زى ما انت قلت سكان كانتو حولوا عقولهم لبيانات على كمبيوتر كمى فائق و منطقة ال Decontamintion هدفها الحقيقى ماكنش تطهير القطار من آثار المنطقة الملوثة و إنما هى منطقة بيتم فيها فصل العقل عن الجسد و تحويله لبيانات داخل كانتو و البرنامج الخاص بالأرنب و القرش يبقى مجرد طريقة لغسيل المخ عشان يتم تقبل العملية
بمجرد وصول القطار لكانتو العملية بدأت و الناس اللى كانت داخل القطار تم حبسهم فى كانتو و هناك أظن إنهم عايشين فى حلم مستمر و مثالى و ده اللى حصل فى البداية ل Swindler و Courier بس مع مساعدة Hacker من جهة و كون إن الإثنين حسوا إن تصرفات الشخص التانى مش منطقية و ادركوا إن ده مجرد حلم من جهة تانية فهما قدروا يخرجوا منه
على ما يبدو Hacker قدر يحمى نفسه من غسيل المخ قبل دخول كانتو و فضل محتفظ بوعيه بس كانتو ماكنتش الشئ اللى هو كان عاوزه ، Hacker كان عاوز تحدى حقيقى لقدراته أما الشئ اللى بتقدمه كانتو فهو مجرد حلم مثالى و غير واقعى و النقيض للشئ اللى كان عاوزه و للسبب ده قرر مساعدة المجموعة
الفكرة إن كانتو كانت عاوزة الأطفال لإستخدامهم كوعاء ليها لأن حتى مع التكنولوجيا المتطورة ليهم فتدهور حالة الكمبيوتر مع الزمن يبقى مسألة حتمية و كون الأطفال Immortal المفترض يبقى حل عشان يستمروا للأبد بس المجموعة قدرت توقف عملية نقل البيانات
المشهد لما Hacker فشل فى البداية عشان يتم مساعدته بعد كده كان معناه على ما أظن إن بيانات أصدقاء الأخ و اللى عملوا القلادة ليه كهدية فضلت موجودة و هى اللى حمتهم و ساعدت Hacker لإكمال المهمة و للسبب ده قال إنهم أخطئوا بجعل الأطفال Self aware لأن لولا كده ماكنش هاينجح
على حسب اللى شفته ماظنش إن كانتو تم تدميرها قد ما عملية نقل البيانات فقط هى اللى تم إيقافها ، كانتو اتعرضت لخسائر بس لسه موجودة و إن كان فشل عملية النقل معناها إن تدميرها هايبقى مسألة وقت فقط و أظن إن الحلقة الجاية هاتوضح ده أكثر
برضه واضح إن Hacker مات و إن كان على ما يبدو ترك بيانات بمكان آمن ممكن للأطفال و ده الهدف الجديد مع برنامج للمساعدة
فى الآخر بنشوف القطار بيتم تدميره بس الأغلب إن المجموعة تركته قبل الوصول لكانساى ، المشكلة بالنسبة لى إنى حاسس إنهم على الأغلب هايقدروا ينقذوا الأطفال بس هايموتوا و هما بيعملوا ده و دى هاتبقى نهاية مزعجة فعلا بالنسبة لى
كانوا يبعتوا الناس عبر القطار عشان يحولوا عقولهم لبيانات تغذي هالحاسوب
