جاي اسوي اعلان لسولومون، ولا كيف اكون فان بوي؟
كمية الهايب والحماس على فيلم سولومون كبيرة، وفعلا هدية كبيرة للاعبي اللعبة، الحقيقة ما اقدر اشوف الAnime only يعرفوا ليه الحماس ذا كله هنا على المشروع ذا، والشي يزعلني صراحة، بيكون تجربة كويسة بغض النظر عن اذا كل حاجة نتمناها كلاعبين بتكون موجودة او لا.
الفصل ذا ينهي الارك الاول من اللعبة، بعد 7 مغامرات في 7 مناطق مختلفة في التاريخ، مقابلة العديد والعديد من الخدم كله عشان نوصل النقطة ذي.
تمنيت اقتباس FGO يكون اقتباس كامل وشافي للعبة ومو فقط كاميلوت وبابيلونيا، بس يبدوا انه ذا الشي سايبينه للمانجات، امريكا كان فصل جيد ولو تحول لانمي كان بيكون ممتاز غالبا، سيبتيم كان محتاج اعادة كتابة ولو صار انمي كان بالغالب بيحصل الشي ذا وبنطلع بشي كويس برضه.
سولومون تأثيره مبني على Build up طويل، وبالغالب ما راح يكون الشي واضح كثير للاشخاص اللي تابعوا الانميات بس.
زي فيلم هاثاواي حق غاندام اللي عبدالله ما يبغانا نشوفه بدون ما نشوف الف جزء غاندام.. واتفهم الشي ذا لول لانه الشي نفسه قاعد يحصل هنا.
الفيلم بيصدر في الاحتفالية السادسة للعبة، وقته ممتاز جدا، وعلى ما يبدو انه كوداتشي الزب*ل ما راح يشتغل على الفيلم الحمدلله وبيكون السكربت (بشكل مبدئي حاليا) من ناسو.
هو اكيد تقدروا تشوفوا الفيلم لما يصدر بلوري عادي بعد بابيلونيا وكاميلوت، التجربة مع الفيلم بالغالب بتكون ناقصة، لكن بيكون واضح ايش قاعد يصير والموضوع مو معقد الخ...
هو الفصل ذا Straight forward مافيه لف ودوران وبلوت يحتاج عمق، هو فايت كبير بس.
بس... خلكم زي
@Ruvik واقراوا القصة احسن لول، افتحوا يوتيوب وروحوا اقراوا ال Main Quest حقت الارك الاول لنهايته.
الافنتات اسحبوا عليها، اذا فيه خادم اثار اهتمامكم اقراوا الانترلود او ال Quest حقه، واي شي ثاني مستعد اساعد فيه واعطي guide لايش يحتاج انه يقرا وايش تعمل له سكيب
استحملوا سطحية وبساطة الكتابة للفصول الاولى لين كاميلوت، لانها هبلة يعني وتقدروا تسووا سكيب وكذا بس قدام اللعبة كتابيا تتحسن كثير، من امريكا وفوق كل فصل يقلك انا احسن، لدرجة انه الموضوع قلب فيجيوال نوفل حاليا مع الارك الثاني
Walk-through كامل
والتعليق ذا كله عبارة عن اعلان للعبة عشان تايب مون يدفعوا لي فلوس.
الاعلان ذا للمهتمين فقط...
باقي اربعة ايام على عرضه
