الموضوع الرسمي للبطولات العربيه و المحليه 11/10

[Khalid-S]

ما شاء الله نصراويين كثار هنا ههههه. ايام زمان ما كان في ولا نصراوي.

الي قاله عمر صحيح. مافي قوانين واضحة تخلي الواحد يعرف ايش العقوبة بتكون. لكن في حالة رادوي الاخيره اعتقد كان جداَ واضح انه بيتوقف مبارتين. لكن المشكله هي انها تمشي على بعض الاعبين فقط. والبقيه يتم تجاهلهم (ما اقول عمداَ)

SCREAMING_RAGE

كلامك هذا مضحك يا اخوي. قبل سنتين "انشات" مدرب كان مبدع مع الهلال وكان ماشي معاهم بشكل ممتاز. مكالمات هاتفيه وتصعيد المشكلة من الـ(بعض) خلاه يرحل من البلد.

 

[Unknown]

عبدالغني يسبب مشاكل وبالاخير يطلع منها دايم :laugh::

 

[قناص]

حسين عبدالغني يثبت كل يوم أنه أوسخ لاعب سعودي

 

[SCREAMING_RAGE]

^
خلي عنك بس.... شفت ادائه اليوم و هدفه الرائع اللي بدأ الـ comeback للعالمي ولا لأ ؟!
انا ما همني قذارته و و كسراته (( في الملعب )) بقدر ما يهمني أدائه و روحه القتاليه .

 

[BioHazard]

حسين عبدالغني يثبت كل يوم أنه أوسخ لاعب سعودي

عبدالغني لاعب كبير جداً والي يسويه في الملعب غير عن برى الملعب، هو يسوي اي شيء عشان يستفز الخصم بس اذا خلصت المباراه خلاص يترك كل شيء.

 

[Nintendo]

النصر يحتاج ظهير يمين غير الدوخي, ذا الولد انتهى خلاص, للامانه الفريق محتاج الكثير والمفروض الجماهير مايغرها الفوز على فريق ضعيف مثل الاستقلال وينسوا الاخطاء لانه الفريق محتاج شغل كثير, حتى الهلال نفس الشئ اليوم بمبارته ماكان جيد وايضا الفريق يحتاج لظهير غير نامي لانه (عيب) لاعب بذا المستوى يلعب في الهلال.

 

[Fahad Al-Shareef]

^ لي يونغ ؟

 

[Nintendo]

راح يترك الهلال بنهاية الموسم

 

[The Blue King 9]

لو الله ثم حسن العتيبي كان ممكن يخسر الهلال اليوم
ونفس الشيء الحكم ما قصر بالكروت على لاعبين الهلال ما شاء الله كأنهم قاتلين واحد من عيالة حسبي الله عليه وهذا غير الدقيقه الاضافية الي اعطاها للغرافة وكانوا بيسجلون التعادل بسبته

على العموم الحمد لله على الـ3 نقاط اهم شيء
وان شاء الله اللاعبين يراجعون انفسهم لان لو استمروا على هالاداء فمستحيل نوصل لأدوار بعيده بالبطولة

 

[إحساس]

النصر يحتاج ظهير يمين غير الدوخي, ذا الولد انتهى خلاص, للامانه الفريق محتاج الكثير والمفروض الجماهير مايغرها الفوز على فريق ضعيف مثل الاستقلال وينسوا الاخطاء لانه الفريق محتاج شغل كثير, حتى الهلال نفس الشئ اليوم بمبارته ماكان جيد وايضا الفريق يحتاج لظهير غير نامي لانه (عيب) لاعب بذا المستوى يلعب في الهلال.

فعلا .. اضيف على كلامك بأن نادي الاستقلال كان فاتح الملعب تماما من خلال التشكيله .. 5 3 2 .. كان مدافع طول المباراه فـ عشان كذا شفنا نادي النصر يمتلك كوره ويمرر أكثر من مره .. لكن بدون اي فعاليه ..

حتى لو شفنا الاهداف فـ راح نعرف ان نادي النصر كان سيء من ناحية الفعاليه الهجوميه .. هدف تسديده من خارج منطقة الجزاء من حسين عبدالغني .. وهدف فاول .. فـ لذلك مانقدر نقول ان الفريق ادى لأن جميع الاهداف كانت عباره عن اجتهادات لاعبين فقط ..

أحمد الدوخي للاسف لاعب زيادة عدد فقط .. كل شي يهون عندي الا ان اللاعب مايعرف يثبت كوره .. هذي الحركه ترفع ضغطي .. لأنها تعتبر من اساسيات كرة القدم واذا ماعرفها اللاعب فـ مايعتبر لاعب كرة قدم نهائيا .. والمشكله انها تجي من لاعب له خبره ميدانيه كبيره مثل الدوخي ..

 

[Nintendo]

حلو الاتحاد قدم مبارة اكثر من جيده اليوم وثلاث نقاط من طاشقند شئ رائع, الشوط الثاني الاداء ضعف شوي ولكن ماكان فيه خطوره كبيرة من الفريق الاوزبكي, كذا 6 نقاط بصدارة المجموعة وان شاء الله المبارة القادمة مع الوحده الامارتي تكون تأكيد التأهل المبكر

عقبال الشباب اليوم وتصير الفرق السعودية كلها فازت بذي الجوله

 

[Nintendo]

هل يحسم الدوري السعودي اليوم؟

طبعا اليوم كلاسيكو الكرة السعودية بين الهلال والاتحاد, اذا الهلال فاز فهو شبه رسميا بطل الدوري لهذا العام واذا الاتحاد فاز بيصير الفرق 3 نقاط وباقي 5 جولات على المسابقه, ارهب شئ انه الفريقين هاذي السنه ماخسروا والكلاسيكو بينهم (كالعاده) بيحدد ملامح البطل للمره المليون على التوالي لول.

ان شاء الله الفريقين يقدموا مبارة افضل من الكلاسكيو الماضي اللي كان سئ جدا على كل الاصعده.

 

[Unknown]

الهلال مستواه في نزول .. لا احد ينغر بمستواه قدام النصر .. لأن النصر كان مستسلم
امام الغرافه .. مباراه بلاي ستيشن كل الفريقين كان ممكن ينهزمون بنتايج تاريخيه

الهلال منحوس بالاستاد عكس الاتحاد المحظوظ .. لو مباريات الهلال كلها بالملز كان الاسيويه جابوها :laugh::

 

[Nintendo]

مبروك الدوري للهلال, المباره يمكن مانفتحت غير بعد الدقيقه 75 وشفنا شوي هجمات ولعب عشوائي من الفريقين, حتى الفرص الخطيره كلها من كور ثابته والفريقين لاعبين بتحفظ وخايفين من الهزيمة.

تتوقعوا تصير لاول مره بتاريخ الدوري انه الاول والثاني يخلصون الدوري بدون هزيمة؟ ذا الشئ يدل انه باقي الفرق بالدوري مالها اي داعي لول

 

[The Blue King 9]

مبروك الدوري للهلال, المباره يمكن مانفتحت غير بعد الدقيقه 75 وشفنا شوي هجمات ولعب عشوائي من الفريقين, حتى الفرص الخطيره كلها من كور ثابته والفريقين لاعبين بتحفظ وخايفين من الهزيمة.

تتوقعوا تصير لاول مره بتاريخ الدوري انه الاول والثاني يخلصون الدوري بدون هزيمة؟ ذا الشئ يدل انه باقي الفرق بالدوري مالها اي داعي لول

المباراة كانت نايمه في اوقات كثيرة الى آخر ربع ساعة صارت حريقه وحماس والنتيجة ممتازة لنا والي رفع ضغطي تعليق عشام الشوالي المباراة في وادي وهو في واحد وشغال محلل تحكيميز
اذا الهلال خذ الدوري بدون اي خسارة بنكون ثاني نادي يسويها بعد الاتفاق
لكن لو ينتهي الدوري مثل ماقلت انت الهلال والاتحاد بدون خسارة بتكون سابقة تاريخية لوول

 

[Khalid-S]

مبروك الدوري للهلال, المباره يمكن مانفتحت غير بعد الدقيقه 75 وشفنا شوي هجمات ولعب عشوائي من الفريقين, حتى الفرص الخطيره كلها من كور ثابته والفريقين لاعبين بتحفظ وخايفين من الهزيمة.

تتوقعوا تصير لاول مره بتاريخ الدوري انه الاول والثاني يخلصون الدوري بدون هزيمة؟ ذا الشئ يدل انه باقي الفرق بالدوري مالها اي داعي لول

بعد التعادل اليوم (الي كان منطقي تقريباَ) صار تحديد بطل هذي السنة بيد الشباب والنصر. ههههه يفوز علينا ولا عليكم الله اعلم. مع اني اتوقع الهلال بينهزم من الشباب او النصر وبيتوج بطل السنة بفارق ثلاث نقاط عن الاتحاد (احساس)

مستوى المباراة جداَ سئ. انفتح اللعب شوي اخر عشر دقائق وشخصياَ توقعت انها بتحسم للاتحاد في آخر دقائق. الاعبين المحليين كان مستواهم غريب. الاجانب في الإتحاد هذا الموسم صفر على الشمال. في الهلال ويلهامسون والفريدي الوحيدين الي كانوا في الفورمه اليوم (طبعاَ غير دفاع الهلال وحسن العتيبي الي شالو كم كوره خطيره).

مستقبل الهلال هذا الموسم جداَ مجهول.(خارج الدوري) حتى الان مافي مهاجم صريح ممكن نعتمد عليه كهداف. ياسر القحطاني عايش في كوكبه الخاص الي يوهمه انه فنان ومستوى ثابت وهو ..... استغفر الله. احمد علي لاعب مشي حالك.

اهداف الهلال كلها تجي من ويلي ورادوي.. وشوي من الفريدي والعابد.

اذا الدوري انتهى بدون هزيمه الهلال والاتحاد فمن جد بيدل على ان الانديه الاخرى ضعيفه جداَ. مش معقول ابداَ.

 

[The Blue King 9]

الف مبروك للزعماء الدوري مقدما بعد فوز الهلال وخسارة الاتحاد وتوسع الفارق الى 9 نقاط :
مباراة الهلال والاتفاق كانت درامية وممتعة لآخر دقيقة كنا خسرانين 2-0 وقلبناها 3-2
باقي لنا بس 6 نقاط من 18 نقطة للدوري اذا حطينا بالحسبان فوز الاتحاد في مباراياته القادمة كلها
وان شاء الله نكون ثاني فريق يفوز بالدوري بدون خسارة

 

[SCREAMING_RAGE]

شباب وش قصة قضية الرشوه اللي بين نجران و الوحده ؟؟

 

[The Blue King 9]

الف مبروك للأندية السعودية الـ4 الي تأهلوا لدور الـ16 اليوم :rockon:
الهلال والاتحاد بيلعبون ضد بعض في دور الـ16 في جدة
بالتوفيق للهلال

 

[إحساس]

^

ساعدتني في إيجاد الموضوع *_*

عموماً .. حبيت أهني كل نصراوي هنا ومن بينهم عبدالمحسن طبعاً :rockon:

أممم .. صراحه شي مشرف أن نادي مثل نادي النصر اللي كان يعاني في سنوات سابقة أنه يتطوّر بهذا الشكل ويصل إلى دور الـ 16 من دون لاعبين أجانب الا لاعب واحد فقط في الملعب .. وهذا أن دل فيدل على أن نادي النصر قاعد يتطوّر بشكل مذهل جداً ..

مشكلتنا سابقاً هي الأداره والثقافة الإدارية .. كنا نعاني من ثقافة الأداريين ومن تخبطهم في تصاريحهم الأعلامية ومن تهربهم عند الهزائم بأعذار تافهه .. في هذه الأيام الوضع أختلف كثيراً .. أصبح جمهور نادي النصر جمهور هادئ جداً قبل المباريات " على غير العادة " .. أصبحت الأدارة ذكية وهادئه قبل أي مباراة مهمه وأصبح تفكيرها فني أكثر من تفكير أعلامي " كالسابق " .. لم نرا أي بلبلة من قبل الأدارة قبل المباراة .. لم نرا أي تصاريح نارية من قبل الأدارة .. لم نرا تهديد ولا وعيد من قبل الأدارة كعادتها ..

وهذا أن دل فيدل على أن نادي النصر بشكل عام يتطوّر بشكل مذهل جداً جداً جداً .. ثقافة الفوز والهزيمة أصبحت أفضل بكثير من السابق .. أصبحنا ننهزم من الهلال ونرضى بالأمر الواقع ونقبل بالهزيمة على عكس السنوات السابقة .. كل هذه الأشياء أثرت بالشي الأيجابي على جمهور نادي النصر وعلى لاعبيه .. لاعبيه أصبحو أكثر توازناً بالملعب وأكثر حماساً للفوز بالمباراة .. ماعدا بعض اللاعبين طبعاً واللذي لن ينفع بهم أي شي لأنهم أنتهو رسمياً ..

عموماً .. نادي النصر حالياً مكتفي تماماً من جميع النواحي .. ماعدا ناحيتين .. ناحية اللاعبين الأجانب .. وناحية الأدارة " الفنية " وأقصد بها الكادر التدريبي ..

نحن نتشرف كجمهور بنادي سعودي يصل إلى دور الـ 16 من دون لاعبين أجانب .. اللاعبين المحليين يأدون حالياً أدوار أفضل بمراحل ضوئيه من اللاعبين الأجانب الموجودين لدينا .. وهذا شيء مشرف جداً .. لكن إذا أردنا فريق بطل فلابد أن نجمع مابين الشيئين .. لاعبين أجانب على مستوى عالي .. ولاعبين محليين على مستوى عالي ..

أي نادي في السعوديه يمتلك خيارات محدوده للاعبين الأجانب وهي 4 خيارات .. أي نادي يحاول أنه يستفيد الأستفادة الكاملة من هذه الخيارات على " عكس " نادي النصر اللذي يتفوق في الجانب المحلي على الجانب الأجنبي .. هذه المشكلة حلها بسيط جداً لكنه يحتاج الى حل آخر لكي تنحل هذه المشكلة أيضاً ..

المشكلة الأخرى واللتي يجب حلها هي مشكلة المدرب السيء جداً جداً .. مدرب يتخبط ويخرج لاعب قبل نهاية الشوط الأول ويدخل لاعب آخر .. بعد 25 دقيقه يخرج هذا اللاعب أللذي أدخله بشكل غريب جداً ..

هذه مشكلة لابد أن تحل .. لكن من ناحية أخرى لابد من الأدارة أن تتريث في هذا الأمر .. لايجب الأستعجال .. نحن الآن في منتصف بطولة قارية وإقالة المدرب هي أكبر خطاً ممكن يحدث من الأدارة .. فلذلك .. لابد على الآدارة حالياً أنها تركز على نصح المدرب وأعلامه بأخطائه .. ومن ناحية أخرى التفكير والتخطيط للموسم القادم والإيتاء بمدرب جديد يركز على نقطة الأجانب السابقة ويحلها ..

وبس .. و أحبك يانصر :inlove:

 

[The Blue King 9]

@آحسآس

انا هلالي وما احب اتكلم في مواضيع عن النصر
لكن اسمح لي هالمره اني اقول رائيي

اكبر مشكلة للنصر هي جمهوره
جمهور النصر عاطفي جدا تشوفه معصب ومقوم الدنيا ومدري ايش وبعدها يفوز الفريق وينسون كل شيء .!!
واكبر دليل ردود الافعال بعد مباراة باختاكور ومع انها طبيعي انك تفوز في ارضك على فريق اوزبكي لكن جمهور النصر نسى كل شيء وانجرف وراء نتيجة المباراة
النصر يحتاج ادارة واعية وكل جهودها على النادي
مو مثل الي قاعد يصير حاليا قبل لا يبدا الدوري على طول سمعنا على اعتراضات على اللجان وانها هلالية وخرابيط مدري وشي
وحتى بعد خسارتكم من الاهلي الادارة دخلت الهلال بالموضوع هلى ان التحكيم يريد اسقاط النصر عشان الهلال ياخذ الدوري .! والادهى ان الجمهور النصراوي صار يردد كل كلمة يقولها فيصل بن تركي سواء كانت صح ولا غلط
لوول احس اني شطحت برا الموضوع بقوة

بخصوص مباراة النصر ما شفتها الحقيقه لكن شفت الاهداف بس
اكثر شيء لفت انتباهي هو الجمهور الايراني الكبير الي حاظر وهذا غير المشاكل الي عارفينها في ايران ومع هذا النصر قدر يتقدم اول.! الصراحة تعتبر نتيجة ايجابية جدا والخسارة هذي تعتبر انتصار قوي بناءً على العوامل هذي

الله يعينكم على ذوباهان في ايران بعد الصراحة استبعد فوز النصر واقدر اقول انه شبه مستحيل بناءً على صعوبة الاندية الايرانية في ارضها

اما الهلال والاتحاد اتوقع فوز الهلال خاصتا بعد اقالة مدرب الاتحاد والهلال بيلعب كامل الحمد لله

والشباب بتكون مباراته سهله جدا لأن الاندية القطرية سهله جدا في ارضها

يعني اتوقع الهلال والشباب الى دور الـ8

 

[إحساس]

^

لا عادي حبيبي بالعكس .. أنا من الناس النصراويين المتعصبين لكن بنفس الوقت أول واحد يسب النصر وينتقده ..

هو صحيح كلامك عن جمهور النصر .. جمهور النصر مشكلته جمهور عاطفي و " محروم " بمعنى أصح .. جمهور يحاول أنه يبرر فشله بأي وسيلة كانت ..

لكن مع ذلك ماودّنا أننا نرمي كل الجهود الحالية ونركز على أشياء ماضية بدت تختفي بشكل كبير .. بداية الموسم والموسم الماضي والموسم اللي قبله نادي النصر كان نادي النصر على شكله المعتاد .. أدارة متخبطة بـ تصريحاتها وبأعذارها الواهية .. جمهور عاطفي مطبّل للأدارة ويردد الكلام حتى لو كان خطأ مثل ماقلت .. ولاعبين منتهين ماعندهم أي شي يقدمونه للنادي ..

لكن في الفترة الحالية يجب أننا نشكر الأدارة ونشكر اللاعبين على مايقدمونه .. أمام هذا الجمهور الرهيب وفي ملعب خارج ملعبك وأمام فريق يعتبر فريق عريق في إيران وتتأهل .. شي جداً يبشر بالخير لمستقبل نادي النصر خصوصاً أن الملعب ماكان فيه الا لاعب واحد فقط أجنبي وبقية اللاعبين محليين .. هذا يدل على أن نادي النصر يحتاج فقط لبعض الأصلاحات وراح يكون أفضل من الهلال يمكن .. ليش لا .. نادي الهلال يمتلك لاعبين أجانب على مستوى عالي وهذا اللي جعل منه بطلاً للدوري وبطلاً لكاس ولي العهد .. نادي النصر مشكلته أنه يعتمد بشكل أساسي على لاعبيه المحليين فقط .. لاعبينه الأجانب ماعدا لاعب واحد زيادة عدد فقط ..

أضف الى ذلك نقطة أخرى أن نادي النصر يمتلك " بنية تحتية " رهيبة جداً .. الناشئين حققو قبل أسبوع الدوري .. والبراعم حققو البطولة أيضاً " ماهي دوري بس بطولة فيها كل الأندية السعودية " .. أيضاً الشباب أو الأولمبي اللي حققو الكأس لسنتين متتاليتين " السنة الماضية واللي قبلها " .. كل هذي دلائل تؤكد أعتماد نادي النصر على العنصر المحلي ..

هذا بخصوص نادي النصر في الفترة الحالية .. بخصوص مباراة ذوب آهن .. صراحة أنا متفائل بالفوز وبنفس الوقت ماني متفائل .. متفائل بالفوز لأن عندنا لاعبين شباب نعتمد عليهم و لهم مستقبل مبهر مثل خالد الزيلعي ومثل أبراهيم غالب .. لكن بنفس الوقت أنا خايف لأن خبرة لاعبين النصر جداً ضعيفة في هذي المباريات .. أضف الى ذلك أن عندنا " أسوء " أظهرة في السعودية في الفترة الحالية .. عبده برناوي اللي أخطأ اليوم أخطاء فادحة جداً وسبب الهدف الثاني .. و أحمد الدوخي .. لاتعليق طبعاً ..

لكن إن شاء الله بعزيمة اللاعبين وأصرارهم راح نحقق نتيجة جيدة < حسيت أني فيصل بن تركي بهذي الجملة :laugh::

 

[Unknown]

الدور القادم


الشباب والسد .. الشباب بيتأهل :smug:
النصر وذوب اهان .. بنودع النصر :
الهلال والاتحاد .. مدري بس الهلال اقرب :fd3:

الاتحاد رجعوا كاندينيو للمره المليون :laugh::

 

[إحساس]

ماراح أحمّل الهزيمة لشخص واحد لأن الهزيمة مهما كانت فلابد أن الجميع يتحملها بلا إستثناء .. لكن أتمنى أتمنى من حسين عبدالغني أنه يصحح نفسه ويكون لاعب قدوة .. أتمنى مع أني ما أتوقع ذلك ..

مبروك لكل الأتحاديين وهاردلك للنصراويين .. هزيمة موجعة وخروج مبكر من دوري أبطال اسيا .. اللاعبين اليوم ماقدمو أي شي يشفع لهم .. المدرب لايزال بتخبطاته .. يخرج ظهير ويدخل ظهير آخر في آخر الدقائق وهو يحتاج لمهاجمين أكثر .. يخرج سعود حمود اللي كان له دور فعّال جداً في هدفين النصر في الشوط الثاني .. وأخطاء كثيرة ..

عموماً .. الوضع جداً طبيعي .. جمهور النصر صار عندهم " تبلد " حرفياً .. الهزيمة ماتأثر فينا .. قاعد أشوف الأهداف وحدة تلو الثانية وأشوف الأخطاء الغريبة من لاعبين النصر وقاعد أضحك حرفياً .. خلاص الأمر صار طبيعي جداً تعودنا ..

 

[SCREAMING_RAGE]

^
لك الله يا نصر........... لك الله .

الامل في كأس الملك ان شاء الله .

 

[DamagerX]

مبرووووووك تأهل الاتفاق للاسيويه

 

[The Blue King 9]

اتوقع النصراويين تعودوا على النتايج الكبيرة بما تفرق معهم.
لكن الخسارة الكبيرة هي دوري ابطال آسيا
والف مبروك للاتفاق التأهل

باقي أهم مباراة للأندية السعودية وهي الهلال والاتحاد في دوري الابطال
يارب يكون الفوز من نصيب الهلال :rockon::

 

[Classic Player]

والله ما أنتبهت لذا الموضوع , الله يبارك فيك فهد بس الخماسية حقت أمس خربت أم الجو

اكبر مشكلة للنصر هي جمهوره
جمهور النصر عاطفي جدا تشوفه معصب ومقوم الدنيا ومدري ايش وبعدها يفوز الفريق وينسون كل شيء .!!

دقيقة دقيقة معلييييش ستوب هنا , النصر له كم ما اخذ بطولة يا بلو كينق ؟ وشوف للحين الجمهور يحضر و يشجع و يآزر , الهلال لول .. سنتين ماتاخذون فيها بطولة ماتشوف أحد بالملعب ! وهالكلام من هلاليين مو من عندي و واقع ونشوفه

 

[F.JUBRAN]

والله ما أنتبهت لذا الموضوع , الله يبارك فيك فهد بس الخماسية حقت أمس خربت أم الجو

دقيقة دقيقة معلييييش ستوب هنا , النصر له كم ما اخذ بطولة يا بلو كينق ؟ وشوف للحين الجمهور يحضر و يشجع و يآزر , الهلال لول .. سنتين ماتاخذون فيها بطولة ماتشوف أحد بالملعب ! وهالكلام من هلاليين مو من عندي و واقع ونشوفه

جمهور النصر وفي جدا زيه زي الاهلي :inlove: بس النصر من جد جمهور عاطفي جدا .. اذا الفريق فاز على فريق من الفرق الكبيرة الجماهير يحسسوك انهم شالوا الدوري + جمهور النصر يطبل في الصغيره و الكبيرة للادارة الي كل يوم معاهم اعذار و حجج و ما بيمشي الا اذا انتقد الادارة في القراراة الخاطئة الي تسويها

الاهلي يبغاله فرمته في الدفاع و منطقة الحراسة جفين البيشي هذا الاعب حرام يلعب في فريق زي الاهلي يا عمي جفين البيشي انا اذا قابلته اضحك عليه الخليقة , اعرف واحد عندنا في الفريق كان من ناشئين الاهلي يقولي كان يضحك عليه في تمارين الفريق بس انتقل لوحدة لان الي في الفئات السنية اغلبهم !@#%%^*&% ونفس الشيء حصله في الوحدة مع حاتم خيمي طلع !@#$%^

انا الوالد ما كان راضي اروح الاهلي كله عشان الوضع المعفن الي في الفئات السنية

ياسر المسيليم يثبت للمرة الالف انه حارس خلللللص و خردة اقسم بالله امس هدف الرائد الثاني ما يدخل في حارس على الاقل متوسط .. و الله هدف يضحك :laugh::

في قرارت اساسية اذا الفريق يبغى على الاقل ان الموسم الجاي يكون من الاربعة الاوائل عشان الاسوية لازم يسووها الادارة ( آه يا زمن الاهلي سار يفكر عشان على الاقل يخشوا الاسوية )

1- ما يفرطوا في فيكتور لانه 100000000% اذا طلع من الاهلي على طول الاتحاد بيتعاقدوا معاه و تعال شوف كيف يشمت علينا العالم .. غلطة سيرجيو لازم ما تكرر

2- مارسينيو يتشوت بأقرب وقت و يجيبوا صانع العاب على مستوى

3- شماعة ولد النادي هذي لازم تنتهي لاعب ما يفيد الفريق مهما كان هذا الاعب ينحط على قائمة الانتقال و اولهم جفين و صاحب و السفري و المسيليم

4- يرحموا اهلنا من كثرة تغيير المدربين الي طفشت اهلنا في كل موسم ، لذي الدرجة ما يقدروا يفوروا للمدرب الجو المناسب !! و كل مرة نفس العذر ظروف عائلية ؟ ظروف عائلية مين يا عمي مدرب نمشيها ثنين تنبلع توصل لثلاثة لا يا حبيبي انت هنا قاعد تجيب ام العيد

5- تعاقدات محلية على مستوى و بالذات في منطقة المحور

 

[The Blue King 9]

والله ما أنتبهت لذا الموضوع , الله يبارك فيك فهد بس الخماسية حقت أمس خربت أم الجو



دقيقة دقيقة معلييييش ستوب هنا , النصر له كم ما اخذ بطولة يا بلو كينق ؟ وشوف للحين الجمهور يحضر و يشجع و يآزر , الهلال لول .. سنتين ماتاخذون فيها بطولة ماتشوف أحد بالملعب ! وهالكلام من هلاليين مو من عندي و واقع ونشوفه

دقيقة الحين وش علاقة وفاء الجمهور بالسالفة .؟ شكلك تحمست لوول
انا قلت جمهور النصر جمهور عاطفي وهذا الشيء واضح بعد خسارتكم بـ3 من الاتفاق شبيتوا على الفريق بعدها فزتوا على بختاكور وتأهلتوا لدورال16 في دوري الابطال وطيرتوا الفريق والحين خسرتوا 5 وشبيتوا على الفريق مره ثانية .! ولو تفوزون المباراة الثانية ضد ذوب آهن صدقني اغلب جماهير النصر بتنسى الي صار . و F.JUBRAN وضح اكثر اقصد

بعدين صدقني سالفة الوفاء هذي بتحصلها في كل الاندية الكبيرة مثل الاتحاد والهلال والنصر والاهلي والشباب الجماهيرية تبقى تشجع ناديها مهما صار ولو انت تذكر الدوري السعودي قبل 10 او 11 سنه تقريبا يوم النصر يلعب بكاس العالم وكان جمهور الهلال يحظر اكثر من النصر وتقريبا على 2003 و2004 كان اسوء مواسم الدوري السعودي كان جمهور الهلال والنصر وكل الاندية تقريبا ما تحظر للملاعب الا قليل مو مثل الحين الدوري صار اقوى واكثر حماس فطبيعي ان جماهير الاندية ترجع تحظر حتى لو كان فريقها ضعيف.