بعد 7 سنوات مايكروسوفت تدعم الشرق الأوسط رسميا (الستور السعودي والإمارتي لايف الآن)

[MadPhantom]

عن اي ضريبة تتكلم ؟
الكل يعرف ان شبكة اللايف موثوقة أكثر من الـ PSN
وماذا فيها انك تدفع مبلغ 190 ريال في سنة عشان تحصل شبكة ممتازة ؟ صحيح مافيها ألعاب مجانية...لكن الإستقرار اللي فيها...و قلة اللاق يعوضوك فيها
سؤال : انت عندك أكس بوكس ؟

انتهى اللاق السيء في البسن من زمان ! اللاق موجود بالاكس بوكس على فكرة
الـ 200 ريال الي ادفعها عشان العب اونلاين، اقدر ادفعها للبسن اشتراك بلاس واخذ 15+ لعبة جانية والعب اونلاين ببلاش وبدون لاج احسن لي واوفر لي
وثاني شي كلام Ze Truth صحيح، انا مابي اشترك ذهبي ليش معبى الداش بورد اشترك واشترك ؟ مافيه حرية ولا ايش ؟ ما اذكر ان البسن بلاس يطلع لي بالـ XMB ويقول يرحم امك اشترك بالبلاس، كانها طراره !!
عموما اذا 11 لعبه يخلونها لهم احسن، يا يضيفون العاب مثل الناس ويعوضوننا بالالعاب الي معها اكواد وماجتنا عشان ماعندنا ستور ولا يخيس عندهم احسن لهم ...

 

[BlackBird]

ولله افضل ادفع 190 ريال كل سنة وآخذ خدمة "منقوصة" بعض الشيء
ولا اخذ خدمة مجانية بس معدومة الامان كم واحد انسرق حسابه من هجوم انانموس غير اللطعة لاكثر من 3 شهور غير كذا حتى خدماتها مضروبة من سيرفرات تعبانة وغيرهم

وتبقى خدمات اللايف وهي منقوصة عندنا افضل بكثير من الي تقدمه ال SEN

تعديل: اكثر شي يضحك بعض الناس صار لهم 7 سنين يطروا مايكروسوفت تجيب الخدمة ويوم جابوها بدؤوا يتكبروا
ترى الخدمة لسا ما كملت 24 ساعة عطوها كم اسبوع/شهر وبتصير زي الامريكية وغيرها اكيد ما راح تبدأ
وبتلقى الاف الالعاب فالماركتبليس

 

[ryo hazuki]

للحين مافية شي رسمي ، لكن قدرت اسويلي اكاونت من الامارات لكنة مشلح

هيه اهم خاصية طبعا هيه تنزيل الالعاب games on demand

 

[Fairzilla]

توني اتأكد ونفس المشكلة ما حلوها , اذا غيرت الريجن حقك فكل الاشياء اللي شريتها بالسابق راح تخسرها , زي ما خسرت المحتويات اللي شريتها لما حولت بروفايلي لجنوب افريقي , يا كثر الالعاب والمحتويات راحت علي من غير مادري مايكروسوفت انذال وبقوة حاسبوا يالربع لحد يحول .. نسوي بروفايلات جديدة ابرك لنا .. الشي اللي يضحك انه قبل كان التحويل عن طريق موقع الاكس بوكس تدش على بروفايلك وتحول الريجن .. الحين لازم تراسل مايكروسوفت عشان يحولون لك الريجن واثناء التحويل ما راح تقدر تدش بروفايلك لمدة 6 اسابيع :laugh:: سيفوووووووووون عالتحويل ..

 

[ALONE]

الحمدالله يارب اخيرا الدعم جاء بعد ماارتفعت مبيعات الجهاز في المنطقة

وبدو اللاعبين يشترون العاب الجهاز الأصلية

معليش لاكن لانلعب على بعض كلنا ندري اول 3 سنوات من صدور الجهاز الكل كان يلعب كوبي ماعدا قليل

بسبب غلاء الألعاب الاصلية وقله توفرها وكانت الألعاب الكوبي تنباع في كل مكان

الحين لاعبين الكوبي صارو اقل ولاعبين الاصلي ارتفع عددهم بشكل لايصدق الحمدالله وبأذن الله يستمر نجاح الجهاز في المنطقة

علشان نكون مدعومين في الجهاز القادم على طول :rockon:

 

[Emirates]

اخيييييرت

احلا شي سووه بصراحة

الحين اقدر اسوي لي بروفايل جديد من غير اي مشاكل

 

[xz995]

قلة اللاق

غير صحيح الكلام ذا اللاق موجود على حسب إتصالك و بالعكس البسن أحسن لكثرة العرب فيه مع العلم أني يوميا ألعب أونلاين على الإكس بوكس

اكثر شي يضحك بعض الناس صار لهم 7 سنين يطروا مايكروسوفت تجيب الخدمة ويوم جابوها بدؤوا يتكبروا
ترى الخدمة لسا ما كملت 24 ساعة عطوها كم اسبوع/شهر وبتصير زي الامريكية وغيرها اكيد ما راح تبدأ
وبتلقى الاف الالعاب فالماركتبليس

هذا غير الناس اللي جالسين يتشكون من إشتراك اللايف وهم مستخدمين بلاي 3 و لا هي فارقة معاهم :wow:

 

[midoyemen]

ممكن احد يشرح خطوات تغير الحساب الى اماراتي ؟

 

[Master Assassin]

شباب انا عملت حساب جديد بس ما ظهر عندي الريجن السعودي والإماراتي واضطريت أقفل الجهاز لين ما أتأكد منه، ياريت لو أحد يحط الطريقة اللي اكمل فيها باقي الخطوات علشان يكون الأكاونت سعودي لا هنتو

 

[Snake-87]

الكويت ؟

 

[ryo hazuki]

^
^
لازم يكون عنوانك في الايميل السعودية ، و سجل عادي في الايف و بتكون في الاكاونت السعودي

 

[Master Assassin]

^
غريب لأن الإيميل اللي عندي بياناته كلها تبين اني ساكن في السعوديه وما ظهر عندي الريجن السعودي للأسف

 

[Sir Guts]

كلااااام كبييييييير! طيّب الحين حسابي الأمريكي اقدر احوله سعودي؟

لكن الماركت السعودي في ألف شي ناقص من الستورات الثانية

لا اذا على كذا انا مابي احوله سعودي! كأني ماسويت شي للأمانة

اتمنى يهتموا فينا اكثر

 

[~L.O.R.D~]

^
اذا حولت...أغلب الأشياء اللي اشتريتها من بروفايلك رح تروح عليك للأبد
أنصحك تعمل واحد جديد

 

[ryo hazuki]

^
خلنا نستنا الاعلان الرسمي و راح تكون معاه كل المعلومات + طريقة تغيير الدوله

للحين مافية شي رسمي ولا احد يستطيع تغيير الدوله حاليا

و كل الي اشتريتة راح يكون متوفرة على الجهاز الي اشتريتهم علية بغظ النظر عن البروفايل المستخدم

أعتقد الاعلان راح يكون اخر الشهر مع الاعلان عن الويندوز 8 و الابديت الجديد للداش بورد

 

[Master Assassin]

شباب انا الحمد لله قدرت أعمل أكاونت سعودي عن طريق الموقع
بس حاولت احمل الأكاونت على الإكس بوكس وما رضي يتحمل او بالأحرى خط الداونلود يمشي للربع ويوقف ويعطيني رسالة ان لا يمكن تحميل البروفايل الآن حاول مرة أخرى
والموضوع هذا للأسف تكرر معاي يمكن 10 مرات من أمس لليوم ، اللي يعرف إيش المشكلة لا يبخل علي بالحل

 

[Xx XxxX xX]

شباب انا الحمد لله قدرت أعمل أكاونت سعودي عن طريق الموقع
بس حاولت احمل الأكاونت على الإكس بوكس وما رضي يتحمل او بالأحرى خط الداونلود يمشي للربع ويوقف ويعطيني رسالة ان لا يمكن تحميل البروفايل الآن حاول مرة أخرى
والموضوع هذا للأسف تكرر معاي يمكن 10 مرات من أمس لليوم ، اللي يعرف إيش المشكلة لا يبخل علي بالحل

حملت التحديث الجديد ?

 

[Master Assassin]

حملت التحديث الجديد ?

المفروض لو في تحديث يطلعلي أول ما أشغل الجهاز وأشبك اونلاين ولا.

 

[Rakan HD]

وشلون وضعنا بالكويت ؟ يعتبر ريجن سعودي عادي واشتري بدون لوكد ؟

اهم شيء هو games on demand على الاقل الالعاب نقدر نشتريها ديجتال وحنا مرتاحين ,
الالعاب الاوروبية بالكويت عذاب عندنا ما تلقاها واذا لقيتها غاليه ..فـ من فتره طويله انتضر هذا الحل .

 

[Xx XxxX xX]

المفروض لو في تحديث يطلعلي أول ما أشغل الجهاز وأشبك اونلاين ولا.

التحديث اعتقد انه ما نزل بينزل الاسبوعين هذي
انا مسجل في الbeta حق التحديث وموجود فيه لوكل السعودية و الامرات

 

[Xx XxxX xX]

الستور السعودي امتلا بالعاب الاركيد :lebb:
http://marketplace.xbox.com/ar-SA/Games/XboxArcadeGames?SortBy=ReleaseDate
والاضافات
http://marketplace.xbox.com/ar-SA/Games/GameAddons?SortBy=ReleaseDate

 

[Master Assassin]

التحديث اعتقد انه ما نزل بينزل الاسبوعين هذي
انا مسجل في الbeta حق التحديث وموجود فيه لوكل السعودية و الامارات

مممم
بس بغض النظر عن التحديث انا مستغرب ليش البروفايل ما يتحمل ، يعني افترض اني شاري جهاز جديد وأبغى أحمل البروفايل حقي من اللايڤ ايش المشكلة انه يتحمل

 

[midoyemen]

-_- الى الان محد قادر يساعدنا ؟ ويشرح خطوات تغير الحساب انا حسابي بريطاني وابي احوله اماراتي !

 

[king zell]

المؤتمر الخاص بمايكروسوفت تأجل اليوم الاثنين


بس أتوقع الإعلان صار عالأبواب

 

[midoyemen]

^^http://me.ign.com/en/news/4952/XBOX-Live-Launching-in-UAE-and-KSA-Oct-23rd

 

[ryo hazuki]

الى فريق TG

اتمنى اذا قدرتوا تحضرون المؤتمر تستفسرون عن كم سؤال عندي

هل سيتم دعم اللغة العربية في المتصفح ( الاكسبلورر ) على ال 360 ؟ لان حاليا مايدعم ( البيتا )

كلنا نملك اشتراك امريكي او بريطاني كيف راح نقدر نحول للستور المحلي ؟ هل راح تكون فية عواقب للنقل من الاستور الامريكي للمحلي ؟

خدمة ال games on demands هل راح تكون متوفرة ؟

خدمة الApps حل راح تكون متوفرة ؟ و تطبيقات مثل ign و gamespot هل راح تكون موجودة ؟

 

[ALONE]

الحمدالله يارب حلم وتحقق

قلنا لكم ياشباب اصبرو

شوفو الستور السعودي ماشاء الله صار فيه اهم العاب الاركيد والقادم افضل

انا متفائل بمستقبل الاكس بوكس في المنطقة :rockon:

 

[Lost Piece]

غريبة انا اليوم حاولت اسوي اكاونت سعودي مارضى .. يقولي الاكس بوكس لايدعم هذه المنطقة !
هل في احد غيري يعاني من المشكلة هذي ؟ الي عنده حل لايبخل علينا ..

 

[Hwoarang]

آسف على الرفع

بس أبي أعرف شو صار بذا الموضوع؟
أحد جرب يحول الأكاونت حقه؟! وشو صار بالمؤتمر ... انعقد أو لأ !

سويت أكاونت تجريبي للإماراتي ... حسيت أنه حلو وبسيط, ما فيه إعلانات وبرامج apps كثيره.
الستور نفسه الألعاب تنزل فيه أول بأول بس المشكله أن كثير من الألعاب القديمه ناقصه.

 

[G4mer]

^
حتى أنا أريد أعرف كيف أقدر أحول ...