممتازة كثيرة جدا, وماتلحق تبدأ فلعبة تنزل وراها لعبة أخرى.

الألعاب الوحيدة اللي عدتها: ميتل جير, هيلو, ماريو, رزدنت إيفل... بكل أجزاؤهم... طبعا هذول أساطير.

حاليا قاعد ألعب رزدنت إيفل 4 للمرة الثانية. (وي إدشن)

 

[iCon]

اكثر الاوقات لما اعيد اي لعبه بس علشان اشوف المناطق اللي ما شفتها من قبل لان دايما اول مره العب اي لعبه اخلصها بسرعه بسبب زحمة الالعاب عندي دايما
علشان جيه اعيدها و استمتع فيها كلها . .طبعا لو هي اصلا عاجبتني من الاول
اكثر لعبه عدتها كانت جيرز علشان الـ Co-Op فيها

 

[Genya Arikado]

المتعة، طبعًا هالسبب بيكون دافع الجميع، إن ماكان الدافع الأول فهو الثاني أو الثالث .. مستحيل شخص يلعب لعبة لغير المتعة. ماعمري لعبت لعبة عشان أعرف قصة الجزء الجاي، قصص الألعاب تكون محفوظة في ذاكرتي، و كمان أشوف متعة كبيرة لما ألعب لعبة و أنسى جزء من القصة و ألعب الجزء الجديد و أقول "أوووه، هاللقطة لها علاقة بقصة من الجزء اللي فات :cooool:".

أيضًا، أحترف اللعبة. مادري لو المقال كامل تطرق لها أول لا "الحين باقرء المقال، شكله شيّق". كراش مثًلا، كنت أقعد أشهر عشان أخلصها، الحين أخلصها بساعات قليلة.

 

[hamad 11]

أجزاء سلسلة ميتل جير وريزدنت ايفل وداينو كرايسس.. جميع أجزائهم بلا أستثناء أعدتهم أكثر من مرة.

هذي هي الألعاب الوحيدة الى أعدتهم أكثر من مرة بالإضافة إلى The Darkness

والسبب ببساطة لأني حبيت اللعبة.

لما تعطيك لعبة تجربة وشعور معين.. رح تجرب ألعاب كثيرة من بعدها لعل وعسى تمنحك نفس التجربة, لكن بعد ما تلف الدنيا كلها وما تحصل نفس التجربة ونفس الشعور, رح تضطر ترجع تلعب اللعبة مرة ثانية وتكسر جميع حواجز الجرافيكس الضعيف وغيره.. بس عشان تحصل على نفس التجربة, هذي ينقال عليها "الألعاب السحرية", لو تتفوق عليها ألعاب ثانية بكل العناصر ما رح تعطيك نفس تجربتها.

 

[Old Snake]

ميتل جير وريزدنت إيفل هم اللعبتين الي عادةً أخلصهم أكثر من مرة...لأنهم أفضل سلسلتين عندي...:slant:
غير كذه فيه حالات خاصة فقط أنهي اللعبة أكثر من مرة مثل SoTC لأنه التجربة الي تقدمها نادر أوما راح تتكرر...
لكن بشكل عام أنا من النوع الي يخلص اللعبة مرة وحدة فقط وأتركها...

 

[Genya Arikado]

لول سيم هير حمد. لليوم ألعب ميجامان 2 (NES) ببساطة لأن ماشفت ميجامان بنفس مستوى الصعوبة و المتعة اللي لاقيته فيها. سوبر مترويد أيضًا لازلت ألعبها، و أعتقد الكثيرين لازالوا يلعبوها، عوامل نجاحها مالاقيتها إلا فألعاب قليلة جدًا من بينها كاسل فينيا StoN.

 

[Emirates]

ولا عمري عدت لعبة الا لما طلع الاتشيفمنت لوول

بس افضل لعبه استمتعت بها وانا اعيدها ..طبعا جيرز اوف وور

 

[The Last Fantasy]

الألعاب الي عدتها قليلة جداً، وما عدتها إلا لأني حبيتها.
منها سوبر ماريو وولد (+30)، وميتل جير سوليد 1.

بس فيه أحتمالية كبيرة إني أعيد بعض الألعاب الجديدة، عشان الأتشيفمنتس كسبب ثانوي.

 

[Solay]

ماأعيد إلا الألعاب اللي أحبها ومو كلها:

ديفل ماي كراي3-ريزدينت ايفل4-جيرز اوف وار-وطبعا ألعاب واريو ميني جيمز وايليت بيت ايجنت وكم لعبة ماريو...

أما الألعاب العاديه مافيه أي أمل أعيدها..

 

[Snake-87]

قليلة جدا الألعاب إلي أعيدها . مرات اعيدها بس علشان استانس (مو شرط اخلصها مرة ثانية)
بس الي لازم كل سنة . . . سلسلة MGS
واكثر جزئين طبعا MGS1 - MGS2S (ما أذكر العدد)

Hey .. This is mine (&)

 

[cool]

ديفل ماي كراي جميع الاجزاء صاير كأنه فلم متى ازهق اروح العب واحد من الاجزاء واخلصه في يومه كأني اطالع فلم

ديفل1 = خلصته 6مرات
ديفل2 = خلصته 12 مره
ديفل3 = خلصته 30مره ومن دون مبالغه
ديفل4 = خلصته 12 مره

هذه مع جميع المستويات

العاب اخرى
ميتل جير3 = 3مرات
جاد اف وور2 = 3مرات
رزدنت ايفل4 = 3مرات
اونميوشا4 = مرتين
داينو كرسس2 = 10 مرات

الي افكر العبه مره ثانيه
اونميوشا3 او 2 = افكر العبه مره ثانيه
جاد اف وور2 = مستعد لها المره الرابعه :laugh:

اما الي حالينه العبه المره الثانيه
gta :sa = استعدادن للجزء الرابع :laugh:

 

[Super Mario]

والله أنا مستحيل أعيد أعيد اللعبة لأني أحس انها مضيعة للوقت
لكن في بعض الألعاب مثل MGS1 وسلسلة رزدنت ايفل عدتها لا شعوريا

بس الي لازم كل سنة . . . سلسلة MGS

خخخخخخخ الله يهديك حج مو ميتل جير :laugh: