الموضوع الرسمي لـ Fifa 12 | وداعاً آندي غراي وأهلاً بعصام الشوالي.

[loca]

اللعبه الحين وصل سعرها بالكويت ب 22 دك

وامس كانت على 25دك

 

[Jonas]

على فكرة شباب EA Middle East اعلنت انه فيه فديو بالتعليق العربي ينزل اليوم الساعه 2 الظهر (بعد ساعه من الآن)

متحمس لكن احس الفديو بيتأخر هذا اذا نزل اليوم

 

[Xeon-Q8]

الساعه 12 كنت بالمحل قالي نص ساعه وتوصل

استانست ونطرت ليي الساعه 1 ويقولي الحين تجي .. أخر شي اخذ رقمي وقالي احجزلك اياها لو تجي تاخذها بعد اميه سنه
بشوف متى يدق واجيله اليوم

 

[q8 spy]

^

اي محل ؟

 

[Xeon-Q8]

ما اقول سر

' جيم ستيشن '

 

[Sir Guts]

على فكرة شباب EA Middle East اعلنت انه فيه فديو بالتعليق العربي ينزل اليوم الساعه 2 الظهر (بعد ساعه من الآن)

متحمس لكن احس الفديو بيتأخر هذا اذا نزل اليوم

توهم كاتبين في الفيسبوك ان الفيديو مو راضي ينرفع و عطونا 5 دقايق اخرى

تعديل: شباب شوفوا الفيديو!!!! .. مثل ماتوقعت ماراح يتقنوها صح و في بطئ من المعلقين

http://www.facebook.com/EAMiddleEast

 

[q8 spy]

عطني رقمهم بليز

ابي ادق عليهم اليوم

بس رساله خاص انتبه

 

[Xeon-Q8]

^
جيك على الخاص

حاس اني بندم وانك راح تاخذ نسختي

 

[Sir Guts]

اشوف المسوي الفيديو هذا افضل بكثير من الشغل الرسمي

[video=youtube;_OJNtF-IOeg]http://www.youtube.com/watch?v=_OJNtF-IOeg[/video]

 

[Fatale]

اممممممممممممم شوفت المقطع توقعت راح يكون فيه اخطاء لإنه اول تجربة واتوقع كان التسجيل سريع

فافعلا اخطاء في التعليق كثيره منها التأخير في التعليق

 

[q8 spy]

للاسف تحطمت عقب ما شفت الفيديو

لكن الفيديو اللي حطه اخونا قونر رسمي ولا ؟

 

[Raheem]

والله معنوياااتي طاحت بعد مشاهة الفيديو ياريتهم ماعرضوه
ان شاء الله نستممتع باللعبة على الاقل

 

[Sir Guts]

لكن الفيديو اللي حطه اخونا قونر رسمي ولا ؟

لا للأسف مو رسمي .. لكن شغل جبّار صح؟

اشوفه افضل من الرسمي بعد

 

[q8 spy]

ما تدري يمكن تتغير النظره لما نشوف الاهداااف : )

 

[Sir Guts]

^

كل شي جايز يا طويل العمر .. لكن واضح من الفيديو الرسمي

انهم ما اتقنوا التعليق بشكل صحيح و خصوصا و ان المعلّق يتأخر اغلب الوقت في التعليق

 

[ALONE]

المسئول في صفحه ea للشرق الاوسط

يقول الفديو ماهو من النسخه الكامله للعبه وكان وقت برمجه اللعبه

 

[IBrAhiM_86]

التعليق جدا عادي ..
بس حاس انه في شي مو طبيعي مومعقوله اغلب الفترات ساكت !!!

بس هم شكرا لـEA لإضافة اللغه العربيه كترجمه وتعليق :happy: ..

 

[Raheem]

الحمدالله كذا طمتني ياشييييييييخ الله يسعدك

 

[Vorg Zangief]

[video=youtube;Ukwc4Q29D5M]http://www.youtube.com/watch?v=Ukwc4Q29D5M&feature=channel_video_title[/video]
جيد

 

[IBrAhiM_86]

المسئول في صفحه ea للشرق الاوسط

يقول الفديو ماهو من النسخه الكامله للعبه وكان وقت برمجه اللعبه

ان شاء الله كلامه صحيح ..
ودام انها من وقت البرمجه ليش يعرضونها للناس ويحبطون من معنوايتهم لوول ..

 

[Lord of Cinder]

اعرف انها اول تجربة لهم ولازم يكون فيها اخطاء ، لكن بامانة التعليق ظاهر بشكل محبط جدا ً

 

[Dark Master]

كويس انه مو النسخة النهائية لانه الشي اللي شفته يعتبر سيء
أتمنى الأفضل بالنسخة النهائيه

 

[SCREAMING_RAGE]

^

كل شي جايز يا طويل العمر .. لكن واضح من الفيديو الرسمي

انهم ما اتقنوا التعليق بشكل صحيح و خصوصا و ان المعلّق يتأخر اغلب الوقت في التعليق

السالفة موب سالفة " أتقان " أو ترجمه يا مشاري.......... لو تقارن مثلاً التعليق الانجليزي في فيفا 08 (( بداية التعليق الانجليزي الحديث )) و فيفا 11, بتشوف ان هناك فرق كبير, لأن الملعلقين و المطورين كل سنة يضيفوا سطور و تعليقات و ساعات عمل اضافيه على الجزء السابق ..... و علشان كذا, التعليق في فيفا 11 الانجليزي كان من أحسن ما يكون (( من ناحية اندي جراي و مارتن تايلور )), ولما نزل ديمو فيفا 12 الجديد, العالم احبطوا كثير جداً ,لأن كل السطور و التعليقات حقت اندي جراي راحت مع كنسلت عقده, وبدأنا سطور جديده لالن سميث واللي بيتم بناء عليه قاعده جديده للأجزاء القادمه (( الا اذا طلع هو كمان sexist )) :/

الموهم واللي ابغى اوصله, التعليق العربي ما يزال في بدايته, و العالم اللي قاعدين يحطون فيديوهات و تخيلات للتعليق العربي يحلمون لبعيد........... التعليق العربي ما بيوصل لذروته الا بعد ضعفين او ثلاثة اضعاف من ساعات العمل اللي وضعت في فيفا 12,,,,,, يعني ان شاء الله بعد جزئين او ثلاثه يمكن نشوف الاتقان في التعليق مثل ما حصل مع الانجليزي.

 

[Lord of Cinder]

^

المسؤول بصفحة الفيس بوك قال ان النسخة النهائية مابتختلف كثير

 

[Naserano]

كنت متوقع البطئ والبرود اللي شفته بس ما ألومهم بحكم إن أسلوب التعليق العربي نفسه صعب إنك تخليه سكربتد في سنة... نتكلم عن أسلوب سريع جداً وحماسي !! على عكس التعليق البريطاني مثلاً .


شكراً EA على التعريب

 

[SCREAMING_RAGE]

يالله على المقاله اللي حطها كنج سايز 3> 3> 3>
http://www.true-gaming.net/home/42739/

أول فيفا, و أول لعبه اشتريها على البلاي ستيشن 1 كانت فيفا 98, يالله على الزمن و العاب الكره اللي لعبتها و جربتها الى يومنا هذا.............. أعتقد 25% من حياتي انقضت على العاب الكره @__@

 

[Lord of Cinder]

الموهم واللي ابغى اوصله, التعليق العربي ما يزال في بدايته, و العالم اللي قاعدين يحطون فيديوهات و تخيلات للتعليق العربي يحلمون لبعيد........... التعليق العربي ما بيوصل لذروته الا بعد ضعفين او ثلاثة اضعاف من ساعات العمل اللي وضعت في فيفا 12,,,,,, يعني ان شاء الله بعد جزئين او ثلاثه يمكن نشوف الاتقان في التعليق مثل ما حصل مع الانجليزي.

عزيزي انت تتكلم عن شركة تشتغل على تعريب لعبتها ، مو مجرد هواة ، شوف الهواة ايش سووا بالعاب كرة القدم على البلاي ستيشن 2 وقارنه بالمستوى اللي شفناه بالفيديو اللي طلع اليوم ، مافيه ذاك الفرق الكبير بالرغم ان الاولى اشتغل عليها " شركة " والاخيرة اشتغل عليها مجرد " هواة " .

 

[Wild Fox]

قلنالكم من اول .. لا تتوقعوا تعليق زي اللي تسمعوه في المباريات المباشره و يبربر 24\24 ... و راح تكون في اغللاط و تاخير كثير .. التعليق باللغه الانجليزيه نفس الشي ..
عباره عن ملفات صوتيه تنفذ لما تسوي اكشن معين ...نفس الانجليزي .. اللي متوقع شي غير كذا يروح يتفرج مباراه احسن له

 

[kInGsIzE]

يالله على المقاله اللي حطها كنج سايز 3> 3> 3>
http://www.true-gaming.net/home/42739/

أول فيفا, و أول لعبه اشتريها على البلاي ستيشن 1 كانت فيفا 98, يالله على الزمن و العاب الكره اللي لعبتها و جربتها الى يومنا هذا.............. أعتقد 25% من حياتي انقضت على العاب الكره @__@

انا اول تجربه لي مع فيفا كانت 95 عالميجا درايف .. و بعدها شريت 96 عالميجا درايف .. و بعدها حصلت 94 في محل بالغلط و جربتها لول .. بس اكثر اجزاء فيفا اللي حبيتهم في التسعينات كانوا 96 "ميجادرايف و البلاي ستيشن" و وورلد كب 98 .. مو فيفا 98 .. لا وورلد كب 98

 

[Raulioo]

انا اول تجربه لي مع فيفا كانت 95 عالميجا درايف .. و بعدها شريت 96 عالميجا درايف .. و بعدها حصلت 94 في محل بالغلط و جربتها لول .. بس اكثر اجزاء فيفا اللي حبيتهم في التسعينات كانوا 96 "ميجادرايف و البلاي ستيشن" و وورلد كب 98 .. مو فيفا 98 .. لا وورلد كب 98

"اذا استثنينا جول عالفاميليp=" انا اول شي لعبته كان انترناشيونال سوبر ستار ديليكس على السوبر ننتندو عام 1995 حسب ما مذكور بقاموسك الكروي p=..كانت لعبة رهييييبة بكل معنى الكلمة وما ينمل منها ابدا ، وبعدها فيفا98+وننج اليفين 3 وبعدها بدأت رحلة الدوري الياباني على قولتهم @@