hits counter

تاخذ تلفونك للحمام ؟

تاخذ تلفونك للحمام ؟

  • نعم

  • لا

النتائج قابلة للعرض فقط بعد التصويت.
s3rorh

s3rorh

True Gamer
السؤال بسيط و واضح

نعم أم لا ؟

اذا نعم، شنو تشاهد او تتصفح ؟ (ألي توهم بالغين موب لازم يشاركون، فقط صوتوا بنعم واحنا بنفهمكم (&) )

اذا لأ, ألم تزهق و تمل من قراءة مكونات الشامبو ، و عد سيراميك الارضيه؟ و فتح هوز الماء على الصرصور المسكين و حشره بالزاويه بالماء؟ موب راضي تواكب التطور و العولمه ؟
 
عن نفسي : نعم

و فيه اقدر اكتب مواضيع ... مواضيعي اغلبها تقريباً (&)..

و سناب شات

فقط لا غير


و اتجاهل الاتصالات !! (&)


تعديل :

اووه صح، و عند الاستحمام، احب اشغل اغاني عشوائية
 
نعم و لا

لانه ببيتي ، الصالة هي نفسها غرفة النوم هي نفسها دورة المياه هي نفسها المطبخ

952145.jpg


*ادعو لي بإنه وزارة الإسكان يوافقون على طلبي و يخلوني اقدر أسوي كراج للسيارة كمان
 
1 بريكنج باد
2 قيم اوف ثرونس
3 سيزن من اتاك اون تايتن
كل هذا واكثر تم تمحيصه واختراع النظريات وانا بالجاكوزي @@
 
توقعت الكل بيقول لا بس انصدمت انه في ناس تاخذه

عن نفسي اكيد لا لو احد دق علي وقت الاستحمام ارد عليه وانا هدفي استرخي شوي بهالوقت بالماي الحار
 
اشغل فيديو بودكاست أثناء الاستحمام لذا نعم (طبعا اخلي الجوال بعيد عشان لا يروح فيها).
 
في مرة دخلت في الحمام وطلع صوت رسالة واتس اب وطلعت من الحمام ..............


امي كانت واقفة في وجهي وسئلت السؤال الكوني ليش دخلت بالجوال في الحمام ( سمعت صوت الواتس اب ) ............



وبعدين جلدتني وخلاص توبة مادخل الحمام بالجوال وصار كل همي قبل مادخل الحمام اتاكد اول شي اذا جوالي عندي او لا وعشان امي تشوف بعينها احطه على الطاولة

الي زاد الطين بلة ان وقت حدوث القصة كان اول متوسط ...............

طبعا هذي القصة صارت لصعرورة بس الفرق ان زوجته جلدته
 
التعديل الأخير:
black angel قال:
1 بريكنج باد
2 قيم اوف ثرونس
3 سيزن من اتاك اون تايتن
كل هذا واكثر تم تمحيصه واختراع النظريات وانا بالجاكوزي @@
أنقر للتوسيع...

جلسات العصف الذهني وعصر المخ ما تطلع إلا هناك XD
 
هممممممم موضوع مثير لاهتمام

بالنسبه لي اغلب الاوقات تقريبا لا
+ بحكم ان اغلب الوقت لا راح تكون جلسه عصر ذهني و تحليل تصرفاتي اليوم و التخطيط في اشياء كثيره و الخ او السرحان و النظر الى الجدار اذا مافي افكار في راسي و بس

لكن بعض الاحيان ايه نعم

على حسب الظرف :kissingclosed: :relaxed:

طبعا اللي اشاهده عادي تويتر او تليغرام او واتس اب سريع سريع يعني و بس و اخرج و لما اخرج اعقم الجوال طبعا بالبخاخ المعقم و بس
 
Eye قال:
ليش تسأل؟
أنقر للتوسيع...

أنا استشرت عليه ليفتح هذا الموضوع، علشان يهكر تلفوناتكم و يشغل الكاميرا عليكم لإلتقاط صور و يبتزكم بالصور لحتى تنضمون للحزب!

و ما راح تكتشفون الخطة إلا بعد فوات الأوان!

 
حوشان قال:
أنا استشرت عليه ليفتح هذا الموضوع، علشان يهكر تلفوناتكم و يشغل الكاميرا عليكم لإلتقاط صور و يبتزكم بالصور لحتى تنضمون للحزب!

و ما راح تكتشفون الخطة إلا بعد فوات الأوان!

أنقر للتوسيع...

ههههههههههههههههههههههه والله تستاهل قفص ذهبي على ذا المقطع

بس اذا هو dedicated لذي الدرجة ومستعد يشوف ال غ*** الذي لا يجب ذكر اسمه عشان هالطموح

اتوقع ذا جزاء كافي له &
 
النسبة مخيفة الحقيقة، توقعت الأمر ماهو منتشر للدرجة هذي ! من طلّة بسيطة تقدر تشوف لأي درجة هذا الموضوع مضر.

فيه دراسات بريطانية عن نسبة مهولة "تصل إلى 17 ألف نوع" من الجراثيم تنتقل للجوال/الجهاز المستخدم من دون علم المستخدم، هذا إذا كان الحمام نظيف بعد !
والإنحناءة من رأسك أثناء قضائك للحاجة لتلعب بالجوال قد تؤدي إلى البواسير، وإلى أمراض أشد حتى، الدراسات موجودة وموثقة بمختلف المجلات وتقدرون تكتشفون أشياء أشنع حتى.
 
أتهزأ لأني أرمي الجوال في الدرج معظم الوقت
قائمة البلوك عندي أطول من قائمة الأسماء
هالقطعة الخردوية أخذت فوق حجمها من اهتمام الجنس البشري
 
اكيد نعم
 
التعديل الأخير:
يجب تسجيل الدخول أو التسجيل كي تتمكن من الرد هنا.
عودة
أعلى