hits counter

خبر سار ومرعب لعشاق التكن

بادئ الموضوع #31
لا ما أظن أحتمال كبير إنها تسير علشان دحين الصيف والعالم فاضية وبعدين ترى في ناس في تكن لعيبة كثيييير جدا وما بأفوز عليه غير بالقوة يكون إلي بيني وبينوا لمسة يعني مستويات متقاربة وحماس لآخر درجة .... أما كينج أو فايترو فا والله كلامك صح هادا NK` مستوها مو طبيعي فنان لآخر درجة في كينج أو فايترز أفتكر لما لعبت معاه ما أفتكر إني فزت ولا جولة ((بنلعب سنجل مو تيم)) .....

على العموم إلي حاب يتحداني أو يشوف لعبي راح يحصلني في محلين يا جيم جيت و محل صغير بالشرفية أسمه روان هادا إلي دايما يكون فيه مجدي وعبدالرزاق والشباب دولا ....
 
بادئ الموضوع #32
لا رقم جوالك عندي وبالنسبة للأسماء إلي قلتها أنا أعرف واحد منهم إلي هوا أحمد الدعيرم لعبت معاه على تحدي إلين ثلاثة فزت عليه ثلاثة واحد وحاب يخلي المباره لأربعة فا هزمته أربعة إثنين يعني هزمته ....

وبالنسبة للطلحي لعبت معاه أربعة مباربات ورا بعض وما فاز فيها ولا مره والمحل كان في قمة الهدوء وكان جايب يدوا يعني ما كان عنده أي حجه .... وإذا منتا متأكد من مستوايا مو مشكله نتقابل ونروح سويا وأتفرج على لعبي هناك ....
 
#33
ماشاء الله عليك أجل. خلاص أنا بأنسقلك موعد مع عالم والنعماني دام أنك فاضي هالفتره أنتظر أتصال واحد منهم على جوالك في أقرب فرصة.
 
بادئ الموضوع #35
دوبي كلمني أحمد عالم على أساس التحدي وإن شاء الله راح نتقابل بعد العشا والمكان راح يتحدد بعد المغرب إن شاء الله (( أحلى شي سريع سريع)) وألف شكر والله يا شادي لحسن انا في قمة الحماس في تكن ويا ريت تجي معانا وتجيب كمرة فديو عشان نصور المباراه ... وأحطها هنا عشان الأعضاء يشوفوا ويتأكدوا ..
 
بادئ الموضوع #37
أخيرا خلاصنا تحدي والله بالنسبة للتحدي فا أنا أتحديت أثنين أحمد عالم وريان ...

بالنسبة لأحمد عالم كان والله مجنون ماردك وبالنسبة للنتيجة فا لعبنا مباريات كثيرة جدا يمكن فوق العشرين وكان وقتها مره هوا يفوز ومره أنا وزي كدا بس أعتقد هوا مقدم بكم مباراه (( بحكم إني فلت في البداية )) بس والله المباريات كانت حماس والله ...

وبالنسبة لريان فا كان من جد الصعب يمكن كل إلي فزته ثلاثة أو أربعة مباريات والباقي كله هوا فازه وبشكل عام المباريات كله كانت حماس وكنا على أعصابنا ...

طبعا لا تستغربوا من عدد المباريات يمكن قعدنا 6 أو 7 ساعات بنلعب إلي 2 بالليل .....

بس إن شاء الله ليا عودة وراح تكون في البطولة زي ما قلتلهم ....

وبالنسبة لسعر الإشتراك فا أتخفض لخمسين ريال .....

والتحدي بيكون عبارة عن خمسة جولات في التحدي الواحد .....

والجائزة راح تكون للثلاثة المراكز الأولى ما أدري إيش الجوائز ممكن دي إس و ممكن بي إس بي وممكن جهاز سوني يعني إحتمالات كثيره جدا ((أنتهت حجتكم)) وغالبا إنها بتكون الأسبوع القادم ....