تعالي ياأم نصف كم

[Huda]

السلام عليكم








طبعا اليوم اول يوم دوام بعد العيد الناس قرفانه ويالله لها خلق تداوم وانا اولهم طبعا خخخ
اليوم الصبح بطريقي للجامعه قرفانه ودايخه ويكفي اني علقت بالزحمه وانا رايحه للجامعه علشان اول محاضره فكنت عايشة حالة رعب اوصل على الوقت او لا
تأخرت ثلث ساعه عن المحاضره وادخل للجامعه وانزع عباتي وانا اركض واسحب وراي شنطه بوزني والقى عند المصعد زحمه فأقرر اختيار الطرق الصعبه واصعد بالدرج مع الشنطه الدبه (كان ودي اشحنها بالمصعد واصعد لحالي :embarrassed: )
يوم ماقربت من مكان المحاضرة المنشودة يطلعون لي الأمن من تحت الأرض ويالله صباح خير
تعالي يأم نص كم (تحسونها سبه قويه خخخخ )
انا : اصبحنا واصبح الملك لله خير ان شاء الله ؟
الأمن : وش عندك مخالفه هذا لبس تلبسينه بجامعه ؟
انا : ليش ايش لابسه ؟
الأمن : ايه فعلا ايش لابسه مو عارفه ممنوع تلبسين نصف كم بعدين عيب تلبسين نصف كم
انا : وين نصف كم كمي للكوع
الأمن : والله استحي البس هاللبس قدام عيالي !
انا : تكفين والله... طلعتيني من المله الحين !
الأمن : بطاقتك الجامعيه ومعي على الأشراف التربوي
انا : اوف اوف اوف اشراف تربوي مره وحده .. والله مو رايقه لكم وعندي محاضره مهمه بعدين بعدين
الأمن : معنا الحين ولا مابيصير خير
بعدها حبوسني عندهم ساعه كامله وطارت نصف المحاضره حسبي الله عليهم ..
ـــــ
المهم القهر بالموضوع ان هالتهزيء والتفشيل على ايش
احلى شيء يتركون اشياء مهمه ويلصقون بلبس
مثلا البنات المسترجلات عندنا شعور غريبه بلايز عجيبه سلاسل عليها جماجم وعناكب خخخخ محد يكلمهم !
والمضحك بالموضوع يشدون بلبس على البنات بالجامعه والعبايات حدث ولا حرج !
يعني الحين اتستر من زميلاتي البنات واطلع كاشفه ومتمكيجه وعبايات ملونه بالشارع ماعليش ؟!
تفكير اعوج
ــــــ
سؤال يجول في خاطري منذو امد بعيد (اخص يالعربي الفصيح):yuck:
الحين انتم يالعيال يزعجوتكم على البس ولا على كيفكم بناطيل وتي شيرتات وكذا ؟​

 

[Dante]

مافي مثل الثوب

 

[megaman]

دايم استغرب من التشديد على البنات باللبس داخل المدارس والجامعات ... اللي يسمعهم يقول مدرسة مختلطة هذي مو للبنات بس


بالنسبة للشباب ما فيه تشدد من ناحية اللبس .. لكن الأغلبية من باب الأدب يلبسون ثياب, أو يرسّمون بشماغ ..

أحيانا يلبسون بدل لكن أعتقد عشان الجامعة تعتبر مكان رسمي تلقينهم قليلين


بالنسبة لي أقول خلوا الطالب يلبس اللي يبي ... أهم شي إنه يكون مرتاح ومستعد للدراسة

 

[The Shark]

ما أقول غير الضغط يولد الانفجار
أو على المكشوف الكبت و الضغط على الناس باستخدام اسم الدين يسبب الانحلال​

 

[Aoks]

بالنسبة لكليتنا

فما في تشدد كبير ,, يعني يجيك واحد متفلسف في السكرب ولاعب فيه وعادي ما يقولون شي

بس ايام الاختبارات , انواع التدقيق و واحد من الشباب كان طابع رقم ( 3) خلف السكرب , وطول السنه مااحد قاله شي ,, يوم الاختبارات كتبوه تعهد

طبعا والي يلبس ثوب تعهد على طول :yuck:
​

 

[Mondeo]

أصلا الإداريات بالجامعة عايشين بالقرون الوسطى ليومك أذكر ذاك الموضوع

(إرفع إبطك يابنت واخزياااااااااااااااه)

عموما

والله طفش بجد من اسمع عن الجامعة أنقرف أنا عازم أوقف نص ترم بس المشكلة في

متل جييييييييييييييييييييييييييير 4

 

[Dr MaD]

بعكس كليه الطب .. طب الاسنان شديدين شوي من ناحيه اللبس .. موحدين درجه اللون الازرق عشان كل درجه ازرق تعني شي .. الازرق الفاتح طلبه دبلوم .. الازرق الغامق (( حق العمال )) طب البكالوريوس .. واللون الاخضر درجتين بس ماني متأكد بالضبط من تقسيمهم .. وشي ثاني مهم في اللبس انه تكون الرقبه دائريه ضيقه .. مو سبعه ! .. عشان طراطيش المويه .. واتوقع سبب التشدد لانه الطلبه قليلين وسهل التحكم فيهم .. وبصراحه يطلع شكل المجموعه اجمل اذا كان اللون موحد .. يعطي احساس الانتماء والعمل الجماعي :yuck:

وبخصوص البنات .. شي غريب انا ما اشوف مشكله اذا لبست البنت كم قصير في جامعه كلها بنات !!!!!!! .. بس اتوقع شديدين عندكم على سوالف اللبس لوجود فئه بنات ما يقدرون يوفرون لبس جديد كل يوم (( زي بنات الشيوخ )) .. فكذا ليش محددين الوان واشكال .. بس سالفه الكم القصير ممنوع اول مرة اسمع فيها !!!!!!!!!!!! .. الله يعينكم

 

[Guns N Roses]

في جامعه الملك سعود مايدققون على البس .. لو تلبس اي شي... بس الدكاتره السعوديين اذا دخلت محاضرتهم يناظرونك بنظرةغربيه اذا كنت بدون شماغ وثوب.

 

[Fedo]

تركت الثوب من دخلت الجامعه لول :sealed: :sealed:
البسه للمناسبات الخاصه و الاعياد بس :laugh:
لكن بالجامعه البس على راحتي محد يكلمني ولا حتى المدرسين يغيرون نظرتهم لي :cooool:

 

[The Last Fantasy]

لول ما البس في الجامعة الا الثوب.
بس عموماً لو تلبس براحتك ما يقولون شي.

 

[m7tram]

بالنسبه لي بدوامي ممنوع لبس الدشاشه ( الثوب ) .

 

[Death match]

والله انا اشوف غلط يحرمون طالب من محاضرة علشان مسألة اللبس الي لابسه , وان وصلة المسألة حدها كانو يقددرون ياخذون بطاقة الطالب ويقولون له راجعنا وبكذا تحل المسألة .. بس المشكلة لما يجيك واحد يضن انه صح والباقي كلهم خطأ

 

[Zero]

في جامعتنا لو الواحد يجي بشورت ما حد يكلمه ( جامعة البترول ) وأنا أول ما دخلت الجامعة كنت مستغرب من أشكال بعض الشباب صراحة ، أنا لبسي جينز وأقمصة ضيقة دائما وأحيانا تي شيرت .. واللبس الرياضي له وقته ..

بس بصراحة التدقيق هذا ما له داعي أبدا أبدا !! .. البنت أهم شي تلبس لبس عدل وخلاص .. وبالنسبة للنص كم .. عادي حتى لو ربع وما فيها شي لو البنت لبست ربع كم قدام أهلها لأن الذراع مو لازم تنستر بحد علمي ..

ممم وبالنسبة لليوم .. أحس أني سعيد ( إذا ما عندي محاضرات أقعد آكل طول الوقت خخخ ! )

 

[Aoks]

حبيت اعلق بس على جامعة البنات في جامعة الملك سعود!!


صراحة الوضع هناك لا يطاق ,, يعني صراحة احمد ربي ان ان النظام عندنا غير !

تخيلوا اذا يبون يطلعون قبل انتهاء الدوام (او اعتقد قبل 12 ) لازم ورقة يوقعها ولي الامر :sealed:

والتدقيق هناك زياده عن اللزوم بشكل مقرف !!

الله يعينكم يلي تدرسون هناك ,,
​

 

[Captain Jack Sparrow]

في جامعه الملك سعود مايدققون على البس .. لو تلبس اي شي... بس الدكاتره السعوديين اذا دخلت محاضرتهم يناظرونك بنظرةغربيه اذا كنت بدون شماغ وثوب.

والله احنا بجامعة الملك فيصل لو تجي بشورت محد درا عنك

 

[Huda]

ماشاء الله والله العيال مدلعين خخخخ
مساكين احنا اجل :embarrassed:
بس بالنسبة لكم احس الأريح ثوب تقول لابس مريول راحه نفسيه من جد
وبالنسبه للأقسام الطبيه لاحظت انهم مدللين بالبس عند البنات والأولاد بعد :yuck:
اختي ماكان احد يكلمها على لبسها لانها تدرس قسم طبي :slant:
ــــ
عموما من دراستي بكذا مكان
فكلية التربية للأقتصاد المنزلي للفوزززززز خخخ
خساره تركتها كانت فله خخخخ
والله ماكان احد يقدر على بناتها لبس جوالات كاميرا الان نفسه يخاف منهم
لكن
عندهم هيئة انما ايه
مره امشي وانا وبنت بالشارع عند الكليه
جا واحد من الهيئة يصارخ استريها استريها
انا وهي ؟ ! :sealed:
يلاحقنا استريها استريها شسالفه الحمدلله مسترات
ولا يطلع على شنطة صديقتي رسم بنت كارتونيه لابسه شورت :yuck:

Dr MaD
شوف دايما يقولون لنا احنا مانسمح لكم تسمحون الوان على كيفكم علشان البنات الي مايقدرون ... الخ الخ الخ
بالعكس !
انا اقول لك كيف لبس الجامعه مستحيل ينلبس بره الجامعه +لو رحت للسوق بتشوف الاستغلال من المحلات كيف
قميص ابيض فيه شوية موديل بمتين وانت طالع والله ماتعطيه اكثر من 50
عكس لمن يفتحون لنا مجالات نلبس تي شيرتات مثلا وغيره بيكون هاللبس نفسه لبس الطلعه البسه بالجامعه وبالطلعه فهمت كيف ؟
وعلى الأقل يوم ماتدفع سعر تدفعه بشيء يستاهل مو الوان تكتم وقمصان ! واكمام طويله ! :embarrassed:


Aoks
شفت شلون :embarrassed:
ازيد لك من الشعر بيت
شفت الباب يفتح بعد الصلاه (احس اني بمدرسه خخخخ )
لو جا ولي امري بيطلعني قبل الصلاه بخمس دقايق او عشره مايرضون !
يقولون خلاص بعد الصلاه
والمشكله العويصه
انا امي تجي علي مع السواق تخيلوا امي ماتقدر تطلعني لازم ابوي اخوي زوجي !

 

[Mondeo]

والله احنا بجامعة الملك فيصل لو تجي بشورت محد درا عنك

خخخخخخخخ تصدق أشوف طالب بكلية التربية يوم ببرمودا ويوم بثوب

 

[Death match]

مره امشي وانا وبنت بالشارع عند الكليه
جا واحد من الهيئة يصارخ استريها استريها
انا وهي ؟ ! :sealed:
يلاحقنا استريها استريها شسالفه الحمدلله مسترات
ولا يطلع على شنطة صديقتي رسم بنت كارتونيه لابسه شورت :yuck:

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
والله من زمان ما ضحكت جذي

 

[pacino]

بالنسبه لنا بجامعه الكويت حتى شورت مايغطي الركبه عادي خخخ..بس بتاكل هوا من الدكاتره
انا البس دشداشه وغتره لكن مرات كثيره البس بدله وتي شيرتات

 

[ZiZ]

الحمد لله أن عندنا ثوب...

ما نقعد نص ساعة كل يوم نفكر وش نلبس، ولا نزعل إذا أحد جاء للحفلة بنفس لبسنا، وعبارة "ما أقدر ألبسه لأنهم شافوه قبل" غير موجودة بقواميسنا، ويستر فضايحنا، والتحول من لباس النوم إلى لباس العمل ما يحتاج لأكثر من 20 ثانية كحد أقصى...

بخصوص جامعة الملك سعود. فيه تدقيق في بعض الأحيان لكن من قبل المدرسين أنفسهم...

أذكر كان فيه مدرس "سلم" (ثقافة إسلامية) كان يجبر الطلاب يلبسون شمغ...

وعموماً حتى لو كانوا ما يظهرون هذا الشيء أمامك ولكن فيه كثار من الدكاترة يشيلونها بنفسهم لو شافوك ما تلبس شماغ ويمكن ما يكونون متسامحين معاك بقدر ما يتسامحون مع اللي يلبسونه...

عبادة الشماغ مشكلة بأهل نجد بس الحمد لله قاعدة تقل مع الوقت...

إلا ما تلبسون مراييل؟

 

[High Lander]

التسلسل الزمني لهيئة الطالب في بقالــ عفوا جامعة الملك سعود :

اول سنه : الترسيم على اصوله, الواحد شوي وينكسر من كثر النشاء ..
السنه الثانيه: الشماغ منطول بالسياره مع مزبلة المذكرات والجبهه تسطع مع اشعة الشمس..
السنه الثالثه: مداوم بثوب نوم والغمص يشكي في العيون ..مع الاستمتاع بخذرفة الدكاتره الصباحيه .
السنه الرابعه : مداوم بفنيله علاق وسروال سنه لأنك تدري انك تبي تقابل حملت شهادات عليا اغبى منك ....وليتها وقفت على الغباء .

بعد استلام الشهاده المزيفه اللى موقع عليها عميد الجامعه المبجل, تعرف اسباب التخلف اللى حنا عيشين فيه لأن الطبقه المتعلمه في مجتمعنا اجهل من انسان مرفوع عنه القلم . تبصق على الجامعه وتقول اللهم أجرني في مصيبتي واخلف لي خيرا منها .

 

[Mista Koo]

الحمد لله أن عندنا ثوب...

ما نقعد نص ساعة كل يوم نفكر وش نلبس، ولا نزعل إذا أحد جاء للحفلة بنفس لبسنا، وعبارة "ما أقدر ألبسه لأنهم شافوه قبل" غير موجودة بقواميسنا، ويستر فضايحنا، والتحول من لباس النوم إلى لباس العمل ما يحتاج لأكثر من 20 ثانية كحد أقصى...

QFT..
في البداية ما كان عاجبني الثوب لأن صراحة بايخ كـ شكل
بس لما أشوف لفلفة الحريم بالأسواق وتورطاتهم أوقات المناسبات أحمد ربي مليون مرة

 

[Huda]

Yoshi SD
حرام نصف ساعه اغير ملابسي !:yuck:
والله مو اطول من عشر دقايق اخلص كل شيء :yuck:
كلها تنوره وبلوزه وذيل حصان وخلصنا :yuck:
والله الاثواب راحه نفسيه من جد :embarrassed:
وبالنسبه للشماغ فأنا اتوقع ان بعض الاستاذه يجبرون الطلاب على الشماغ لانه يزيد التركيز
قول ليش ؟ :yuck:
لأن الولد وهو لابس شماغ يرتز بزياده ويثبت راسه مايمدي يتلفت ولا يمديه يحط راسه وينام فا ومايقدر يلف وجه عن السبوره فهذا بيولد التركيز :yuck:


وبالنسبه للمراييل والله ياليت يخلونا نلبس لبس موحد ونرتاح :embarrassed:


High Lander
احس الي كتبته كنه خاطره :cryy:
والله هذا وضع جامعتنا للأسف طلاب اذكى من اساتذه خخخخ
وتجيك جنسيات عجيبه ماتفهم ايش يقولون لاهو عربي لا هو انجليزي :slant:
مو الشرهه عليهم الشرهه على الواسطات الي توظف بقر :embarrassed:
اجل تجي استاذه توزع اوراق امتحان عندها اخطاء بالقرامر !!!!!

 

[MALDINI]

قصتك عجيبه لول

هذي سالفه لي صارت الترم اللي راح
انا بالجامعة دايما البس ثوب مع غتره بيضا .. الشباب اكثرهم او 97 بالكلية حقتي يلبسون شماغ .. عاد في يوم كنت قاعد انتظر الدكتور يجي المهم جا قعد و يناظرنا واحد واحد وتمر عينه بسرعه علينا الين طاح بعيني انا ارتبكت شوي قلت افاااااااااا وش بيقولي الحين .. قالي من وين قلت كذا قالي ترا الغتره البيضا حاول انك ماتلبسها ثاني مره لانها للدكاتره او المسؤلين اللي هم بلا بلا بلا الخ

لول جيت قلتله ماعندي الا غتر بالبيت .. قالي اشتر بكافئتك شماغ اجل -__-
صرت عاد ايش باليوم اللي هو علي مادته البس شماغ .. لول افضل من الثوب الاصفر وغترة فالانتينو لاتدوووور .. P:

***

 

[الــخــــارق]

قصتك عجيبه لول

هذي سالفه لي صارت الترم اللي راح
انا بالجامعة دايما البس ثوب مع غتره بيضا .. الشباب اكثرهم او 97 بالكلية حقتي يلبسون شماغ .. عاد في يوم كنت قاعد انتظر الدكتور يجي المهم جا قعد و يناظرنا واحد واحد وتمر عينه بسرعه علينا الين طاح بعيني انا ارتبكت شوي قلت افاااااااااا وش بيقولي الحين .. قالي من وين قلت كذا قالي ترا الغتره البيضا حاول انك ماتلبسها ثاني مره لانها للدكاتره او المسؤلين اللي هم بلا بلا بلا الخ

لول جيت قلتله ماعندي الا غتر بالبيت .. قالي اشتر بكافئتك شماغ اجل -__-
صرت عاد ايش باليوم اللي هو علي مادته البس شماغ .. لول افضل من الثوب الاصفر وغترة فالانتينو لاتدوووور .. P:

***

لا لا ويييين ما توصل لهذا الشيء ..
لو يصير لي كذا مستحيل أوافق على شيء تافه مثل هذا ..
انا منيب راعي مشاكل ويعرفوني اللي درسوا معي علاقتي الحمد لله جيدة جدا مع الدكاترة ..
لكن في موقف مثل هذا ومع مثل هذي الأشكال التعامل لازم يتغير ..
المفروض ما وافقت :roll: ..

بالنسبة للموضوع الأصلي ..
ما اقول الا الله يعينكم يا طالبات الجامعات ..
اختي كانت دائما تقولي عن هذا التشديد الزايد عن حده ..

 

[Tomb raider]

نحنا عندنا عادي، حدث ولا حرج البنات اللي في جامعتنا على كيف كيفهم ! ما ادري الساعه كم يقومون من النوم علشان يتمكيجون !!

 

[MALDINI]

لا لا ويييين ما توصل لهذا الشيء ..
لو يصير لي كذا مستحيل أوافق على شيء تافه مثل هذا ..
انا منيب راعي مشاكل ويعرفوني اللي درسوا معي علاقتي الحمد لله جيدة جدا مع الدكاترة ..
لكن في موقف مثل هذا ومع مثل هذي الأشكال التعامل لازم يتغير ..
المفروض ما وافقت :roll: ..

بالنسبة للموضوع الأصلي ..
ما اقول الا الله يعينكم يا طالبات الجامعات ..
اختي كانت دائما تقولي عن هذا التشديد الزايد عن حده ..

المشكله ان الماده محتكرها هو بس يعني مافي غيرها ولا كان حولت لدكتور ثاني ولا في امل اتمشكل مع ذا صراحه يعني ..

الشماغ = حر
الغتره = تستانس بالبرد والهوا + تصير مميز دايم .. لول

***

 

[hussien-11]

نحنا عندنا عادي، حدث ولا حرج البنات اللي في جامعتنا على كيف كيفهم ! ما ادري الساعه كم يقومون من النوم علشان يتمكيجون !!

خخخخ صادق ، أنا أحس الوحدة فيهم تصحى على صلاة الفجر عشان تجهز نفسها للجامعة P:
لول عندنا في الجامعة ( بكل الجامعات بشكل عام ) تشوف جميع أنواع اللبس ، الثوب عند الاخوة الخليجيين ، الجينز و القميص أو الشيرت عند شباب البلد ، المحجبات ، المغطيات ، الغير محجبات ، الـ الله يستر عليهم ، جميع الأنواع و الأشكال ، حتى بجامعة مثل الأردنية تشوف اجانب كمان و يابانيين ، و دائما شايلين شنطة على ظهرهم و الووكمان ما يفارق أغلبهم .