hits counter

فلنتوقع المستقبل : فلنتحدث عن سونى

Hunterkiller

Hardcore Gamer
بسم الله الرحمن الرحيم
عايز اتكلم عن مستقبل سونى واشوف ارائكم
1-ضرر استحواذات مايكروسوفت على سونى

خلينا نرجع لكام شهر لورا ومايكروسوفت بتعلن خبر استحواذهم عن بيثيسدا الخبر الاكثر مفاجأة فى عالم الالعاب فى 2020 للكثير و لكن خلينا نفكر فى الاستحواذ دا يعنى لايه لسونى فى حالة أن العاب بيثيسدا منزلنتش على منصتها
خلينا نقول ان عدد محبى استيديو بيثيسدا نفسه كثار جدا ودا شئ معروف وكل استيديو تملكه بيثيسدا الام لديه عدد من المعجبين اقل شوية تخيلوا لو مايكروسوفت استحوذت كمان على اسم ناشر كبير ولنفترض انه Sega فبرضك نفس الشئ مع persona مثلا ليها معجبيها الكثار وكذلك Yakuza والباقي
فمع خروج ناشرين كبار من انهم ينزلوا على بلايستيشن دا خسر سونى بشكل مبدئي كدا أرباحها من العاب الطرف الثالث اللى استحوذت /هتستحوذ عليها مايكروسوفت
لان اى لعبة بتتباع على منصتها بتاخد30% فمثلا يعنى لعبة كانت بتبيع 10 مليون نسخة من خلالها بمتوسط سعر 40$ فسونى كانت بتاخد 120 مليون الفلوس دى راحت عليها
نيجي للنقطة التانية ألعاب مايكروسوفت الجيل اللى فات مفهاش حاجة اللى هى لازم تتلعب الا قليل وممكن تغض نظرك عنهم عادى على عكس المستقبل القريب لا دا كمان العاب بتحبها مسبقا مش هتنزل على بلايستيشن يعنى فئة بتحب العاب بيثيسدا وفئة بتحب persona والخ فاصبح فئة كبيرة من لاعبى بلايستيشن لازم يكون جنب بلايستيشن كمبيوتر قوى او اكس بوكس هنقول 80% من اللى عايز جهاز جنب البلايستيشن هيروح لخيار الpc قوى ببساطة سونى مش مجرد خسرت أرباحها من مبيعات العاب بيثيسدا/الشركة الأخرى اللى هتستحوذ عليها مايكروسوفت لا دا اصبح للاعب بتاعها عنده مكان اخر يصرف فلوس فيه وسونى عايزة اى اموال تصرفها على الالعاب تكون من خلالها فمثلا عند نزول gta vi لعبة هتبيع فوق ال100 مليون نسخة سونى عايزة اكبر كمية من النسخ المباعة تكون من خلالها هى علشان مكسب ال30% هيبقى عالى جدا ولكن تخيل لما هيبقى عند فئة كبيرة من لاعبى بلايستيشن عندهم خيار تانى بالفعل زى الpc فى منهم كتير هيتجه لشرائها عليه هيقول هجرب المودات او لقى سعرها ارخص او اللى هيبقى عندهم Xbox ماذا لو أدائها التقنى اعلى بفرق ملحوظ فانا شايف ان الضرر اللى اتسبب من استحواذ بيثيسدا على سونى مش صغير لانه اصبح لفئة كبيرة ضرورى جهاز pc قوى او xbox. ففى فئة هتقلك هخلى الالعاب الحصرية فقط على البلايستيشن ودا هنا لسا ضرر على سونى لان المكسب من العاب الطرف الأول عند سونى هو مش مجرد بيع الالعاب لا هو بيع الجهاز وبالتالى بيع العاب الطرف الثالث عليه لانها منصة والا لو الحكاية مجرد بيع العاب استيديوهاتها كانت تحولت لشركة طرف ثالث وريحت دماغها وكمان العاب الطرف الأول لسونى بتركز على الطور الفردى كما معلوم فالفئة دى كتير منهم مش هيشترك فى البلايستيشن بلس وبالتالي ضرر تانى على سونى

2- نقاش عن مستقبل ألعاب سونى و نزولها على الpc
خلينا متفقين أن العاب سونى الحصرية هى سبب شراء بلايستيشن لفئة معينة من اللاعبين مش كلهم بالتأكيد ولكن فئة كبيرة نسبيا اينعم لو انفكت حصرياتهم على الpc مبيعات البلايستيشن مش هتتاثر تأثر ضخم ولكن هيبقى فى ضرر فانا مش شايف العاب سونى هتنزل من اليوم الاول على الpc خالص
لو مايكروسوفت كانت خرجت من المنافسة بشكل كامل كانت سونى تقدر تتحكم اكتر ولكن حاليا أفضل اقتراح من وجهة نظرى رقم واحد تنزل العابها القديمة على الpc فقط يعنى اى لعبة ما قبل ps5 واساسا فى كام لعبة من سونى اتوقع هتعدى ال٢ مليون بسهولة لو نزلت على الpc والالعاب التانية هتجيب مبيعات متوسطة وغير كدا شعبية الالعاب دى هتعلى يعنى لما تعمل collection لالعاب infamous وتنزلها على ال pc انت هتبيع اللعبة بجانب ان شعبيتها بتعلى فلو عملت جزء جديد هيبقى جمهورها اكتر
رقم اثنين هو أنها تعقد اتفاقية مع ايبك لمدة سنة لكل لعبة وبعد كدا على ستيم ليه؟ العلاقات بينهم حلوة تاخد فلوس كاش من ايبك ودا مش هيخسر و فى مصلحة ابيك برضك لانها هتجلب الفئة اللى بتدفع فلوس لان فى العاب سونى must play فهيبقى عندها ناس ولو قليلين بتدفع وفى احتمالية انها تدفع فى العاب اخرى داخل ايبك ستور
فهتبقى مربحة للجميع للاعبى الpc ولسونى ولمحبي بلايستيشن فليه لا؟


ملحوظه : هذا الكلام مكتوب فى اول فبراير فى حاجات عايز اعدلها زى انى امسح سيجا واحط" اى شركة تانية ممكن تحصل ولو حتى بعد سنتين " بس هسبها وحاجات أخرى بس مش هغيرها
وكنت بكتب وعايز اتكلم عن العاب سونى من الطرف الاول المستقبلية وأنه واعد جدا جدا وانه هيبقى احسن من الجيل اللى فات بس هبقى اكتبه بعدين
المهم شاركونا تعليقاتكم سواء اختلاف كامل او اتفاق فى بعض النقاط
 

صـلاح

Hardcore Gamer
طيب هذه هي المنافسة , أين المشكلة !

يا ما سوني حاولت مرارا وتكرارا إقصاء المنافسين واحدًا تلوا الآخر ونجحت في بعضها ,, ومحد قال شيء

لكن يوم يجي الشيء ضدها ,, تقوم الدنيا وتولع !

الأمور اشوفها جدا عادية ,, شركة تريد المنافسة بقوة ,, ولا تترك مجالا لسوني للسيطرة الكاملة

هذه هو الموضوع باختصار
 

Hunterkiller

Hardcore Gamer
طيب هذه هي المنافسة , أين المشكلة !

يا ما سوني حاولت مرارا وتكرارا إقصاء المنافسين واحدًا تلوا الآخر ونجحت في بعضها ,, ومحد قال شيء

لكن يوم يجي الشيء ضدها ,, تقوم الدنيا وتولع !

الأمور اشوفها جدا عادية ,, شركة تريد المنافسة بقوة ,, ولا تترك مجالا لسوني للسيطرة الكاملة

هذه هو الموضوع باختصار
معنى الكلام اني ضد استحواذ مايكروسوفت؟ انا بتكلم هو ممكن يأثر ازى على سونى
اقصاء المنافسين لدرجة الانفراد مش حلو بالنسبة لينا.
ومايكروسوفت لم تقصي سونى باستحواذ بيثيسدا اطلاقا
 
أعلى