الموضوع الرسمي لـ Fifa 12 | وداعاً آندي غراي وأهلاً بعصام الشوالي.

[kInGsIzE]

اللعبة ممتازة بس في كم شغله ..

اول شي الامباكت انجن اعتبره سلاح ذو حدين .. هو ممتاز في الواقعيه اللي قدمها وسيء لانه ممن احيانا يحطك في مواقف مال امها داعي "ركلات جزاء بلاش؟"
شي ثاني نظام الدفاع ما ودي احكم عليه بحكم اني لسا ما تعمقت فيه لكنه ينكب مرات .. احتاج اتدرب عليه زياده .. كان ودي يخلونك تقدر تلغيه في الاون لاين بس ماش ..
للحين ما تعودت على اللعبه بشكل عام .. فما اتوعد ولا اهدد احد لول xD

ممكن احد يشرح لي نظام الرانكد ماتش ون اون ون؟ هي نفس القديمه بس انها صارت بدل الليفلز صارت درجات؟

انا الحين عندي نسخه بلاي ستيشن و باخذ الاكس بوكس قريب .. عالعموم شباب البلاي ستيشن ضيفوني : kInGsIzE_PS

امبرور يا جعلها ما تنفك نحاستك و تكمل 6 شهور منحوس مثلي :laugh::

 

[Sir Guts]

تفضل يا جونر , هدف تيفيز المردوني(رفعة مردونا) :

http://www.ea.com/uk/football/videos/ugc/96288290

زاد فضلك حبيبي!

يا سلام يا سلام يا الله!!! .. جوووووووووووووووووووول مابعده جوووووووووول:rockon:

وش اقول وش اخلي تيفيز خلاني اولّي:laugh:: هدف فعلا جميل انا مرّات احاول اجيب هدف من رفعة لكن تروح فوق المرمى!

في انتظار اهدافك الباقية يا امبراطور!

 

[~ Brook ~]

ياشباب وش جوائز المسابقة طيب؟

 

[emperor-UAE]

زاد فضلك حبيبي!

يا سلام يا سلام يا الله!!! .. جوووووووووووووووووووول مابعده جوووووووووول:rockon:

وش اقول وش اخلي تيفيز خلاني اولّي:laugh:: هدف فعلا جميل انا مرّات احاول اجيب هدف من رفعة لكن تروح فوق المرمى!

في انتظار اهدافك الباقية يا امبراطور!

ياخي تنفع معلق :rockon:
هههه
تسلم يا جونر
ما تدري شكثر ضيعت إنفرادات فى مباريات الأونلاين فقط لكي أسجل هدف بهاي الطريقه , كل مره تروح فوق المرمى او يصدها الحارس , بس أخيرا سجلتها أمس

و ترقبوا المزيد من الأهداف

شباب شاركونا بأهدافكم و خلونا نستمتع

كنج سايز , سامحك الله يا رجل ! :sadwalk: هههههههه , و بالنسبه لنظام الرانكد اونلاين , اصبح نظام سيزنز
و كل سيزن يتكون من 10 مباريات
و فى البدايه تكون فى الدرجه العاشره , و تشق طريقك للدرجه الأولى إن إستطعت(فى الأحلام يا أحمد:laugh:
طبعا عندك 10 مباريات , فى البدايه اذا جبت 12 نقطه تتأهل لدور الدرجه التاسعه
و اذا جبت فوق ال 8 نقاط و اقل من 12 تبقى فى نفس الدرجه
و اذا اقل من 8 نقاط تهبط للدرجه إلي تحتها
طبعا يوم توصل الدرجه الخامسه فما فوق تحتاج 18 نقطه للتأهل و 12 لضمان بقائك
و لاتنسى انه منافسينك يكونون من نفس درجتك , يعني نفس مستواك , فا كل ما تتأهل لدرجات عليا تلقى منافسين أشداء
انا حاليا فى الخامسه و باقى لي مباراتين و احتاج ل4 نقاط من هل مباراتين للتأهل للدرجه الرابعه

هذا شرح مبسط لنظام السيزنز إلي هو بديل لنظام الرانكد سابقا , اتنمى اني أفدتك يا احمد بن محفوظ

 

[BlackBird]

ياشباب وش جوائز المسابقة طيب؟

ما عليها جوائز هذي البطولة للمتعة فقط!

في جائزة وهي يكون اسمك مكتوب فأول رد فالموضوع غنك فزت ببطولة شهر أكتوبر

 

[BlackBird]

المشاركين في بطولة الـ PS3:

epic fahad | fg-07
HAL-9000 | Gamer_Power
~ Brook ~ | Vv-AkoOoz-vV
q8-gamer | BARCAWI
q8 spy| spyzero000
saleh1985Q8| Zezo-10Q8< هذا معانا فالمنتدى بس لسا ما اتفعلت عضويته كلموه عالخاص وقت المباريات عشان تتفاهموا متى تلعبوا


المشاركين في بطولة الـ XBox 360:

emperorUAE | emperorUAE
Gamertag: Hinote Kimi | Fire Blast
Gooner | III YaGaMi III
Jonas | BraveJonas
Saudi Pro | Saudi Pro

كل واحد يقتبس هذا الرد ويضيف اسمه و جيمر تاغه أو الـ PSN ID حقه

باقي 2 و تتأكد بطولة الـ PS3
وباقي 3 وتتأكد بطولة الـ XBox

لو تعرفوا واحد من المنتدى ممكن يلعب كلموه عالخاص وخلوه يدخل, والي ما اتفعلت عضويته يكلمني عالخاص و أنا بحط اسمه

 

[Raulioo]

^
^
لا حول ولا قوة إلا بالله , سوالف الجليتشات و الغش ما بتخلص !
مش معقول هل شي , من فيفا 10 و جليتش توقيف المباراه موجود!
و بعدين يا مطورين فيفا

و راؤول انته شو سالفتك معايه
انا اليوم صار لي دروب مش طبيعي و نحاسه فظيعه
ما قدت اسجل ولا هدف يمكن فى 3 مباريات متتاليه
و كسرت العارضه من التشويت بروني بس بدون اي هدف
و نزلت من الدرجه الثاله إلى الرابعه
و لكن الحمدلله روبن فك النحس و سجلت من ضربه حره من بعد 27 متر , و بعدها توالت الأهداف :rockon:
البايرن خطير فى اللعبه و روبن خيالي
حاليا لعبت 5 مباريات فى الدرجه الرابعه (3 فوز و تعادل و خساره) بحاول ارجع للدرجه الثالثه فى اسرع وقت

راؤؤول انا و انته شكلنا نلحق بعض :laugh::
بس للاسف انا فى ال360 و انته فى البلاي 3

شكله مقدر لنا ننتظر ونلحق بعض
قبل شوي بقت لي آخر مباراتين لازم افوز فيهم وبتأهل للدرجة الثانية..وكنت فايز ضد تشيلسي 3-1 ، وبالسبعينات...انقطع النت فجأة
اقسم بالله مزاجي انخسف وما لي نفس العب او اسوي اي شي ثاني
اليوم الانترنت مقرف ببيتنا بكل الاحوال واحس فيه ثقل ما هو اعتيادي...
على فكرة انا لازلت انتراوي وما غيرت فريقي من مدة طويييييلة..يدي تحكني عشان ارجع للحب القديم مانشستر بس ما فاضي العب بالخطة لأني ما عارف العب الا باثنين بالهجوم وهم حاطين روني خلف هيرنانديز @@

epic fahad | fg-07
HAL-9000 | Gamer_Power
~ Brook ~ | Vv-AkoOoz-vV
q8-gamer | BARCAWI
q8 spy| spyzero000
saleh1985Q8| Zezo-10Q8< هذا معانا فالمنتدى بس لسا ما اتفعلت عضويته كلموه عالخاص وقت المباريات عشان تتفاهموا متى تلعبوا
راؤول الأسطورة / AL-Matadooor

 

[Sir Guts]

ياخي تنفع معلق :rockon:
هههه
تسلم يا جونر
ما تدري شكثر ضيعت إنفرادات فى مباريات الأونلاين فقط لكي أسجل هدف بهاي الطريقه , كل مره تروح فوق المرمى او يصدها الحارس , بس أخيرا سجلتها أمس

ههههههههههههه حبيبي الله يسلمك

يا ترى تقدر تعيدها ولا هي مرة و بس xD؟

في انتظار جديدك .. اخوك مشاري ^^

 

[BlackBird]

شباب كيف أنزل الـ Gamer face عالإكس بوكس حست القوائم حوس ومالقيتها -__-

 

[Jonas]

شباب كيف أنزل الـ Gamer face عالإكس بوكس حست القوائم حوس ومالقيتها -__-

من فيفا 09 و انا احاول اعرف كيف الطريقة (&)

 

[emperor-UAE]

شكله مقدر لنا ننتظر ونلحق بعض
قبل شوي بقت لي آخر مباراتين لازم افوز فيهم وبتأهل للدرجة الثانية..وكنت فايز ضد تشيلسي 3-1 ، وبالسبعينات...انقطع النت فجأة
اقسم بالله مزاجي انخسف وما لي نفس العب او اسوي اي شي ثاني
اليوم الانترنت مقرف ببيتنا بكل الاحوال واحس فيه ثقل ما هو اعتيادي...
على فكرة انا لازلت انتراوي وما غيرت فريقي من مدة طويييييلة..يدي تحكني عشان ارجع للحب القديم مانشستر بس ما فاضي العب بالخطة لأني ما عارف العب الا باثنين بالهجوم وهم حاطين روني خلف هيرنانديز @@

راؤول انته تلعب بخطة الإنتر الديفولت ؟ ما تغير شي فيها؟

 

[emperor-UAE]

ههههههههههههه حبيبي الله يسلمك

يا ترى تقدر تعيدها ولا هي مرة و بس xD؟

في انتظار جديدك .. اخوك مشاري ^^

اكيد اقدر اعيدها بأي وقت , هى مش صدفه , الطريقه(ال تي + عكس اتجاهك+زر الرفعه= راح يعمل حركة مردونا)
بس الصعوبه فى انك تسجل هدف بها , اما اعملها فى اي وقت مب مشكله اطلاقا

 

[BlackBird]

من فيفا 09 و انا احاول اعرف كيف الطريقة (&)

أنا سويتها في فيفا 10 11 و كأس العالم بس عالـ PS3

 

[Raulioo]

راؤول انته تلعب بخطة الإنتر الديفولت ؟ ما تغير شي فيها؟

ايوه ما اغير اي شي فيها...ليش ؟
وباررررررررركلي صعدت للدرجة الثانية..وبخسارة وحدة فقط و 6 انتصارات ..متحمس اجرب المستويات هنا أهم شي ما انزل للدرجة المشؤومة @

 

[emperor-UAE]

ايوه ما اغير اي شي فيها...ليش ؟
وباررررررررركلي صعدت للدرجة الثانية..وبخسارة وحدة فقط و 6 انتصارات ..متحمس اجرب المستويات هنا أهم شي ما انزل للدرجة المشؤومة @

ماشاء الله مبروووك
خطة الإنتر 3 مدافعين بس , احس صعب الدفاع اب 3 خصوصا مع الإسلوب اليديد

 

[Sir Guts]

شباب انا ضعت في كلامكم .. وشو الي اصعد درجة اولى و انزل ثانية و الكلام هذا؟

هذا طور معيّن في اللعبة؟

 

[Raulioo]

شباب انا ضعت في كلامكم .. وشو الي اصعد درجة اولى و انزل ثانية و الكلام هذا؟
هذا طور معيّن في اللعبة؟

هذا اهم طور واللي ما لعت انا غيره من شريت فيفا12...لما تروح لقسم الاون لاين بتحصل Ranked match seasons او شي بهالمعنى..تدخله وبتحصل نفسك بالدرجة العاشرة وبكل درجة يختلف الشرط مثلا بالدرجة التاسعة يقولوا لك انك بتلعب 10 مباريات اذا قدرت تحرز 15 نقطة منها بتصعد للدرجة الثامنة..واذا جبت اقل من 10 نقاط بتنزل للعاشرة..
هدفك طبعا مثل ما واضح انك توصل للدرجة الاولى وتفوزها..ومع كل درجة يصعب الخصوم بشكل كبيير جدا..

ماشاء الله مبروووك
خطة الإنتر 3 مدافعين بس , احس صعب الدفاع اب 3 خصوصا مع الإسلوب اليديد

الله يبارك فيك..خلاص اتعودت انا بس المشكلة اللي مأرقتني بالفريق هو ناجاموتو مسببلي ازمة..طاقاته سيئة وبنيته ضعيفة وفاشل من كل النواحي..ياليت واحد بقدرات مايكون بهالجهة
وبالهجوم باتزيني على الرغم انه وعاء مليء بالعيوب..لكن راسياته تعوضك عن الكثير p=..
فورلان يكفي اقولك اني قبل شوي فزت ريال مدريد 6-3 وهو جاب لي 6 اهداف..هداف من طراز رفيع وهو اكثر عامل مشجعني اختار الفريق بالمقام الاول @@
على فكرة انا قريييييب جدا من اكبر انجاز @@
من اول مرة بالدرجة الثانية وصلت بأن باقيلي 3 مباريات ويكفي افوز بوحدة واصعد الدرجة الاولى الحلم T_T
بس اخوي رجع البيت وقاللي انه يبغى يستخدم النت وخرب علي اللحظات التاريخية هذه..شكلي بأجلها لبكرا بما ان وراي جامعة من الصبح ، عسى ما اخربها بس

 

[EPIC FAHAD]

^^^^
جايك جايك يا راؤول النت تحسن عندي شوي معد يفصل توي واصل المستوى الرابع بدون ولا خساره اليوم خلال الاسبوع هذا راح الحقك ان شئ الله

اليوم سويت شي اسطوري سجلت هدف مقصيه بس المشكله بمين (ريو فيردناند !!!!!) حفظته برفعه لكم

 

[CODE-X]

 

[Sir Guts]

هذا اهم طور واللي ما لعت انا غيره من شريت فيفا12...لما تروح لقسم الاون لاين بتحصل Ranked match seasons او شي بهالمعنى..تدخله وبتحصل نفسك بالدرجة العاشرة وبكل درجة يختلف الشرط مثلا بالدرجة التاسعة يقولوا لك انك بتلعب 10 مباريات اذا قدرت تحرز 15 نقطة منها بتصعد للدرجة الثامنة..واذا جبت اقل من 10 نقاط بتنزل للعاشرة..

اشم ريحة منافسة و حماس :rockon:

المباريات الي تلعبها طبعا ضد ناس صح؟ ولا الكمبيوتر؟

انا فهمت Ranked ان ضد ناس.

 

[Fire Blast]

اشم ريحة منافسة و حماس :rockon:

المباريات الي تلعبها طبعا ضد ناس صح؟ ولا الكمبيوتر؟

انا فهمت Ranked ان ضد ناس.

صح ضد ناس

الا يا جماعة شلون ارفع اهدافي؟! تغيرت الطريقة او انا السيرفرات دائما تكون مضروبة معاي لما ابي ارفع
لأنه دائما مايطلع لي الا خيار save ur replays مافي upload مع انه مكتوب على الحبة نفسها لما اضغط عليها ..

 

[Sir Guts]

صدق او لا تصدق FIFA12 باعت 3.2 مليون نسخة في اقل من اسبووووووووووووع

اي يعني انها افضل اطلاق بالنسبة للعبة رياضة فالتاريييييييييييييييخ :rockon:

http://www.vg247.com/2011/10/04/fifa-12-nabs-3-2-million-sales-for-best-2011-launch/

 

[kInGsIzE]

للحين مو قادر اتعود على الدفاع :/ .. انا العب بالتحكم الألتيرنتيف .. تصير معاي اضغط مربع في وقت غلط و هوووبااااا يروح مهاجمه و ينفرد بالباب .. تبا ..

 

[J.B.L]

سؤال يطرح نفسه ليش الcustom tactics ما تقدر تستخدمها اونلاين؟

 

[Fire Blast]

للحين مو قادر اتعود على الدفاع :/ .. انا العب بالتحكم الألتيرنتيف .. تصير معاي اضغط مربع في وقت غلط و هوووبااااا يروح مهاجمه و ينفرد بالباب .. تبا ..

بالضبط نفس حالتي .. خصوصا اول مالعبت في الديفيجن 10 مع انه المفروض الخصوم يكونون اسهل شي ولكن حصلت نكبات اليمه مع سالفة تحكم الدفاع الجديد ..
وصلت مساعه ديفيجن 8 و الطريق للحين طويل امامي

 

[Sir Guts]

للحين مو قادر اتعود على الدفاع :/ .. انا العب بالتحكم الألتيرنتيف .. تصير معاي اضغط مربع في وقت غلط و هوووبااااا يروح مهاجمه و ينفرد بالباب .. تبا ..

احمد انا العب بالـClassic مدري كيف تعودت العاب بتحكمات PES الأصلية و FIFA الأصلية

لأن اغلب الي اعرفهم محولين تحكمات فيفا الى تحكمات PES انا اقولك عوّد نفسك على تحكمات فيفا

صدقني اسهلك

 

[Master Assassin]

ياشباب أنا لسة ما شريت اللعبة الى الآن
والسبب انه بعض الشباب قالولي انو النسخة العربية
فيها بعض المشاكل منها ان الملابس مختلفة عن الواقع عكس النسخة الاوروبية وفي بعض البقز اثناء اللعب
فنصحوني اشتري النسخة الاوروبية مع العلم أني ابغاها على XBOX360

ايش تنصحوني بحكم تجربتكم للعبة*

 

[Sir Guts]

^

لعبت النسختين انا تبع الـ360 و الـPS3 و ماشوف اي شي يا طويل العمر

توكّل على الله و خذها و لا يهزّك ريح!

 

[EPIC FAHAD]

ياشباب أنا لسة ما شريت اللعبة الى الآن
والسبب انه بعض الشباب قالولي انو النسخة العربية
فيها بعض المشاكل منها ان الملابس مختلفة عن الواقع عكس النسخة الاوروبية وفي بعض البقز اثناء اللعب
فنصحوني اشتري النسخة الاوروبية مع العلم أني ابغاها على XBOX360

ايش تنصحوني بحكم تجربتكم للعبة*

الي اعرفه الفرق ان الريال واعتقد اليوفي على فنايلهم شعار شركة بوين للمراهنات فعشان المراهنات ماتجوز عندنا شالوها من الطقم تقديرا لنا نروح ما نشتري اللعبه ؟

 

[kInGsIzE]

مشاري انا تعودت على الالترنيت "من 2008 العبه" فماعندي مشكله .. المشكله بالدفاع الجديد :/