hits counter

انطباعات ديمو Gran Turismo Sport

الحالة
مغلق و غير مفتوح للمزيد من الردود.

ifahadx

True Gamer
الديمو نزل في الستورات بحجم 43 قيقا -حجم استهبالي- وراح تنفتح السيرفرات اليوم الساعة 12 الظهر !! الديمو مؤقت لمدة 3 ايام فقط (نعم ديمو مؤت بحجم 43 قيقا لول )

قلت خليني افتح موضوع يكون تجمع للانطباعات عن الديمو وخاصة للناس المترددة في شراء اللعبة -مثلي-

شوية صور من تصويري
DLpA7JlX4AA1FxQ.jpg


--
DLpBMI0W4AARl7f.jpg


--
DLpBwD4XcAA1kly.jpg


--
DLpCj7-WAAAxoKT.jpg
 

Sir Guts

Ryo Hazuki
حجم الديمو مبالغ فيه و بكتفي بإنطباعات الشباب
من جات فورزا و انا فقدت الإهتمام في GT الله حق
 

ASWD

True Gamer
اذا كان هالحجم المهول للعبة الكاملة وبعد انتهاء الديمو تقدر تشتري مفتاح التفعيل بدون ما تحتاج تنزلها مرة ثانية فهو شي حلو

اذا لا فهي مصخرة
 

AliAlwazzan

True Gamer
اذا كان هالحجم المهول للعبة الكاملة وبعد انتهاء الديمو تقدر تشتري مفتاح التفعيل بدون ما تحتاج تنزلها مرة ثانية فهو شي حلو

اذا لا فهي مصخرة
اتوقع جذي ولهذا مؤقت
 

ASWD

True Gamer
بعد طقطقة من العصر الين الحين

-السنجل بلاير انسووووووه صار مجرد خيار فقسم الاركيد مع لترايل تايم ولدرفيت.لا اڤينتات ولا هم يحزنون.ادخل اختار المضمار والصعوبة والسلام
-لا تتوقع انك تشم ريحت شي بمجرد انك تكون اوفلاين او يكون فيه مينتنس*مثل ما حصل لي من شوي* انت غير قادر على لعب اي شي حتى بالاركيد مود مع ان المسج يقول انك بتلعب فقط بالاركيد مود اذا صرت اوفلاين!!!!.ما تقدر تخزن تقدمك دامك اوفلاين وهالشي كاتبينه في مسج المينتنس اللي طلع لي وااااو!!!

نجي للجيم ميكانكس
-وزنية المركبات غرييييب جدا مهما اختلفت المركبة بتحس انك قاعد تسوق شاحنة من ثقل الوزنية في التحريك.هل بيكون مثل الوضع مع النسخة الكامل الله اعلم لكن اذا ظل فالسؤال اللي يتبادر فذهني وش قاعدين يسووون كل هالسنين!!؟
-الفيزيائية *من خلال الديمو*مجرد نكتة بايخة وما تنبلع شي مخجل بعد ماكانت هالسلسلة هي لستاندرد لذي الجنرا اصبحت اضحوكة الجنيرا.كل شي يخص جانب الفيزيائية من تصادم مع المركبات او الاصطدام بالحواجز والجدران او فقدان التوازن شي مخزي وماله تفسير او تبرير نهائيا.مدري اذا هالنقطة بتنحل مع النسخة النهائية او ابديت اليوم الاول او لا ولو اني ما اظن تتعدل لانها من ركائز اللعبة ولازم تنبني من بداية التطوير بس يالله نتفائل خير ونقنع نفسنا بانه بيتعدل الوضع

كان عندي امل ضئيل بان هالجزء هو بداية عودة السلسلة بس اللي شفته من البيتا ما يبشر بخير ابدا.خارج راداري لأجل غير مسمى
 

EagleSky

Hardcore Gamer
الله يستر... أخبار الديمو ما تطمن !! شخصياً سحبت على GT6 و لعبت GRID 2
يمكن أسحب على GT sport و ألعب GRID 3 ( إذا نزلت ) :sunglasses:
 

Painkiller Q8

True Gamer
اللعبه روعة بكل ما تحمله الكلمه من معنى ، في الرسومات والقياده والقوائم والموسيقى، لكن ننتضر اللعبه الكامله لاني متخوف من نظام التوصيل فيها
عموما سويت مقارنه بينها وبين فورزا في اليويتوب
 

ifahadx

True Gamer
شخصيا لي فترة طويلة ما لعبت العاب محاكاة السباقات الواقعية . ومع تراجع العاب السباقات في هذا الجيل ما كان فية شي ممكن يرجعني لها الا GT . لكن بما ان الجزء الخامس ما اعجبني و السادس ما جربتة اصلا كان الحل في اول جزء من الجيل الجديد من GT

انطباعات اليوم الاول !!
اللعبة ممتاز ! سوا كان في التقديم او في الواقعية -وهي افضل لعبة واقعية في السوق حاليا - بالنسبة للرسوم هذي ثاني لعبة خلتني افكر اشتري pro واكثر بكثير من انشارتد السابقة
شخصيا بدئت العب بدون اي مساعدات ما عدا النقاط اللي تبين لك مكان اخذ اللفة . -سوا في الاشارات الموجودة في الحلبة زي الخط - او حتى المساعدات في السواقة زي الفرامل مثلا
اول انطباع جاني ان اللعبة واقعية بزيادة . اي لفة تاخذها بسرعة اكبر من المطلوب غالبا السيارة تحوص ومع اي خطا ينتهي السباق غالبا . هي ممكن ان بعض الاعبين يعتبرونة سلبية . نعم راح تكون شي ممتاز للمحترفين لكن غالبية الاعبيين راح تكون هذا الشي سلبي لهم . في فورزا مثلا الفرامل اقوى فبالامكان اذا جيت اخذت لفة بسرعة اعلى من الطلوب ممكن تفرمل بشكل سريع وتاخذ اللفة ممكن هذا الاسلوب او تقليل الواقعية في بعض الاماكن راح يخلي اللعبة امتع
بعدين رحت للاعدادات وشغلت الخط الارضي -الموجود في فورزا- وقلت خلني استخدم مساعد السواقة في الفرامل - كبداية فقط :) - تجربتي تحسنت كثير ! زي ما قلت الواقعية المفرطة ممكن تكون سلبية وخاصة في البداية
وشخصيا انصح الجميع في التجربة بتفعيل المساعد الشخصي في الفرامل -على الاقل- هو ما راح يتدخل الا اذا شافك اخذت اللفة بأسرع من المطلوب واذا السيارة حاصت
بشكل عام تجربة ممتازة وافضل من الخامس كسواقة . بس برضة يبقى تخوف من محتوى الاوفلاين للعبة الكاملة

سباق الرالي جربتة مرة وحدة بس ما عرفت له صعب بزيادة غالبا الليوم راح اجرب باقي الاطوار والاونلاين ونتأكد من اللعبة ككل . لكن الديمو اثبتلي مستوى السباقات الممتاز الان يجي دور باقي العناصر ككمية المحتوى و الاونلاين
 

i7asan

True Gamer
عجبني الديمو والحمدلله اللعبة في تقدم مع هذا الجزء، ماعندي مشكلة ان كان التركيز على الاون لاين المهم استمتع في اللعب.
وايضاً ال Campaign Mode موجود في اللعبة الكاملة :emoji_thumbsup:
 

V Project

True Gamer
اللعبه روعة بكل ما تحمله الكلمه من معنى ، في الرسومات والقياده والقوائم والموسيقى، لكن ننتضر اللعبه الكامله لاني متخوف من نظام التوصيل فيها
عموما سويت مقارنه بينها وبين فورزا في اليويتوب
مظهرياً افضل من فورزا ٧ لكن باقي الجوانب مجهولة
 

ASWD

True Gamer
امتع سباق للحين كان سباق الرالي في التشالينج ميشن رهيييب وموزون صح.شكلها سباقات الرالي بتكون متقنة هالمرة
 

lightq8

True Gamer
ناوي العبها بعد فترة ان شاء الله ماتخيب التوقعات
 

KH_m

True Gamer
احد يعرف موعد انتهاء الديمو بعد التمديد ؟

شوية صور من تصويري بمناسبة فوزي بالبوقاتي
DMBgqnLXkAArXWR.jpg

--
DMBhAu4UMAAxgZV.jpg


--
DMBhE66UMAA6xJ4.jpg


--

DMBhRCcVQAA5dSM.jpg
من جد هذي من داخل اللعبة ؟
الرسوم مبهرة بشكل مرعب
لو ما في علامة GT والازرار لحسبتها صور لأماكن حقيقية
 

AliAlwazzan

True Gamer
من جد هذي من داخل اللعبة ؟
الرسوم مبهرة بشكل مرعب
لو ما في علامة GT والازرار لحسبتها صور لأماكن حقيقية
عشان لا احد يصيبه لبس الخلفيات في مود التصوير صور حقيقيه مو من اللعبه فقط السياره الى من انجن اللعبه لكن مع ذلك الرسوم مبهره جدا جدا
 

ifahadx

True Gamer
ما عليش يا شباب بما ان فية بعض الشباب هنا ما عندهم الديمو فكان المفروض اكتب التنبية قبل ما احط الصور . في طور التصوير المناظر حقيقية . فقط مجسم السيارة من اللعبة
 

Century Wizard

Become Human
@ifahadx من خلال تجربتك، كيف وضع اللعبة مقارنة بالجزء الخامس؟
هل فيها محتوى محترم؟ طور الرخص و الايفينتات هل هي ممتازة او تحسها تأدية واجب فقط والتركيز الاكبر على الاونلاين؟
 

ifahadx

True Gamer
@ifahadx من خلال تجربتك، كيف وضع اللعبة مقارنة بالجزء الخامس؟
هل فيها محتوى محترم؟ طور الرخص و الايفينتات هل هي ممتازة او تحسها تأدية واجب فقط والتركيز الاكبر على الاونلاين؟

قبل تجربتي للديمو كنت محتار فيها . لكن شخصيا بعد التجربة راح اشتريها في اليوم الاول وغالبا اليوم اسوي لها بري-اوردر . شخصيا ما كملت الخامس و السادس ما جربتة ومبدئيا سبورت افضل منهم .

يبقى الخوف هو على كمية اطوار السنقل بلاير ولان الديمو مش متوفر فية كل الاطوار ما اقدر احكم . لكن امس @Kaz_Yamauchi قال ان راح يكون فية محتوى كبير للسنقل بلاير وراح يتم اضافة محتوى اكبر عن طريق التحديثات
والافضل عو انتظار المراجعات وهي اللي راح تحدد كمبة المحتوى وتنوعة بالشكل الادق


----

شباب لا احد يحذف الدبمو لان احتمال ان اللعبة كاملة تكون مجرد مفتاح بسيط يفتح لك كل المحتوى
 

VEX

Hardcore Gamer
20 معلومة عن GT قبيل اصدار الجزء الجديد


عرفت الأن لم هي واقعية إلى هذا الحد ، و لماذا أنا معجب بها جداً
بانتظار أفضل لعبة محاكاة عرفتها :emoji_thumbsup:
 

squall leonhart

True Gamer
20 معلومة عن GT قبيل اصدار الجزء الجديد


عرفت الأن لم هي واقعية إلى هذا الحد ، و لماذا أنا معجب بها جداً
بانتظار أفضل لعبة محاكاة عرفتها :emoji_thumbsup:

السلسلة إلى الجزء ال٥ كانت معجزة تقنية و ابداع تصميمي ماله مثيل لكن للأسف فريق التطوير ما واكب الزمن و صار يطول كثير في إصدارات العابه و بعض الأشياء تكون متخلفة تقنيا عن المنافسين
 
  • Like
Reactions: VEX

Silent-Horror

True Gamer
طور Career لساته موجود ؟ يعني سباقات الرخص والافنتات وسباقات السيارات ... الخ
انزعجت من الجزء السادس لأنه خرج بشكل كبير عن GT المعروفة .. الخامس كان ممتاز لحد ما ..
 

VIPER0

True Gamer
طور Career لساته موجود ؟ يعني سباقات الرخص والافنتات وسباقات السيارات ... الخ
انزعجت من الجزء السادس لأنه خرج بشكل كبير عن GT المعروفة .. الخامس كان ممتاز لحد ما ..
مافيه كارير وممكن يضيفوا أوفلاين أكثر في المستقبل والسيارات راح تكون أكثرها مجانية مثل الفيجين جي تي ولساتهم يشتغلوا على تصاميم سيارات ومضامير جديدة للعبة.
 

ifahadx

True Gamer
في الستور السعودي اللعبة راح تفتح اليوم الساعة 12 - يعني بعد 4 ساعات تقريبا -
بالنسبة لمستقبل السلسله . اللعبة تم تأكيد انها راح تحصل على اضافات مستقبلية وفيها سباقات وسيارات . ما كان فية اي كلام عن سعرها بس الجزء الخامس و السادس كانت كل الاضافات مجانية . وبشكل عام جران توريزموا سلسله ما قد سبق نزل لها اي dlc مدفوع والاضافات كانت دائما مجانية . فقط الجزء السادس كنت تقدر تشتري كريدت -فلوس داخل اللعبة - بفلوس حقيقية وتم الغاها في الجزء هذا !
يوجد فية 11 قيقا تحديث اليوم الاول
شخصيا محمل اللعبة مع التحديث ,,, وجالس انتظر
 

k87

Banned
رسوم اللعبة أوضح من الحقيقة :eek:
اللعبة جيدة رسوميا
اما اللي اوضح من الحقيقية هي فالحقيقة حقيقية ههههه ولكن خلفية وحاطين فيها السيارة اللي تلعب فيها من الانجن نفسه
 

dro

Versus XIII Epic
اللعبة جيدة رسوميا
اما اللي اوضح من الحقيقية هي فالحقيقة حقيقية ههههه ولكن خلفية وحاطين فيها السيارة اللي تلعب فيها من الانجن نفسه

اما .. انا انفجعت لكن بنفس الوقت قلت مستحيل انها رسوم اللعب
 

VIPER0

True Gamer
تتوقعون استديوهات سوني ترجع تسوي تقنية الـFARM مثلما سووها مع الـPS3؟ نوتي دوغ يطمح إنه يخلي أنتشارتد 4 كأنها تبدو بمظهر أنتشارتد 1 الجيل الماضي مع ذا لاست أوف أص ||.
 
الحالة
مغلق و غير مفتوح للمزيد من الردود.
أعلى