~ Brook ~

أقدر أفهم شعورك، هاردلك

مع ذلك، فريقكم اجاله لاعب عظيم و خرافي مكان دي ماريا اسمه جيمس رودريجز، الي أعتبره أفضل موهبة وسط في العالم حالياً.

سحر ننتندو P: أحس أن أجهزتهم و ألعابهم لها دائماً نكهة مميزة، شوف القوائم و الألعاب تحسها دائماً مليئة بالألوان و تنبض بالحياة

عالبركة! يا أخي.... ما أصدق أن جالاكسي2 صارلها هالفترة بالسوق، أحسها لسه محفورة في ذهني مرحلة مرحلة لوول، حتى جالاكسي الأولى نفس الشي
وين انطباعاتك المبدئية ؟ P:

XD
أول شي عالبركة، ان شالله تتهنى بالجهاز
بما انك شريت ماريو كارت، جرب تدخل فيها أونلاين و شوف فيها لاج أو لأ ؟ اذا فيها لاج اشتري القطعة، إذا ما فيها لاج خلاص ما بتحتاج
ماريو جالاكسي2 مست سواء الآن أو لاحقاً أهم شي تاخذها في الوقت الي يناسبك، بالنسبة لي كذوق شخصي، أعتبرها أفضل لعبة بلاتفورم لعبتها!
كيف انطباعاتك عن الجهاز مبدئياً ؟

أول شي، عالبركة!
الآن، ايش فيك فزع خخخخ، خليك صبور ياخي
تحميل الأبديت يطوّل سواء النت سريع عندك أم لا، بما انك تستعمل مقوي يمكن استقبال الإشارة عندك يكون جيد
بس تخلص الأبديت، جرب حمل أي ديمو من المتجر و شوف كم الوقت الي بيستغرقه عندك علشان ينزل ؟ علشان تختبر الوضع
الجهاز ما يدعم الكيبل.

الكل يحب هذا اللحن P:
ثري دي وورلد ألحانها رهيبة أيضاً، لكنها ماخذة طابع الجاز و ما فيها كثير أوركسترا
ألعاب الوي ما تنباع على الإيشوب نهائياً في الوقت الحالي يا فواز، لازم تشتري نسخة فيزيائية.

نوب! مش لعبة آربيجي، هي شيء غريب جداً تحس أن ما حد يسويه إلا ننتندو :::blush:::
بس تاخذ الجهاز - بإذن الله - سوي أكاونت و أعطيني اياه علشان أضيفك عندي.
أنا أحب الموسيقى في ألعاب ننتندو بشكل كبير :)
اسمع هذا اللحن من جالاكسي2، سنوات و أنا أسمعه بشكل دائم :

[video=youtube;La4SaT461WI]http://www.youtube.com/watch?v=La4SaT461WI[/video]

عالبركة، ان شالله تتهنى :::: الوي يو من أقرب الأجهزة إلى قلبي، ألعابه مصقولة جداً و رائعة جداً، و كل تجاربي مع الجهاز تقريباً كانت مميزة، و بالذات ماريو ثري دي وورلد : (
بخصوص ماريو كارت، ليش ما تاخذ بيكمن من باب التنويع ؟ اللعبة رائعة أيضاً، و ماريو ثري دي وورلد بتشبعك تماماً من ماريو P: فكر فيها.
زيلدا سكايورد سورد تتطلب ريموت يدعم الموشن بلس.
جالاكسي و سكايورد سورد موجودين على أمازون، أعتقد أسهل طريقة تحصلهم فيها *_*

بندل زيلدا فيه حاجة رهيبة و هي الجيمباد المزخرفة :::: غير أن ويند ويكر - في رأيي - لعبة أفضل من ماريو بروس كلعبة تحصلها مع الجهاز لو ما لعبتها من قبل. اذا قدرت تاخذ ماريو ثري دي وورلد أيضاً بيكون شي عظيم، ما فيه شعور أرهب من جهاز جديد + ماريو ثلاثية الأبعاد *__*

عالبركة ان شاء الله. البرو كنترولر ما أشوفها ضرورية أبداً، و عن نفسي صراحة ما اشتريتها و لا أشوف اني محتاجها، الجيمباد فيها كل الأزرار المطلوبة، و أحياناً ألعب عليها P:
اذا ما لعبت زيلدا سكايورد سورد، ما يحتاج أقول انك لازم تلعبها

جميل، إذاً المفروض تكون عارف ايش ممكن تتوقع من ماريو جالاكسي2 و من ثري دي وورلد P: لكني أنصحك تلعب الأخيرة مع 3 أشخاص آخرين
لو أنا مكانك، باخذ بندل ماريو و لويجي. لو كان صاحب الجهاز المستعمل قريب منك، كان ممكن تاخذه يوم للتجربة قبل ما تشتريه مثلاً، لكن بما انك ما تقدر، و الفرق في المبلغ مش مستاهل، الشيء المضمون أفضل في النهاية. و القرار قرارك.

بالمناسبة، انت لاعب ماريو جالاكسي الأولى ؟
و هل سبق لك اقتناء جهاز من ننتندو و لا هذي بتكون أول تجربة ؟

صراحة ما أشوف الضمان بذاك الأهمية، أجهزة ننتندو عالية الجودة و لا تعاني من أي مشاكل تصنيعية، لكن يحتاج تتأكد من جودة الجهاز المستعمل "اذا قررت تاخذه" و تتأكد أن الجيمباد شغالة 100% ( بما انها ما تنباع في الأسواق ) و أن الجهاز نظيف إجمالاً. لكن الجهاز المستعمل هو الأبيض و لا الأسود ؟ اذا الأبيض خذ الأسود أحسن.

الجهاز الجديد "بندل ماريو و لويجي" أضمن لأنه مغلق و بالكرتون أما الخراب لا تشيل همه بإذن الله، لكن ذاك صفقة أحسن بسبب الألعاب و الكنترولرز و لو انك ما تقدر تتأكد من استعمال الناس و هذي هي المشكلة الوحيدة *__*

بكل الأحوال، لا يفوتك عرض ماريو كارت8، تشتريها و تحصل لعبة مجاناً بين 4 ألعاب : بيكمن3 - زيلدا - وي بارتي يو - نيو ماريو بروس، العرض شغال لنهاية هذا الشهر على ما أعتقد!

لوول ما في داعي للاعتذار، للأمانة أنا ما أعرف شي بخصوص تشغيل الهارديسك الي تتكلم عنه على الوي يو ( أنا مشغله على الوي نفسه خخخخ ).

همم هو عليه حاليا لعبتي ماريو و لويجي البلاتفورم ... و ماريو 3D الي مستواها طلع اكثر من ممتاز .. و دونكي كونج و قريبا بايونيتا 2 و سوبر سماش ولا ننسى ماريو كارت 8 الي لوحدها تستاهل الجهاز @_@ .. و ايضا عندك مكتبة العاب الوي الي مليانة العاب

لا بأس، خد راحتك بالتفكير : ) أنا فقط أقدر أتحدث عن جودة الألعاب و أعطي رأيي فيها، و الي أقدر أقوله انهم تجارب لا تنسى و لا تُفوّت بالنسبة لي، و أتمنى يكونوا كذلك لك أيضاً لو أخذت الجهاز.
لا ما تقدر تلعب ألعاب الوي بالجيمباد، تقدر تستعمل الشاشة الخاصة به للستريمنج فقط.

حياك، أهم شي تكون اتخذت القرار عن قناعتك الداخلية. أكيد تقدر تلعب ماريو جالاكسي2 و تقدر تلعب أي لعبة وي بس لازم تمتلك ريموت و ننشك، بعدين بتشغل اللعبة بشكل طبيعي ( الوي يو فيه حاجة اسمها wii mode يصير فيها كأنه جهاز وي بالكامل )، و تقدر تلعبها على شاشة التلفزيون أو شاشة الجيمباد حتى.

مرحبا .. شفت موضوعك عن الـ Wii U ليه ما تشتري هذا ؟

السلام عليكم

شحالك أن شاء الله بخير

أنا شفت موضوعك وأذا تفكر تشتري وي يو وما لقيت مستعمل فأنصحك بأمازون أنا قبل شهر طلبت لعيال أخوي
الجهاز نسخة ماريو بروس ومع ماريو كارت ٨ وثري دي ورلد ب١٦٠٠ ريال ولا تنسى أن عرض ماريو كارت ٨ موجود لنهاية شهر ٧
فبتقدر تأخذ زيلدا ويند ويكر مجانا
وأذا خايف الجهاز ما يوصل قبل ما يخلص العرض في أعضاء عندهم كود ماريو كارت ٨ ويبيعونه ب٢٠ دولار

هلا فواز
البلاي ستيشن4 صحيح بيكون عليه كمية كبيرة جداً من الألعاب المتنوعة، لكن مستحيل - في رأيي - يعوض عن اقتناء الوي يو، لأن ألعاب مثل ماريو ثري دي وورلد ما بتحصلها عليه، و لا بتحصل شيء يشبهها أو قريب منها. سعر الجهاز مناسب، زومبي يو لعبة مش بطالة أيضاً على فكرة.
القرار قرارك، و الفلوس فلوسك، عن نفسي لو كنت مكانك باخذه بلا تردد أكيد، ألعاب مثل جالاكسي2 و ثري دي وورلد أعتبرها تجارب لا تقدر بثمن، فيه ألعاب ثانية ممتازة عالجهاز أيضاً ( مثل الرائعة و المظلومة وندرفول 101 ) و ألعاب أخرى جاية في المستقبل القريب.

شكراً لك، هذا من لطفك، و المحبة متبادلة ان شاء الله ::::

وانت خل عندك اسلوب في النقاش

الاحترام اللي تتكلم عنه مفترض تطبقه على نفسك لما تجي تناقش او تكلم الغير.انا عطيتك نصيحة انك تعدل اسلوب نقاشك قبل ما تشوف نفسك برا المنتدى وانت حر

~ ~ يمين ويسار اسمك وأنا اللحجي؟ :fd3:

يا قلود للحين حي. وش الأخبار؟

مدام انها تشغل 1080p فـ مايحتاج تشتري شاشه جديده . كنت اظن انها ماتشغل اكثر من 720p

نصيحه لا تاخذ اقل من 40 بوصه . اصبر شوي وجمع احسنلك . 32 الايام هذي تعتبر صغيره . انا الي استخدمها الان 32 والعاب البيلايستيشن 4 طالعه عليها كأنها العاب بلايستيشن 3

سلام فواز ,

مبروك يا عسل قبولك في جامعة البترول و الله يوفقك يا قمر

نصيحة شد حيلك شد حيلك شد حيلك , انت في السوق عبارة عن شهادة بمعدل , كل ما زاد معدلك زاد الطلب عليك

ان شاالله لو انك البعيد تنكة أهم شي يكون معدلك عالي ! "لإنك بكالريوس, لو دبلوم كلام ثاني"

أسأل الله العلي القدير في هاللليلة المباركة انه يوفقك ونشوفك في أعلى المناصب :v:

2758E194

فواز

ايش فيك ما تسوي لي اعادة توجيه وليه ما تقبل الاضافة في البلاك جوالي اختلفت اللستة كلها وما كنت مسوي له باك اب

السلام عليكم

أخوي قانون التوقيع صورة وحدة فقط، أبعادها 300x100.