Valtr
Master of The League
لعبة ضخمة طموحة معقده يشتغلون عليها آلاف وآلاف المطورين يستثمرون فيها سنين طويلة وجهد كبير و ما يبخلون عليها بتقديم ميزانية ضخمة لدرجة انك ما تقدر تقول ان اللعبة تحتاج ميزانية أكبر لأن اصلًا ممكن ميزانية جانب واحد فيها عن لعبة كاملة. كل هذا من الصفر، عالم جديد، قصة وشخصيات جديدة، أنظمة لعب جديدة ومحتوى كبير؛ مافي إعادة تدوير للأصوات، للتحريك، للأشياء الي حولك او مناطق وُلدت يالكمبيوتر ولا شيء من الرخص الي صرنا نشوفه لأن كل شيء هنا من السيارات والطيارات والدبابات والشوارع والمباني والأسلحة والأنشطة والمهام وغيرها انبنت من الصفر بأحدث التقنيات وسنين بحث ودراسة حتى ان روكستار سجلت إبتكار متعلق بالNPC وتنقلهم في عالم اللعبة والعوامل الي تأثر على ذا الشيء.
هذا كله مو من اي فريق، هذا من روكستار، بمحرك روكستار، بتفاصيل وجودة روكستار، في إستيديوهات روكستار. ويوم أفكر ان اللعبة ممكن ما تنزل إلا بعد سنتين وقدامي إنتظار طويل كل الي افكر فيه: "ابغى أعيش، أبغى أعيش، أحتاج أعيش..."