قرار ندمت على اتخاذه بمجال الالعاب!

[Raulioo]

السلام عليكم
لابد ان بيوم من الايام انضرب على مخك وارتكبت خطأ جسيم بمجال الالعاب وقد يظهر هذا باشكال مختلفة مثل ان
- ترمي فلوسك بلعبة تندم عليها كليا "وخاصة على لمتد اديشن للعبة تخذلك بالنهاية"
- تشتري جهاز العاب يطلع اقل من تصوراتك وما تحصل منه اللي اتمنيته
- تشتري لعبة وتحصلها بعد فترة بسعر ارخص قد يصل الى النصف "علاء بينبسط على هالنقطة @@"
- تترك لعبة ببدايتها وبعد سنوات تكتشف انها صارت اشهر لعبة بالتاريخ وانت انخدعت ببدايتها البطيئة فقط واطلقت حكم متسرع عليها @@
- عندك لعبة اصلية من ايام البس1 ، اهملتها والحين تشوف سعرها بايباي واصل لرقم ما يقل عن 250$ وتلف المخزن ببيتكم كله ولا تحصلها باي مكان
واشكال اخرى
بالنسبة لي من اللي اتذكره حاليا اكثر شي نادم عليه هو :
اول تعامل لي مع بلاي آسيا وكان بشراء ديمو فف13 الياباني الحصري "واللي سعرها يعادل سعر لعبة كاملة"، طبعا اللعبة يجي معها فيلم ادفينت تشيلدرين والاثنين باللغة اليابانية فقط >> شفتوا وش سوت فيني التحفة فف12 :annoyed:
جدا ندمت عليه خصوصا على النهب بسعر الشحن، اكلت خساير من كل الاتجاهات والخسارة الاكبر كانت بمستوى اللعبة نفسها اللي -المثير للسخرية- اني ما شريت جزأها الثاني فف13-2 حتى لما شفتها وصلت لـ 15$ :/
الفضفضة تنتقل لكم

 

[Sky Walker]

لما مالعبت ميترويد برايم 1 على وقتها مع انها حصلت لي

 

[Mute City]

مالعبت فف12 , وانا حتى ما جربتها مجرد حكممن واحد صاحبي انها فاشله , ومازلت حتى اللحظه نادم كل الندم اني مالعبتها

 

[kiko]

لما طنشت gow كل مرة اروح المحل لين واحد من الشباب ( أ‘تزل الجيمنج ) قال لي لا تفوتك هاللعبه شي محترم و جربتها و ماندمت , مع الأسف اللعبه انحدر مستواها للشي محبط أسمة Ascension

 

[Black Wolf]

في أمور كثيرة حصلت معي ولكن رح أذكر نقطة واحدة حاليا، الندم الشديد للعبي ريزي 6 :

 

[قناص]

أني أشتريت البلاي ستيشن 3 بوقت مبكر و سعر عالي

بعت الوي و شريته مره ثانيه

فانكويش أشتريتها بسعر لعبة جديدة و هي ما تستاهل ..

شراء الكنكت .. و أعتبره أسوأ طرفية جيميك بالتاريخ

 

[Anaxïmandrøs]

كنت ناوي على البلايستيشن 1 لكن عجبني شكل هذا

أخذته و أكلت فيه مقلب.. الحمد لله بعد ذلك غيرته مع صديق لي بجهاز ساترن يعني أخف الأضرار

 

[Nin_Fan]

تصرفنا (أنا والشقيقين ) بالـ Nes و Snen و الميجادرايف والساترن و PS و 64 و الدريمكاست و ألعابهم ( مثل Super Metroid , Rocket Knight Adventures , Super Mario All Stars , .. إلخ )

 

[Hironobu Sakaguchi]

اظن لو حطيت ردي باتحول بعدها الى ذلك الشرير المثالي في العاب الار بي جي

 

[T u R k I]

- أيام الكوبي لما الشريط لازم يخرب، إشتريت GTA SA حوالي 12 مرة بفترة سنتين أو ثلاث اللي كنت ألعب فيها اللعبة. ياليتني خذتها أصلية وريحت دماغي :\
- شريت رزستنس2 بـ 260 ريال. والمصيبه إني كاره الجزء الأول! لكن مقاطع اللعبة باليوتوب أغرتني وقلت شكلها مختلفه كثير. بالأخير اللعبة طلعت أقل من اللي توقعته وماتستاهل السعر أبداً.
- استعجالي بشراء الـGBSP والـPSP. ندمت في البداية لأني مالقيت ألعاب كثيرة تستاهل إني أشتري جهاز كامل عشانها!
- شرائي للإكس بوكس الأول ماكان له داعي.

- تترك لعبة ببدايتها وبعد سنوات تكتشف انها صارت اشهر لعبة بالتاريخ وانت انخدعت ببدايتها البطيئة فقط واطلقت حكم متسرع عليها @@

صارت معي مع Zelda: Twiligh Princess. اكتشفت إني مفوّت لعبة خرافية!
مع إني مليت منها مع التقدم لأن اللعبة فيها حشو زايد ومهمات مملة بين الدنجنز. موصل عند City in the Sky والظاهر مابقى إلا دنجنين ثلاث ومكسل أكمل :\

 

[Black JK]

لما بعت جهاز الصخر MSX2 موديل AX370 على شخص غريب بسعر 50 ريال

واحدة من اسوء القررات اللي اتخذتها في حياتي الجيمزوية، الموديل هذا من اندر الأجهزة على الأطلاق، بإمكانه تشغيل الألعاب اليابانية والأوروبية على الكارتريدج وعلى الفلوبي ديسك

الجهاز هذا يجيب سعر 1000$ دولار بالراحة

 

[Punished Noctis]

إني اخترت الـ XBOX360 و ليس الـ PS3 هالجيل.
و إشتريت أساسينز كريد 3 بـ 290 ريال.

 

[VEX]

وعليكم السلام ورحمة الله

اللي في بالي حالياً

أيام PS One ( أيام الكوبي ) كنت رايح اشتري لعبة و شفت لعبتين
Gran Tourismo 2 و FF VII

طبعاً جران توريزمو لاعبها و مخلصها + ( ما أحبها كثر الجزء الأول ) لكن اختربت اللعبة,
و فاينل فانتزي سامع بها و عارفها لكن ما مره لعبتها

القضية رحت اخذت GT2 و سحبت على فاينل
والقهر اليوم التالي قررت اني اروح اخذ فاينل ( بعد توفير المبلغ 40 ريال )
لكن مع الأسف اللعبة طارت -_-

وإلى يومك هذا ما جربت اللعبة اللي مدحتها الناس لين قالت بس :crying:
حتى و إن لعبتها على PS 3 فلن تعطيني طعم جيل PS One :crying:

 

[used2Bcat]

إني قعدت تقريباً سنتين إلى 3 سنين عجاف مع الـPS3 و مع نزول BFBC2 شريت لي Xbox 360 و ياااااااااه كان عالم أخر , البارتي+اليد+سرعة الجهاز بالتصفح والتحميل+السيرفرات الجبارة وغيره
ناهيك عن نظرتي الدونية للـWii وقتها على مواصفاته الضعيفة وكذا لكن لما شريته حبيته كثير ! لدرجة أغلب الشباب معي كانوا يقولون لي ماتوقعناك بتحبه كذا و انا اطبل بكامل قوتي لجالكسي2 و دونكي كونق
قبل ذا الوقت كانت نظارة سوني علي طول الوقت وماتفارق عينيا مع هايب الوحش المتوحش الفتاك الـPS3
الملخص: لا تتحمس وتتعصب لشركة ما. اخذ اللي يعجبك أكثر شيء بالأول والبقية جرب حظك معها!

 

[hussien-11]

اشتريت فف13 النسخة الخاصة من ثقتي العمياء بمستوى السلسلة ( 12 جزء بمستوى أسطوري ) و دفعت عليها ما يقارب الـ 110-120 دولار
و بالأخير ما كانت بالمستوى الي توقعته مع اني استمتعت فيها إجمالا .. و ما كانت تستحق هذا المبلغ الخيالي

 

[awadnin]

الشي الحلو أني رجعت اللعبة للمحل بعد فتحها وتجربتها ليوم كامل، لأني كنت زبون دائم للمحل.

 

[Unknown]

فيه اشياء كثيره صارت وبمبالغ كبيره .. لكن تتفاوت على حسب النفسيه .. الي اتذكره

- دفعت 500 ريال على FF10 اليابانيه .. ماكنت اقدر اصبر على الامريكيه .. عانيت مع اللعبه كثير
- دفعت 340 ريال على FF13 .. اذكر كان يوم جمعه وكان غباره وقلق .. واليوم الي بعده سعرها 220 :/
- دفعت 350 ريال على oblivion كنت متعطش لأربيجي ع الاكس بوكس .. وتتحول لاكثر لعبه تحسفت لشرائها (WRPG Sucks)
- شرائي للجيم كيوب (اخر منتج لننتندو شريته قبل الطلاق) .. اشتريته خصيصا لـ RE4
- تويستد ميتل لـ PS3 .. كنت غرقان بالهايب لكن اللعبه صدمتني لأنها ولا تسوى 10 ريال حتى!

 

[I-NERO-I]

- أشتريت الـ360 في 2006 ، مع الآسف دفعت فيه مبلغ كبير ذاك الوقت و النتيجة رد لايت بعد ما أشتريته بشهرين ونص ( يخرب بيت الردائة اللي زي كذا ) .
المشكلة حتى الجهازين اللي أخذتهم بعده صار فيهم نفس الشيء و المصيبة ولا واحد منهم كمل سنة حتى .

- شراء الـ3DS ، تحكم الجهاز ومسكته كانت غير مريحة أبداً بالنسبة لي و مع الآسف الألعاب اللي عليه ما عجبتني .

- تأخرت في أني أحول للـPS3 كجهازي الأساسي ( بدأت أحول في بدايات 2009 ) كان المفروض أحول في وقت أبكر وأريح نفسي من العذاب اللي كنت عايش فيه .

 

[Mesharey]

Unknown
مو كل الآربيجي الغربي، أنا ما أحب اوبليفين، لكن بالمقابل فيبل و The Witcher و ماس إيفكت من أفضل مالعبت على الإطلاق ..

بالنسبة للموضوع، إشتريت أوبليفين نسخة خاصة، لكني ماحبيتها بالمرة، حاولت كثر ما أقدر أعطيها حقها لكنها مو لي ..

 

[Sir Guts]

اكتشفت اني فوّت سلسلة من اروع السلاسل بعد مالعبت انفينيت

بايوشوك 1و2 لازم ألعبهم الآن بأي سريقة!

 

[SilentxS3ud]

انا قريبة سالفتي, امس وصلتني ديد ايلند ريبتايد بعد انتظار طويل وللأسف اللعبة للحين مكسورة حرفياً. اللي يقهر إني شاري أغلى نسخة حقت الشنطة :

 

[midoyemen]

اكثر شي ندمت علي :
شرائي للوي يو في اول يوم توفر في الامارات بسعر خرافي مع الاشاعات بقلة الشحنة ...
وايضا اني تركت تجربة فاينل فانتسي 12 بعد ربع ساعة لعب لعدم اتناعي وقتها بالتغيرات اللي صارت في اللعبة والى الان نادم على عدم تجربتها

 

[Lawliet]

ماذكر غير إني تسرعت بشراء الـ 3DS و الـ PSP الأصلي (أول إصدار)، بعت الـ PSP حقي مع GTA بـ 300 ريال، نسيت الجيم بوي حقي بالباص بعد ماشريته بكل ماعندي (ماتذكرته إلا لما وصل فيه مكه)، شريت كاثرينا الخايسة بمبلغ وقدره، شريت شاشة 32 إنش للألعاب مع إن في شاشات أكبر و أفضل منها بفارق سعر بسيط، كنت أشوف ألعاب PS2 و PS1 أصلية (منها أحبها) بالمحلات وأطنشها حتى أنقرضت وأنا أحب أجمع ألعاب

ضاق خلقي وأنا أتذكر كل هذا :\

 

[The Last Lombax]

- عندك لعبة اصلية من ايام البس1 ، اهملتها والحين تشوف سعرها بايباي واصل لرقم ما يقل عن 250$ وتلف المخزن ببيتكم كله ولا تحصلها باي مكان

هذا أنا
-بعت بوكيمون يلو أصلية ب10 ريال لصاحبي لأني أخذت الدي أس وقتها وما كان يشغل ألعاب الكولر, سبب البيع في القرار التالي.
-بعت الـGBASP وندمت بعدا أنا و أخويا على هذا التصرف لأن الجهاز كان عاجبنا جدا وبعناه لنفس السبب المكتوب أعلاه.

 

[Rain]

-شراء الموف
-شراء العدس مبكرا
-مرة طنشت "العالم ينتهي معك" واشتريت بورتال2 .. وبعدها اللعبة اختفت
-شراء لعبة من EA
-ما اشتركت بالبلس بدري

 

[a-cube]

^ استغفر الله ضاق صدري وانا اقرا الردود مع ان مالي دخل بالسالفه

 

[Game Time]

اكثر جهاز ندمت على عدم شرائه كان الجيم كيوب

 

[xxamerxx]

وانا صغير الوالد قالي اشتري لعبه وحده لجهاز SNES فكنت محتار بين باتمان وكابتن امريكا ..لكن كان غلاف كابتن امريكا ارهب وللاسف شريته وندمت عليها وخاصه لما جربت لعبه باتمان عند واحد من اصحابي

 

[CODE-X]

- اني ما اشتريت القيم كيوب
- اني اشتريت لعبة اسمها هيفنلي سورد و اللي كانت واحدة من اسوأ و اتعس التجارب اللي مرت علي في حياتي .
- اني ما لعبت مجس 1 على ايام البلاي 1 ,
- اني اشتريت الpsp من جديد وكان فقط علشان بيس والكر !
- اني بعت الدي اس قبل لا اكمل اجزاء بروفيسور لايتون و اي اتورني .
- اني بعت الوي قبل لا العب زينوبليد .
- شراء الكنكت .
- شراء درمز جيتار هيرو بمبلغ رهيب و طلعوا ما يشتغلوا من المصنع و عملولي ازعاج كبير !

 

[~L.O.R.D~]

بعت الجيم بوي كلر البنفسجي الشفاف لإبن عمي لما كنت في سوريا بمبلغ 500 ليرة ( 35 ريال في وقتها ) + عدة ألعاب
لأنه صار عندي الأدفانس وما صرت احتاجه, بعد كم شهر من كثر ادمانه امه جابت المطرقة وكسرت الشاشة حقت الجهاز...الجهاز مازال يعمل ويشغل الألعاب..لكن الشاشة مكسورة