بدءًا من الشهر المقبل .. السعودية والإمارات تقران تنقل مواطنيهما ببطاقات الهوية !

[Xavi]

وقعت السعودية والامارات اتفاقية اليوم الثلاثاء 1-5-2007 تسمح بتنقل المواطنين بين البلدين باستخدام بطاقة الهوية الوطنية (بطاقة الأحوال) براً وبحراً وجواً.
وقالت وسائل إعلام سعودية إن الأمير محمد بن نايف مساعد وزير الداخلية للشؤون الأمنية وقع الاتفاقية عن الجانب السعودي. وكانت الطبعة السعودية من صحيفة الحياة اللندنية ذكرت أن الاتفاق سيوقعه مسؤولان من وزارتي الداخلية في البلدين، وأن الأمين العام لمجلس التعاون الخليجي عبدالرحمن بن حمد العطية سيحضر عملية التوقيع.
وسيبدأ العمل ببنود الاتفاق خلال شهر يونيو المقبل، بعد توفير الأجهزة الإلكترونية المطلوبة لقراءة المعلومات داخل الشريحة المثبتة خلف بطاقة الهوية في المنافذ الحدودية البحرية والبرية والجوية في البلدين.

المصدر
http://www.alarabiya.net/Articles/2007/05/01/34030.htm

​

 

[Aoks]

​

المصدر
http://www.alarabiya.net/Articles/2007/05/01/34030.htm

​

w00000t !!!!

يا سلام ,,, اعتقد الحين بيتضاعف عدد سكان دبي :yuck:
​

 

[ASWD]

مو مفروض هذ القرار يتم تطبيقه على كل دول الخليج*اخبار سابقة*؟

احنا عندنا خلاص اي واحد ينتهي تاريخ صلاحية البطاقة او وده يستبدل بياناته فيها*وظيفة غير ألخ* ما اله اللا البطاقة الذكية*الكترو كارد*بس وش الفايدة اذا ما تم استخدامها للسفر من والى دول المنطقة

 

[Ash]

قربوا من فكرة مشروعي المستقبلي ..

 

[Mista Koo]

أخيرا رح نستفيد من الشريط الممغنط اللي حاطينه زينة!
عقبال باقي الدول..

 

[Futrus]

البطاقه الذكيه بدأت عندنا أي واحد يجددد بطاقته يحصل بطاقه إلكترونيه شاملة معلومات الوظيفه والحساب والبنك والملف الطبي ورخصة السياقه وكل شي

 

[53]

والله شي حلو ,
يبيله كل دول الخليج يدخلها الخليجي ببطاقة الهويه مالته .

 

[Torpedo]

العن ام العبط .. الحين هذا مو أولى يكون بيننا و بين البحرين على الاقل -_-"

 

[Monster]

العن ام العبط .. الحين هذا مو أولى يكون بيننا و بين البحرين على الاقل -_-"

من جد :yuck:

 

[The Last Fantasy]

توقعت تكون مع البحرين قبل أي دورلة ثانية ..
عموما ، شي حلو وخطوة طيبة ..

 

[Mista Koo]

العن ام العبط .. الحين هذا مو أولى يكون بيننا و بين البحرين على الاقل -_-"

لوول البحرين ما أتوقع يسوونها.. الحين وهو بالجواز ومقلقينهم كيف لو بدون xD

 

[Nintendude]

لوول البحرين ما أتوقع يسوونها.. الحين وهو بالجواز ومقلقينهم كيف لو بدون xD

احنا مقلقينهم؟

 

[Mesharey]

من الكويت للبحرين ببطاقة بس و "اعتقد" اخوي سافر للسعودية بالبطاقة ..

 

[Xeno]

وات!؟

من زمان السفر بين دول الخليج يحتاج بطاقة شخصية فقط!

 

[Mesharey]

وات!؟

من زمان السفر بين دول الخليج يحتاج بطاقة شخصية فقط!

هذا اللي اعرفه : /

 

[Pichi]

وات!؟

من زمان السفر بين دول الخليج يحتاج بطاقة شخصية فقط!

ممكن دول الخليج الاخرى لكن السعودية كان فقط بجواز السفر !
أعتقد فيه اتفاقية مع البحرين لكنها ما تطبقت حتى الان :roll:

 

[Humam]

والله خبر طيب إجمالا.. بس ما فرقت بالنسبة لنا لول.. لمن رحت الامارات والله اجراءات الدخول كانت اسرع من اجراءات عودتي للسعودية.. يارجاااااال مشي حالك.

 

[BioMario]

مبروك شباب ..
وطبعاً انا متأكد 100% ان باقي الدول رح تنظم ..
و عقبال العملة الموحدة ( الحلم إلي يتمناه كل مواطن خليجي ) ^^ ..

 

[Humam]

لول شباب تتوقعوا اذا صارت العملة الخليجية الموحدة ايش بتتسمى ؟ أنا من رأيي إنها تتسمى يا درهم أو دينار.. لأنه في التاريخ الإسلامي كانت هذي هي أسماء النقود.. الريال مثلا كلمة أصلها أسباني فما أعتقد يناسبنا.. بس صراحة راح أحزن اذا اتغير :cryy: .. اتعودت عليه ( صديق عبي بنزين ب 10 ريال :yuck: )

أما لو يجي واحد فيلسوف و يقول سموها " خليجي " .. لول مثال: ( شباب أمس لقيت البلاي ستيشن 3 في المحل الفلاني ب 1900 خليجي ).. ههههههههه.

 

[Mesharey]

صراحة تعودت على الدينار وما ودي يتغير وسعره حلو P:

 

[Pichi]

لول شباب تتوقعوا اذا صارت العملة الخليجية الموحدة ايش بتتسمى ؟ أنا من رأيي إنها تتسمى يا درهم أو دينار.. لأنه في التاريخ الإسلامي كانت هذي هي أسماء النقود.. الريال مثلا كلمة أصلها أسباني فما أعتقد يناسبنا.. بس صراحة راح أحزن اذا اتغير :cryy: .. اتعودت عليه ( صديق عبي بنزين ب 10 ريال :yuck: )

أما لو يجي واحد فيلسوف و يقول سموها " خليجي " .. لول مثال: ( شباب أمس لقيت البلاي ستيشن 3 في المحل الفلاني ب 1900 خليجي ).. ههههههههه.

تمت تسمية العملة المشتركة ب خلج ..ماامزح :normal:

 

[Mista Koo]

خليجي>>>>>>>خلج ><"
لوول همام ما سمعت الأسامي المقترحة؟؟ غازي xD؟!
صراحة الدرهم والدينار والريال Overused.. يبي لهم اسم جديد..
عموما إن شا الله نتعود عليه وننسى Not a Big Deal
تعال قبل 500-1000 سنة وخلي حد يقول لك ريال.. رح تقعد تعيب عليه لين بكرة P:

 

[Double T]

فعلا شي حلو .. المفروض كل دول الخليج تصير بالبطاقة

بالنسبة للعملة اتوقع يعطوها اسم جديد اذا صارت .. خليجي ؟؟!! ... نتعود عليه زي ما تعودنا على الوي

 

[ZiZ]

خلج؟!!! قضت الأسامي؟

 

[Humam]

خلج ؟ من جدكم ؟ ايش الهبل هذا ؟

 

[Jizasu]

احنا بالكويت السفر لي السعوديه و البحرين بالبطاقه @@ مادري عن الامارات

 

[Aoks]

lol اتذكر واحد يقولي بيسمونها Goro على غرار Euoro هههههه​

 

[BioMario]

( صديق عبي بنزين ب 10 ريال :yuck: )

عندنا تحلم تعبي بـ 10 دراهم ..
يمكن بس شوييييي البترول عندنا مثل الذهب .. غالي جداً ..
مع اننا الدولة الثانية في الخليج بعد السعودية ..

والله حاله :cryy:

هههههههههههههههههههههههههههههه حلوه جورو

 

[Mista Koo]

ميتركس أنا أعبي فل بـ24 ريال لو كان الخزان 100% فاضي P:

 

[Croc]

^


ليش أمركب على سيارتك مكينه سيكل أفغاني ؟

حلاتها تعبي سيارتك بانزين حق 5 دنانير = 50 ريال