Mario2
True Gamer
محد اختلف هنا انه سوني كان لها دور في نجاح الجهاز ، لكن نحن هنا كنا نتكلم عن حرب اعلاميه كسبتها سوني قبل صدور جهازها وكون منافسيك باضعف حالاتهم راح يفسحلك المجال بشكل اكبر تكون ماسك السوق ايضا ، قوة الجهاز والسعر، والحصريات لاحقا هي من جعلته صاحب الريادة ، وبشكل غريب هي نفسها السياسة اللي طبقتها مايكروسوفت في الاكس بوكس ٣٦٠ ، بالاضافة الى صدوره عام كامل قبل المنافسين. اول سنة هي من تحدد اذا كان الجهاز ناجح من عدمه وبالسنوات اللي بعدها تعتمد على مدى كفاءة ادارة الشركة وتوزيع الحصريات والعروض وما الى ذلك في تثبيت هالنجاح واكل الكعكة او تمكن كامل بالسوق.مرحلة الوي يو خربت تفكيركم بقصة ( نينتندو لا تحتاج لاحد لتنجح جهازها والعاب الطرف الاول)
فاسقاطاتكم دائما على نموذج عمل نينتندو.. الصناعة فيها اطراف ثانية غير مطوري الطرف الاول
البلاي 4 نزل معاه اضخم عناوين السوق.. باتلفيلد 4 ..كود.. فيفا.. اساسين كريد.. مثل ما نزل للسويتش زيلدا اللي نزلت للوي يو بس الناس شافت زيلدا سبب علشان تشتري السويتش مثل ما شافوا جماهير هالالعاب.. الجيل الجديد فرصة يجربوا افضل نسخة من هالالعاب
والبلاي 4 وقتها كان افضل واقوى جهاز يشغلهم.. هذا غير العابه الحصرية وقتها.. ولما انتهى موسم الاعياد نزلت انفيموس وبعدها ريماستر لاست اوف اس ومن بعد ديستني توالت الالعاب.. هذا الدعم من الطرف الثالث جزء من نموذج العمل نفسه ..وهالالعاب سبب علشان الناس تشتري البلاي 4
الناس اذا بتشتري جهاز ما تفكر بالحصريات اولا واخيرا.. تعتبره مثل حبة الكرز.. لان لو تلاحظ كل سنة شنو اكثر عناوين تبيع.. كود.. فيفا.. باتلفيلد.. اساسين كريد .. عناوين ملتي
هالشي ما صار لان الوي يو فشل او لان الاكس بوكس كان حواليه ضجة سلبية.. هالشي صار لان سوني قدمت اقوى جهاز بانسب سعر
لا تنسى شي مهم.. النقلة من البلاي 3 ل 4 نقلة جيل
تحتاج عمل ونقل محركات وهم منتقلين من معمارية تطويرية لوحدة جديدة مع دعم هائل للبلاي 3 بآخر سنة
شي مو عايشتنه نينتندو.. الوي يو مسحوب عليه.. النقلة مو بذيك الضخامة بين الوي يو والسويتش فطبيعي حجم العناوين بيكون اكبر ..شيل اخر عناوين البلاي 3 من سوني وقدمها للبلاي 4 بتطلع باضخم سنة