KitKat 4.4
Hardcore Gamer
كلامك عين الصواب بس تيكتوك اسوأ بمراحل ومنتشر اكثر خصوصاً بين الصغارعين ماقال الا الصواب.
وايه تويتر مستنقع شر ماكذب عين، مستنقع كله ملاحده وشواذ واباحيه، لدرجة ان تطلع هاشتاقات قدام عامة الناس مخله ومقرفه، تويتر هي المنصة الوحيده اللي ممكن تفسدك من جميع الجوانب.
شفتي الضرورات الخمس اللي جابتها الشريعه؟
حفظ النفس..
دواعش في تويتر يحرضون على القتل، وشخصيات معارضه تسبب فتن
حفظ الدين،
مليان تويتر ملاحده وشواذ وناس ينكرون السنة ويكتفون بالقرآن وترويج لافكار شركيه تنجيمية كثر التراب.
حفظ العرض،
انواع الاباحيات والافكار المنحله اللي تروج للعلاقات، انواع التشنيع على الاسر المحافظه وفيه حسابات مختصة توعي في اللجوء السياسي وتهريب البنات، ياليتك تتعبين عشان تحصلينهم، لا هم يجونك بكل بساطه.
حفظ العقل،
ياما نشوف في تويتر ناس مسفسفطه اداب الجدال والمناظره عندهم معدوم، بيئة مافيها منطق ولا مسلمات تمشين عليها، جهله من كل حدب وصوب، تفاهات تغذي عقلك وتخليك فاشله، حسابات مشهوره ومعدوده عالاصابع تسوق العالم سوق للتفاهات وتحرك الراي العام على خرابيط.
عطيني منصة تقدر تسوي كل هالاشياء مع بعض؟