الموضوع الرسمي لنقاش أنمي Pokémon

[~L.O.R.D~]

السلام عليكم ورحمة الله وبركاته

أحلم دوما أن أكون، الأفضل بين الجميع
لذا أجمع البوكيمون على خير الصنيع
سأسافر عبر الأرض، باحثا في كل مكان
عن بوكيمون أداة السلام، قوة لا تهان
( بوكيمون سأجمعها الآن )
فلتساندني، بقوتك ساعدني ( بوكيمون )
آآآه لحلمنا الوحيد نحو عالم جديد
( بوكيمون سأجمعها الآن )
لنصرة الخير، لدحر الشر عن الغير
علمني وخذ مني، بوووكييمووون
( سأجمعها الآن )
سأجمعها الآن


من متى ما سمعنا هذه الأغنية...زمااان

المهم..هذا الموضوع فتحته لأني حاليا رجعت أشاهد بوكيمون بعد انقطاع 5 سنين
حاليا يعرض على التلفزيون الامريكي الموسم 15 وهو أحداث متقدمة من جزء بلاك و وايت
الحين موصل للموسم 11...الحلقة 565 ... قتال أش , بروك , دون و سينثيا الشامبيون حقت منطقة سينو ضد منظمة Team Galactic

محتوى مخفي: صور من الحلقة

 

[M00]

من فترة بسيطة شفت صور للمسلسل و كانت الرسوم رهيبة ففكرت اني ارجع ااتابعه بعد انقطاع دام عشر سنوات او اكثر , لكن حبيت اسأل المسلسل له قصة متسلسلة ولا كل ارك ينتهي يبدأ ارك جديد ماله علاقة بالثاني ?

 

[~L.O.R.D~]

^
تقريبا
كل موسمين أو 3 يتخلى عن كل بوكيموناته ويخلي بيكاتشو ..ويبدأ رحلة جديدة في جزيرة جديدة

 

[M00]

شفت له حلقتين و ماشفت بروك و ميستي , لا تقول انه يتخلى عنهم بعد :/

 

[~L.O.R.D~]

بروك راح موسم واحد..ورجع معاهم
ميستي مشغولة في النادي
أشياء كثيرة صارت

 

[alruqeishy]

انا من دهر موقف عالحلقة 251 (اتوقع حلقات الجوتو ليج) بس ماني محصل حلقاتها وما فيني خلق اجلس احملها الحين في اشياء كثيرة الحين لها الاولوية قبل بوكيمون

 

[Sage]

الانمي صارله داونجريد كبير عقب موسم ruby/sapphire

فجاه يطلع واحد بالـsinnoh league عنده داركراي و لاتياس (بوكيمونات ليجينداري) و يفوز على اش و بعدين يختفي و ما يطلع مره ثانيه! شهالمصخره. الليجينداري بالانمي المفروض مستحيل احد يصيدهم. =/

و طبعا اش مستحيل يصير الجامبيون..

 

[www]

أكثر أنمي أنقهر لمن أسمع سيرته لأني كنت فان كبير له والله كانت ايام أسطوريه لمن كنا نتابعه , بس المشكله أن الأنمي ماله حس ولا خبر ,ما أدري لهدرحه هو سيء ؟ ولمن دخلت احد المواقع على شان بشوف تقييم الأنمي تفاجئة أنه يتراوح ما بين 2.5 الى 6.0 ! حتى الجزء الأول نفس الشي معقوله الأنمي كان سيء ونحن ما ندري ؟

ودي أفهم أيش قاعد يصير ليش الأنمي أندفن في التراب وماله حس ؟ حتى كونان نسمع عنه اكثر منه , ودي أسمع راي واحد تابعه الأنمي بالكامل

[video=youtube;KIgmYe5FP_8]https://www.youtube.com/watch?v=KIgmYe5FP_8[/video]
قسم بالله أشعر بالبكاء :crying:

 

[~L.O.R.D~]

الانمي صارله داونجريد كبير عقب موسم ruby/sapphire

فجاه يطلع واحد بالـleague عنده داركراي و لاتياس (بوكيمونات ليجينداري) و يفوز على اش و بعدين يختفي و ما يطلع مره ثانيه! شهالمصخره. الليجينداري بالانمي المفروض مستحيل احد يصيدهم. =/

و طبعا اش مستحيل يصير الجامبيون..

شكرا على الحرق

انت ما شفت المانجا
بطل المانجا دائما يتغير
أول واحد كان اسمه RED..وقدر يمسك ميو تو
البطل الثاني غولد..قدر يمسك بويكومنات أسطورية
+ داركراي مو لهذه الدرجة قوي..ولا تنسى..ذلك القتال هو قتال دوري
انت شفت بويكيمون فرونتير ؟ آش هزم كل الريجيغيغاس

 

[gameshark]

الأنمي عنده مليون حلقه كلهم شبه بعض و الأحداث ما تتطور و أش ما يكبر و المسلسل هبط مستواه بعد الدوري البرتقالي + المسلسل 7+ .

السؤال المهم هل حدت شيء مهم بالقصه بهذه الألف حلقه و له لا ؟

 

[كـونــان]

أنا أتابع بوكيمون بيست ويشيز حاليًا، نظرتي للأنيمي مقارنة بإنمي 2012 هو لا شيء
بوكيمون كلعبة أنجح من الإنمي وأنا أعشق ألعاب بوكيمون

حلقات القتال في الأندية بالنسبة هي أفضل حلقات، وكذلك تيم روكيت تطوّر والحلقات اللي يظهر فيها أحلى أما الباقي أغلبه طفولي جداً صراحة "مع العلم أن الإنمي طفولي لكن أتابعه"
وأكثر مشاهد أكره نفسي بها، تضحيات ساتوشي ويرمي نفسه مكان بوكيمون كان يتعرض لهجوم بوكيمون آخر! هذه حركة جداً بايخة، أنا لا أريد أن تختلف الشخصية الرئيسة
لكن أود أن يكون مستوى الإنمي كاللعبة عالأقل وبشكل أسرع، بين كل نادي وآخر يوجد حلقة لكل خطوة يخطونها

وبالمناسبة، شخصية آيرس والحلقات التي تتعلق بها تعجبني

 

[Dark Master]

قصتي مع المسلسل اني لما كان ينعرض عال mbc 1 تلاقوني مزروع قدام التلفزيون ولحد ماطلع التحريم وبعدها قطعت عنه وصرت أشوف الأفلام بس تقريبا
عندي سؤال بس. دوقوبي البيضي اللي كان ميستي ايش صار فيه لول؟
وسايداك العبيط لسه معاها

 

[LAYT]

قصتي مع المسلسل اني لما كان ينعرض عال mbc 1 تلاقوني مزروع قدام التلفزيون ولحد ماطلعت سخافات التحريم والافتراء وبعدها قطعت عنه وصرت أشوف الأفلام بس تقريبا
عندي سؤال بس. دوقوبي البيضي اللي كان ميستي ايش صار فيه لول؟
وسايداك العبيط لسه معاها

محتوى مخفي: ....

انا ما اتابعه لكن اذكر قد شفت لقطته تطور وراح مع ربعه في الحلقات اظن الي تودع ميسي اش

 

[Dark Master]

^
اوكي
أخ لايت ياريت تستخدم كود السبويلر بردودك المرة الجاية

 

[LAYT]

^
اوكي
أخ لايت ياريت تستخدم كود السبويلر بردودك المرة الجاية

.....

 

[~L.O.R.D~]

عملت سكيب أليم للأنمي
وقفزت للموسم 14
ومفاجأة غير متوقعة ابدا

محتوى مخفي: Spoiler

بدأ أش برحلته في سينو..وصار أكثر غباء من قبل
طبعا على عادة كل موسم..يرمي كل بوكيموناته ويبدأ فقط ببيكاتشو
أول واحد شافه توه أخذ بويكمونه snivy البوكيمون العشبي....وخسر أمامه...وات ذا ؟
يعني أش تقدم الى 6 دوريات..وبيكاتشو هزم دراغونايت (الجزر البرتقالية ) وهزم لاتيوس ...لكن ماهزم بوكيمون مبتدئ ؟
أش ايضا صار غبي جدا..ما يعرف يمسك بوكيمون..فورا يمشي بالطريق ويرمي الكرة
كأن مخه انغسل
لون عيونه تغيرت

لكن..البلوت صار أفضل بألف مرة
أعتقد هذا الموسم يعتبر ريبووت للسلسلة...
عصابة الرداء الأبيض...أو حاليا..الأسود
صارو أقوياء جدا...
عدة مرات اش واجههم..وما قدر عليهم
جيمس وجيسي صارو عملاء ماهرين جدا

ويتصرفو جدا بمسؤلية وبدون عبارات مالها معنى..ودائما ينجحو في مهمتهم الأساسية..لكن مهمة امساك بيكاتشو صارت فرعية ما قدرو عليه

ايريس ما أعرف ايش قصتها..أي شخص لعب بوكيمون وايت..رح يعرف انها الجيم ليدر الثامن
لكنها ضعيفة جدا..غريب

 

[LAYT]

^^

محتوى مخفي: ^^

شفت بعض حلقات لون العيون واللبس ما اعجبوني :yuck:: والي قاهرني العصابة وهم اغبياء احلى واذا طاروا وتحولوا نجمة هذا الممتع :xd: خخخ
واش متى يفوز في الدوري :what: ( الله اعلم ) قلب زي كونان ما يكبر ولا يحقق هدفه :crying:

 

[TrainerBlack]

ايريس ما أعرف ايش قصتها..أي شخص لعب بوكيمون وايت..رح يعرف انها الجيم ليدر الثامن
لكنها ضعيفة جدا..غريب

الى الآن ما جائت الحلقة اللي تطلع فيه ايريس بالجيم الليدر اعتقد, اش للآن ما عندة الا 4 او 5 اوسمة ماني متأكد, لكن بالبوكيمون بلاك ابو ايريس هو الجيم ليدر, تخميني هو ان ايريس بتجي بعد ابوها بالجيم وعشان كذا طلعت بالرحلة حقتها عشان تقدر تدرب بوكيموناتها وتصير gym leader


اما بالنسبة لأش فهذا نكته خخخخخخ, بداية كل موسم يرجع غبي وكأنه ما يعرف شئ, وبيكاتشو يرجع دائما لفل 5 مع كل بداية موسم !

 

[~L.O.R.D~]

الى الآن ما جائت الحلقة اللي تطلع فيه ايريس بالجيم الليدر اعتقد, اش للآن ما عندة الا 4 او 5 اوسمة ماني متأكد, لكن بالبوكيمون بلاك ابو ايريس هو الجيم ليدر, تخميني هو ان ايريس بتجي بعد ابوها بالجيم وعشان كذا طلعت بالرحلة حقتها عشان تقدر تدرب بوكيموناتها وتصير gym leader


اما بالنسبة لأش فهذا نكته خخخخخخ, بداية كل موسم يرجع غبي وكأنه ما يعرف شئ, وبيكاتشو يرجع دائما لفل 5 مع كل بداية موسم !

ههههههههه
صحيح..كأنه في آلة خاصة عشان يرجع اللفل الى 5
بس الضربات...كيف بوكيمون لفل 5 وعنده ضربات قوية
وكيف سنايفي وهو لفل 5 أو أول طلعته..وعنده ضربة leaf storm ؟

 

[TrainerBlack]

ههههههههه
صحيح..كأنه في آلة خاصة عشان يرجع اللفل الى 5
بس الضربات...كيف بوكيمون لفل 5 وعنده ضربات قوية
وكيف سنايفي وهو لفل 5 أو أول طلعته..وعنده ضربة leaf storm ؟

هي فعلاً اشياء ماهي منقطية, لكن ما تقدر تلومهم, يعني تخيل مباراة وسنايفي ما يستعمل الا تاكل وبيكاتشو لفل 100 وبضربه وحدة يفوز
احسها ما تصلح, وبعدين الشخصية اللي اخذت سنايفي (نسيت اسمها) ما راح تصير عدو لـ ash اذا ash فاز من أول مباراة بهالسهولة, فهم يبغون يشدون الوضع بين اش والرايفل حقه, لكن بشكل العام الموسم جيد

 

[TrainerBlack]

على فكرة, الحلقة الجديدة (حلقة 17 من الموسم) مو المفروض انها تكون انعرضت امس ؟ اشوف ولا وحدة من المواقع المختصة نزلت الحلقة 17 , ولا حتى موقع سيربي شال الحلقة 17 من قائمة الحلقة القادمة !!

وش السالفة ؟

 

[Royal Spark]

الكل سوى له دروب.^
أو إنه زي اكسل وورلد ما إنعرض هذا الأسبوع.

 

[LAYT]

فيــه موسم جديد بدأ .. فيه وحده من الاجزاء القديمة رجعت لهم

 

[naser]

أكثر أنمي أنقهر لمن أسمع سيرته لأني كنت فان كبير له والله كانت ايام أسطوريه لمن كنا نتابعه , بس المشكله أن الأنمي ماله حس ولا خبر ,ما أدري لهدرحه هو سيء ؟ ولمن دخلت احد المواقع على شان بشوف تقييم الأنمي تفاجئة أنه يتراوح ما بين 2.5 الى 6.0 ! حتى الجزء الأول نفس الشي معقوله الأنمي كان سيء ونحن ما ندري ؟

ودي أفهم أيش قاعد يصير ليش الأنمي أندفن في التراب وماله حس ؟ حتى كونان نسمع عنه اكثر منه , ودي أسمع راي واحد تابعه الأنمي بالكامل

[video=youtube;KIgmYe5FP_8]https://www.youtube.com/watch?v=KIgmYe5FP_8[/video]
قسم بالله أشعر بالبكاء :crying:

قعدت اطالع المقطع لما انتهى كلمت على المقاطع المشابهه وكل الاغاني القديمة ! نص ساعه على ما قدرت اطلع من يوتيوب *يبكي*

 

[R E M i X E R]

شباب اذا تبغوا متعة البوكيمون بعيدا عن الألعاب !
خذوا المانجا .. ترها رهييبة
و زي ما اتفضل علاء كل جيل ببطل جديد !
الله يرحم أيام المدبلج .. كنت أجري من المدرسة للبيت عشان أتفرجها الساعة 3 على mbc كنت أولى متوسط بذاك الوقت

 

[kenshin]

يا شباب انا وصلت الموسم 6 والانمي رهيب ومتحمسله

 

[XORO]

كنت اتابعه على قناة ديزني بس مليت من مذلة حلقة كل اسبوع

فحملت الموسمين 14 و 15 طبعا بالانجليزي ( النسخة اليابانية اسماء البوكيمونات تكون مختلفة وانا ابي احفظ اسماءهم )

احب الحلقات اللي يخسر فيها آش مدري ليش ::::

 

[kenshin]

انا عندي بعض الأسئله

1- شو هي علاقة جوفاني بعصابتي الزرقاء والحمراء

2-هلا حقا ماي تحب اش

انتظر الأجابات

 

[The Fantom]

^
1) هممم .. مااتذكر ان هناك اي علاقه مباشره بينهم ^^

2) لول الاجابه هي لا !

=====

بخصوص البوكيمون انا تابعت المواسم كلها :
Pokemon
Pokemon Chronicles
Pokemon Advance Generation
Pokemon Diamond and Pearl
وتابعت من
Pokemon Best Wishes
اول ثلاث مواسم له :
Pokemon Best Wishes Season 1
Pokemon Best Wishes Season 2
Pokemon Best Wishes Season 2: Episode N

الموسم الرابع بدا من فتره :
Pokemon Best Wishes! Season 2: Decolora Adventure
نزل له الى الان 12 /13 حلقه ..
" لم اتابعه بعد .. كوني حاليا اشاهد افلام البوكيمون ^^ "
وصلت للفلم رقم 11 ^ـ^

لول انيمي الطفوله وكنت ولازلت متعلق بهذا الانيمي ::::

p.s :
دعايه الموسم الجديد واللذي سوف يبدا في شهر اكتوبر تاريخ 17 ^ـ^
Pokemon XY

http://www.youtube.com/watch?feature=player_embedded&v=ly_wJ_cesKM

 

[M.D.L]

فيه موضوع رسمي لمانجا البوكيمون ؟ على العموم جالس أقرأها الحين و وصلت شابتر 55

بالنسبة لي أشوفها أفضل من الأنيمي بالراحة.

بس سؤال أنا جالس أقرأ Pokemon Adventures Manga بس لقيت مانجا اسمها POKEMON SPECIAL فيه أحد يعرف الفرق بينهم ؟