حبيت فكرة الموضوع ومناسب صراحة للتوجه اللي داخل عليه ب 2021. بدايتي مع السنة هذي ساخنة، شفت مجموعة من الأفلام اللي صدرت بالعام الماضي وبتكلم شوي عنها بالترتيب اللي شفته فيها.
1 -
(Tenet (2020:
الفلم اللي مستحيل يخرجه أحد غير نولان. Tenet يلخص كل شيء يميز نولان كمخرج، تلاعب بالزمن، لقطات أكشن ضخمة، أحداث كثيرة تحصل بنفس الوقت وكلها مرتبطة ببعض، قصة ملحوسة طبعاً
. حبيت الفلم وشاهدته مرتين, بس بأحسبها بمرة وحدة لأن الأولى ماتعتبر مع ذا الفلم، لول.
-
تقييمي: (8/10)
2 -
(Hunter Hunter (2020:
يتكلم عن عائلة صغيرة يعيشوا لحالهم بوسط غابة وبسبب وضعهم المادي الصعب يضطروا يعتمدوا على الصيد بأكلهم، حياتهم تنقلب فوق تحت لما يجي ذئب يبدأ يآكل الحيوانات اللي يصيدوها، فيضطروا يتعاملوا مع الوضع قبل ما تسوء أحوالهم أكثر. الفلم كان ماشي معاي تمام لين بدأ يظهر تأثير الرخص اللي فيه خلال النصف الثاني، توجه القصة صار متوقع وماخدم التويست اللي كانوا يبنوه من البداية وأثر كثير على تجربتي، الفلم كان ممكن يكون أفضل بكثير لو تم تنفيذه بشكل مختلف، ما أنصح فيه كثير.
-
تقييمي: (5/10)
3 -
(The Wolf of Snow Hollow (2020:
ثاني فلم أتابعه ل Jim Cummings بعد Thunder Road. الفلم ذا عجبني مرة وحبيته أكثر من فلمه الأول، عجبني جوه اللي جاي مكس بين رعب و كوميديا مع شوية استهبال، وهي خلطة صعبة ماتزبط دائماً. ذكرني كثير بفلم Fargo وأشعر إن كان له تأثير على هذا الفلم. الإيديت ممتاز وكان خادم الجو العام حق الفلم.
-
تقييمي: (8/10)
4 -
(The Devil All the Time (2020:
فلم ممتاز، رتمه بطيء نوعا ما، يآخذ وقته بسرد أحداث القصة وصقل شخصياته، قد يكون مشتت بالبداية لكن مع الوقت تتضح أكثر الأحداث وتبدأ تترابط مع بعضها بشكل مرضي وممتع. طاقم التمثيل كله ممتاز، Robert Pattinson يثبت مع كل فلم أشوفه له إنه ممثل موهوب ومن أفضل الموجودين الآن، متحمس مرة لدوره كباتمان.
-
تقييمي: (7/10)
5 -
(Sound of Metal (2020:
فلم درامي يحكي قصة "روبن" Metal Drummer اللي حياته تتأثر بشكل كبير بعد ما يفقد نسبة كبيرة من حاسة السمع ويعتبر بشكل رسمي "أصم". حبيت توجه الفلم اللي اختار يعرض أحداث القصة من منظور "روبن" ويخليك تعيش معاه التجربة كاملة من أول مرة تظهر عليه الأعراض، فلما ما يسمع روبن شيء أنت أيضاً ماتسمع شيء، ولما أحد يكلمه ومو عارف إيش يقول، أنت أيضاً ماتعرف، وهي طريقة فعلاً مثيرة للإهتمام تخليك تتعاطف معاه وتحس بكمية تأثير هذا الشيء عليه، أضف إلى ذلك تمثيل Riz Ahmed الخرافي هنا، اللي قدر يوصل المشاعر اللي يحس فيها بشكل ممتاز. عجبتني رسالة الفلم وطريقة عرضه لحياة مجتمع الصم. فلم ممتاز مرة.
-
تقييمي: (8/10)
( 50/5 )
، مع اني قرأت كل اللي شاف الفيلم مايمدحه ابدا ، لكني اصريت و شفته ، فدخلت بأقل حماس على أمل اجواء الثمانينات و موسيقى زيمر يغطي على العيوب ، لكن ولا شي من هذولا حسيته بحضور في الفيلم ، اللهم انه مافي جهاز موبايل على اساس انهم في الثمانينات يعني
