Bo7mood89
True Gamer
السلام عليكم
يا شباب في شي بالخاطر و قلت اسولف لكم فيه عل و عسى افيد فيه غيري
أحياناً الألعاب نحسها منفرة بزيادة بصعوبتها مثلاً مثل ألعاب السولز، او لعبة الغاز و تحتاج تفكير و لحس مخ بالدنجن مثل زيلدا، او لعبة تخليك تعيد و تعيد عشان تفوز بالمرحلة مثل هوت لاين ميامي
اللاعب اذا لعب العاب مثل هذي بطاقة سلبية زايدة، راح يلقى نفسه كرهها لأن الصعوبة بالقتالات او الالغاز راح يستصعبها و توتره و تخليه يكره اللعبة و يلقي اللوم عليها
على النقيض تلقى لاعب يعاملها انها لعبة و انها تصممت عشان اللاعب يقدر يطوفها، يبني لنفسه عامل ايجابي و يلعب، بيخسر مره اثنين ثلاثة الف، لكن بكل مرة بيكون مصر انه يتعلم من اللي قبلها، و يحط فباله انه بينهي المكان الصعب بدون توتر زايد ممكن انه يطيحه بالغلط، عصبيته بتقل و بيعتبر الصعوبة هذي متعة عشان يستمتع فيها، هني اللاعب بيقدر اللعبة اكثر و هالشي بيعزز ثقته بنفسه.
هالكلام عن تجربة يا اخوان، بلودبورن اللي قاعد اعيدها هالأيام هي اجمل بكثير من بلودبورن ٢٠١٥، لأني قاعد اخلي من كل لحظة صعوبة و توتر فيها لحظات استمتاع و تحدي و ثقة بالقدرة على نسف الأعداء بأقل خسارة، هالشي ترى طبقته على تعاملي مع ولدي، خففت التوتر اللي عليه، عطيته المساحة و الحرية اللي يحتاجها، و النتيجة مبهرة، بدال التوبيخ على كل صغيرة و كبيرة، خليته يخطىء براحته و يعلم نفسه بنفسه مع قربي حوله، هالشي غير امور كثير
نفس الشي اللعبة، عطها فرصتها تشرحلك نفسها، تحملها، اخذ تحدياتها بهدوء و تذكر انها لعبة بالأخير هدفها امتاعك و ليس جلدك و معاقبتك
هي فضفضة حبيت انقلها لكم، تغيير النظرة من شك و توقع الاسوأ إلى ثقة حقيقية بحصول الأفضل ستأتي بثمارها بشكل سحري.
عاملوا الألعاب بالطريقه الصحيحة، سترون جمالها و ان بدت قبيحة
و شكرا...
يا شباب في شي بالخاطر و قلت اسولف لكم فيه عل و عسى افيد فيه غيري
أحياناً الألعاب نحسها منفرة بزيادة بصعوبتها مثلاً مثل ألعاب السولز، او لعبة الغاز و تحتاج تفكير و لحس مخ بالدنجن مثل زيلدا، او لعبة تخليك تعيد و تعيد عشان تفوز بالمرحلة مثل هوت لاين ميامي
اللاعب اذا لعب العاب مثل هذي بطاقة سلبية زايدة، راح يلقى نفسه كرهها لأن الصعوبة بالقتالات او الالغاز راح يستصعبها و توتره و تخليه يكره اللعبة و يلقي اللوم عليها
على النقيض تلقى لاعب يعاملها انها لعبة و انها تصممت عشان اللاعب يقدر يطوفها، يبني لنفسه عامل ايجابي و يلعب، بيخسر مره اثنين ثلاثة الف، لكن بكل مرة بيكون مصر انه يتعلم من اللي قبلها، و يحط فباله انه بينهي المكان الصعب بدون توتر زايد ممكن انه يطيحه بالغلط، عصبيته بتقل و بيعتبر الصعوبة هذي متعة عشان يستمتع فيها، هني اللاعب بيقدر اللعبة اكثر و هالشي بيعزز ثقته بنفسه.
هالكلام عن تجربة يا اخوان، بلودبورن اللي قاعد اعيدها هالأيام هي اجمل بكثير من بلودبورن ٢٠١٥، لأني قاعد اخلي من كل لحظة صعوبة و توتر فيها لحظات استمتاع و تحدي و ثقة بالقدرة على نسف الأعداء بأقل خسارة، هالشي ترى طبقته على تعاملي مع ولدي، خففت التوتر اللي عليه، عطيته المساحة و الحرية اللي يحتاجها، و النتيجة مبهرة، بدال التوبيخ على كل صغيرة و كبيرة، خليته يخطىء براحته و يعلم نفسه بنفسه مع قربي حوله، هالشي غير امور كثير
نفس الشي اللعبة، عطها فرصتها تشرحلك نفسها، تحملها، اخذ تحدياتها بهدوء و تذكر انها لعبة بالأخير هدفها امتاعك و ليس جلدك و معاقبتك
هي فضفضة حبيت انقلها لكم، تغيير النظرة من شك و توقع الاسوأ إلى ثقة حقيقية بحصول الأفضل ستأتي بثمارها بشكل سحري.
عاملوا الألعاب بالطريقه الصحيحة، سترون جمالها و ان بدت قبيحة
و شكرا...
.
