hits counter

توقعاتكم/أمنياتكم لأجهزة الجيل القادم؟

G_kirby

Hardcore Gamer
السلام عليكم

- 60 فريم ستاندرد.
- استمرار الألعاب على دسكات مع قابلية التنزيل من الستور بنفس تاريخ الإصدار.
- دعم الكنترولرز التقليدية؟ ):
 

Nostalgic

Casual Gamer
^
ليش، مانع تقني أو كسل/فشل مطورين؟ أشوف توقعاته/أمنياته منطقية وغالباً بتصير

أتمنى:
لاين آب ممتاز بشكل ملحوظ لأحد الأجهزة عن الثاني (عشان يوفروا عليا شراء جهازين)
سعر مناسب

أتوقع:
لاين آب زفت لكلا الجهازين (من الجانب المشرق ما حشتري الاثنين واوفر أكثر)
سعر مبالغ فيه
 

Dexter

Hardcore Gamer
-صدور الالعاب رقمياً و مادياً معاً (بنفس الوقت). أتوقع راح نضمنها من جهة Sony على الأقل.
-أتمنى, أتمنى ان يكون أضعف لعبة AI هو بنفس Borderlands 2 (أفضل لعبة من هذي الجهه).
-ظهور الـ Co-op في ألعاب الـ JRPG ويكون مُتقن مثل الألعاب الغربيه.
-تخصيص جزء مُناسب من الـ RAM للـ OS, التصفح بين القوائم و البرامج يكون بشكل سريع ومريح.
-إمكانية الـ Screenshots مثل الـ Vita.
-أهم شي Free Region.
-خدمات الأونلاين تكون مجانيه.
-تشغيل العاب الأجهزه القديمه.

حسيّت اني كتبت اشياء كثيره ولسى فيه اشياء كثيره أتمناها لكن ما ودي أحطم نفسي بالأخير.
 

The Doctor

Once a Voyager on a Cursed Sea
^
ليش، مانع تقني أو كسل/فشل مطورين؟ أشوف توقعاته/أمنياته منطقية وغالباً بتصير
كلا السببين... بس الأهم لأن من ناحية تسويقية الأسهل إنك تخلي اللعبة شكلها خرافي بفريم ريت أقل من إنك تخلي شكلها ممتاز جداً بفريم ريت برفكت
 

قناص

Banned
تكون نقلة تقنية محترمة ..

ما نشوف اي شئ جديد بخصوص الالعاب .. مثل منع المستعمل او شئ ..

يعطون خيارات جرافيكيه بسيطة مثل الاختيار بين فريم ريت عالي
او AA عالي ..

ما ابي جيميك .. لكن مافي مانع لو يبيعونها بشكل منفصل ..
 

Rakan HD

Hardcore Gamer
-الريجن لوكد المفروض تنتهي ps3 انهى على هذا الشيء والمفروض الاكس بوكس ايضا ينهي عليها ويخلي الوضع ريجن فري (ولو اني ما اضن) .
-ايضا مره اخرى ps3 تقدر تحمل من اي ستور بدون قيد ip والريجن لوكد حتى بستور الاون لاين مال الاكس بوكس الي منعنا من شغلات كثيره جدا .
-يد التحكم الكلاسيكيه هي الستاندر..تعذبت مع الوي ببعض الالعاب ورسميا تركت العاب كثيره بسبب اليد الي ما تقبلتها .
-شبكات اون لاينيه متطوره للـps وxbox وبالذات ps نبي على الاقل برايفت .
-نضام التشغيل نبيه سريع جدا ..هذا من اهم الشغلات بالنسبه لي لما العب وابي ادز انفايت للعبه او شات/بارتي مو ساعه تفتح القائمه (سوني ضعيفه بهذا المجال على فكره) .
-في فكره من زمان ابيها لكن ما اتوقع بتتطبق ..يكون في كل جيم بلعبه اون لاين شات بوكس تحت نفس الي موجود بمعضم العاب pc .
-اخذ صوره بأي مكان باللعبه مثل pc وزر f12 .
-تجنب الاخطاء المصنعيه...ماني مستعد اشتري بكل جيل جهازين من كل نوع علشان سوء التصنيع .
-تسهيل التراخيص على الاجهزه وتخفيض اسعارها ..يا اخي مطورين indie وarcade يلقون سهوله بالغه جدا بأطلاق العابهم على ستيم والاندرويد وios بينما الى الآن تشوف صعوبه بالكونسولز .

بتكلم بخصوص التراخيص ..مساعده كل من سوني وميكروسوفت للمطورين المبتدأين ,
الابديت تنزله تدفع مبلغ وقدره $$$ ..اللعبه كذلك اضن لما تبي تنزلها تدفع مبلغ صحيح ؟
سوق indie لو يكسبونه ميكرو وسوني ممكن ينافسون بقوه سوق الجوالات والتابلت .
 

Super Shadow

True Gamer
-تجنب الاخطاء المصنعيه...ماني مستعد اشتري بكل جيل جهازين من كل نوع علشان سوء التصنيع .

جبتها بالصميم مشاكل اللمبات الديسكو في الاكس بوكس زادت عن حدها ، أنا اشتريت يمكن أكثر من 4 أجهزة بسبة ها الأعطال -___-
 

Rakan HD

Hardcore Gamer
^
تبي تضحك ؟ اول جهاز خذيته كان خربان اساسا ولما شغلته اول مره طلعلي لمبه حمره وحده ! قعد عندي كم يوم ومو عارف ان هذا خطأ مصنعي بعدها رجعته واستبدلته بواحد .
 

Master Assassin

True Gamer
^
اول اصدارات للإكس كانت زبااالة
اول جهاز اشتريته ما كمل عندي 3 اشهر وودع والثاني طول شويه جلس سنة وشهرين تقريباً وبعدها كملت سنه كاملة عالبلايستيشن 3 لوحده لين ما نزلت الاصدارات المعدلة من الاجهزة في نهاية 2009 شريت جهاز ثالث وبعد نزول السلم بعت اللي عندي واشتريت واحد علشان مساحة الهارد.
ياريت أجهزة الجيل الجاي تكون جودتها عند الاصدار أفضل من الجيل الحالي اللي كان سئ للجهازين
 

JIN KAZAMA

True Gamer
جهازي ال360 مالعبت فيه فوق السنه (طبعا الجهاز قعد معي يمكن 2-3 سنين ) بس ماكنت اشغله الا ايام العطل والاجازات ، حتى لعبي فيه كان ع الخفيف الا وفجاءه E74 !!!
طبعا من الغضب صلحت الجهاز ومباشرة بعته ! كان شي منرفز للامانه ! ان جهازك يعطل بدون احم ولا دستور ولا اي مسببات ، فياريت الشركات تحاول تاخذ بالها من هالنقطه
 

nbnt

True Gamer
- 1080p إجباري لكل الألعاب.
- كنترولر بدون شاشة.
- كنترولر مايجبرني على الرقص او الهز او التصويب على التلفزيون.
- المزيد من حصريات مايكرو لأن وضعهم الحالي هيلو وفورزا. اذا استمروا على نفس الوضع، بي سي + PS4 هي الخلطة الأفضل للجيل القادم.
- جودة تصنيعية أفضل لهاردوير مايكرو. الأكس بوكس يمكن اشتريته مرتين او 3 مرات، الكنترولر غيرتها 4 مرات او أكثر. البلايستيشن 3 والوي صامدين من 2007.
 

Sir Guts

Ryo Hazuki
- اوّل نقطة ذكرها ناصر
- رابع نقطة ذكرها ناصر
- يرحمون اهلنا من الـglitches و الـbugs
- سخافة الـMove و الـKinect مايكون شي رئيسي (هذا الي شخصيا خايف منه)
- مايكروسوفت اذا ماعليها امر يتطوروا و مايستخدمون الـDvD في الـXbox القادم
- ماشوف العاب FPS بكثرة لأن هالجيل لاعت كبدي منهم
- يشتغلون على الأجهزة بضمير و كفاية شغل ابو كلب و خرابات الى بكرة
- جميع ما في الأعلى
 

Old Snake

True Gamer
اللي أبيه بإذن الله صار وهي قفزة تقنية جبارة, غير كذه كل شيء بإذن الله بيمشي مثل ما أبغى.
 

Raulioo

Tarnished
- النقاط اللي ذكرها صاحب الموضوع
- باكوورد كومبابليتي ، وبالتأكيد كل اللي اشتريته على اجهزة الالعاب السابقة رقميا تظل موجودة معك -امكانية النقل بين الجهازين بدون الحاجة لتنزيلها مجددا-
- التخزينات بالسحابة يصير ستاندرد
- كل شي يصير فري ريجيون وما يكون مقيد حسب الريجيون -مش مايكرو "اللي وراها شغل كبير" حتى سوني يصير امكانية تنزيل الافلام والمسلسلات عن طريق الستور ومش الالعاب فقط-
- تنزل سويكودن 2 عالستور @@
 

Zero

فريق الأنمي
هذه بعض متطلباتي:

-القوة التقنية: ما يهم تكون قفزة كبيرة، المهم أنه تطور منطقي.
-الكنترولر: أفضل يبقى كلاسيكي، أو يكون الآخر اختياري مع قدرة الكلاسيكي على تنفيذ كل الخواص حق الجهاز.
-توفر كل الألعاب الكاملة قابلة للتحميل.
-عدم الاستهبال والمادية الزايدة من الشركات (شفنا مسخرة الـDLCs هالجيل، وسوالف شراء أفاترز وفلوس ولفلز وملابس... إلخ، مع أنها أشياء المفروض تكون unlockables بالذات في ألعاب الفايتنج)، باختصار؟ أبغى استخدام صحيح للمحتويات القابلة للتحميل.
-عدم المبالغة في أسعار الاكسسوارات وعدم المبالغة في ال proprietary hardware (سامعين يا مايكروسوفت؟)، هذا يتضمن الهارددرايف على وجه الخصوص.
-أن تكون الأجهزة أصغر حجما بشكل عام.
-المادة المصنوع منها الأجهزة ما تكون جاذبة للأوساخ والغبار والبصمات وتكون شيء صلب مثل الN64 على سبيل المثال.
-عدم المبالغة في أسعار الأجهزة نفسها.
-توفر نسخ PC لعدد أكبر من الألعاب اليابانية (ما في إلا كابكوم شغالة صح من هالناحية).
-تقليل عدد الألعاب، تقليص فترات التطور، التركيز على الجودة أكثر من الكمية.
-جهاز واحد يأكل الأخضر واليابس، والباقي يلحقوه بمسافة بعيدة (مع افتراض توفر المذكور أو أهم الأشياء في كل الأجهزة وبالذات هالجهاز).
-الانتباه offline multi-player واللعب المحلي.
-عدم حشر الأونلاين ملتي بلاير بشكل غير ضروري.
-اهتمام أكبر بالليفل ديزاين والأتموسفير من قوة الجرافيكس التقنية.
-واجهات تشغيل أسرع.
-عدم سواد جنرا واحد على البقية (تشبعنا من ألعاب الشوتر).
-عدم استخدام أشياء سخيفة مثل online pass codes :/
-أوه صادق ذكرني، أبغى backward compatibility محترم!


هذا ما جاء ببالي، متأكد في أكثر P:
 

faris alwany

sugar man, colors to my dreams
اللي ابغاه هو ان العاب الجيل القادم تكون متنوعه اكثر ومانبغى جنرا تطغى مثل الفبس او الــjrpg كما في الجيل الماضي .
جنرا الرعب ترجع لعهدها المجيد .
مانبغى قفزه تقنيه عاليه قدر مانبغى العاب تطبق افكارها باحترافيه . ( يعني مانبغى اهتمام بالتقنيه بشكل فضيع ) .
المطور الياباني يرجع على الكونسول مثل اول :( .
 

Old Snake

True Gamer
(شفنا مسخرة الـDLCs هالجيل، وسوالف شراء أفاترز وفلوس ولفلز وملابس... إلخ، مع أنها أشياء المفروض تكون unlockables بالذات في ألعاب الفايتنج)
بالفعل, يكون نفس إستخدام فالف وروكستار, هذي الشركتين يعطوا درس في معنى الـDLC.
 

Zero

فريق الأنمي
بالفعل, يكون نفس إستخدام فالف وروكستار, هذي الشركتين يعطوا درس في معنى الـDLC.
DLC روكستار هو عبارة عن نصف لعبة أو أشبه بالإكسبانشن باكز بألعاب البي سي سابقا، الأشياء هذه من انتقلت للكونسول معظم الشركات أساءت استخدامها للأسف. أما DLC على الdisc أو قبل ما تنزل اللعبة؟ هذه اسمها سرقة.
 

Raulioo

Tarnished
بالفعل, يكون نفس إستخدام فالف وروكستار, هذي الشركتين يعطوا درس في معنى الـDLC.
سيجا بفالكريا كرونكلز ايضا قدمت لي DLC الجيل..اتمنى الشركات تتعامل بشكل مشابه بالعاب الجيل القادم
 

nbnt

True Gamer
-عدم الاستهبال والمادية الزايدة من الشركات (شفنا مسخرة الـDLCs هالجيل، وسوالف شراء أفاترز وفلوس ولفلز وملابس... إلخ، مع أنها أشياء المفروض تكون unlockables بالذات في ألعاب الفايتنج)، باختصار؟ أبغى استخدام صحيح للمحتويات القابلة للتحميل.
طالما فيه ناس تشتري، استغلال الـ DLCs راح يستمر. أصلا أتوقع الجيل القادم يكون اسوأ من هالناحية، و راح نشوف بداية الـ microtransactions في ألعاب الكونسولز.
 

sabah

True Gamer
1080 و 60 فريم هذه مستحيل تصير ستاندرد في الالعاب..ممكن في بداية الجيل لكن لاحقا لما نشوف الاستغلال الحقيقي لقوة الاجهزة المطورين راح يتنازلوا عن هالميزتين في سبيل امور اخرى اكثر اهمية مثل جرافكس افضل مع 720p او استغلال اكبر للرام والتفاصيل اللي تظهر امامك في الشاشة والذكاء الاصطناعي..هذه الاشياء تقدم بشكل افضل مع 720 و 30 فريم..طبعا العاب الهاك & سلاش برا الموضوع لان الـ 60 فريم شئ اساسي فيها الا لو اعطوني احساس الـ60 فريم (&)
 

Spartan-A34

Hardcore Gamer
تطور الذكاء الصناعي + 60 فبس + لاق
 

Old Snake

True Gamer
الـ1080P مش مستحيلة نهائياً بل ومش صعبة, أنا شبه واثق بأنه الجيل الجاي بيكون الستاندرد هو الـ1080P أصلاً, أما الـ60FPS فهو اللي فعلاً ما راح يصير بالكونسولز إلا في حالات نادرة جداً.
 

dro

Versus XIII Epic
ما فيه امنيات لأن واضح الجيل القادم راح يكون اكثر تعاسة من الجيل الحالي
 

G_kirby

Hardcore Gamer
فيه أشياء بديهيه مثل أقراص الDVD والخدمة السحابيه اللي من الآن بدأ تطبيقها..
ونقطة مهمه ذكرها الأخ GARY اللي هي الجودة. جهازين 360 شريتهم واحد أول الدفعات واستمر سنة بعدها شريت ثاني 2009 وللحين مستمر الحمدلله.
 

N E R O

True Gamer
- تنوع كبير في الألعاب..ابي ألعب اربي جي ياباني بشراهة..العاب رعب مبتكرة مثل فاتل فريم..ألعاب بلاتفورم بحتة
- توقف ظاهرة اغلاق استديوهات التطوير و الشركات..ابي اشوف مطورين جدد في الساحة بألعاب مبتكرة اكثر
 

Kaze

Hardcore Gamer
Digital store محترم و باسعار و عروض ستيم وخلاص << السبب الرئيسي لتحوله للبي سي
 

SAUD~F-16

True Gamer
اهم شيء يفكونا من خرابيط المستعمل ما يشتغل والخ..
وفي شي اتمناه بس انه زي حلم ابليس بالجنه، لا مزيد من DLCs خلاص طفشت من شعور اني اشري لعبة ناقصة! اذا شريت اللعبة لازم اشتري معها بطاقتين ستور! وحركات اللي الاضافة يعلن عنها قبل لا تنزل اللعبة! حطوها باللعبة وخلاص.
اما اضافات مثل ردر وجتا ودارك سولز فأنا احترمها بشدة.

والشباب ذكروا تقريبا كل شيء
 

Unknown

Fake Gamer
تتوقعوا التروفيز والاتشيفمنتز .. بيرحّلوا مع اجهزة الجيل الجديد ؟
 
أعلى