JJW
Hardcore Gamer
السلام عليكم
توي قريت خبر صراحة جاب لي حرقان،روكستار عندها ٣ العاب جايه منوعه بين ريميك وريماستر..وصراحة خلاني اوقف وافكر
لمتى طيب هالموضه؟معقوله انا كشركه زي روكستار بدال ما اشغل الستاف حقي يبدعون ويفكرون ويسوون جزء جديد من سلسلة مشهورة عندي زي بولي ولا نوير ولا غيرها اروح اسوي ريماستر وريميك احلب العاب جربوها الناس وخلصو؟
يعني يكفي استهبال حلب قراند عبر الاجيال وهذا شي يؤسفني من شركة زي روكستار اشوفها ظاهره بعالم القيمنق والابداعيه والتفكير خارج الصندوق والابتكار والتجديد
والمصيبة مجتمع القيمنق يغلب عليه اللي يتحمسون للريماستر والريميك وهذا شي اتعجب منه،انا لعبت لعبه ع ايام البلاي ستيشن٣،وختمتها وش يحمسني او يخليني اشتري ريماستر؟نفس اللعبه بتحسينات الهواة يقدرون يسوونه وبسعر مايقل عن ١٠ دولار..
استغرب كيف كميونتي القيمرز مطاوع الموضه هذي ويدعمها بدل ان يحاربها ومخلي الشركات الكرييتفتي عندها صفر ونعيش اخر السنين باسوء فتره كلها واغلبها تجارب مكرره،وين اختفى التنويع والاجزاء المتجدده بقصص جديده بافكار جديده وين العناوين الجديده كل فتره نفس ايام البلاي ستيشن٢ والاكس بوكس كلاسيك،مع ان التطوير هذيك الفتره كان اصعب من الحين مافي مبرر للي يصير الحين الا انه ايزي موني للشركات و كميونتي مستهلك ع عماها
اشتري سويتش عشان العب العاب الوي يو،واشتري بلاي ستيشن٥ عشان العب العاب البلاي ستيشن ٤ وهلم جرا،ابدًا ماكان كذا اندستري القيمنق على كذا نتجه للمستقبل السحابي نفس فكرة الاكس كلاود ونتخلى عن فكرة الاجيال
اعطيك جزء جديد من لعبه ثم بدال ما اشتغل ع الجزء اللي بعده احشى لك سنتين ثلاث ريماستر لاجزاء قديمه من اللعبه ثم السنه الرابعه اسويلك ريميك للعبه نفسها ثم السنه السادسه انزل لك جزء جديد
عمومًا يمكن يكون رأي شخصي
لكن اشوف الشركه اللي تنزل ريميك لأي لعبه هو عكس لفشلها وفشل نظرتها الابداعيه وعكس ايضًا للجشع الغبي،بدل ما تنتج جزء جديد وتبدع جالسه تجيب جزء قديم مايحتاج اي شي بس شغل جرافيكس،والمصيبه الشركات تشوف انها سوت شي واو لما تسوي هالحركه وتلقى فانز يصفقون للاسف
اسف ع الاطاله بس كلام بخاطري لي فتره طويله ابغى اقوله واسمع اراءكم
توي قريت خبر صراحة جاب لي حرقان،روكستار عندها ٣ العاب جايه منوعه بين ريميك وريماستر..وصراحة خلاني اوقف وافكر
لمتى طيب هالموضه؟معقوله انا كشركه زي روكستار بدال ما اشغل الستاف حقي يبدعون ويفكرون ويسوون جزء جديد من سلسلة مشهورة عندي زي بولي ولا نوير ولا غيرها اروح اسوي ريماستر وريميك احلب العاب جربوها الناس وخلصو؟
يعني يكفي استهبال حلب قراند عبر الاجيال وهذا شي يؤسفني من شركة زي روكستار اشوفها ظاهره بعالم القيمنق والابداعيه والتفكير خارج الصندوق والابتكار والتجديد
والمصيبة مجتمع القيمنق يغلب عليه اللي يتحمسون للريماستر والريميك وهذا شي اتعجب منه،انا لعبت لعبه ع ايام البلاي ستيشن٣،وختمتها وش يحمسني او يخليني اشتري ريماستر؟نفس اللعبه بتحسينات الهواة يقدرون يسوونه وبسعر مايقل عن ١٠ دولار..
استغرب كيف كميونتي القيمرز مطاوع الموضه هذي ويدعمها بدل ان يحاربها ومخلي الشركات الكرييتفتي عندها صفر ونعيش اخر السنين باسوء فتره كلها واغلبها تجارب مكرره،وين اختفى التنويع والاجزاء المتجدده بقصص جديده بافكار جديده وين العناوين الجديده كل فتره نفس ايام البلاي ستيشن٢ والاكس بوكس كلاسيك،مع ان التطوير هذيك الفتره كان اصعب من الحين مافي مبرر للي يصير الحين الا انه ايزي موني للشركات و كميونتي مستهلك ع عماها
اشتري سويتش عشان العب العاب الوي يو،واشتري بلاي ستيشن٥ عشان العب العاب البلاي ستيشن ٤ وهلم جرا،ابدًا ماكان كذا اندستري القيمنق على كذا نتجه للمستقبل السحابي نفس فكرة الاكس كلاود ونتخلى عن فكرة الاجيال
اعطيك جزء جديد من لعبه ثم بدال ما اشتغل ع الجزء اللي بعده احشى لك سنتين ثلاث ريماستر لاجزاء قديمه من اللعبه ثم السنه الرابعه اسويلك ريميك للعبه نفسها ثم السنه السادسه انزل لك جزء جديد
عمومًا يمكن يكون رأي شخصي
لكن اشوف الشركه اللي تنزل ريميك لأي لعبه هو عكس لفشلها وفشل نظرتها الابداعيه وعكس ايضًا للجشع الغبي،بدل ما تنتج جزء جديد وتبدع جالسه تجيب جزء قديم مايحتاج اي شي بس شغل جرافيكس،والمصيبه الشركات تشوف انها سوت شي واو لما تسوي هالحركه وتلقى فانز يصفقون للاسف
اسف ع الاطاله بس كلام بخاطري لي فتره طويله ابغى اقوله واسمع اراءكم