s3rorh
True Gamer
بسم الله الرحمن الرحيم
السلام عليكم
فعلاً ... ليش ما في موضوع خاص فينا إحنا الرجال المتزوجين ؟ ( مع انه الاغلب هنا رجال ! ) .... و أيضاً خلونا نشوف مين فينا هو الأخر متزوج بالتصويت فوق !! ( على فكرة ترا ما يمديكم تغييرون التصويت ! )السلام عليكم
خلونا نبلش الموضوع بشي طرأ ببالي أثناء كتاباتي أخر رد لي بموضوع أخر... قبل دقائق ... وهو :
هل انت من الأزواج ألي يبدلون حفاض عيالهم ؟ ... و لماذا ؟ ( نسمح بمشاركة العزاب علشان نشوف أرائهم )
عن نفسي .... فا لأ !! ... إلا اذا كنت مضطر لذلك ! .... و حتى لو هالشي حصل , فا هو يتم فقط داخل اسرتي ومن المستحيل أنه يطلع برا سقف بيتي سواء كا مزحة أو كا مدح من زوجتي قدام الأخرين !
لأني محترم و مقدر بأنه الزوجين المفروض يربون عيالهم بالتساوي و كل واحد فينا يعرف حقوقه كا والد أو والدة .. بس بنفس الوقت في امور بالبيت لازم محد يأخذ او يسويها بالنيابه عن الشخص الأخر ما دام هو موجود ... إلا في حالات حرجة و إستثنائية جداً !!
مثال :
زوجتي عندها موعد طبيب .. و الطبيب معروف عندنا يزرعونك بالانتظار ... فا هل اصير أناني و اقول لزوجتي ( اخذي ابنك معاج ؟ ) و اشتري راحتي !؟ .. طبعاً لأ... لأني ما ابي اصير أناني و بالاخير زوجتي و ابني يتأذون بالانتظار وانا حضرتي نايم او ألعب قيمز او جالس ارد على ملك الشحاتين بترو جيمنج بالردود .. فا انا عندي وايد امور اهم منك .. فهمت يا هذا !! @demon king !!
اش بي تحمست !!
نرجع للموضوع !
المهم .. في مثل الموقف أعلاه ... بقول لزوجتي تخلي البيبيي و تروح .. بس بشروط سهله .. وهي انه تبدل له و ترضعه حليب قبل لا تروح ... ويا حبذا لو تخليه ينام أيضاً !! ... و طبعاً في حال ما كان في وقت لكل هذا ,لسبب من الاسباب ... فا هالشي مو معناتها بأني ما بستقبل البيبي ... بل بستقبله ... بس هذي شروط أحبذها في حال كان هناك المجال لتوافرها !!
طيب ... لنفترض بعد ساعه .. البيبي قعد ... لأنه مسوي كوكو كاكه بحفاظته !؟ ... و لما اتصلت على الام و سألتها متى بتوصل قالت بأنه يبي لها انتظار فوق النص ساعه و بعدهي ما شافت الدكتور ... أنا أيش بسوي ؟؟
بكل بساطه ... بعصب ... و اقعد اسب .. و اغضب ....
بس كل هذا يحصل بداخلي بيني و بين عقلي الباطني !!! ... حاله حال رده فعلي باغلب المواقف ألي تخليني اعصب -_- ... يعني , اتحكم بغضبي .. و ما اطلع هالشي لبرا
المهم .... على الرغم من عصبيتي .... بينما و انا اكلم زوجتي على الهاتف بقول لها ( هممم اوكى ... مع نبرة صوت زعلان من الوضع ) أثناء ما هي تقول لي ( حاول تلهيه على ما اجي و اغسله ! )
اهني انا عندي الخيار:
- ما بين اخلي ابني يستمر بالبكاء و تصير عنده حساسية و احاول اسكته و ألهيه بأي شي و زوجتي تتوتر و تعيش القلق ...
- او اغسله ببساطه علشان انا وهو و الأم نكون كلنا سعدنا ( مع اني ما بصير سعيد .. بس بمثل هالشي ! -_- )
فا هني افضل أني ابدل له الحفاظ بنفسي !!!
وما بسمي هالشي كا ( تنازل ) ... بس اسميه ( الخروج من دوري كا أب بشكل مؤقت .. علشان أغطي دور الأم لعدم توافرها و أساعدها , لمصلحة العائلة كا كل )
اتمنى فكرة نظرتي لموضوع تبديل الحفاض من قِبل الزوج قد وصلت !
أتمنى ما تصير في حزازية و إنقلابات و حروب بالموضوع !
و يا من تقرأين هذا الموضوع .. وتبحثين عن زوج .... فا رقمي الخاص هو 00447777777777
تعديل:
غيرت أسم الموضوع من ( المتزوجين ) إلى ( عالم الرجل ) لأفضل شمولية
التعديل الأخير: