خلصت كل شيء موجود حاليا في Reverse 1999 و حبيت أكتب شويتين عنها ’_’
ما يخفى أنها من أكثر الألعاب الي كنت متحمس لها ذي السنة والي ما شفت عنها أي شيء كوني أحب اكتشف محتوياتها بنفسي. من البداية رح أقول اني لعبتها بال Dub الياباني. بعد الجلطة الي أخذتها من أول كم دقيقة في هونكاي صار صعب أثق في أي مطور آسيوي أنه ما رح يجيب العيد بال Dub الإنجليزي.
شفت كم مقطع والصراحة الأصوات الي مختاريها جدا ممتازة وراكبة على أجواء اللعبة لكني عندي حساسية من اللكنة البريطانية وتجيني حكة في أماكن غريبة كل ما سمعتها ,_, فمجبور على الياباني والي هو خيار ثاني كويس بطبيعة الحال.
من أول كم لحظة فيها أقدر أشوف كيف ماخذة من كثير ألعاب جاتشا ثانية لعبتها سابقا، لكنها قدرت تعمل مزيج يخليها مميزة بنفس الوقت.
التوجه الفني راق لي جدا، كثير رسمات تقطر جودة متواجدة فيها في كل مكان. وطريقة تحريكها بحد ذاتها ما قد شفت زيها من قبل. وبعد تصاميم الشخصيات أثناء الموجهات طالعة بشكل لطيف عكس كثير ألعاب تقلب التصاميم لتعاسة فنية.
الجيم بلاي هو عبارة عن تبادل ادوار وحركاتك الي تقدر تعملها هي البطاقات الي تطلع لك بشكل عشوائي.
قبل لا تستفرغ وينقتل اهتمامك به لازم تعرف انه على بساطته لكنه لسه ممتع ويقدر يبرز في المراحل المتقدمة الي يحتاج لها تركيز فعلي وخبرة في بناء الفرق. وكمان تنوع القدرات والتأثيرات الي تعملها الشخصيات خلاه يبرز أكثر وأكثر.
ساعدهم كمان تنوع الأعداء والي أشوفها من نقاط قوتها. في عشرات الأعداء الي لهم قدرات وتصاميم مختلفة. أبدعوا في ذي الناحية جدا. وكمان بعض المراحل تكون لها قوانين خاصة تغير بعض القواعد في اللعبة. قرار عدم تواجد Auto غريب لكنه في الواقع بعدين بتشوف أنه ما كان رح ينفعك كثير كونه ممكن ال AI يجيب فيك العيد ولو تلبعها بنفسك بيكون أحسن لك. تقدر تخلي auto بعد ما تخلص المرحلة *غير كذا كان بيكون عبط @_@* وعجبني كيف حتى بعض المراحل الي تخلصها بطلوع الروح وباقي لك شوي وتخسر فيها لسه تقدر تعمل لها Auto وتفوز بشكل مضمون. لكن فيه شيء غريب, والي هو أنه رح يلعبه على شاكلة فريقك الي هزمت المرحلة... يعني عادي شخصية طورتها للفل 60 لكنها في ذي المرحلة رح تنلعب على أنها لفل 30 لأنك خلصتها بهذا الشكل سابقا. الشيء يخلي إتمامها يأخذ وقت أطول وممكن يلخيك ترغب أنك تعيدها مستقبلا عشان تحسب لك فريق أحسن. مش عارف ليه خلوها زي كذا ؟_؟
شحن الستامينا أشوفه Average.
تصاميم وتسميات الشخصيات جدا مميزة. ساعدهم كثير فكرة أن الشخصيات ممكن تكون حتى أدوات أو مفاهيم. وبعد الشخصيات العامة كمان تصاميمها حلوة. (في مكوك فضائي. شويتين يسولف عن دراما يتابعها على التلفزيون وبعدين يحاول يغطي على البقرة الي جالس يخطفها, ولا كيف خطته انه بعدين يعمل تجارب على عرقك... ايش الي يدخنوه الكتاب بالضبط؟)
شخصيات ال 4 نجوم وفوق (الحد 6 نجوم) بعد يحصلوا على سكن مجاني (غير السكنات المدفوعة) بعد ما تطورهم لحد معين @_@ حركة جدا لطيفة بالرغم من كون الشخصيات الي مش 6 نجوم رح تحصل على سكن فيه تغييرات طفيفة لكني لسه مقدر لهم ذا الكرم.
وتقدر كمان بعدما توطد علاقتك في الشخصة من عدة فعاليات متنوعة تفتح قصصهم, والي للأسف متوفرة على شكل ملف تقرأه من دون أي visuals أو طريقة تتفاعل فيها. ذي النوعية من الروي القصصي مش محببة لي لكنها هنا مطبقة بشكل مميز, بعضها يكون على شكل مقابلة تعملها شخصية من المنظمة معها أو بعضها يكون من مقالة في جريدة, راوي يتكلم عنها, أو الشخصية تسولف عن نفسها. الشيء كان محزن لكني انبسطت يوم عرفت في التحديث الحالي للنسخة الصينية أضافوا مهمات قصصية للشخصيات. في كثير شخصيات اللعبة رموهم علينا من دون أي بناء لهم أو أي فكرة عن طبيعتهم غير من القليل الي شفناه. بعضهم فعلا لهم بوتنشال أنهم يكونوا شخصيات محبوبة لو لعبوها صح. وبعد تقدر حاليا تتعرف على ال items الي الشخصية تستخدمها بعد ما توطد علاقتك معاها وفيها شويتين اضافات قصصية عنها.
الشخصيات هنا يستخدموا ايتمز معينة (Psychube) تعطيهم Buffs خاصة, البطاقات مش مخصصة لنوع معين من الشخصيات وتقدر تستخدمها على راحتك. الاضافات الي تقدمها كويسة لكنها مش كفاية عشان أقول مثلا انها تحول دور الشخصية لدور ثانية مختلف @_@ حاليا عددهم محدود وبعد يتراوحوا بين ال 3 نجمات - 6 نجمات. ال 3 وال 4 نجمات تقدر تحصلهم من الجرايند اليومي, لكن ال 5 وال 6 رح تحصلهم من بعض الايفنتات, المهمات القصصية, وبعدين رح تقدر تشتريهم من الستور مقابل عملة اللعبة. والي أشوف سعرهم معقول. جدا مبسوط أنهم خلوها مش جاتشا btw. والأهم أنه كل القطع المتشابهة عندها نفس الستاتس... يعني ما يحتاج تعمل لهم جرايند سنتين عشان تحصل على كريتس ,_, *فيها بعد قطع كتابية بأسلوب النثر بعضها ممتع للقراءة*
لازم اثني بعد على عظمة التجربة على ال PC وكيف كانت جدا سلسلة من دون أي مشاكل.
بالنسبة للسحب. كل 10 سحبات مضمونة شخصية 4 نجوم وفوق. البيتي رح يكون على السحبة 70 والسوفت من 60 وفوق. فيها 50/50 كمان. حظي مع السحبات أشوفه كان طيب وقدرت أحصل على مجموعة كويسة من الشخصيات الممتازة في الميتا ,_, اوه وعلى طاري الميتا... ممكن أقول انها تقريبا زي وضع Alchemy Stars؟ تقدر تخلص معظم المحتويات بس مع شخصيات ال 4 نجوم وال 5 نجوم الي هم عطوهم لك. وفي تنويع كبير في التير ليست مع بعض شخصيات ال 6 نجوم الي تقدر توصفهم بالقمامة @_@
مع كل سحبة رح تحصل على عملة معينة تقدر تستخدمها في المتجر عشان تشتري سحبات أو items ثانية مختلفة, والي هنا رح أقول انهم جدا بخيلين فيها والقيمة تبعها تعيسة لأبعد حد. مستغرب البخل هنا وأشوفه مش مبرر. غير كذا, المشتريات داخلة اللعبة بشكل عام تشبه بعد صيغة Alchemy Star. والي هي مش كويسة لكنها موجهة للحيتان ومش لنا @_@ موجود الاشتراك الشهري الي يعطيك 300 عملة سوبر خاصة و 90 جوهرة (تحتاج 180 عشان تسحب) وبعد item يعطيك 60 ستامينا. يعني شويتين أحسن من حق ميهويو. السيسن باس ب 10$ وأشوفه يستاهل للناس الي حابة تسهل حياتها. نسيت أذكر, انهم كانوا كريمين بشكل كويس مع بداية اللعبة وبعد المهمات الي مخصصة لك في بداية القصة والي هدفها انها تنعنشك سحبات وموارد.
شيء ثاني أحب اثني عليهم هو طريقة توزيع المراحل على الخريطة في الفصول القصصية, كيف طالع شكلها كأنه Stop Motion Set ومع كل مرحلة تتحرك القطع شويتين بشكل يرمز للأحداث الي رح نمر فيها.
وبعد كيف بعد كل مهمة تقدر تحصل يا أما الراوي المحشش (بال Dub الياباني جايبين صوت جدا مميز وتحسه وصخ منجد) يسولف لك عن أشياء عشوائية لكنها بعض الأوقات ترتبط بالأحداث بشكل رمزي, أو ممكن Minigames تخليك تلعب في متاهات أو أسئلة تتطلب من عندك بعض التركيز في القصة عشان تحلها أو حزورات ذكية. ما أزعجتني وبعضها كان ممتع وأضاف عدة ساعات لعمر اللعبة. الراوي طبعا كبر معاي وصرت أتوق أني أسمعه يسولف وحتى هو صار يعرف أنه علاقتها انبنت وصار يسولف معانا كأنه ال Homie الي نلف Blunts معاه كل سبت تحت سلالم منزل ال step dad حقه من دون ما نحسسه بوجودنا عشان ما يضطهدنا بدنيا.
وكمان طور البرية الي يخليك تبني. في العادة أمقت ذا الطور في باقي ألعاب الجاتشا لكن هنا طالع شكله منجد لطيف وطريقة البناء فيه تذكرني بلعبة indie قضيت فيها وقت قبل كم سنة. غير كونه حلو للعين, الفارم اليومي تبعه مش ذاك المهم والغباء الي عندهم خلاهم يحطوا التفاعل مع الشخصيات بشكل RNG ومش مضمون. حتى هنا صارت مسألة حظ عشان اسولف مع الشخصيات؟ xd
الجرايند في اللعبة أقدر أقول انه يميل لكونه ثقيل, عشان تطور الشخصية لأقصى شيء رح تعاني في الموضوع بشكل جدي. ودائما في عندك نقص في عملة اللعبة. بالنسبة لي انا مبسوط بذا الشيء, يخلوني أفكر قبل ما أطور الشخصيات أبرك من انهم يقتلوا ذا الجزء من عندها. الجرايند اليومي جدا سريع وما يطول فوق ال 5 دقائق. والمهمات الأسبوعية رح تخلصها من لعبك اليومي الطبيعي وما تحتاج انك تطلع من طريقك عشانها.
الاطوار الموجودة في اللعبة محدودة نوعا ما. في كثير مخصصة للجرايند, وفي طور تحديات اسبوعي. لسه مو فاهم نضامه بالضبط لكنه مش بطال, الروي القصصي الي فيه مبهم ويحاول يرمز لشخصيات بعضها ما مر علينا في القصة لكنه موجود في الجاتشا. الشيء ذا يخلي صعب نعرفها لكنه قصير ومش الجزء المهم من عنده. في بعد الطور الي تقدر تحصل من عنده على ال Psychubes والي تقدر تلعبه من دون ما تستهلك ستامينا مرتين في اليوم. بعدها رح يتطلب من عندك ستامينا.
الحان اللعبة كويسة. ما قدرت اطوف عليهم في اليوتيوب كونه في كثير من عندهم جايين من النسخة الصينية ويحتووا على حرق. لكن عندكم مثلا لحن اختيار المراحل جدا رائعة.
لكن بالنسبة لي اشوف قمة شغلهم راحت على ألحان الشخصيات الي مش متوفرة في اللعبة نفسها.
تعطي احساس جدا قوي لموسيقى أفلام ديسني ال 2D ,_, ما عدى يعني كيف أبدعوا من ناحية كونهم يعبروا عن الشخصيات بشكل تام.
بالنسبة للقصة... نبذتها عادية. لكن كون أحداثها تحصل في أماكن حقيقية والمواضيع الي تتكلم عنها مرت على البشرية وكمان تدخل لك بشكل دقيق لكن مع إضافة مفهوم ال Arcanism والي يتمثل بوجود قوة غير قابلة للفهم في العالم سواء كانوا بشر انولدوا معاها, أو مخلوقات مش بشرية, وممكن حتى تعتبر مفاهيم متجلية في بعض الجمادات. خلاها تكون immersive.
أول فصلين من دون مبالغة فكرت أعطيها دروب !_! كمية خمبقة كبيرة ومليون Term عمرهم ما مروا عليك ينرموا في كل الأوقات, ولا ال Lore Dump الي كان بس هو ناقصني عشان انجلط من عندها. لكن في الفصل الثالث قدروا يتداركوا الوضع ويقدموه بشكل موجه للاستهلاك البشري. وفي الفصل الرابع عملوا شغل عظيم خلاني أسامحهم على كل عبطهم السابق! التقديم الي حصل فيه مع كمية العروض الرمزية. كان تجربة عظيمة ومش مسبوقة علي في أي جاتشا ثانية خصوصا جزئية كيف كان ثيمه سياسي xd بتكلم عنها شويتين هنا مع حرق.
فكرة كون الفصل الثالث كله في داخل ذكريات البطالة كانت حلوة, كيف قدرنا نعرف ماضيها كامل وكسبونا ككارهين للعينة قسطنطين آ_آ موتها رح يكون يوم عيد بعد كل الي عملته في المسكينة فيرتين. الي حصل لها بالراحة يقدر يكسر الشخص للأبد. وكونك تقريبا عارف أنه ذا الشيء رح يحصل من مراحل مبكرة في الفصل وكيف كل الوقت جالس على أعصابك تشوف برائه الخطة الي عملتها هي والأطفال البقية وكيف نهايتهم المأساوية مجرد مسألة وقت... وكل شوي تكتشف أكثر لعانة الحدث وكيف حصوله كان ممكن بكل سهولة يتم تجنبه لوما الحيه ذيك كانت تبي تخليه درس عمرها فيرتين ما رح تنساه... حقيرة!
*طول الفصل يحاول ما يقرص خدها بعنف*
الفصل الرابع كله تقريبا كان من دون البطلة, حركة حلوة كيف تنقل الأضواء على الطاقم الي رح يرافقنا على طول اللعبة وبعد كيف أنه كان بفكرة "كيف 6 أشخاص رح يقدروا مع بعض يغيروا مفهوم مهم في منضمة لها مئات السنين عليه وبعد كل الناس المهمين الي فيها كانوا ضد هذا التغيير". كمية شد وسحب وكثير تحويلات ومداخلات, أخذوا وقتهم فيها وفي توضيحها من دون ما تكون مملة. والأهم عندي كان دروفيس...
آه على عظمتها !_! ولا عمري تخيلت أنها رح تصنع غابة في نص مقر المنظمة من بدايات الفصل! محد قدر يوقف في وجهها أو حتى يقربوا عليها. كمية العظمة في ذيك اللحظة خلتني أشغل عدة شيلات داخليا (ذا الشيء ما يحصل غير في لحظات بيكية نادرة) وكسر رتم الأحداث الهادئة الي كنا فيها في معضم الفصل الثالث. متحمس جدا للأحداث المستقبلية وأشوفهم وقفوا على نقطة كويسة.
بالنسبة للايفنت الأول الي نزل له كم يوم. بعد ذا تقريبا طالع نفس Alchemy Stars بالضبط لدرجة خلتني اشيك لو في علاقة بين الفريقين @_@
كم نشاط مفتوحين لك على طول والبقية ينفتحوا على شكل دفعات بعد فترات مختلفة. وكل ايفنت له جيميك خاصة فيه. والي كانوا ممتعن جدا بشكل غريب @_@ بالنسبة لقصة الايفنت. كانت بسيطة, عجبني كيف خلوا كل الشخصيات الي متواجدة في ال Banner الايفنت تأخذ دور البطولة بشكل تقريبا متساوي. وكيف بعدين كلهم رح تتشابك قصصهم مع بعض ونحصل على نهاية مرضية جدا. كمان أحداث الايفنت تخص حدث حصل في العالم الحقيقي والي هو كأس العالم لكرة القدم الي انسرق في بريطانيا *مع رشة فانتسي* @_@ عجبني دور ال NPCs فيه وكيف بعضهم له ادوار مهمة فعلية.
ممكن عيبه الوحيد كان التركيز على الكلاب؟ *شخصية رح تسحب لها في البانر القادم تبع الايفنت* جدا جدا كرينج لأبعد حد لكني شفت انه صاد جو الغربيين والي يعني هو جوهم خلقة بيض ف شكله مافي مفر من كذا كرينج مستقبلي زيادة ,_,
هو لسه أشوف أنه ما شبعت من بعض الشخصيات فيه لكن لو فعلا رح نحصل على مهمات قصصية مستقبلية لهم, رح يكون شيء كويس. كمان الستور تبع الايفنت جدا ممتاز وتقدر تخلصه كله من بدري بسبب كمية الستامينا الي هدوها المطورين لنا بشكل يومي مع بداية الايفنت #_#
صحيح قبل ما أنسى. لاحظت في ال Localization أنها حاولت تكون وفية قدر الأمكان, لكن ال O O AH AH ميت من كل أبداع وفي عدة أماكن كان يغير على راحته وبعد في كم نص كانت الشخصية تسولف فيها وهو حرفيا ما ترجم ولا حرف من عندهم أو قص جزء من كلامها... شيء يذكرني بالي حصل في Fire Emblem Fates ,_,
100% أشوفها تجربة تستأهل تنلعب وبعد سعيد في أنها فعلا كانت جاتشا السنة زي ما تمنيت >_< ولو لسه ما اقتنعتوا, ترا في احتمالية عالية في المستقبل نحصل على ايفنتات مكانها في دولة عربية فمن واجبنا يعني نلعبها ونسحب الشخصيات بنية البشرة ,_,
تجربة Average للنخاع لكني أشوفها لطيفة للأطفال؟ + شكرا لبودكاست مشهور~
