يعني أهداف اليوفي بسبب أخطاء بدائية وهدفي البايرن ملعوبين صح؟ الهدف كان خطأ فردي " بدائي " من إيفرا ، نفسه كان في هدف تياغو. " مباراة كبيرة من إيفرا بالمناسبة ".
ايش العناصر السريعة اللي موجودة عند أليغري في الدكة ؟ 0. ولا عنصر. أسامواه اللي توه عائد من اصابة وماله مكان بوجود بوغبا/ساندرو/إيفرا في الملعب.
إصابات اليوفي كانت قاتله. اليوفي أنضرب بإفضل لاعب في كل خط. كيليني في الدفاع ماركيزيو في الوسط و ديبالا في الهجوم. أهم غياب كان غياب ماركيزيو لان هو مرجع الفريق وممتاز في الماركنج الدفاعي.
وجوده كان بيخنق مولر ( وكوستا من دخول كومان ). اليوفي ما كانت عنده البدائل. هيرنانيز سيء دفاعياً ووجود خضيرة كان هو اللي مسوي ضغط في هالمنطقة وبانهياره البدني وخروجه قدر يتحرر البايرن. ستورارو لا زال ولد صغير وما يقدر يسوي ماركينج على رباعي هجومي لحاله مع هيرنانيز.
بيب ما عمل شيء اعجازي. دكة بيب كانت أفضل ببساطة وجهازية فريقه أكبر. كانت بتضيع المباراة لكن الأمور سارت في صالحه. منطقي جداً دخول كومان يعني ان كوستا يمسك مكان مولر.
على الجانب الآخر أليغري كان ممتاز في بداية المباراة. لكن الخطأ كان في آخر نص ساعة. بعد الانهيار البدني لخضيرة أضطر يخرج موراتا ويدخل ماندزوكيتش اللي كان افضل في الاستحواذ وتحريك الكرة من الوسط. ماندزوكيتش قدم اداء متواضع للأسف وماقدر يتعب البايرن زي موراتا.
الهدف الثالث لموراتا اللي انحسب تسلل ظالم للأسف + الفرص الضايعة منه ومن كوادرادو كان ممكن تحسم المباراة وتريح الفريق لكن الامور سارت بشكل آخر.
عموماً أنا فخور جداً بهالفريق واللي قدمه رغم الغيابات وقدام خصم من الأقوى في اوروبا مؤخراً.
).
