Futrus
True Gamer
صحيح لكن خلفية الرجل وفضائحه الاخرى اكيد اثرت لأن تيكر ما تعرض لنفس الاستهجان في نفس العرض مع انه ايضا داعم كبير لترمبهو عموما العرض صار بولاية معادية لترامب وهوجن كان داعم كبير له وذا السبب الاساسي للاستهجان
صحيح لكن خلفية الرجل وفضائحه الاخرى اكيد اثرت لأن تيكر ما تعرض لنفس الاستهجان في نفس العرض مع انه ايضا داعم كبير لترمبهو عموما العرض صار بولاية معادية لترامب وهوجن كان داعم كبير له وذا السبب الاساسي للاستهجان
اتوقع قصده قونثرانا تركت كل الكلام و المشاركات اللي راحت وركزت على جعفر
مين جـعـفـر ؟
gunther جعفر.انا تركت كل الكلام و المشاركات اللي راحت وركزت على جعفر
مين جـعـفـر ؟
The Bloodline (Solo Sikoa and Tama Tonga) (with Paul Heyman) vs Kevin Owens and Randy Orton
هذه المباراة كانت مسلية خصوصا النقلة الي صارت لها بالنص، لو كانت بعرض ثاني ممكن تكون مباراة بشوفها مرة ولا أرجع لها أو أذكرها لكن مع تفاعل الجمهور صارت أحسن بكثير ولو إني أسجل ضجري من سالفة القبيلة.
The Bloodline (Solo Sikoa, Jacob Fatu, and Tama Tonga) vs Cody Rhodes, Kevin Owens, and Randy Orton
ما عندي أشياء معتبرة أقولها عن المباراة غير إني غير مقتنع بسولو القائد ولا عاجبني وضع البلدلاين اخر فترة، بس المباراة بحد ذاتها لا بأس بيها.
Cody Rhodes vs. Solo Sikoa
حالها حال مباراة العرض الماضي، مباراة نمطية وتدخلات مملة من البلدلاين، حسنتها رجعت رومن مع أنها متوقعة ونطة يعقوب فاتو، مين إفنت ضعيف بأمانة.
Cody Rhodes and Roman Reigns vs The Bloodline (Solo Sikoa and Jacob Fatu)
ذي المباراة مباراة تاج تيم تقليدية، الأشرار يسيطروا على الموقف أكثر ويخلوا الجمهور يزعل ولما البطل يبدل يجي صاحبه بكل نشاطه ويكفخهم بعدين يكون فيه مد وجزر بينهم والأبطال بالنهاية يفوزا، مش بالضرورة هذا الي يصير بالمباراة بنفس التسلسل لكنك فاهم مقصدي وعارف هذا الهيكل وهذيلا الجزئيات الي أكيد شفتها كثير، وهنا الموضوع لا بأس به وكانت شي زين ولو فيه جزئية تستحق الذكر هي لما كودي جلس "يضحي" بجسمه عشان يوقف يعقوب فاتو.
يعقوب بصراحة متقمص شخصية الوحش بشكل رايع، الرجال ملامحه ووجه تصرخ عدوانية وضخامة جسمه وسرعته وخاصة السوبر كيك الي يسويها شي جدا رايع، أذكر لما جوا الأخوين تنجا كان الوضع شوية يحمس يعني عندنا أثنين من "رجال الغابة" بس هذا سحب البساط من تحتهم وسرق الأضواء والحين صاروا شخصيات مهمشة تقريبا بشكل يضحك ههههه
أذكر قبل قلت أن شخصية سولو شخصية هيل تعبانة بس بعد ما شفت هذا الفيديو وشفت المباراة بأمانة أتفق معه، سولو ويعقوب الجمهور ما طايقهم بشكل حقيقي وهذا شي زين :
مباراة التوأم (الاوسوز)
بالعادة المباريات الي تكون بين أخوين تكون مثيرة، لأنها تحوي الجانب الدرامي أن أخوين يتضاربوا وهذا وتر سهل يجذب المتابع لأن كلنا جالنا تضاربنا مع أخواننا خاصة لما صغار فممكن يخلينا نضحك أو حتى نحزن لأنه أخ يضرب أخوه، ولأنهم أخوين فطبيعي يكون التناغم بينهم عالي لأنهم يفهموا بعض زين واحتمال كبير التناغم والتكامل بين أساليبهم يكون عالي وهذا العنصر من أهم العناصر الي تخلي المباريات حلوة بشكل عام، شفنا تناغم صراع الأخوين هذا بمباريات أوين هارت ضد برت هارت سواء مباراتهم WrestleMania X أو مبارة القفص SummerSlam 1994 وكلهم مباريات عظيمة، ومباريات جيف هاردي ضد مات هاردي Wrestlemania 25 الي كانت مبارة ممتازة، بس مباراة الأوسوز أقل شي ينقال عنها فضيحة وأعلى شي ينقال عنها محيّرة.
الاوسوز حاليا واحد منهم مكروه لأنه من حزب رومن فأكيد مكروه، والاخر انفصل عنهم فصار محبوب عشان يقول اوس والناس تسوي حركاته وهو كول أو شي؟ لما شفت الجمهور متحمس معه حسيت بالحيرة لأني ما أشوف الي يشوفوه بس ما مشكلة يجوز ما عندي السياق بالتالي ما فاهم السالفة، المهم المباراة.
المباراة زبالة لأن التناغم بينهم في سياق أنهم ضد بعض غايب، وحركاتهم كلها نفس الشي فصارت مباراة ضد الذات لكن بدون أي اهتمام معتبر بالجانب النفسي - wrestling psychology - فصارت فارغة، فيها كمية حلب ما طبيعي لحركة سوبر كيك لدرجة صارت حركة تافهة ومالها طعم ولا وزن ولا حتى لون يمكن سووها مال خمس ست سبع مرات؟ حتى لحظة "أخويا ابن أمي وأبويا" مالها أي طعم ولا أي وقع، مدرك أن الاوسوز مش برت وأون هارت الي كانوا مصارعين تكنكل فعندهم حركات متنوعة، ولا هم مات وجيف هاردي الي حركاتهم وأساليبهم مختلفة عن بعض، الاوسوز عندهم نفس الحركات بالضبط بس ممكن تعويض هذا بالاهتمام بالجانب النفسي بالمصارعة، ممكن حتى تكون مباراة أسلحة ونشوف واحد يستعمل أسلحة والثاني يرفض يستعملها عشان ما يريد يعور أخوه أو شي، بس ما شفنا أي من هذا لأن الظاهر هم ما مهتمين يقدموا مباراة حلوة فعطونا مباراة مشاهدتها رغم قصرها كانت متعبة بشكل ما طبيعي، خسارة صراحة من أكثر ثلاث مباريات كنت مهتم بيها بالعرض، وجودة المباراة بالنسبة لمستوى العرض جدا نازلة.
بخصوص عرض crown jewel بالعادة ما يهمني من يفوز ومن يخسر لكن لو كودي فاز على جنثر معنى هذا أن ههه حمار.
تطبيل لجعفر و تسفيل بالأوسوز ؟!Crown Jewel (2024)
شفت العرض هذا على وقته ومع الأسف انحرقت علي نتيجة أكثر مباراة متحمس لها أول ما خلصت على طول، والحين راجع أكتب عنه بالوقت بدل الضايع عشان أكون كتبت عن كل عروض هذا العام تحت عباءة wwe خاصة ورجعت أعدته عشاك أكتب عن المباريات وضميري مرتاح.
كل الي بقوله عن الجمهور أنه واااجد فنانين وتفاعلهم مع المباريات خرافي، وما أريد أعيد وأزيد بذا الموضوع لأني ذكرته تقريبا بكل عرض خارج أمريكا، وعسى العام هذا تجينا فرصة ونحضر مع أخوانا بالسعودية واحد من ذيلا العروض ونسلم عليهم وعلى جعفر، بتكون حاجة لطيفة.
The Bloodline (Solo Sikoa, Jacob Fatu, and Tama Tonga) (with Tonga Loa) vs Roman Reigns and The Usos (Jey Uso and Jimmy Uso)
ما أعتقد المباراة فيها أشياء كثيرة تنقال عنها لذلك أعتقد بأعلق على مستوى قصة البلدلاين والمصارعين الي فيها بالعام الماضي 2024.
هي مباراة تاج تيم اعتيادية من WWE شوية الأشرار يسووا حاجة ويمسكوا زمام الأمور، بعدها واحد من الطيبين يسوي شي ويكفخهم ممكن شوية مد وجزر بعدها مد حصرا بعدها جزر حصرا وهكذا، وفيها واجد سوبر كيك بشكل عبيط لدرجة الحركة حاليا فقدت طعمها، والنهاية مالها صراحة غبية لأن سولو فاز وثبت رومن وهذا ما مشكلة بس بعدها لما سامي يجي يضرب رومن بالغلط جيمي ينقص ذكاؤه ويلوم سامي كليا، وسامي يتلوم ويصير الوضع عبط، هراء لا يبلع.
قصة البلدلاين من يوم خسر رومن والوضع جالس يتكرر ومافي شي جديد يقدموه، والسالفة ما سالفة أن سولو وشلته تعبانين بقدر أن فيه بهارات ناقصة ولا كثير من سوالفهم ما لهناك وكم حاجة زينة.
أول شي سولو heel واجد زين لأنه صدق الجمهور حاقد عليه وهو يسوي أشياء كريهة ناهيك أن جسمه ما يخلي الواحد يعجب بيه ولا أنه ملسون-مهاراته بالمايك ما لهناك- ومهاراته بالحلبة عادية أو تحت العادية، وكنت بالبداية أقول هذا ما مقنع يكون الشيخ ولا يقدر ياخذ مكان رومن بس مع الوقت استوعبت أن ذي الفكرة، عكس رومن بالضبط كان عنده برومز حلوة وجسمه رياضي ومعه بول هيمن وهذا بحد ذاته يزيد شي خطير خاصة أن هيمن ينصحه بس ما يتكلم بدله، رومن كان فيه عناصر خلت الناس تحبه مع الوقت مع أنه هيل، عكس سولو الناس تكرهه.
المشكلة بشلة سولو، الأخوين تانجا كان المفترض أنهم رجال الغابة بس لما جاء يعقوب فاتو سحب عنهم الجو وحرفيا صاروا موجودين عشان تكون الأعداد متساوية لا أكثر، مع إني رجعت أشوف المختصر مال هذه السنة وأنا شايف هذه الأحداث من قبل ولا شي شفته خلاني أقول فنان عن أي شي له دخل بالأخوين تونجا بشكل مباشر، طالعين كومبارس مالهم شخصيات حقيقية تقدر تعطيها وجه.
عكس يعقوب تماما، السوبر كيك الي يسويها عنيفة بشكل، الرجل ضخم وسريع وقوي بحيث حقيقي تحسه هذا العضلات بالفريق، وفوق هذا ما يسوي selling ببعض الحالات مثل سبام السوبر كيك وهذا يخليه ضابط دوره بكونه monster heel حاله حال شخصية مثل Kane، وبالنسبة لي الحركات الي يسويها بالمباريات أحلى شي بس خلاص صارت مكررة، وهذا صاير بالقصة فيه تكرار مقيت، أشوف قصة البلدلاين جالس يصير لها نفس سالفة nWo باتحاد WCW، بالبداية شي فنان ومع عداوة ستنج وهوجن كانت حلوة بس بعدها بدأ التمطيط لين وصل الاتحاد لمرحلة يدخل مليون مصارع بالفريق وكل سوالف الاتحاد عنهم وصار الوضع ممل.
بس يا بوسيف البلدلاين ما دخلوا كل حد مثل nWo، صحيح الكلام بس شوف سالفة حزام القارات كان مع Bron Breakker كان معه الحزام لفترة بسيطة بعدها جي اوسو فاز عليه، هذا طبيعي وفرصة عشان تصير عداوة بينهم ولو لفترة بسيطة لكن لأ جي خسر الحزام عشان سولو وشلته تدخلوا عشان بعدها يرجع لسالفة البلدلاين، وسؤالي هو ليش؟ الظاهر لي أن شي سبب واحد وراء ذيلا السوالف القصصية، عشان يخلوا سولو وشلته كريهين أكثر، بس الجمهور خلاص كارههم ليش تزيد النار حطب هي مشتعلة وقوية؟ مافي طريقة أحسن عشان يرجع جي للموضوع؟ وما كأنه خلاص صارت مبارياتهم تنعاد ونفس السوالف بدون إضافة معتبرة؟ ناهيك ان المستوى ما كان شي عالي من قبل، رجعت لكلامي عن المباريات السابقة:
كان عندهم أربع مباريات هذا العام:
الأولى بعرض Backlash France كانت زينة بس ركز لي على الأسماء.
الثانية بعرض Money in the Bank (2024):
الثالثة بعرض SummerSlam (2024):
الرابعة بعرض Bad Blood (2024):
وهذه الخامسة، خمس مباريات وشايفين كيف المستوى؟
الوضع صاير ممل بأمانة، والتكرار هذا بدا يصير مقيت، لو نرجع ليعقوب أول شي جاء ببالي لما أكتب ذيلا الكلمات إني شبه متأكد ولا مرة خلوه يلعب مباراة فردية أو أثنين ضد واحد عشان تؤكد سالفة أنه monster heel وطلع فيه مباراة يتيمة ومع جي اوسو حسب cagematch انظر مبارياته من يوم دخل WWE.
بصراحة شكلي ببدا أطوف مبارياتهم وسوالفهم إلا إذا كان فيه شي يشدني عشان أكمل، مباراة war games بشوفها عشان بنك وبرون رييد أم السامون قرعة تقرعهم -=قلعتهم-، حرفيا الزينين لما يدخلوا ذي الشلة مستواهم ينقص، وعشان أأكد هذا أنصح بذي المباراة مال يعقوب ضد بروسن بريد باتحاد ثاني، حرفيا صراع الجبابرة وصراع ممتع:
فيه مباريات أفضل نفس ذا النوع "صراع الجبابرة" ويمكن أحسن وحدة من ذا النوع من الي أذكرها:
Andre The Giant vs. Stan Hansen (1981)
بس مال يعقوب وريد زينة واجد.
المصارع الوحيد من الشلة الجديدة الي قدم شي جيد بالحلبة العام الماضي هو يعقوب، أما سولو فاهم أنه يريد يكون الشيخ وهو ما قدها بس ما أظن wwe أذكياء كفاية عشان يكون شغله بالحلبة مطابق لشخصيته، الرجال عمره 31 عنده فرصة يطور من نفسه ويتعلم حركات جديدة لو مهتم بس ما أظنه مهتم بحكم كونه بالواجهة.
نفس الشي الأوسو لما جاتهم فرصة مباراة أخ ضد أخ قدموا وحدة من أسوأ مباريات السنة والي ما تحسس المتابع أنهم اهتموا يقدموا شي زين، أعرف حركاتهم متشابهة بس كتبت عنها هنا وعن اقتراحاتي:
لحد يفهمني غلط ما أتوقع كل حد منهم يكون مشعوذ بالحلبة مثل براين دانيلسن الي عنده مليون حركة ويقدم دايما شي جميل مع أي حد، بس أتوقع شغل أحسن من كذا، رومن أدرك حدود شغله بالحلبة فقال خليني أضيف ملامح وجهي ولغة جسمي بشكل قوي ومنوع عشان أضيف للمباريات جانب نفسي wrestling psychology، ما أظن صعب أتوقع شي مثل كذا خاصة أن الأخوين تونجا ما مسوي شي يسوى لين الحين، ما أقول ولا واحد منهم قدم مباريات حلوة بمسيرته حتى داخل أسوار الاتحاد بس المقصد مباريات سوالف البلدلاين بالعروض الكبيرة العام الماضي 2024 مش شي يسوى.
وفوق هذا تنوع الشخصيات بالشلة القديمة أفضل من الجديدة بفارق، سامي زين رومن بول هيمن الاوسوز وسولو كانوا شلة منوعة بصرف النظر عن رأيي أو رأيك عن شخصياتهم، بينما عندك يعقوب سولو تونجا 1 و وتونجا 2 ثلاثة رجال غابة وواحد عاقل، الأداء بالحلبة بالشلة الأولى أحسن وحتى الهدف أحسن، لما رومن كان البطل يريد يثبت نفسه ويتحكم وما إلى ذلك من أمور، هنا سولو ياخذ مكان رومن بس يعيد نفس الحركات بشكل أو اخر، والسالفة صارت دراما عائلية مملة وسقيمة بصراحة، وأتمنى وصلت ليش بشكل عام أشوف قصة البلدلاين ذا العام سيئة.
Seth "Freakin" Rollins vs Bronson Reed
مستانس إني عدت العرض ووصلت لذي المباراة، لأنها مباراة حلوة لسالفة وحش ضد بشري أو عملاق ضد قزم، سالفة كلاسكية شفناها بمباريات مختلفة مثل Shawn Michaels vs. Vader (SummerSlam 1996) أو Daniel Bryan vs. Kane (Extreme Rules 2014)، مشكلة ذي المباراة أن بدايتها خايسة شوية من ناحية ال selling من طرف رولنز لكن يتحسن الوضع من طرفه.
الإطار العام مال شخصية يعقوب نفسه مال بورسن ريد، واحد ضخم وسريع وقوي بشكل مرعب، لكن هنا يستعمل وزنه أكثر بشكل أساسي مثل لما ينط من الزاوية يطلع ببطء ولما ينزل تحس ضخرة طايحة ما ادمي، وفيه مرة لما رولنز حاول يطيحه على أساس يقلب الطاولة عليه وكان تحته كأنه بيسوي powerpomb من تحت الأرض - ما أعرف اسم الحركة- الي صار ريد جلس عليه، شي بسيط بس واجد منطقي ومؤثر عشان يقلب الطاولة.
وحتى الحركات لما ينضرب ويجلس يترنح كأنه يعرف نفسه لو طاح صعب يقوم، وأحلى شي النهاية لما خسر قام وبوجه دم وكأنه يقول لرولنز تراه بعدني حي، ورولنز طالع ويتوعد له بس وعود فارغة، كلهم طلعوا من المباراة كسبانين وأحلى شي أنها قصيرة 12:20 دقيقة حسب cagematch مشكلتها الكبرى رولنز أفرط باستعمال الفنشر.
أعرف إني كلامي صاير كأني شايب مثل Jim Cornette بس جدا ياخي لما رولنز يجلس يعيد ويزيد بالفنشر ماله الوضع يطلع كأن ما عنده شي ثاني يقدر يسوي ضد رييد غير أقوى حركاته وهو أصلا عنده حركات أكثر من كذا، جالس يضر بحركته لأنه يحلبها، فاهم أن ريد ثقيل وصعب يتعامل معه لكن لو مثلا بالبداية يستعمل حركات أخرى مثل ينط من الزاوية أو يشوته سوبر كيك ويحاول يسوي شي غير سبام للفنشر بعدين اخرتها خلاص يسوي سبام كذا بيكون الوضع منطقي أنه حاول وحاول بس ما ضبط شي غير الفنشر، كذا أتوقع يحافظ على ثقل حركته وتكون المباراة منطقية.
وإحقاقا للحق استعمل Pedigree بس ما ضبطت لكن أتوقع من رولنز أكثر من كذا وأتوقع حركات سبام الفنشرز من مصارعين أقل منه.
مباراة ملغية أو بالأصح قتال شوارع Kevin Owens vs Randy Orton
تبكيس وقتال شوارع بستايل المصارعة، الكثير من الأسلحة ومحاولة إيقاف العراك بدون جدوى، ليش؟ عشان كفن أونز بدأ يجن ويريد يبكس كل حد، شي فنان وعجبني وبسيط وفكرة واجد حلوة عشان تسوي شي سريع ويتناسب مع الأحداث وتاخذ أقل وقت ممكن من المعتاد.
LA Knight vs Andrade vs Carmelo Hayes
أذكر ذي كانت مباراة عادية ومع الإعادة طلعت جيدة على الأقل، الشيء السيئ ببعض المباريات الثلاثية أن فجأة الطرف الثالث يختفي من الصورة بشكل غير موفق، خلال المباراة القصيرة ذي الي طولها 9:10 دقيقة ولا مرة صار ذا الشي، ودايما تشوف الثلاثة موجودين ونشوف حركات ما تصير إلا بثلاثية مثل بداية المباراة لما كرامليو وأندريد يتضاربوا ونايت بالزاوية يشوف عليهم ويسوي نفسه كول، ولا نهاية المباراة لما واحد منهم كان يريد يسوي الفنشر حال الثاني وجاء نايت سوا الفنشر ماله عليهم أثنينهم وختمهم بشكل فنان.
المباراة فيها سرعة وحركات بهلوانية كأنها بلعبة مصارعة بشكل إيجابي لا سلبي والي يوزن ذي الحركات أن نايت ما يسويها، وكل مرة واحد يسوي حركة حال الثاني ومرات يضرب الأثنين بحركة وحدة، ويتفاعلوا مع الجمهور لما يكون الموضوع يستحق عشان تحلى الحركة، مثل لما جاء نايت يريد يرميهم أثنينهم من الزاوية بس مسك واحد والثاني جلس يتفاعل مع الجمهور على أساس يوضح لهم تراها فرصتي بس ما سلكت معه، موزونة واجد ذي المباراة وقصرها يساعد عشان تكون ممتعة على طولها.
Cody Rhodes vs Gunther
بطل رو ضد بطل سماكداون، بطل الوزن الثقيل ضد بطل WWE على حزام السعودية، بصراحة شكل الحزام فخم مليون، تحس حقيقي حزام ملكي، صحيح ذا الحزام غالبا بيكون حزام لمناسبة وحدة بس يعبر عن ثقل السالفة والأهم من هذا أنه جمع تضارب بين شخصيتين مختلفتين كليا، ما بس البطل ضد الشرير، السالفة سالفة كودي يمثل المدرسة الأمريكية بالمصارعة ومسوي شخصية كول أمريكية تناسب أنه يكون واجهة شركة معاصرة حتى لبسه وتصرفاته طالعة الشكل الي تحبه الشركات لشخصية كول، وحتى سالفة الكابوس الأمريكي هي الشكل المعاصر لشخصية الحلم الأمريكي الي تقمصها أبوه دستي رودز.
ديستي كان متين ويتكلم بلهجة خاصة لأن هذا أسلوبه وياكل الحروف، فطالع قريب من المواطن العادي وأتوقع بالذات الآباء رجال هذاك الزمن والطبقة الكادحة وكان يقول أنه ابن سبّاك، بينما كودي صابغ شعره غالبا وجسمه رياضي وحتى لبسه وال gear مال المصارعة شي كول، دستي لما تشوفه يعطي انطباع أنه رجل عادي كد مكدة وصار مصارع والحين يكد عشان يطلع فلوس، بينما كودي هو الشي الي يريد يكونه الرجل الأمريكي العادي، عشان كذا أقول هو تحديث لسالفة الحلم الأمريكي ولو أن المسمى هو الكابوس الأمريكي، ولما جالس أشوف العرض على المزاج وأكتب ذي الكلمات لقيت ذا البرومو وما كنت أتوقع بيوم من الأيام بشوف كودي يقدر يجاري بنك على المايك:
بينما جعفر عكس هذا، نمساوي صارع بأوروبا وتعلم على أيدي مصارعين يابانين علموه أسلوب خشن وعنيف بالحلبة، تصرفاته طالعة من كونه يريد يرجع مجد الرياضة بالعودة لأصولها، بعيد عن الجانب الاستعراضي المسرحي وقريب لعظم الجانب الرياضي، جعفر يمثل شكل مصارعة صرفة قديمة وجديدة وفريد بهذا الوقت، سواء من تفاصيل صغيرة مثل أنه يتفاخر بالحزام ويحسسك أن حزامه هو أهم حزام بالاتحاد وأول ما يفوز يلبسه، أو حتى ال gear الي بدون حامي للركبة، وحتى جسمه ووزنه الحالي جسم شخص طبيعي ما منتفخ العضلات مثل الشكل النمطي عن المصارع الأمريكي أو شي، مع أنه الرجال طويل لكنه واقعي لدرجة كبيرة والعنف الي يسويه بالحلبة مقنع، جفعر ما بمل وأنا أطبل له لأنه كل فترة وفترة يصير أعظم وأعظم.
تطبيلي لجعفر جاي من حاجة بسيطة وجوهرية، أي حد يتابع مصارعة يريد ينسى أنها تمثيل لأن حالها حال أي عمل فني خيالي، لما ألعب لعبة أريد أنسى أنها لعبة وأدخل بجوها واستمتع، لما أشوف أشوف أنمي نفس الكلام، ما سالفة هروب من الواقع بل سالفة انغماس بالخيال لفترة محدودة بغرض المتعة أو خوض تجربة أو غيرها من أمور، وجعفر الي يسويه عشان ينسينا أنها تمثيل بأنه يخليها واقعية بضرب عنيف، يقربها لعظم الرياضة وأصولها.
من الأشياء الي ممكن تطلع أي واحد من الجو هو لما يشوف أفكار مستهلكة شافها مليون مرة، نهايات المباريات مال المصارعة من فترة طويلة مبنية على الفنشر وسالفة الفنشر الوهمي، جعفر معالجته لهذه المشكلة بأنه فك التلازم بين الفنشر والنهاية، مرات يختمها بالفنشر ومرات كثيرة بالاستسلام أو التثبيت الإجباري وصارت ذي واجد بمباريات بطولة King of The Ring الي أغلبها فاز فيها بالاستسلام، شي واقعي للغاية ودايما المباريات تخلص لما يكون وقتها المناسب تخلص، ناهيك أن فيه مباريات ما فيها فنشر كأنه يقول ذي حركة ما يستحقها أي أحد فليش استعملها دايما؟
أشكر @شيطون لأنه نبهني لنقطة النهايات.
والضرب العنيف الي يسويه مخلنه مقنع بشكل، ال chops أحسن مثال -غالبا لو تعرف جعفر أنت عارف إني بجيب طاريها- الرجال طوله قرابة المترين ويده طويلة ولما يجي يضارب واحد يرجعها للاخر ويكفخ الخصم واضح فوق أنها تعور كونها تعلم أتوقع أنها مثل ضربة مدفع والصوت يُسمع، والتشوبس من الحركات الي كل مصارع يستعملها بشكل اخر وجعفر يسويها واجد وبقوة، غيره يختار إما القوة مع قلة الضربات أو سرعة مع كثرتها وصاحبنا اختار الكثرة والقوة بالعادة.
الي صار أن المباراة كلها مد وجزر وتصادم بين أسلوبين وأشوف كودي قدم أداء جدا حلو يليق بمباراة مع جعفر، كنت مهتم أشوف الخلطة الي بتطلع من هذا التصادم وأتوقع حماس الجمهور يعبر عن حلاوة الخلطة وعجبني أنهم يعطوا الجمهور وقته عشان يتذوق الحركات أو بعض السوالف عشان يدخلوا جوا معها، والنهاية خلتني أتراجع عن قولي أن ههه حمار.
جعفر يحب يختم المباراة بالاستسلام لأنها أكثر شي منطقي يخلي النهاية مقنعة، ويحب يستعمل الخنق كثير، العجيب أن كودي استغل موضوع الخنق وقلبه على جفعر، الي كان كاونتر لكاونتر، كودي كان يريد يسوي حركة من الزاوية وجعفر مسكه بخنق وكودي قلبها للاستسلام، نفس الحركة صارت استسلام وتثبيت بمباراة AJ Styles vs. Samoa Joe (Hell in a Cell 2018).
حتى النهاية لما جعفر جلس يضرب أرضية الحلبة مقهور بعدها سلم على كودي وطلع مرضية، المباراة كانت حلوة واجد وأتمنى أشوفهم مع بعض مرة ثانية قدام أتوقع ممكن يقدموا شي أفضل من هذا مع أن الي قدموه رايع.
السامون بشكل عام ما بس الاوسوز خلاص أنضم لحزبك أنهم بشكل عام كريهين.تطبيل لجعفر و تسفيل بالأوسوز ؟!
![]()
وصلت حلقة ٤ من وثائقي مستر مكمان والله حاجات تصير وصارت مش مومكن![]()
ذكرتني بجملة من مسرحيات حسين عبد الرضا "كان كلب ابن 16 كلب لكنه كريم"واصل حلقة 5، فنس راح يعمل اي حاجة حرفيا من اجل الدولارات والاموال انسان piece of sh*t حقيقي لكن لولاه ما وصلت WWE لهذه المرحلة من العملقة في صناعة الترفيه.
يمكن ذي أحسن قناة تتكلم عن المصارعة باليوتيوب، قدرته على تحليل المباريات شي خارق.
ذا الموقع عبارة عن imdb للمصارعة، من فترة لفترة أجلس أقرا التعليقات على المباريات الي شفتها، أتصور ذيلا المصدرين بالإضافة لمحاولتي الخاصة أكثر ثلاث أشياء خلتني أكتب كل ذيلا الكلمات.
أهم شي مال ووي مكمانية ههههههو ممتاز لو بتاخذه لحاجات قديمة
بس من 2020 تقييمات العروض المعاصرة صايرة ساحة معركة بين الايليتين والمكمانية وكل واحد
يقيم عشرات لعروض ومباريات اتحاده واصفار للاتحاد الثاني
مع ان ادارة الموقع حاولت تاخذ اجراءات مضادة كثيرة لهذي الفئات بس الوباء انتشر وكثيرين بطلوا يهتمون فيه
نتيجة غير متوقعة للفائز في رويال رامبل 2025 !!
صراحة كنت متوقع هو أو ( سي أم بنك )فعلا كنت متوقع جون سينا هو الفائز
ثاني واحد بعد البرتو ديل ريو ...ذا اكثر فائز شفته غير مستحق
أتوقع الحركة الي يسويها مال ييت مع الموسيقى طالعة نفس نظام الحفلات عندهم، حركات ال cool kids بالنسبة لهم، وحتى لما يقول شي الجمهور يعزز له كأنهم شلته وهو القائد مالهم فيكونوا كول جانج.هي غير متوقعة بس ذا اكثر فائز شفته غير مستحق
مش عارف على ايش هو اوفر بذا الشكل![]()
![]()
الخلاصة:
الشاهد من الموضوع العرض بشكل عام تسليك ما
أظن أنصح بأي مباراة فيه.
أشوف خروجه كان عادي ما عبيط.أتفق كفاية سينا بعدما خرج من الرامبل بطريقة عبيطة
ملامحه طالعة priceless هنا