زبائن أمازون وعملاء أراميكس D: مبروك ... الزيادة وصلتكم >.>

[Purple Rain]

الخبر مو شي

احنا ما صدقنا نطلب من النت ونفتك من النصب الي عندنا الحين يفرضون ضرايب !!

زين جم نسبة الضريبة على ثمن كل سلعه ؟؟

 

[NextGGamer]

الخبر مو شي

احنا ما صدقنا نطلب من النت ونفتك من النصب الي عندنا الحين يفرضون ضرايب !!

زين جم نسبة الضريبة على ثمن كل سلعه ؟؟

ما اعتقد راح يكون كبير المبلغ بس راح تأثر اذا طلبت شي غالي بس اتوقع الضريبة تكون من 5٪ الر 10٪
او كل 50$ راح تكون الضريبة 5$

 

[Isaac]

لول شباب DHL عنده خدمة Shop and Ship زي أراميكس ... ؟!


وفي أي ولاية صندوقهم ؟! :yuck:

 

[Snake-87]

عرفت لانه طلبت شغله من الامازون فكانوا حاطين ملاحظة اي شي يشحن في شهر 6 راح يضاف tax

أح
طالب اشياء وايد منها نينجا جايدن وفلم بلوري ..><"
أنزين انا طالب ودافع حق كونامي حق الشحن مال الباندل من موقعهم الرسمي .. بعد فيه ضرايب ؟

 

[NextGGamer]

أح
طالب اشياء وايد منها نينجا جايدن وفلم بلوري ..><"
أنزين انا طالب ودافع حق كونامي حق الشحن مال الباندل من موقعهم الرسمي .. بعد فيه ضرايب ؟

مادري عن موقع كونامي بس موقع newegg بعد ارسل رسايل انهم راح يضيفون ضرايب للي عنوانهم في New York

Isaac
عنوانهم في ولاية Illinois
بس يمكن امازون يحط ضرايب للولاية فجرب حط عنوان عشوائي و جرب لي صفحة الطلب شوف في tax
و اذا في tax راح تكون اقل من New York

اعتقد للاونلاين الموقع ياخذ ضرايب اذا كان عندهم مخزن او الشركة تشحن من الولاية
يعني موقع Apple ياخذون ضرايب من زمان اذا شحنت ل NewYork
علشان جذيه امازون معترضين لانه شركتهم مو في نيويورك

 

[Tomb raider]

افففففف -__-" على فكره من كم يوم طال كم غرض من امازون واخذوا مني تاكس مع ان بعدنا عن 1 june -ـ-

 

[AMG]

افففففف -__-" على فكره من كم يوم طال كم غرض من امازون واخذوا مني تاكس مع ان بعدنا عن 1 june -ـ-

كم كانت التاكس ؟؟ :crying:

 

[Tomb raider]

تقريبا 5$ او قريب ن الرقم هذا ...

 

[Emirates]

واللي يشتري دايركت بدون ارامكس لول

.. انا اشحن طلبيتي دايركت بدون اللجوء الى ارامكس عن طريق صندوق البريد

صح يتأخر . 8 الى 14 يوم بس راضي كل الرضا ومب مستعجل على اغراضي

 

[Nix0-san]

اخذوا مني بعد 10$ ... :whistle:

 

[MoShaKiS]

والله قهر

الحين حسبتها لو ابطلب لعبه بتطلع علي بـ 64.8 دولار ومع شحن ستاندرد 68.3 دولار . .

يعني بالريال 256.125 هذا غير قيمة الشحن اللي تاخذه ارامكس وتاصل 300 بالراحه . .

والله لو آخذ من هنا اريح لي على الأقل آخذه بوقته دفع وتسليم . .

وحتى لو فكرنا ناخذ من البريطاني بيظل غالي ( أتكلم عن الجنيه مقابل الريال)

بعيدا عن التاكس , أكيد dhl عندهم خدمة الصناديق ؟؟؟ اذا عندهم ياليت الأسعار . .

 

[ASWD]

وش الهرجة هذي احنا شاردين عن غلاء الاسعار اللي هني -_-

التاكس ثابت ولا علىحسب السلعة؟

 

[Purple Rain]

زين شباب التاكس على الطلبية كلها ؟؟

والا كل شغله لها تاكس بحالها ؟؟ تصير نصخره جذي ؟؟

 

[NESTA]

وش الهرجة هذي احنا شاردين عن غلاء الاسعار اللي هني -_-

التاكس ثابت ولا علىحسب السلعة؟

من جد .... شباب ياليت واحد منكم يفند موضوع التاكس علشان نعرف بالضبط هل هو على كل ايتم او على الشحنة

 

[NextGGamer]

من جد .... شباب ياليت واحد منكم يفند موضوع التاكس علشان نعرف بالضبط هل هو على كل ايتم او على الشحنة

التاكس على المبلغ الاجمالي يعني فرضا التاكس 5% (اتوقع اكثر من %5)
و مبلغ الطلبية 100 $
ياخذون منك تاكس 5$
راح تاثر لو طلبت شي ب1000$
التاكس راح يكون 50$

Emirates
لا ما يحسبون عليك تاكس

لانه التاكس فرضته نيويورك على جميع مواقع الاونلاين في امريكا
--------------------------------------------------------

اتذكر قبل جم سنة كان قسم الفيديو جيمز في الامازون لtoys r us
فكانت شركتهم في نيو يورك فكانوا يحسبون تاكس
قاعد اشوف طلباتي القديمة على ايام toys r us في الامازون
كانوا ياخذون على 50$
Sales tax: $4.19

على الاكس بوكس 360 بسعر 400$
خذوا
Sales tax: $34.67

في سنة 2006 ما اتذكر اي شهر صار خلاف بين امازون و Toys R Us
فقامت امازون تبيع الفيديو جيمز و toys بنفسها
و toys R Us افتحولهم موقع خاص فيهم

طبعا وقتها صار الطلب احسن قمنا نستفيد من عروض امازون و التوصيل المجاني

تحديث :
بعد البحث في google
sales tax تختلف من مدينة لاخرى في نفس الولاية
عنوان ارامكس في Springfield Gardens
Springfield Gardens (zip 11413), NY,sales tax rate is 8.63%

يعني اذا اجمالي طلبك 50$ التاكس راح يكون 4.31$

 

[Suzuki Yu]

سوحقا سوحقا سوحقا ! الموضوع هذا ما يصير الا وانا مقبل خلال ايام ان اطلب قطع ال PC الجديد تبعي , أخخخخخخخخخ بالقهر :annoyed: حدفع شي وشويات من ورا هالشي

EDIT : لمن حسبتها راح ادفع للحكومة الامريكية اللعينة ما يقارب بين ال 500 الى 600 ريال على طلبيتي :yuck::

 

[aza619]

سوحقن سوحقن سوحقن ><"

أنا المسكين إلي قبل اسبوع فتحت الصندوق وكلي فرح
فجأة اكتشفت كلام ثاني غير عن إلي كان في بالي ><"

اكتشفت ان الكويت عندهم اول نص كيلو بـ 2.5 دينار وعندنا بـ 60 ريال ><"
واكتشفت انهم يشيكون على الصندوق كل يوم أحد وأربعاء اما عندنا كل ثلاث اسابيع مره وحده ><"

وألحين يقولون ان في تاكس ><"
سوحقن لهم ><"


شباب بليز .. إلي يعرف شركة ثانية في السعودية عندهم نفس هذي الخدمه سواء كانت DHL او فيدكس او اي شي .. يعطيني خبر .. وانا اتصل عليهم واسأل عن الاسعار والطريقة ..

بليز شباب -_-"




سنيك87 .. موقعك الوفي غدر فيك <.<"

 

[Colorization]

^ متاكد يشيكون عندكم مرة وحدة بس؟ والله قوية، واحد من شباب البحرين قال لي إنهم يشيكون مرة وحدة عندهم، أما لو تكون صحيحة بالسعودية فأنصحكم تطلعون تسوون مظاهرات عند باب الشركة. مرة كل 21 يوم معناته أغراضك ما توصل لك إلا بعد شهر

التاكس خبر يضيق الصدر بصراحة لكن نستحمل.

 

[Thirsty Fire]

في تاكس والا مافي بنطلب يعني بنطلب لوووووول

بس اتوقع مع التاكس ما زال ارخص من اللي ندفعه هنا.

 

[Snake-87]

طلبت من جيم ستوب صلخوني 8 $ >.>

سنيك87 .. موقعك الوفي غدر فيك <.<"

دزولي ايميل .. كل شي تمام الحمد لله ^^

 

[ASWD]

مافهمت شنو تقصد محمد بمرة وحدة*قصدك مثل سالفة السعودية* اذا ايه فالسالفة مغلوطة.لان الطلب يوصل خلال7-10 من تاريخ وصوله للميل بوكس اللي فأمريكا.فمو معقولة مرة وحدة

اييه فيه طلبية جامدة شوي جاية فالطريق الله يستر من التاكس -_-

DHL عندهم خدمة مثل ارامكس؟..اذا لا كم تكون قيمة الشحن من امريكا*قول امازون* لمنطقتنا*Emirates*

كمان TNT عندهم خدمات مثل ارامكس؟..اما فدكس محال افكر فيها حتى لو كان فيه لانهم نصابين على حسب ماسمعت

 

[Da S.O.S]

سوحقن سوحقن سوحقن ><"

أنا المسكين إلي قبل اسبوع فتحت الصندوق وكلي فرح
فجأة اكتشفت كلام ثاني غير عن إلي كان في بالي ><"

اكتشفت ان الكويت عندهم اول نص كيلو بـ 2.5 دينار وعندنا بـ 60 ريال ><"
واكتشفت انهم يشيكون على الصندوق كل يوم أحد وأربعاء اما عندنا كل ثلاث اسابيع مره وحده ><"

وألحين يقولون ان في تاكس ><"
سوحقن لهم ><"


شباب بليز .. إلي يعرف شركة ثانية في السعودية عندهم نفس هذي الخدمه سواء كانت DHL او فيدكس او اي شي .. يعطيني خبر .. وانا اتصل عليهم واسأل عن الاسعار والطريقة ..

بليز شباب -_-"




سنيك87 .. موقعك الوفي غدر فيك <.<"

اخوي معلوماتك غلط.. التشييك بالسعوديه مرتين بالأسبوع!

 

[aza619]

ASWD
^
مره وحده كل ثلاث اسابيع


هي حلوة لا بغيت تطلب من اكثر من موقع ..
بحيث ان الطلبات تتجمع وتنرسل مره وحده
اما تطلب شي وتبيه يجيك بسرعه مافي امل ..
بس المشكلة ما تدري متى راح يشيكون للدفعة الجاية ..



يبيلي اتصل على ارامكس الغبي واسأله متى التشييك الجاي ..
عساه يكون داري بس :/

كل ما سألته عن شي يقولي ما ادري


===========================


بالنسبه للي يقول انه مرتين بالاسبوع
يمكن هذا عندكم في الرياض ..

انا ما جبت الكلام من عندي .. هذا كلام إلي فتح لي الصندوق

 

[NESTA]

انا اللي اعرف ان اراميكس كان نظاهم اول تختار من بين ثلاث خيارات:

1- انك تشيك على الصندوق مرة في الشهر (اخر الشهر)

2- مرتين في الشهر (مرة في نص الشهر ومرة اخر الشهر)

3- مرة كل يومين الى ثلاثة ايام

هذا الكلام تقريبا من 3 سنوات .... الان خلاص صار مافيه الا خيار واحد وهو تشييك على الصندوق كل يومين الى ثلاقة ايام.

انا رحت لهم وسالتهم عن السبب .... وقلت لهم ان في العقد اللي انا موقعه معكم (واللي هو مدى الحياة) انا مختار اني اني اشيك على الصندوق مرة بالشهر (علشان تتجمع الطلبيات)

ردوا علي انه هذا القرار مب بيدهم وان المشكلة هناك في امريكا ان الاغراض صارت تتجمع في الصناديق وسببت لهم مشاكل علشان كذا الغوا الخيارات الاخرى.

 

[MoShaKiS]

ياإخوان أمازون أعتقد يشحن للخليج وبالتحديد السعوديه والإمارات , اليوم جالس أحوس في قسم المساعدات

وطحت على الشحن الدولي ولقيت بالوصف :

The following items can be shipped to almost all destinations outside the U.S.:

* books*
* DVDs
* music
* VHS videos

Additionally, some software, tools, video games, jewelry, sporting goods, shoes, consumer electronics and kitchen items can be shipped to the following countries:

Australia, Austria, Canada, Chile, Denmark, Finland, France, Germany, Great Britain, Hong Kong, Ireland, Italy, Japan, Mexico, Netherlands, New Zealand, Norway, Portugal, Taiwan, Saudi Arabia, Singapore, Spain, Sweden, Switzerland, Thailand, United Arab Emirates

Visit our International Direct store to browse products that are available for shipping to these destinations.

مادري اذا أحد جرب هالشي . .

 

[persona]

شفت مو لازم اكتب موضوع جديد

وصلني ايميل من ارمكس توه


Thank you for using our SHOP&SHIP service. Our aim is to continuously enhance your shopping experience with us.

Aramex has found it necessary to increase the SHOP&SHIP rates to offset the increase in fuel price and operating costs. Effective July 1st 2008, our new rates will be as follows:

First ½ kg K.D. 3.000
Each additional ½ kg K.D. 2.500

 

[Colorization]

واو. حرامية وربي.

http://www.ushopweship.com/

انا بنتقل اليوم، طز بأرامكس وخدمتهم.

 

[MoShaKiS]

^

كولو كيف أسعار الموقع ؟؟ ويوصل لاي نقطه بالعالم ولا له مكاتب ؟؟؟

تعديل : بعد القراءه مقرهم الكويت

 

[Snake-87]

عزيزنا العميل:​

​

نود أن نشكرك بدايةً لحسن تواصلك البناء معنا في خدمة تسوّق واشحن، حيث أننا نسعى دائماً لتطوير خبرتك التسوقية معنا عبر شبكة الإنترنت.

نحيطكم علماً بأنه ولضرورة قسوى ستقوم شركة ارامكس بزيادة أسعار الشحن عبر خدمة تسوّق واشحن ابتداءً من 1 يوليو 2008 كما هو موضح أدناه، وذلك بسبب ارتفاع أسعار المحروقات و تكلفة عمليات الشحن:

أول نصف كيلو 3.000 د.ك
كل نصف كيلو إضافي 2.500 د.ك

شاكرين لكم حسن تعاونكم معنا وتفهمكم للموضوع بهذا الخصوص، حيث أن موضوع ارتفاع الأسعار خارج عن إرادتنا علماً بأن المحروقات - كما تعلم عزيزنا العميل - تشكل تكلفة أساسية في مجال خدمات النقل والتوصيل.

نؤكد لك - عزيزنا العميل - أن هدفنا الأساسي هو ضمان حصولك على أفضل خدمات الشحن التي تنال على رضاك وبشكل متكامل، نسعد دائماً لخدمتك و الإجابة على أي استفسار بخصوص موضوع ارتفاع الأسعار أو أي من خدماتنا.

مع أطيب التمنيات،،،

فريق عمل خدمة تسوّق واشحن

يستاهل موضوع لحاله ^^"

 

[Double T]

لووول Amazon JP رهيبين .. طلبت الطلبية و وصلت ثاني يوم للأرامكس من وقت الشيبينق ... اسرع من امازن امركيا خخخخخ