رسميًا Insomniac تصبح مطور ملتي بلاتفورم

[D1rk-Knight]

السلام عليكم ورحمة الله وبركاته.

يبدو أن حادثة تعاقد بنجي مع أكتيفيجن لم تكن آخر مفاجأة نشهدها هذه السنة، فهاهي إنسومنياك تنتقل هي الأخرى للتطوير على كلًا من PS3 و360 من خلال تعاقدها مع EA، رابط الخبر:-

http://kotaku.com/5547071/ratchet--clank-makers-next-game-coming-to-the-xbox-360-ps3

صراحة كنت متوقع هالشيء، خاصة بعد الإشاعات اللي طلعت حول هالأمر.

وهذا رابط من المدونة الرسمية:-

http://insomniacgames.com/blogcast/blog/from_ted/1529690

 

[Al Pacino]

شئ جميل .. مع ان مدري ليه فيه شي بقلبي يقول ان مكان انسومنيك هو البلاي ستيشن .. مدري ليه ؟

 

[SCREAMING_RAGE]

الاحتكار حاجه مزعجه جداً, وفريق مثل Insomniac Games يحتاج يكون ملتي علشان يظهر للجميع مدى قوته و روعة العابه في هذا الجيل.

خوفي الوحيد من هذه الصفقه اننا ما نشوف جزء جديد لـ Ratchet & Clank :confuse:.

 

[The Last Lombax]

المفروض تعدل نص الخبر وتقول رسمياً راتشيت يلحق بكراش لنفس المصير :crying:

 

[D1rk-Knight]

المفروض تعدل نص الخبر وتقول رسمياً راتشيت يلحق بمصير كراش :crying:

راتشيت وريزيستنس ملك لشركة سوني، إنسومنياك مجرد مطور لها لا أكثر.

 

[SCREAMING_RAGE]

^
^
فال الله ولا فالك ..... فال الله ولا فالك......... فال الله ولا فالك.

الاسم Ratchet & Clank اعتقد انه مملوك لشركة سوني.

 

[s3rorh]

خبر جيد ... أتمنى اشوف ابداعات الفريق على اجهزه اخرى
سؤال اهبل : انفومس و Jak .. من تطوير الشركه (&) ؟ لأني ناسي ^^"

 

[D1rk-Knight]

^
إنفاموس من تطوير سوكر بونش.
جاك من تطوير نوتي دوج.

 

[The Last Lombax]

راتشيت وريزيستنس ملك لشركة سوني، إنسومنياك مجرد مطور لها لا أكثر.

الحمدلله
لكن ما حد يعرف لراتشيت إلا Insomniac Games :annoyed:

 

[BioMario]

خبر حلو و مب حلو لول ..
أي شي من انسومنياك أنتظرة أكيد فريق جبار و نشيط بجنون كل سنه يطلع لنا لعبة و ما تقل عن مستوى الجيد ..
يا سلام على EA

 

[Solid Snake]

خبر جميل إذا كانت لعبتهم القادمة بلاتفورم. وتعيس اذا كانت لعبتهم القادمة FPS

EA مسوية شغل جبار الجيل هذا. اختياراتهم ممتازة في الاستوديوهات اللي قاعدة تشتغل معهم.

 

[Strife]

ميه.. الفريق كان ضايع بالطوشة من بداية الجيل... ريسستنس مملة، راتشت منتهية والجرافيكس لا واواو ولا هم يحزنون... احسن لهم الملتي..

لكن ساكر بنش... هذا الفريق اللي لازم سوني تدعمه بدال انسو... لانه ممكن يبدع وعنده بوتنشل جبار (العب انفاموس)..


اذا اكتيفجن ابتلعت بنجي.. و EA انسومنياك...

Activision 1 - Ea 0

 

[The Heartless]

ميه.. الفريق كان ضايع بالطوشة من بداية الجيل... ريسستنس مملة، راتشت منتهية والجرافيكس لا واواو ولا هم يحزنون... احسن لهم الملتي..

لكن ساكر بنش... هذا الفريق اللي لازم سوني تدعمه بدال انسو... لانه ممكن يبدع وعنده بوتنشل جبار (العب انفاموس)..


اذا اكتيفجن ابتلعت بنجي.. و EA انسومنياك...

Activision 1 - Ea 0

ههههههه الحين صار فريق أنسومنياك فريق أي شي !

أنسومنياك بفترة من الفترات هي الي شالت سوني بألعابها لما كانت كل فرق الفيرست بارتي الثانية ألعابها مو جاهزة إنها تنزل.

ياليت أيضاً الكل قبل لا يحش بألعاب أنسومنياك ياخذ له طله على تقاييم ألعابها هالجيل وراح يشوف إن مستواها مرتفع.

مشكلة ألعاب أنسومنياك الوحيدة إن ألعابها تحس فيها شي ناقص لكن عالرغم من هالشي الفريق كبير وعنده خبرة وعمره مانزل لعبة فاشلة.

مكسب كبير لل360 إنه يشوف ألعاب الفريق عليه (وبنفس الوقت بنجي سبقتهم بخبر إنها تصير ملتي بلاتفورم نفس الشي) يعني ياليت السوني فانز يتقبلون الخبر ومايقللون من قيمة الفريق بس علشانه ماعاد حصري لأجهزة سوني.

بالتوفيق لأنسومنياك

 

[AAH3:16]

ماأدري وش أقول لكن من بعد سالفة ننتندو مع رير وسيليكون أقدر أقول متشائم

 

[Strife]

ههههههه الحين صار فريق أنسومنياك فريق أي شي !

كل واحد عنده رأيه وهو حر.. انا اشتريت العاب انسومنياك كلها على الهايب اللي شفته هنا واخرتها ما استحملت اخلص ولا واحدة الا راتشت الاولى .. فريق اي شي بالنسبة لي؟ اكيد!

وياعزيزي انا عندي ذوق مب محتاج اشوف رقم في موقع علشان اقرر اللعبة زينة او لا.. اذا تبغي امثلة... لوكو روكو والعاب بوكيمون تقايمها مب مرتفعة جدا.. لكن مب معناة هذا الكلام انها العاب تعبانة!! بالعكس هي الالعاب اللي ممكن اصرف عليها فوق الـ150 ساعة بدون ما احس بالملل..

وما اشوف ان انسومنياك هي اللي شالت سوني في البداية.. بالعكس انسومنياك استفادت من اطلاق الجهاز ومش العكس الجهاز كان جديد وقاعدته كانت تبحث عن شي يسد جوعها.. وهذا اللي حصل..

حتى من الناحية التقنية.. الفريق ابتدى بداية جيدة وليست ممتازة جدا... لكن مع الايام الفريق فشل انه يواكب باقي افرقة سوني..

وفي النهاية اقول بالتوفيق لهم.. لانهم لو ظلوا مع سوني لكان مستقبلهم اسود.. القاعدة الجماهيرية تشبعت من الحلب الزائد لسلاسلهم.. والفريق فقد الواو فاكتور اللي كان يحيط به مع بداية الجيل..

 

[D1rk-Knight]

ماأدري وش أقول لكن من بعد سالفة ننتندو مع رير وسيليكون أقدر أقول متشائم

رير حاجة ثانية، المشكلة ما الله رماهم إلا في أيدي مايكروسوفت.
رير كان مستواها مع نينيتندو أحسن بكثير من الآن.

 

[The Heartless]

كل واحد عنده رأيه وهو حر.. انا اشتريت العاب انسومنياك كلها على الهايب اللي شفته هنا واخرتها ما استحملت اخلص ولا واحدة الا راتشت الاولى .. فريق اي شي بالنسبة لي؟ اكيد!

وياعزيزي انا عندي ذوق مب محتاج اشوف رقم في موقع علشان اقرر اللعبة زينة او لا.. اذا تبغي امثلة... لوكو روكو والعاب بوكيمون تقايمها مب مرتفعة جدا.. لكن مب معناة هذا الكلام انها العاب تعبانة!! بالعكس هي الالعاب اللي ممكن اصرف عليها فوق الـ150 ساعة بدون ما احس بالملل..

وما اشوف ان انسومنياك هي اللي شالت سوني في البداية.. بالعكس انسومنياك استفادت من اطلاق الجهاز ومش العكس الجهاز كان جديد وقاعدته كانت تبحث عن شي يسد جوعها.. وهذا اللي حصل.

رأيك وأحترمه أخوي, لكن أتمنى إنه مايكون الرأي السائد عند باقي اللاعبين.

 

[AAH3:16]

رير حاجة ثانية، المشكلة ما الله رماهم إلا في أيدي مايكروسوفت.
رير كان مستواها مع نينيتندو أحسن بكثير من الآن.

أصلا بعض الأحيان يصير الإشراف أهم من التطوير

 

[FARES_]

يعني راح نشوف 60 لاعب اون لاين من غير لاق قريبا لل360 ؟

 

[D1rk-Knight]

^
ما أظن إن أول لعبة ملتي بلاتفورم لهم بتكون FPS خاصة مع وجود لعبة زي Halo على 360. ^^"

 

[AAH3:16]

اوك الخلاصة هل نقدر نقول أنهم تركوا سوني للأبد

وعلى الفكرة الفريق كان ناوي يترك سوني ويتعاون مع EA من أيام ريزيستانز الأولى

 

[ASWD]

حسافة كانت عشرةلاكثر من 11 سنة بين الطرفين..عموما بالتوفيق لـInsomniac وضربة معلم من الكترونيك صراحا الجيل هذ الشركة ابدعت خصوصا من ناحية التنويع ولكوالتي والافرقة المختارة للتعامل معها

طبعا اي شي من Insomniac مرحب فيه باستثناء راتشيد اند كلانك بحكم اني ما احب هالسلسلة

 

[D1rk-Knight]

اوك الخلاصة هل نقدر نقول أنهم تركوا سوني للأبد

وعلى الفكرة الفريق كان ناوي يترك سوني ويتعاون مع EA من أيام ريزيستانز الأولى

لا ما تركوا سوني حسب ما ورد هنا:-

Sony Responds To Insomniac's MultiPlatform Move

وهذا اقتباس من المقال ""We look forward to unveiling Insomniac's next PS3 exclusive properties in the near future.""

ما أظن إن الشركة بتتخلى عن سوني بهذه البساطة.

 

[BioMario]

ما أظن إن الشركة بتتخلى عن سوني بهذه البساطة.

بالضبط لازم هذا الشي كل واحد يحطة في باله

 

[Dr.MoDmEn]

مع اني اكره الفبس وماعجبني هالجيل لا هالو ولا كيلزون ولا كود ... لكن r2 هي الوحيده الي جذبتني وخلتني انهيها + 50 ساعه اون لاين تقريبا !!

اتمنى كل خير للفريق وانتظر لعبته القادمه على احر من الجمر

 

[Fahad Al-Shareef]

ريزستنس 2 لو لها شعبيه زي كود والطقه ،

كان صارت من افضل الالعاب ،

بالنسبه لي افضل لعبه بلايستيشن (بعد جود 3 طبعا ً ) .

 

[Madainee]

بالرغم من الاشاعات الي طلعت على Insomniac لكن كنت متأكد انها بتمشي على
نفس طريق بنجي , اهم شي عندي ان علاقتها مع سوني نفس ماهي وبتستمر على
نفس السستم :happy:

 

[SoKo]

علاقة الشركة بتتأثر شوي مع نوتي دوج من بعد الصداقة و العشرة القديمة في نفس المبنى

راتشت و رزستنس مستواهم جيد لا أكثر و لا أقل خصوصًا الاجزاء الاخيرة ، صحيح انسومنياك قدموا 5 العاب من
بداية الجيل بس ما يتقارنون بالباقي لذلك أنا سعيد بالخبر لاني بجرب لعبة جديدة

اتمنى ما تكون شوتر بأي شكل من الأشكال و نسخة الـ360 بورت

بانتظار تفاصيل لعبتهم و لعبة بنجي في E3

 

[Unknown]

ما اشوف انها ذاك الواو .. عادي يعني
لو نوتي دوق .. صارت مالتي .. صارت بلاوي

 

[Oldsnake]

ما اشوف انها ذاك الواو .. عادي يعني
لو نوتي دوق .. صارت مالتي .. صارت بلاوي

تقدر تقول نوتي دوج شبه مستحيلة تنفصل عن سوني
الاستديو فرست بارتي لسوني مش مثل insomniac سكند بارتي وحر