طاش ما طاش 13 وتأثيرة على الشباب ؟؟

[SHABASH]

من منا لا يعرف هذا المسلسل العربي الشهير وتاثيرة على المجتمع العربي .

طبعا هذا المسلسل يجمع مابين الكوميديا والدراما والاكشن

اختصر الموضوع احسن .

في حلقة من الحلقات في هذه السنة جا فيها عبدالله السدحان يبيع (دهن عود ) طبعا كان هندي وكان ينطقها (دين وود ) ( dynood ) لكن للاسف اصبحت هذه الكلمة اساسية في المغازلة
يوم كنت عند باب المحل في ال **** مول و واحد من الشباب الله يهديه عدت من جنبة بنت الا واسمع كلمة ( dynood ) ؟؟؟
بس والله بيني وبينكم خلاني اموت من الضحك

ايش عاد نقول الله يهديهم

اتمنى ياخذون عبرة من حلقة (عجلات الموت ) حق يا قاهرهم

نسأل الله ان يهديهم ويهدينا الى السراط المستقيم

 

[Humam]

لول دينود دينود..حلقة رهيبة

من جد ثنائي محترف السدحان والقصبي, عيبهم ان بعض الأحيان يبالغوا في تقديم وجهات النظر والتكرار كل عام يقتلهم .. الآن كم مرة جابوا حلقة عن التفحيط .. الفكرة صارت مرة مستهلكة.

 

[G7Ga7]

أولا عن المسلسل صراحة هالسنة بالذات أحس انهم جابوا مواضيع رائعة ( الى الان على الاقل ) يعني مشاكل المجتمع فعلاً طرحوها باسلوب راائع , شوفوا حلقة الاسهم كيف ..

تدرون بعد عرض هذيك الحلقة بايام فتحت الـMBC ولقيت فيها دعاية من هيئة السوق المالية او مثل كذا , المهم انها تحذّر من الاشاعات ومن الامور السلبية المتعلقة بالأسهم !!!

وحلقة عجلات الموت .. باسلوب جديد " ومعبّر " !!
أيضا حلقة "ديــنــود " .. اشوف انها طرح لقضية نعيشها حالياً , وتراها للأسف موجودة O_O"

عالعموم ما اشوف تأثير "سلبي" عالشباب .. اما هذا الشخص الي شفته , الله يستر عليه بس ><" شكله مهوّي بقوّة ...

 

[SHABASH]

على قولتك اخ عبدالرحمن شكل الشخص ذا مهوي بقوة

ديــنــود ديــنــود

 

[Pichi]

لوووول ,, والله كانت رهيبة حلقة دينود دينود ..انا اعتقد ان حلقة التفحيط حتى ينبهوا الشباب
وفعلاً هذا الي صاير في التفحيط ..
من شاف حلقة اليوم XD ماشفت اسم الحلقة لكن كانت عن الطلاق و الزواج?
اما حركة الدولاب رهيبة رحت ضحكت عليها ..لوووووووووووول ..

 

[Suzuki Yu]

أنا من ناحيتي مسلسل طاش ما طاش رأيي عنه ان صحيح بيقدم قضايا جدية لكن المسلسل
نفسه كعمل فني واخراج وما الى ذلك كلام فاضي .

من ناحية القضايا اللي قدمها المسلسل حتى الان بأصداره الثالث عشر أفضل قضية

هي قضية اليوم طبعا ................. قضية أفتراء بعض الرجال في الزاوج بطريقة همجية رجعية يعني
حتى الصحابة ماكانوا يسوا كده .............. الرجل يقعد يتزوج هذي ويتزوج هذيك ويرمي هذي ويسيب ذيك شغال يبيع ويشتري ................... ياعمي والله مهزلة بعض الرجال وهم نسبة مش هينة في
المجتمع مش معطيين أي قيمة للأناث .................. يعني حتى الحلقة حقت اليوم عجبتني في
تشبيهها لمن جابوا واحد بيشتري خروف لمن جا عروس النحس المخرف طلب العروس من أهلها
لمن هجت من بيته وأهلها الهبل قالولوا أبشر نروضها لك

يعني طلبت اللجوء عند أهلها ........... وخابت وأنقلبوا هم برضوا عليها

ياعمي والله ما يصير هذا الحال ..................... كم ضحية من فتيات المجتمع سقطت في حادثة
مشابهه ياخي أعوذ بالله منهم ذيله اللي مايراعون لا ضمائر ولا أي مبادئ سامية

هذي هي المشكلة في المجتمعات الذكورية ................... وغياب القوانين الصارمة اللي تمنع
امثال هؤلاء من العبث

 

[Tomb raider]

السلام عليكم ورحمة الله وبركاته
ما ادري ليش ما يعجبني
-____- ما احب الكوميديا الخليجيه
حتى الفلام الكوميديه الامريكيه ما تعجبني
احب المسلسلات الكوميديه مب الافلام اقصد الامريكيه

 

[Hironobu Sakaguchi]

انا حاس انه المسلسل فقد طابعه الفكاهي
بالرغم من انه يقدم تظرة للمواضيع الاجتماعية لكن ما احس في هدف منها

 

[M 7 L]

السلام عليكم...

اما أنا أقول إن مسلسل طاش ما طاش السنة هاذي مو بالمستوى المطلوب....

من ناحية الفكاهة...ما أحسّ إنة يضّحكني أبد في هاذي السنة بس يمكن اليوم في الطاولة ^^....ودينوود...

أما السنوات الماضية كنت 24 ساعة قاعد أضحك بروحي ما التلفزيون ^^....

من ناحية الانتقاد البناء...طاش ما طاش السنة يمكن بس أبدع في هاذي في حلقتين للآن...حلقة دينوود ^^....وحلقة اليوم ^^....

وحلقة التفحيط ما عجبتني إلا في النهاية لأن الموسيقى رهيبة ^^.....أما باقي الحلقات عليهم العوض...(( ما لهم داعي في الحياة )).....

وإن شاء الله تكون الحلقات الجايّة بالمستوى المطلوب.....

سلام...........

 

[JOE]

أنا من ناحيتي هذا المسلسل في إنحدار متواصل منذ أكثر من 3 سنوات ... حلقات مكررة تغث النفس ..و قضايا إجتماعية تُعرض بشكل ساخر يُفقد الفكرة المقصودة فعاليتها.. و المبالغة اللانهائية التي تُنفّر المشاهد ... و الأدوار المكررة على مر السنين لكل من نجمي المسلسل ناصر القصبي و عبدالله السدحان ...مثل شخصية فؤاد الأحول و خاله أسعد عمر قلّي ( يوسف الجرّاح) التي فقدت فكاهتها بسبب تكرارها الممل ... و في الأخير أنا لست من عشّاق هذا المسلسل لكي أتحسّر عليه .. و لكن هناك الكثيييييير من الشباب الذين يرمز إليهم شهر رمضان جديد بـ " طاش ما طاش " جديد و الله المستعان ...

 

[Soliden]

الخلق صارت تغازل بـ "دينوود" .. أمر مضحك.. و مؤلم في نفس الوقت..
شباب منتهين ~_~.. الحمد لله الذي عافاني مما ابتلاهم و فضلني على كثير من خلقه..

 

[G7Ga7]

البارح وانا رحت لدورة المياه الله يكرمكم ابي اتوضّا .. مدري الا اشوف ثلاثة شباب يسولفون دخلت بينهم أتوضأ .. مدري الا اسمعهم يسولفون عن حلقة التفحيط ..

وياللأسف ايش سواليف تقطّع القلب x_x .. واحد يقول وش رايك بالتفحيط الفلاني , والثاني يقول الي جابوه طاش هو مفحط اسمه كذا وهو فنّان .. وكلام فااااضي xD

بعدها اكتشفت مستوى بعض الشباب الله يهديه ..

الحمد لله الذي عافاني مما ابتلاهم و فضلني على كثير من خلقه..

... الحمد لله والشكر له !!

 

[Torpedo]

انا قطعت طاش خلاص .. مليت منه...

 

[Khalid-S]

شباب احد يعرف فين احصل حلقه اليوم تورينت ؟

 

[Shinji Mikami]

بالنسبة لي صراحة ما تابعت أي حلقة لطاش هذه السنة ( أرجع بعد صلاة المغرب على غرفتي رأساً ، يا ألعب يا أخش النت )، لأني خلاص ما صرت أهتم بهالمسلسل باستثناء حلقة أبو علي مع التاجر النيجيري والسبب الوحيد الي خلاني أشوفها هو اني عزمت الشباب عندي في البيت على الفطور نفس اليوم و اظطريت اني اشوفها , بالمناسبة هذول الشباب كلكم تعرفوهم وهم : Yu Suzuki ( الي هو من أقربائي على فكرة) ، Hironobu Sakaguchi و the legend بس للأسف العزومة كانت ناقصة شخص غالي عليا كتير و هو Tom Clancy's الي اعتذر عن القدوم و احنا كلنا اصحاب من زمان من قبل حتى ندخل المنتدى
المهم اني ما أظن انه طاش يؤثر بشكل كبير على المجتمع شباباً كانوا أو نساء ، انا شايف انه التأثير بسيط

 

[ABUALI]

شباب احد يعرف فين احصل حلقه اليوم تورينت ؟

تورنت ما اعتقد لكن ممكن في الايام الجاية تحصل الحلقات في http://arabfilms.org/
لكن في وصلات دايركت
http://www.moon-f.net/6ash/s3edn1.zip
http://www.moon-f.net/6ash/s3edn2.zip
http://www.moon-f.net/6ash/s3edn3.zip

 

[Solid Snake]

طاش مسلسل سخيف بمعنى الكلمة .. فقد نكهته الفكاهية من زمان .. والحين ما يستحق إني أضيع وقتي عشان أتفرج على سخافات ما لها أي قيمة !

 

[TOM]

طاش السنه هاذي مافي غير امكن 2 أو 3 حلقات حلوه والباقي مطين صح ويجيبو الملل

 

[Az(e)z-N]

خخخ من سخرية القدر انه المسلسل هذا طلب عرضه احد اعضاء الكونغرس الامريكي على هيئة مخوله للبحث بقضايا المجتمع السعودي وحلها..سبحان الله كأنه الأستعمار يرد مره ثانيه لكن بطريقه آخرى..سابقا كانوا المستشرقين يدرسون صفات العرب علشان يعرفون نقاط ضعفنا..الحين يدرسون مسلسلاتنا علشان يدخلون من ثغراتنا كعرب..خخ سخريه للقدر..بالمناسبه النائب إلي طلب عرض طاش لمناقشته في المجلس يهودي يعني بتتوقعوا بيحل المشاكل P:خخخ

 

[Pichi]

من قال ؟
اصلاً الي طلبوه من طاش بس حلقتين من الكابوي حق طاش 10 P: ..
الي ظهرت بها كلمة قم بس قم لووووووووووووول..

 

[Humam]

صح .. الي انطلبت حلقة الكاوي بوي وتم طلبها لتنضم لمكتة الكونجرس الأمريكي لأنها تشكل جزء من الثقافة الأمريكية خخخخخ

 

[Torpedo]

خخخ العن ابو الثقافة خخ .. لكن احلى ما في الحلقة الشريف أحمد زكي طرطشلي XD

 

[Hironobu Sakaguchi]

Tash Ma Tash Is Going Down