البهارات من قريب للي وده يعرف الاسماء بالانقليري : )
نسيت الطماط فوق ، معليش
قبل كل شي ، تنقع الدجاج في مويه دافيه ، انا افضل دجاج بجلد ، لاني احب احمر الجلد يطلع مقرمش.
تبدا بتقطيع الخضروات قطع صغار او زي ماتحب انت ، وتخليهم بصحن على جنب .
تجيب زبدة ، وتقطع قطعه بهالحجم ( اليمين ) وتحطها في القدر مع الحراره ، تبدا تذوب ، انا افضلها عن الريت ، تعطي نكهه افضل : )
( ملحوظه : درجة حرارة النار تكون فوق النص بشوي ، يعني لو عندك من ١ الى ٩ ، خليها ٧-٦ )
هنا تضيف البصل ، وتبدا تحركه ، الين يحمر شوي ، او يقرب لونه من البني .
بعدها تضيف الفلفل وتحركه ع البصل ، قبل ماتضيف الطماط ( نكهة الطماط تطغى غالبا ) عشان كذا انا اخليه اخر شي ، اخر شي تضيف الطماط وتحركهم ..
طبعا طول الوقت انت تحركهم ، عشان يمتزج الطعم .
تشيل الدجاج من المويه الدافيه ، وتحطه في القدر ، وتغطي الدجاج بمويه ، تعبي القدر بشكل مناسب ، بحيث انه يغطي الدجاج ( تقريبا ) ، يفضل انك لسى تشوف الدجاج .
اوك ، الحين جا وقت اضافة البهارات ، وهنا اللعبة كلها ، صعب احد يعلمك الحزر بالضبط ، لكن نسهلها تقريبا ، تحط البهارات بمعلقه بحجم الي بالصورة ، وتصبه في القدر ،
انا ما احطه بملعقه ، انا اضيف كل البهارات بعدين اطعم الشوربه ( المرق ) بعد ٦ دقايق تقريبا ، واشوف لو كان محتاج شي زيادة ، غالبا هو الملح الي حزرة صعب ، يفضل
انك ماتكثر عشان تقدر تزود لو حسيت انه ناقص : ) .
تحركهم بشويش ، عشان يمتزج الطعم ، بعدين تسكر القدر ، يفضل انك كل ٥ دقايق ، تفتح القدر و تحرك المكونات بشويش ، افضل التحريك : )
على فكرة ، الهيل يعطي نكهه حلوه للي يحب : )
عموما نسكر القدر ونخليه ٢٥ - ٣٠ دقيقه ، يعتمد على حرارة الفرن عندك .
في الوقت الي تستنى فيه ، فيه لمسه ( اضافيه ) بالنسبة لي احب اسويها ، لاني اعشق الجلد ، واحب اطعم الدجاج بالنكهه ، تجيب بهارات انت تحبها ، وليمون ،
وتفضيها بصحن صغير ( يتحمل الحرارة الي داخل الفرن ) .
تشيك القدر بين فترة وفترة و تشوف كيف الطبخ ماشي .
لما يكون باقي تقريبا ٥ دقايق على انك تطلع الدجاج ، تطلع الرز ، وتنقعه بمويه ، ماتكون حارة جدا ولا باردة جدا .
احذر : تنقع الرز فترة طويله ! بس تصب المويه في تحرك الرز ، وبعدين تفضيه من المويه .
الحين لما يخلص الدجاج طبخ ، تنقص حرارة النار على شي خفيف ( ٣-٤ ) لانه لما تصب الرز ، يتشرب المويه بسرعه ، بس قبل كذا ، الشي الي سويناه قبل شوي بالصحن
نحط الدجاج فيه ونقلبه ونحركه ، عشان يمسك الطعم .
تحطه في الفرن ، وتخلي الحراره Broil ، الي هي تعني تحميص ، وتضيف الرز بالقدر ، حاول انك تتاكد ان نسبه المويه مو اكثر من الرز بزيادة ، تقريبا راس اصبع ، وحركه شوي
بعدين سكر القدر ، تقريبا يبيله ١٠ دقايق .
بعد ٥ دقايق راح يكون كذا شكله ( الرز يتشرب المويه )
بعد تقريبا ١٠ - ١٥ دقيقه ، كذا يكون شكله
شكل الدجاج لما تطلع من الفرن ( احذر حار جدا ! )
والحين الطبق جاهز للتقديم : ) ، على حسب ماتحب انت ، انا كنت مع صاحبي ، فكانوا صحنين .
والدجاج شكله يفتح النفس !
و تستمع مع صاحبك باجمل اكله !
وصلى الله وسلم ، بالعافية ياشباب ،
انا احب اطبخ كثير راح اشارككم بامور اخرى باذن الله .
