مقال الdodge offset في بايونيتا هو اعظم ميكانيك صنع باي لعبة اكشن !

[شيطون]

اي لعبة اكشن تعتمد على فكرة كومبو سترينج كثيرة او dial up combos فيها مشكلة كبيرة
وهي انك لما تحارب عدو قوي او زعيم بتشوف نفسك بشكل مستمر تضرب ضربتين او ثلاث ضربات بحد اقصى بعدها بتضطر تسوي دودج لتهرب من هجمته
وبكذا بترجع تبدا الكومبو سترينج من اول هجمة و بيهاجموك الاعداء وكرر العملية مرة ثانية والمشكلة ذي موجودة بالعاب كثيرة اخرهم hi-fi rush
واللي يخليها مشكلة ان باختصار ذي الالعاب تعطيك حركات كثيرة وتبغاك تستخدمها بس بعدين تستوعب انك بالحقيقة مو قادر تسويها ضد اهم الاعداء فتحس بتناقض غريب في الالعاب ذي

اذكر شفت ناس تنقد بايونيتا مثلا بان قتال الزعماء ممل لان اهجم هجمتين واعاديهم طول القتال لان الزعيم دائما مايخليني اكمل
الشيء اللي كثيرين مايستوعبونه انه بالحقيقية بايونيتا من اول جزء حلت هذي المشكلة وابتكرت ميكانيك استثنائي اسمه ال Dodge Offset
فكرة الميكانيكس حلوة لانه يخلي الدودج يحفظ اخر هجمة سويتها فلو عندك كومبو تبغى تسويه من خمس هجمات وتعرضت للهجوم بوقت الهجمة الرابعة
فتقدر تسوي دودج وتكمل الهجمة الاخيرة بدل ماتعيده من اول هجمة زي ماسويت هنا


الطريقة اللي تسوي فيها الدودج اوفسيت شوية صعبة في البداية
لانك لازم تضل ماسك اخر زر ضغطته لما تسوي دودج
فلو الكومبو سترينج اللي بتسويه يبغاك تضغط "مثلث دائرة مثلث"
فهنا لازم تقعد ماسك على زر الدائرة قبل ماتسوي دودج وبعد ماينتهي انيمشن الدودج تضغط مثلث وكذا تكمل حركاتك
الشيء الحلو هنا انه اساسا فيه قدرة خاصة بالاسلحة بانك لو قعدت ماسك ازرار الهجوم بتشتغل هجمات اضافية تمدد الكومبو حقك
اذا مسدسات بتشوف بايو مستمرة باطلاق النار بين كل حركة وحركة فذي طريقة حلوة بانك تدرب على الدودج اوفسيت عبر القدرة ذا وبعدين تدمجه مع الدودج اوفسيت
(المرة الاولى اسوي الكومبو بشكل عادي والثانية مع دودج اوفسيت)


وترى ذي بس البداية
لانك بعدها ممكن تستوعب انه بدل ماتستخدم الدودج اوفسيت كطريقة دفاعية لتحافظ على الحركات بتقدر تستخدمه كطريقة هجومية بالكامل !
الدودج ببايونيتا مصمم لتقدر تسويه خمس مرات وراى بعض فرح تقدر تحفظ بعض الهجمات لتستخدمها بانسب مكان
زي الحركة الجماعية هنا


و من هنا يبدا الحماس
بايونيتا زي العاب اكشن كثيرة تستخدم الدودج كطريقة لكنسلة الانيمشن الغرض دائما انك بدل ماتنضرب وانت تهاجم الكانسل يشتغل كطريقة ليحيمك من الهجوم
بس لما تجمع الدودج اوفسيت مع الكانسل بستوعب انك تقدر توصل لهجماتك القوية عبر الكنسلة
فلو عندك كومبو سترينج يتكون من ثلاث هجمات زي (مثلث دائرة مثلث)
فممكن هجمة الدائرة تكنسله بنصها عبر الدودج وتوصل للهجمة الثالثة بشكل اسرع
بس ممكن حتى تسوي skip لكامل انيمشن الهجمة الثانية !
ذي الطريقة تحسها مقلتشه لانك بنفس مدة الانيمشن القصيرة حق هجمة المثلث الاولى على طول تضغط دائرة وتمسكه وتسوي دودج بعدين مثلث
(المقطع ذا يسوي كومبو "مثلث دائرة مثلث" لثلاث مرات الاولى بشكل عادي الثانية كانسل للهجمة الثانية والثلث skip للهجمة الثانية والمقطع الثاني يوضح لاي درجة ال skip مفيد بوسط القتال)


فيه انواع ثانية لل offset غير الدودج
بايونيتا عندها قدرة حلوة لما تتحول لفهد
انت ممكن تستخدمها عشان توصل للاعداء بسرعة او على البلاتفورمنج ببعض مراحل بس ممكن برضه تستخدمه كطريقة للدودج اوفسيت
بتحفظ حركاتك بتتحول لفهد توصل عند الاعداء وعلى طول هاجم


ممكن حتى تسويها مع التحول للغراب وتستغل هجمته السريعة اذا تبغى تلصق في الاعداء بسرعة بس ذي مرة صعبة
نافذة التوقيت حقها مرة قصيرة بشكل استهبالي ولين ذحين اسويها مرة واغلط 10

ا
وت تحسبني خلصت هنا ؟ هههههههههههه
باقي فيه شيء اخير انا رح اسميه ال ultimate dodge offset
تكلمت انا عن الكانسل والتحول للفهد وحتى الغراب بس هذا الشيء يجمع كل الاشياء ذي مع بعض
لانك بتسوي هجوم وتمسك زر الهجوم > تحول >هجوم وتمسك زر الهجوم > تحول >
ذا ثاني اصعب اوفسيت وبسهولة ممكن تخبصه لانك بتضغط وتمسك بسرعة ويحتاج تمرين لانك حرفيا بتكسر اليد واصابعك
بس اوه بوي يانه satisfying خاصة انه يحافظ على الموفمنت السريع
هذا هنا كومبو من ست هجمات (خمس هجمات مثلث وراى بعض وبعدها دائرة)وسويته بذا الشكل السريع ومع الحركة السريعة المستمرة قدرت اتفادى اي هجمة من العدو المزعج
خاصة انه عدائي بزيادة


وبس هذا كل شيء يخص الدودج اوفسيت

بصراحة ماقد مر علي ميكانيك باي لعبة اكشن يتطور بلعبك زي هذا
كل ماتحس نفسك اتقنته تتفاجى بان فيه مستوى جديد للدودج اوفسيت وتتعلم المستوى ذا وتنتقل للي بعده
ال high level gameplay يصير احسن كل ماتقنت الدودج اوفسيت اكثر وتصير اللعبة امتع بكثير

انا كنت اوريدي اشوف بايونيتا لعبة ممتازة بس لما عرفت الدودج اوفسيت تغيرت نظرتي لها 180 درجة وذا بالراحة احسن شيء باللعبة كاملة
بعيد عن انه حل مشكلة بالعاب قبلها بس الطريقة اللي ذا الميكانيك يندمج فيها مع القدرات الثانية والهجمات المختلفة شيء ماشفته باي لعبة اكشن ثانية (وممكن حتى خارج الاكشن)
والشيء الخارق بموضوع الدودج اوفسيت انه ذا الكلام اللي كتبته كله بس من اول جزء !
يمكن اذا ماتعرف الدودج اوفسيت و تقرا الكلام ذا بتتوقع انه اوكيه ذي مراحل تطوره عبر السلسلة بس بالحقيقة لا
هو من الجزء الاول و اوريدي مطبق بشكاله الاستثنائية ذي من اول ظهور له
الاجزاء الثانية ماضافت عليه وبصراحة ماشوف فيه اي طريقة اصلا ممكن تطوره فيها اوريدي وصل للpeak !

الزبدة بايونيتا حلوة
مالعبت بايونيتا العبها ذحين واترك كل شيء بيدك لانه غالبا مو بمستواها
واذا لعبتها ارجع العبها مرة ثانية وثالثة لانها لعبة للتاريخ

وبس

 

[S30D1999]

الموضوع الجاي ياشيطون لازم يكون عن الرويال غارد وكيف لازم يكون في كل لعبة

 

[شيطون]

الموضوع الجاي ياشيطون لازم يكون عن الرويال غارد وكيف لازم يكون في كل لعبة

ماصار "ملكي" إذا عند الكل (&)

 

[S30D1999]

ماصار "ملكي" إذا عند الكل (&)

عند الالعاب اللي تستاهل اكيد …. تخيل لو كان موجود مثلا في مونستر هنتر ؟ هذا اذا ماكان موجود الريدي

 

[s3rorh]

وانا طول لعبي بالسلسلة اسأل :ايش فايده كومبوهات الكثيرة و الطويلة، اذا كل شوي العدو يخليني اوقف ضرب !!

 

[Eye]

مالعبت بايونيتا العبها ذحين واترك كل شيء بيدك لانه غالبا مو بمستواها

لا.

 

[Bill Cober]

الزبدة بايونيتا حلوة

قصدك لعبة بايونيتا ولا شخصية بايونيتا نفسها

*كله من الجيف آخر الموضوع

 

[شيطون]

عند الالعاب اللي تستاهل اكيد …. تخيل لو كان موجود مثلا في مونستر هنتر ؟ هذا اذا ماكان موجود الريدي

مالعب كثير في مونستر هانتر ولا هي اللي جازت لي فمدري صراحة

بس لو فيه شيء صدق ودي العاب تاخذه من DMC وحتى بايونيتا
فقول ال directional input والاستخدامات المتعددة لابسط حركة وقدرة
توجه العاب كثيرة لانها تكون مبسطة بزيادة وكل شيء فيها أحادي الاستخدام بدأ يصير ممل

 

[S30D1999]

مالعب كثير في مونستر هانتر ولا هي اللي جازت لي فمدري صراحة

بس لو فيه شيء صدق ودي العاب تاخذه من DMC وحتى بايونيتا
فقول ال directional input والاستخدامات المتعددة لابسط حركة وقدرة
توجه العاب كثيرة لانها تكون مبسطة بزيادة وكل شيء فيها أحادي الاستخدام بدأ يصير ممل

صعبة …. كذا كل لعبة بتقلب لعبة قتال وبتنفر الكثير

 

[شيطون]

قصدك لعبة بايونيتا ولا شخصية بايونيتا نفسها

*كله من الجيف آخر الموضوع

متعمد اكتبها بذي الطريقة المبهمة (&)

 

[MH MD]

صعبة …. كذا كل لعبة بتقلب لعبة قتال وبتنفر الكثير

خلها تقلب فايتنج وين المشكلة، افضل جنرا.

 

[S30D1999]

خلها تقلب فايتنج وين المشكلة، افضل جنرا.

طيب انا ماعندي مشكلة … قل هذا للمنوب

 

[abdullah-kh]

موضوع بطل ينفع تحوله الى مقطع بقناتك وبيركب.
الحين تحمست العبها

 

[Eye]

موضوع بطل ينفع تحوله الى مقطع بقناتك وبيركب.
الحين تحمست العبها

صدقني تسويق فارغ ، العاب الاكشن بالكلام رهيبة واو

لكن بالتطبيق تطلع ملل

 

[abdullah-kh]

صدقني تسويق فارغ ، العاب الاكشن بالكلام رهيبة واو

لكن بالتطبيق تطلع ملل

لا ما اصدقك اصدق شيطون
اسف هنا

 

[DINO CRISIS]

بايونيتا لعبة ديفل ماي كراي الملغية بطولة تريش&

لكن كامايا صبغ شعرها أسود

 

[DINO CRISIS]

وبعيداً عن المزاح

فعلاً فيها نظام الصد أو التملص من الضربات مميز

 

[Eye]

لا ما اصدقك اصدق شيطون
اسف هنا

على حسب اذا انت تبغى تفاعلية ولا لا

شيطون ومهمد يستمتعون بالالعاب اللي بس هم يتحكمون بالشخصية والاعداء يتفرجون عليك

وهذا في علم النفس ينم عن عقدة نقص ، واصحابها بالغالب مدللين ما يحبون احد يقولهم لا ، يزعلون بزيادة

ف لا تصير زيهم

 

[MH MD]

شيطون ومهمد يستمتعون بالالعاب اللي بس هم يتحكمون بالشخصية

ايه نستمتع بالالعاب التفاعلية اللي نتحكم بالشخصية
غيرنا نخليه يستمتع بالتفرج والكتابة

 

[Eye]

ايه نستمتع بالالعاب التفاعلية اللي نتحكم بالشخصية
غيرنا نخليه يستمتع بالتفرج والكتابة

ناه ، لعبكم خايس لا يمتع تفرج ولا كتابة

+ العابكم مب تفاعلية ، العابكم فاعلية بس ، انت تتحكم بشخصية لكن الرسبونس باك غير موجود ، زي اللعب بالعرايس

هذي مشكلتي مع العاب الاكشن

 

[MH MD]

العابكم مب تفاعلية ، العابكم فاعلية بس

يعني تفاعلية.

انت تتحكم بشخصية لكن الرسبونس باك غير موجود

موجود داخل الالعاب وخارجها، انت مثال على رسبونس خارجها بصياحك المستمر عليها وعلى لاعبينها بدون سبب

، زي اللعب بالعرايس

وصلنا ٢٠٢٣، العرايس تتفاعل معك.

 

[ahmed-xd]

هذي مشكلتي مع العاب الاكشن

خلاص مب عاجبتك جنرا هاك اند سلاش اتركها وشوف جنرا ثانية تعجبك
حسستني انك قاعد تنتقد العاب شوتر منظور شخص اول عشانها منظور اول وتركيزها على الشوتنق والاكشن

 

[FANTASTIC DREAM]

ناه ، لعبكم خايس لا يمتع تفرج ولا كتابة

+ العابكم مب تفاعلية ، العابكم فاعلية بس ، انت تتحكم بشخصية لكن الرسبونس باك غير موجود ، زي اللعب بالعرايس

هذي مشكلتي مع العاب الاكشن

الا فيه ريسبونس

لما تحكي اخوياك انك سويت كومبو رهيب و تحكيهم بالتفصيل و يطالعون فيك و ينتظرونك تخلص بفارغ الصبر لان No one cares

 

[FANTASTIC DREAM]

لكن بكل جدية، الموضوع ذا اعجبني كثير و خصوصا طريقتك في انك تحكي ذا كله، كانت عفوية، سهلة

هذه الطريقة اللي احب كل الناس تتواصل فيها مهما كانت الفكرة اللي يتكلموا فيها و أحييك بصراحة

اعتقد شغلك في اليوتيوب ربما طور مهارات كويسة لديك

 

[بوسيف39]

مقال ممتاز ما عندي شي زيادة أقوله غير أن الدوج ببايونتا أحسن دوج مر علي بأي لعبة، ما أظن فيه دوج اخر أقدر أقول إني اعتمد عليه للتفادي نفسه.

 

[Eye]

يعني تفاعلية.

خلني اشرح لك لغة عربية يمكن انتا مافي معلوم ، شوف صديق ، التفاعل هو ان الشي يتجاوب معك ، يكون فيه فعلين ، فعل وارد اليك وفعل صادر منك ، ٢ فعل

للاسف الشديد العاب الاكشن هي لعبة من طرف واحد ، انت بس تصدر افعال ، بينما اللعبة ما تورد لك افعال

موجود داخل الالعاب وخارجها، انت مثال على رسبونس خارجها بصياحك المستمر عليها وعلى لاعبينها بدون سبب

انتو السبب ، بسكم تطبيل لذا الجانرا المملة وتبحر بتفاصيلها بزيادة ترا محد يهتم

وصلنا ٢٠٢٣، العرايس تتفاعل معك

راجع بداية الاقتباس

خلاص مب عاجبتك جنرا هاك اند سلاش اتركها وشوف جنرا ثانية تعجبك
حسستني انك قاعد تنتقد العاب شوتر منظور شخص اول عشانها منظور اول وتركيزها على الشوتنق والاكشن

تاركها بس ذولا ازعجونا يستعرضون كل يومين كنهم بزران

 

[ahmed-xd]

تاركها بس ذولا ازعجونا يستعرضون كل يومين كنهم بزران

احل لا تتابع حساباتهم في تويتر ولا تدخل مواضيع تتكلم عن ذي الجنرا وانتهى الموضوع

 

[shiro 8]

تسلم على الموضوع اخ شيطون.
موضوع يستحق أن يتداول بمنصات اخرى.
و ارشح كلام الأخ عبدالله.

موضوع بطل ينفع تحوله الى مقطع بقناتك وبيركب

يعطيك العافية وننتظر منك موضوع اخر يختص بامور فنية تقديرية بتصاميم الألعاب.

 

[Eye]

احل لا تتابع حساباتهم في تويتر ولا تدخل مواضيع تتكلم عن ذي الجنرا وانتهى الموضوع

او هم يوقفون حركات البزران ذي

 

[MH MD]

خلني اشرح لك لغة عربية يمكن انتا مافي معلوم ، شوف صديق ، التفاعل هو ان الشي يتجاوب معك ، يكون فيه فعلين ، فعل وارد اليك وفعل صادر منك ، ٢ فعل

للاسف الشديد العاب الاكشن هي لعبة من طرف واحد ، انت بس تصدر افعال ، بينما اللعبة ما تورد لك افعال

يعني فاعلية من طرفين

كلامك انشائي ماله معنى بنهاية الامر،انت تتفاعل واللعبة تتفاعل، الموضوع حرفيا اساسه ميكانكية موجودة لأن الاعداء يتفاعلوا معك، لو قريت الموضوع صح ففكرته انه تحفظ الكومبو، ليش؟ لأنك تسوي دودج، ليش تسوي دودج؟ لأنه الاعداء يضربوك ويهاجموك، هذا تفاعل مع حركات الاعداء وردة فعل من اللاعب بناء على تفاعل الاعداء، ما يبغالها فلسفة وانشاء يعني، بدون تفاعل ما كان بيكون في هالميكانك اصلا.

ايضا عندك مستوى صعوبة عليا في بايونيتا على سبيل المثال، فيها الدودج تايم والسلو موشن مقفول، وفي اعداء لازم تتفاعل معاهم بشكل معين بسبب هالشيء ولا بتموت عادي.

ما اتوقع تعرف هالشيء عموما لأنك مهايطي هنا بس لكن بأرض الواقع لو بتلعب ذا ما بتكملها

انتو السبب ، بسكم تطبيل لذا الجانرا المملة وتبحر بتفاصيلها بزيادة ترا محد يهتم

واحد يشرح ميكانكية عميقة حلوة باللعبة، لحالها كذا، لا اتعرض لأحد ولا لالعاب ولا لجنرات ثانية ولا شيء، حاجة عادية جدا، هذا موضوع جميل جدا.

بس جا حضرتك يهاجم الموضوع والالعاب وناس مالهم دخل هنا حتى، ليش؟ هذا بعلم النفس يسموه عقدة النقص و insecurity، تحس في شيء ناقص لما تشوف ناس تمدح الالعاب والجنرا ذي، في شيء يحز بنفسك كذا يخليك تجبر نفسك تعلق، الجنرا ذي عايشة براسك rent free ومسببة لك هزيمة كبيرة لأنك تفكر فيها قد كذا، بينما الفانز مبسوطين بالجنرا لحالهم وعايشين يعني، بينما انت لا مغبون، انت الخسران هنا.

فيعني من الآخر:

او هم يوقفون حركات البزران ذي

مين اللي مسوي حركات بزران هنا بالموضوع؟ مافي غيرك ببساطة شديدة لول