رحلة شهر عسل

[ryo hazuki]

انا حالتي حاله مع كاتب الطيران

انشالله موعد زواجي بيكون قريب و لازم اخطط لشهر عسل

لفيت المكاتب الي مالقيت مكتب رخيص عطاني التذاكر ب 5500 درهم للشخص (درجة رجال اعمال )

قلت لها اوك (لميا ) و قالت اختار الاماكن الي ودك فيها في ماليزيا

اخترت و اخترت الفنادق

قلتلها انتي عطيني التذاكر ب 12000 الف و حجز الفنادق انا بتصرف فيه قالت : لا مابينفع هيك لازم تحجز التذاكر من عنا و نحجزلك كل الرحله و الفنادق عشان يطلع ارخص علييك

قلتلها OK

بديت اتصلها بشكل يومي عشان تعطيني السعر تقولي : لسا ماوصلني التاكيد من شركة الاتحاد

و على هذا المنوال لمدة اسبوع و حسيت ان الوقت يمر و هيه مااتصلت لي و لا حددت السعر

امس باليل بتاريخ 6ِِ/7 اتصلتلي و قالت ب 40 اللف قلتلها كيف ...قالت : شركة الطيران رفعو اسعارهم 12 % و صار سعر التذكره للشخص 12000 درهم OMG انصدمت

قالت مافيه وقت لازم تقولي OK ولا مش OK

انا احترت لان صديقي راح من اسبوعين بس ب 30000 اللف و لف كل مكان في ماليزيا

انا مقهور لاني كان ممكن اقولها خليني اخذ التذاكر ب 12000 للشخصين و مع السلامه لكن هيه كانت تماطل بدون انا ما اعرف

الحين انا قررت اروح مكان مافيه زحمه لان اي مكان عليه ضغط يعين كل شي غالي

فاحترت بين جزر سيشل او جنوب افريقيا (كيب تاون ) فاي واحد زارهم احب اسمع كلامه عنهم

او اي مكان ثاني الشباب يشوفونه حلو لشهر عسل

لان السفر لازم يكون تاريخ 18 او 19 و احس مافيه وقت و كل شي بيروح على و اخرها بيكون حالي حال

BAD HONEYMOON

 

[Aoks]

نصيحتي لك لو كنت تقدر تدفع ال 40 الف , ادفعها

وتعلم من هالقصه درس​

 

[Monster]

لا وين يدفع .... واضح ان الشركه حاولت تنصب عليك بشكل احترافي شوي بحيث انهم يخلونك تقرر على الديد لاين عشان ما يكون عندك اختيار ثاني وترضخ للامر الواقع ... هذا شي والشي الثاني كان المفروض انك تتعامل مع عدة شركات وتخليهم هم اللي يستعجلون ويعطونك الاسعار قبل لا تروح لغيرهم. بالنسبه لجنوب افريقيا هي غالية شوي لكن اعرف كذا واحد راح لها ومدحها لي ...

 

[general kane]

اول شئ مبروك ثاني شئ مب لازم السفرة تكون لمكان بعيد رح تركيا الجو هناك روعة في هالوقت من السنة او خلها خليجي ورح لعمان XD

 

[BioMario]

مبروك أخوي ريو ^^ ..
تبي الصراحة ؟ .. الحركة أحس فيها لف ودوران الحرمة هذي موب طبيعية ..
أكبر دليل أنها يوم قالت مافي وقت لازم تقرر حالياً ؟!؟!؟! مافي شركة كبيرة ولها مكانه تقول هذا الكلام ؟!
عموماً ما رح أحط على ذمتي .. لكن نصيحة فكر عدل

 

[G7Ga7]

اول شي مبروك ان شالله , والله ييسر امرك ويفرج مصيبتك ...

انا اخوي متزوج العام .. وراح شهر العسل لاستراليا , ويمدحها مرة .. برضو عندك اندنوسيا عمتي راحت شهرها العسل هناك قبل كم سنة ( ما اتوقع غالية مرة ! ) ..

تعديل : نصيحتي تدخل على هالمنتدى :
http://www.sfari.com/forums
منتدى سفاري للسفر والسياحة ... اتوقع تلقى ناس فاهمة هناك !!
حاول تدخل على منتدى سفاري دول افريقيا .. عشان تشوف وضع جزيرة سيشل , او جنوب افريقيا

جزيرة سيشل ( هذا مكان , ودي اتمشى انا وزوجتي فيه متى بس :'( )

 

[BioMario]

أضخم منتدى سياحة و سفر في الوطن الوطن العربي ..
طبعاً في ناس سافرو أماكن من جميع العالم منتدى ضخم و غني جداً

وفيه ما شاء الله ناس فاهمه وتعرف كل شي و بأمكانهم يساعدونك حتى في أدق التفاصيل ..
وفعلاً الموقع فادني كثيييير

http://travel.maktoob.com/vb/
تابع لشبكة مكتوب المشهورة

 

[general kane]

هالموظفة مصاصة دماء lol

 

[Nintendo]

مبروك زواجك اخ ryo hazuki ( معليش ماعرف اسمك الحقيقي ) وذرية صالحه ان شاء الله ..

جزر سيشل اختي راحت شهر العسل حقها فيها وتمدحها .. ولكن حط ببالك انها شواطئ وبس يعني مافي اسواق ومعالم تاريخيه والخ الخ مثل ماليزيا ( تعرف ماليزيا فيها تقريبا كل شئ ولك خيارات اكثر اذا رحتها ) ..

جنوب افريقيا اخوي طلعها ( ماشاء الله طيار وتقريبا زار نص العالم ) وماتمتع فيها كثير لانه بحسب كلامه ماحس بالامان فيها ..

طيب زميلك راح بسعر مين كلمه واستفيد منه اكيد بيساعدك بالحجوزات والخ الخ .. الله يقدم اللي فيه الخير ورحلة موفقة ان شاء الله ..

 

[Saadawii]

سيريلانكا يمدحونها مرة، والطيران السيريلانكي له عروض غير طبيعية، شيك عليهم.

 

[Mista Koo]

أولا مبروك مقدما.. ثانيا سوي سيرش في المواقع اللي تطلع لك رحلات جميع الخطوط وأتوقع بتحصل للمكان اللي انت تبيه بسعر أرخص

 

[persona]

مبروك زواجك منك المال ومنها العيال ..

مثل ماذكر Nintendo نفس الكلام سمعته ، جنوب أفريقيا عندها أعلى معدل الجريمه

أستراليا بيكون أختيار جيد