شخصيا لي فترة طويلة ما لعبت العاب محاكاة السباقات الواقعية . ومع تراجع العاب السباقات في هذا الجيل ما كان فية شي ممكن يرجعني لها الا GT . لكن بما ان الجزء الخامس ما اعجبني و السادس ما جربتة اصلا كان الحل في اول جزء من الجيل الجديد من GT
انطباعات اليوم الاول !!
اللعبة ممتاز ! سوا كان في التقديم او في الواقعية -وهي افضل لعبة واقعية في السوق حاليا - بالنسبة للرسوم هذي ثاني لعبة خلتني افكر اشتري pro واكثر بكثير من انشارتد السابقة
شخصيا بدئت العب بدون اي مساعدات ما عدا النقاط اللي تبين لك مكان اخذ اللفة . -سوا في الاشارات الموجودة في الحلبة زي الخط - او حتى المساعدات في السواقة زي الفرامل مثلا
اول انطباع جاني ان اللعبة واقعية بزيادة . اي لفة تاخذها بسرعة اكبر من المطلوب غالبا السيارة تحوص ومع اي خطا ينتهي السباق غالبا . هي ممكن ان بعض الاعبين يعتبرونة سلبية . نعم راح تكون شي ممتاز للمحترفين لكن غالبية الاعبيين راح تكون هذا الشي سلبي لهم . في فورزا مثلا الفرامل اقوى فبالامكان اذا جيت اخذت لفة بسرعة اعلى من الطلوب ممكن تفرمل بشكل سريع وتاخذ اللفة ممكن هذا الاسلوب او تقليل الواقعية في بعض الاماكن راح يخلي اللعبة امتع
بعدين رحت للاعدادات وشغلت الخط الارضي -الموجود في فورزا- وقلت خلني استخدم مساعد السواقة في الفرامل - كبداية فقط
- تجربتي تحسنت كثير ! زي ما قلت الواقعية المفرطة ممكن تكون سلبية وخاصة في البداية
وشخصيا انصح الجميع في التجربة بتفعيل المساعد الشخصي في الفرامل -على الاقل- هو ما راح يتدخل الا اذا شافك اخذت اللفة بأسرع من المطلوب واذا السيارة حاصت
بشكل عام تجربة ممتازة وافضل من الخامس كسواقة . بس برضة يبقى تخوف من محتوى الاوفلاين للعبة الكاملة
سباق الرالي جربتة مرة وحدة بس ما عرفت له صعب بزيادة غالبا الليوم راح اجرب باقي الاطوار والاونلاين ونتأكد من اللعبة ككل . لكن الديمو اثبتلي مستوى السباقات الممتاز الان يجي دور باقي العناصر ككمية المحتوى و الاونلاين
