الموضوع الرسمي للبطولات العربيه و المحليه 11/10

[Sonic]

^

الشلهوب في الفترة الأخيرة صار سيء في صناعة اللعب و أنا أشوف العابد أفضل بس لو يترك الفلسفة....

المهم ما كنت أتخيل إني راح أقولها لكن الصراحة.....منتخب بلا نور...لن يرى النور

 

[Nintendo]

المسألة مش نور، مانختلف عن امكانيات نور ولكن امس لو اكثر من نور بالملعب ماراح تفرق لانه الاهداف اللي علينا إستهبال كلها، للاسف حاليا الكرة السعودية تمر بأزمة لاعبين جيدين، مافي لاعب تحس انه فعلا ممكن يشيل المنتخب للفترة القادمة ومافي النجم اللي ممكن يصنع الفارق غير انه مافي انسجام ومدرب جديد وعوامل كثيرة ضيعت المنتخب تماما.

العابد لاعب جيد ولكنه صغير وشاب وجسمه مايساعد كثير في مبارة بذا الحجم، يعني مش عيب انه المبارة بأرضنا وفي ظل الرطوبة العالية ومنتخبنا بنهاية المبارة يلعب على الواقف ومنتخب استراليا يجري!! وبعدين مش شئ غريب انه الموسم عندنا الى الان ما بدأ والعالم كله قاعد يلعب!! شئ طبيعي بيصير فرق كبير بين جاهزية اللاعبين.

 

[إحساس]

بخصوص هزازي .. أحياناً المدرب إذا وضع تشكيلة فيها مهاجم واحد يطلب من المهاجم أنه يرجع ورا ويستلم الكورة ويصنع ويهدّف بنفس الوقت ..

ما ذكرت هالشي لأني إذم ريكارد .. بالعكس خطته كانت جيدة أمام منتخب قوي مثل منتخب إستراليا .. صعب أنك تفتح ملعبك وخصوصاً خط الوسط وتخليه يلعب براحته .. التشكيلة أمس كانت مثالية .. يمكن كـ أسامي لاعبين أختلف شوي لكن كـ تشكيلة كانت مناسبة جداً ..

المشكلة بكبرها من اللاعبين .. لاعب مثل نايف هزازي " أعتبره من اللاعبين اللي ماخذين أكبر من حجمهم وبزيادة بعد " .. لاعب مايمتلك أي مؤهلات أنه يكون مهاجم محترف بمعنى الكلمة .. متميز في الكرات الرأسية .. وفاشل جداً في الكورة الميتة لما يستلمها .. فيه لاعبين يعتبرون أفضل منه بكثير من هالناحية " بغض النظر عن مستواهم " لكنهم يمتلكون هذي العناصر على الأقل ..

مو معناته أني أجيب ياسر القحطاني مثلاً للمنتخب لإنه يمتلك هذي العناصر على خلاف نايف هزازي .. لكن حبيت أوضّح أن أفضل السيئين عندنا مايمتلك منهجيات كرة القدم الأساسية .. فـ كيف راح يكون أداء المنتخب إذا كنت تعتمد على مثل هذولي اللاعبين ..

كل المعطيات مثل ماقال عمر كانت معنا .. الرطوبة .. ملعبنا .. جمهورنا .. أشياء كثيرة كانت معانا وللأسف ماقدم المنتخب أي شي يليق فيه .. منتخب يظهر مستواه بـ إجتهادات من قبل لاعبينه فقط ؟ .. مشكلة صراحة ..

الأسباب لو نذكرها فـ ماراح نقدر نحصرها .. أسباب كثيرة من بنية تحتية سيئة ومن تضخيم إعلامي غير طبيعي ومن كوادر تدريبية ضعيفة وما إلى ذلك .. عناصر كثيرة خلتنا نشوف منتخب بـ لاعبين دوليين ماهم عارفين يبنون هجمة تكتيكية صحيحة وحدة ..

 

[Nintendo]

نايف هزازي مهاجم بإمكانيات محدوده جدا (الرأس فقط)، ولمن تلعبه بمبارة مثل هاذي لوحده مع منتخب اقوى شئ عنده الكور الهوائية فأنت حرفيا منت عارف وش القصة، منقطيا اذا بتلعب قدام فريق مثل استراليا لازم تلعب كور ارضيه عشان تفوز بحكم فرق النية الجسمانية.

المشكلة مين البديل؟ ناصر الشمراني عمري ماعترفت فيه لاعب، ياسر....... لاعب منتهي، السهلاوي........ لاعب ما بدأ عشان ينتهي.. بإختصار مافي بديل جيد.

 

[Raheem]

والله المنتخب سيئ لابعد درجة منتخب بدون روح الاعب هنا يخلص المبارة يروح ياكل مفطحاات ويروح يسهر على احلى معسل
ما اقول الا الله يخلف علينا!!!!

 

[q8-gamer]

مبروك للمنتخب الكويتي المستوى وهاردلك التعادل اللي بطعم الخسارة

المنتخب الكوري ما هدد المرمى إلا في الهدف وفي تسديدة من خارج المنطقة في الشوط الأول

أفضل لاعبين في المباراة حسين فاضل وبدر المطوع

الأجواء في الملعب خيالية خصوصا لما سجلنا هدف التعادل

بعد النتيجة زادت الحظوظ للتأهل للمرحلة النهائية للتصفيات :rockon:

 

[Naserano]

كاس العالم 2014 و لا فريق عربي .

الأردن يقدر يسويها .

 

[Sir Guts]

يا شباب المنتخب السعودي بيتعدل ان شاء الله بس عطوا ريكارد فرصة يعرف الاعبين صح

و قولوا الحمدلله ان منتخب السعودية ماهو منتخب البحرين و الشاطر يفهمها على الطاير

 

[EPIC FAHAD]

انا الحين مقتنع قناعه تامه ان مشكلة المنتخب مهي مشكله اداريه او فنيه مشكلة المنتخب مشكله جيل كامل جيل اقل من عايدي جيل ممتلا بالتعصب والنفخ الاعلامي والاهم من هذا جيل لايملك طموح اتمنى ان السعوديه تتاهل لكاس العالم بس ماراح يصير هذا الابجيل كولمبيا الي هو الجيل القادم للكره السعوديه

 

[SCREAMING_RAGE]

الالتراس عاملها شغلها في بداية الموسم الرياضي لهذا العام في الدوري السعودي ................شعار التراس العالمي

مش بطال ابد هاه :/
*ما زلت معترض على تغير شعار النادي السابق *

 

[Raulioo]

محد رافع الراس من العرب غير منتخبي الاردن و الكويت والله..أداء رهيب للكويتيين وهددوا منتخب يعد من أقوى المنتخبات بآسيا ، اما المنتخبات الخليجية الباقية عليها العوض..3 او 4 سنوات على قدام انا فاقد الامل بمنتخبنا لكن عندنا منتخب شاب له امكانيات روعة ان شاء الله بيصنع لنا جيل ذهبي جديد بعد ما اتصدّى الجيل القديم خلاص..
المشكلة الدوري العماني ، يعتبر متواضع من حيث الامكانيات البنائية من ملاعب بمدرجات تعبانة واراضي تضحك من البكاء على حالها "دوريات الحواري أرحم منها" حتى ان الاندية العمانية ما مسموح لها بالمشاركة بدوري ابطال اوروبا لأن الملاعب ما مستوفية للشروط القياسية للفيفا ، ومن ناحية الاعلام حدث ولا حرج ، قناة وحدة تنقل المباريات اللي بمزاجها وبكاميرا وحدة فقط..الوضع كله مخربط عندنا واصحاب المناصب نايمين بكراسيهم وعلى كروشهم...ماشكله حيتطور الدوري بالفترة القريبة ابدا ، الوضع عندنا متوقف على ظهور طفرات من اللاعبين فقط و بفترة واحدة ومقاربة مثل الجيل الماضيي اللي جا بعد عقود من الانتظار ، اما انشائهم وتطوير مستواهم فالدوري ما بيكون الا له دور بسيط بهالشي على الحالة الكارثية اللي فيها واللي ناوي يستقر فيها فترة طويلة من الزمن...الاتحاد العماني يحاول يطور وله نية صادقة بهالشي لكن ما فيه دعم من اي جهة..!

 

[إحساس]

بالتوفيق له .. مع أني ماني مقتنع بالصفقة ..

 

[Boo22]

محد رافع الراس من العرب غير منتخبي الاردن و الكويت والله..أداء رهيب للكويتيين وهددوا منتخب يعد من أقوى المنتخبات بآسيا ، اما المنتخبات الخليجية الباقية عليها العوض..3 او 4 سنوات على قدام انا فاقد الامل بمنتخبنا لكن عندنا منتخب شاب له امكانيات روعة ان شاء الله بيصنع لنا جيل ذهبي جديد بعد ما اتصدّى الجيل القديم خلاص..
المشكلة الدوري العماني ، يعتبر متواضع من حيث الامكانيات البنائية من ملاعب بمدرجات تعبانة واراضي تضحك من البكاء على حالها "دوريات الحواري أرحم منها" حتى ان الاندية العمانية ما مسموح لها بالمشاركة بدوري ابطال اوروبا لأن الملاعب ما مستوفية للشروط القياسية للفيفا ، ومن ناحية الاعلام حدث ولا حرج ، قناة وحدة تنقل المباريات اللي بمزاجها وبكاميرا وحدة فقط..الوضع كله مخربط عندنا واصحاب المناصب نايمين بكراسيهم وعلى كروشهم...ماشكله حيتطور الدوري بالفترة القريبة ابدا ، الوضع عندنا متوقف على ظهور طفرات من اللاعبين فقط و بفترة واحدة ومقاربة مثل الجيل الماضيي اللي جا بعد عقود من الانتظار ، اما انشائهم وتطوير مستواهم فالدوري ما بيكون الا له دور بسيط بهالشي على الحالة الكارثية اللي فيها واللي ناوي يستقر فيها فترة طويلة من الزمن...الاتحاد العماني يحاول يطور وله نية صادقة بهالشي لكن ما فيه دعم من اي جهة..!

اكيد مو مسموح لهم بالمشاركة :laugh::

 

[Raulioo]

^^
أوووبس :laugh::
يالله عالاقل ضمنت واحد قرأ ردي :yuck::

 

[Sir Guts]

بالتوفيق له .. مع أني ماني مقتنع بالصفقة ..

بيني و بينك ولا انا ياخوي .. مالك معاذ "كان" لكن صار له 3 سنوات منتهي و الشكر يعود لإصابته الداهية!

 

[إحساس]

[video=youtube;cUihTs2Sc94]http://www.youtube.com/watch?v=cUihTs2Sc94&feature=player_embedded#![/video]

نصرٌ أنا .. نصرٌ أنا والنصر يجري في دمي

الله يعطيكم ألف عافية يا أحلى ناس في الدنيا .. ياجعلكم تفرحون ولا يخيب ظنكم يارب واحد واحد ..