حبيت الحلقة الثامنة بالذات

، بالرغم من إن دى أول مرة نتعرف فيها على Sheyta و Iskhan (باستثناء الشكل اللى ظهر قبل كده) إلا إن الحلقة قدمت الشخصيتين بشكل ممتاز يخليك تتعلق بيهم و المواجهة بينهم كانت رائعة
الشخصيتين فى البداية بيدوا الإحساس إنهم شخصيات مكررة شفتهم قبل كده سواء Sheyta كشخصية باردة مابتظهرش مشاعرها أو Iskhan كشخصية أقرب لبطل أنمى زى ما بعض المتابعين وصفوه بس مع تقدم الأحداث الإختلاف بيظهر
تصرفات Sheyta ماكنتش المعتادة مع الشخصيات المشابهة و إدت إحساس بإنها شخصية Awkward بشكل حقيقى ، ردة فعلها لما Iskhan وصفها بإنها نائمة كانت أكثر شئ لافت للنظر ، Sheyta خدت كلامه بشكل جدى تماما و بعدها قالت الجملة اللى افترضت إنها لازم تتقال فى الموقف ده بشكل يوحى إنها غير معتادة على التعامل بس بتحاول ، التصرف كان Genuine لشخصية عندها مشاكل فى التعامل مع الناس و ده اللى لفت نظر المتابعين ليها
من جهة تانية بالرغم من قصر المدة اللى شفنا فيها Iskhan إلا إننا عرفنا حاجات كثيرة عن شخصيته من خلال تفاعله مع Sheyta و باقى مجموعته و كان أكثر من مجرد شخصية متحمسة للقتال ، حماس Iskhan رفع من مستوى القتال بشكل كبير و التناقض بين شخصيته و Sheyta خلى التفاعل و الكلام بينهم ممتع فعلا زى المواجهة نفسها و يمكن أكثر خصوصا لما تكتشف وجود شئ مشترك بينهم فى نهاية المواجهة بالرغم من الإختلافات المهولة بينهم فى الشخصية و فى الآخر تبقى عاوز الشخصيتين دورهم ماينتهيش هنا و يستمروا فى العمل
تقديم أسونا برضه فى نهاية الحلقة كان رهيب و كنت سعيد فعلا بانضمامها أخيرا للمواجهة بعد إنتظار طويل
الحلقة التاسعة بترجع لأساسيات SAO و بتقدم المعتاد منه مع تجمع لفريق كيريتو فى الموسم

بس بالرغم من كده ماكنتش سيئة و ساعد على ده إن شخصية Alice تبقى من الشخصيات اللى حبيتها فعلا فى العمل