الحلقة فكرتنا إن فى كم كبير من الشخصيات لسه مانعرفش عنها حاجة و إن حجم المؤامرة أكبر بكثير من اللى كان متوقع
البداية مع الأميرة الأولى كانت مفاجأة و أضافت طرف جديد للمؤامرة بهدف مختلف ، واضح إن الأميرة الأولى كانت عاوزة تخلى بنتها هى تاخد اللى الحكم بعد التخلص من شوان و ظهور جين و لوتتا عقد الموضوع بس فى أكثر من نقطة غريبة بخصوص الجزئية دى من الحلقة
أولا : الملاحظة بخصوص لون شعر سكان دووا مهمة لأن رئيس جين فى العمل ليه نفس لون الشعر المميز لسكان دووا ، ده بالإضافة لكلام لوتتا عن إن صديقها من دووا يخلينى أرجح إنها تقصده و إنه فى الحقيقة من دووا ، الفكرة هنا إن إنقاذه للوتتا صعب تخيل إنه صدفة و نفس الكلام بخصوص موضوع عدم قدرته على التنقل و اللى غالبا كان عشان يخلى جين هو اللى يتنقل بين المقاطعات و السؤال يبقى إيه حقيقة شخصيته و دوره بالضبط ؟
ثانيا : كان فى ملاحظة غريبة بخصوص حرس الأميرة الأولى المسئولين عن عملية الإغتيال و هى إن بالرغم من مظهرهم إلا إن أصواتهم كانت أنثوية بشكل واضح

ثالثا : بنت الأميرة الأولى ماظهرتش فى العمل حتى الآن و مش عارف إذا كان ده ليه معنى أو لأ
بالنسبة لجزئية جين فى الحلقة ، واضح إن جين قرر أخيرا إنه يتحرك بشكل إيجابى و مكشوف و ده تطور جيد لشخصيته و واضح إن عدد من المقاطعات بتؤيده لأن فى الآخر الكل عارف إن شوان غير مناسب ، الملاحظة هنا إن مقاطعة بيشى اللى زارها جين هى أول مقاطعة تؤيده بصراحة بس قبل ما جين يسافر رئيس المقاطعة سلم جين خطاب عليه شعار المقاطعة و الأرجح إنه خطاب دعم ليه ، الفكرة هنا إن جين لقى خطاب مماثل فى عدد من المقاطعات اللى زارها بشعار مختلف فى كل مرة (على سبيل المثال جين لقى خطاب من مقاطعة جاموكا فى الفندق فى الحلقة الثانية ) و ده ممكن يكون معناه إن المقاطعات اللى زارها و لقى فيها الخطاب ده تبقى المقاطعات المؤيدة ليه ، العمل هنا مليان تفاصيل ضغيرة و أظن إن لو الواحد تابعه تانى فيه معلومات أكثر هاتظهر
الحلقة كان برضه فيها نقطة لفتت انتباهى بشكل خاص و هى تعليق موف على تحرك العائلة المالكة ضد جين و لوتتا ، موف ذكرت إن العائلة عرفت أخيرا بحقيقة جين بعد ما الإشاعة بخصوصه انتشرت فى المقاطعات بستة أشهر

معنى التعليق مهم لأن بيأكد على النقطة اللى ذكرتها قبل كده و هى إن العائلة المالكة معزولة عن العالم لدرجة إنهم خدوا أكثر من ستة أشهر عشان الإشاعة اللى انتشرت فى كل المقاطعات توصل لهم و أصلا معرفتهم بالموضوع كان صدفة ، النقطة التانية الغريبة بخصوص العائلة المالكة إن مجرد زيارة شوان لخالته (الأميرة الأولى) أكثر من مرة تم اعتبارها حاجة غريبة تستدعى تبليغ رئيس المجلس كوالم

اللى حاسه إن العائلة المالكة بيتم التحكم فيها بشكل كامل من طرف كوالم و للسبب ده كوالم عزل العائلة عن باقى المملكة و تخلص من شينى اللى تفكيرها كان مختلف و ده برضه معناه إن كوالم هايبقى أكبر معارض لجين لأن شخصيته مختلفة بشكل كبير عن باقى العائلة المالكة و مش منعزل و سهل التحكم فيه زيهم
بالنسبة لجزئية ليليوم فالأعضاء
@Ami_ و
@بشير شكري اتكلموا عنها بشكل كافى فعلا
نقطة أخيرة و هى إن الحلقة وضحت إن سباد يبقى من مقاطعة ياككارا بدليل ظهوره فى الأوبيننج مع أوراق اللعب و كلامه عنها أثناء الإجتماع و اللى بيتفق مع طبيعة المقاطعة