Good Hunter
True Gamer
Lego Horizon Adventures قادمة لل PS5 و ال PC و ال Nintendo Switch.
وبكذا رسميا نينتيندو تصبح شركة الطرف الأول الوحيدة وبانتظار Astrobot و ولعبة نوتي دوق القادمة على السويتش ٢، النسخة الأفضل.
--
طيب ما علينا، صدور هورايزن بهذا الشكل يخبرنا بعدة نقاط:
- أولا، لسا ما نقدر نقول سوني صارت طرف ثالث، سيناريو لعبة الليقو هذي يدخل فيها موضوع التراخيص والشروط والعوامل الأخرى، مثل اللي حصل مع MLP.
لعبة وحدة مرخصة مقابل 5 العاب طرف اول، ما راح تتغير المعادلة.
- اللعبة من تطوير استديو ماهو تابع لسوني اصلا، gobo اللي معروف بتطوير العاب الليقو واللي اعلن قبل فترة عن هذي الشراكة، لكنها بالتعاون مع قوريلا قيمز واعتقد دورهم اشرافي علشان اللور والقصة والعالم.
- التوسع في ال IPs هو وحدة من أهداف استراتيجية سوني الجديدة، ألعاب/ أفلام/ مسلسلات/ انمي/ تراخيص. الخ.. ليقو ومنصة جديدة وجمهور جديد.. اشارت سوني لهذا بوضوح في اجتماعها الشهر الماضي.
- جمهور ألعاب الليقو أو بالأصح جمهور هذي النوعية من الألعاب (عائلية/طفولية) هم جمهور سحبت عليه سوني من فترة طويلة، قاعدة السويتش فيها رقم كبير من هذا الجمهور.
- يمكن يكون تسويق لل IP الحقيقي، ملاك السويتش كبار/صغار، يمكن يعرف عن هورايزن أكثر ويشتري PS5 بسبب لعبة الليقو هذه، أو، يشتريها على ال PC. بكل الحالتين سوني بتربح.
- مع هذا، مستغرب، شمعنى هاللعبة بالذات مو على PS4، عندك جهاز عليه 50% لاعب بلايستيشن نشط، والنصف الثاني على PS5.
- نقطة مهمة، مستفزني تعامل سوني مع IP هورايزن وشخصية الوي المملة، قاعدة تستغله وتدلعه اكثر من غيره، يعني علشان هيرمان صار مدير الاستديوهات مثلا؟ افلام مسلسلات فورتنايت ريميك لعبة خدمات وجزء ثالث واتوقع بنشوف لها مطعم أو مدينة ملاهي.
- السيناريو يذكرنا بأول مرة شركة طرف أول اصدرت او رخصت العابها على أجهزة شركات اخرى، وهي... نينتيندو عندما أصدرت سوبر ماريو ودونكي كونق على الاتاري 2600.
