الموضوع الرسمي للبطولات العربيه و المحليه 11/10

[F.JUBRAN]

مباراة منتخبنا بعد شوي .. الله يستر !

استراليا معروفين بالقوة الجسمانية الهائلة ومنتخبنا حي الله, راح اجيب العيد في ريكارد لو دخل الدوسري والموسى من البداية.. أساساً الموسى مدري وش يبي !!!


نبغى نور :sadwalk:

القوة الجسمانية مو كل شيء المهارة >>>>>>>>>>>> القوة الجسمانية منتخبنا او المنتخبات العربية عموما الي ناقصها الانضباط التكتيكي

 

[Vorg Zangief]

دفاع عمان الجهة اليسرى .. بالذات الظهير الايسر . هذا فاهم مركزه غلط . يشوف اللاعب التايلندي و مخليه ماخذ راحته و كل 5 دقايق ينفرد شنو هذا شيء مو طبيعي عمان @@ شفيهم @@

 

[Naserano]

تايلاند 3 عمان 0

واضح إن تايلاند راح تكون ضيف ثقيل على المجموعة .

 

[CODE-X]

راسلت نايك قالولي هذا طقم النصر الجديد تقدر تدخل على حسابي في تويتر و تشوف رسالتهم

لوول دخلت و شفت و قمت سألتهم زيادة انتم اللي مسويين هالشي ؟ قالي كوريكت ! ...... يا سلام بس على نايك !

 

[Nintendo]

عمان خسرت والامارات خسرت والله يستر على منتخبنا،، الدول الخليجيه قاعده تجيب العيد بالتصفيات الاولية

 

[Leon]

عمان و الإمارات قدموا مستوى هزيل بشكل غريب ! ، خسارة .

الله يستر على منتخبنا والله ، عناصر المنتخب الأسترالي مرعبة ، على فكرة المباراة هذه راح تكون فرصة عظيمة لتوضيح الفارق البدني بين المنتخبين .. لول .

مباراة مهمة و يارب يتوفق فيها منتخبنا بغض النظر عن المستوى .. يا رب .

 

[إحساس]

متشائم جداً للأسف .. بالتوفيق لمنتخبنا ..

 

[Vorg Zangief]

لكويت خسرانين للاسف .. تشووووووووووووووووو سجل

 

[F.JUBRAN]

مباراة منتخبنا و استراليا جابتلي النوم

 

[Vorg Zangief]

تعادلنا مع كوريا

 

[Naserano]

واو على مكان حسن معاذ !! واو .

اوكي عنده نزعة هجومية قوية بس ما ينفع أبد في المكان هذا واللي شاف مباريات الشباب في الموسم السابق بيعرف ليش .. نفس الكلام ينطبق على الوظائف المسندة لأحمد عطيف .
بعدين الظهير الأيمن من .... راشد الرهيب ! من جدك يا ريكارد eeved:


يتعادلون وأكون شاكر لهم .

 

[Vorg Zangief]

تعادلنا التعادل حلو مع كوريا

 

[Rookie]

يصص، صار اللي توقعته وتعادلنا بنتيجة 1-1

الحكم قهرني بس مو مهم الحين، أهم شي كسبنا تعادل ثمين *فلاشباكات أليمة لما كنا نخسر من كوريا 4-. O_O )

 

[Mansoury]

مبروك للمنتخب الكويتي ^^
اتمنى من كل قلبي انهم يتأهلون , اداء رائع في الملعب
استمتعت بكل دقيقة في المباراة و ما مرت دقيقه بدون حماس !!!
بالتوفيق للأزرق في المباريات الجايه ^^
و العوض على منتخبنا اللي خسران 3:1 -________-

 

[Sonic]

استراليا متقدمة علينا 3 - 1

خلي المجاملة تنفعهم

 

[إحساس]

من دون ما أتكلم عن منتخبنا السيء .. بتكلم عن المنتخب الكويتي اللي بصراحة يستاهلون أحلى تصفيق على ادائهم الرائع ..

لما تشوف مستوى اللاعبين كلهم بلا إستثناء تعرف أن المنتخب الكويتي تطور كثير .. كثير تطور .. تتكلم عن اللاعب وليد علي " أعتقد أسمه كذا " المقاتل واللي لياقته رائعة جداً .. قاعد يأدي أدوار مهمة جداً بالملعب .. من دونه ما أعتقد أن المنتخب بيطلع بهذا الشكل ..

أضف إلى ذلك الحلول الهجومية .. فهد العنزي .. اللي قاعد يأدي أدوار دفاعية وهجومية بنفس الوقت على الأطراف .. أدائه ممتاز وقاعد يسوي اللي عليه بقدر الإمكان ..

بدر المطوع .. الرائع .. اللي يعتبر هو المحرك الحقيقي للمنتخب الكويتي .. لاعب يغير منهج الفريق من لمسه وحده .. لاعب يعتمد عليه مدرب الفريق إذا حب إنه يبدأ تكتيه بأسلوب معين .. لاعب يوزع يمرر يسجل يدافع .. لاعب متكامل ويعتبر هو اللاعب " الحل " للمنتخب الكويتي ..

بالتوفيق للمنتخب الكويتي الشقيق .. قاعد يمر بمرحلة جداً ممتازة ولعل وعسى أنها ماتتوقف ..

أما المنتخب السعودي .. للأسف من جرف إلى دحديرة .. " جميع " اللاعبين بلا إستثناء يفتقدون لمنهجيات كرة القدم حرفياً .. من سيء إلى أسوء ..

المنتخب السعودي يمر بمرحلة إنهيار بالكامل .. لا شكل تكتيكي ولا شكل خططي يسير عليه الفريق .. كلها إجتهادات من قبل اللاعبين ..

بهذا الشكل ماراح نشوف أسم المنتخب السعودي إلا بعد مايوصلون لاعبين فئة الشباب للفريق الأول .. لأن بصراحة بهذولي اللاعبين ما أظن أننا بنشوف شي بالقريب القادم ..

 

[Naserano]

استراليا 3 السعودية 1

توقعت نتيجة أكبر ..

 

[persona]

المشعان ضيع المباراة في الربع ساعة الاخيرة بأنانيته المفرطة، والا الفوز كان بالمخبى مع هالهجمات المرتدة

منتخبنا عليه يفوز على لبنان رايح جاي عشان يضمن التأهل.

 

[إحساس]

استراليا 3 السعودية 1

توقعت نتيجة أكبر ..

ويجيك بكرة المحللين " الفاهمين " ويقولون والله المدرب ما إختار الأسماء المناسبة ولا قدر يوظفهم .. إيش تبغاه يسوي ريكارد إذا المعطيات اللي عنده ماهي قاعده تساعده ؟

لاعبين يفتقدون لأساسيات كرة القدم .. إيش أسوي لهم بالضبط أنا كـ مدرب ؟ .. أعلمهم كيف يمررون الكورة زي الناس ؟ .. كيف يسوون توزيعة طويلة من جهه إلى جهه إخرى ؟ .. كيف يثبتون كوره لوول ؟

أستغفر الله بس .. منتخب سيء جداً ..

 

[xxamerxx]

مبروك للكويتين على منتخبهم بغض النظر عن النتيجة لكنهم لعبوا بمستوى يشرف بلدهم لعبوا لاخر دقيقه الكل لعب بروح قتاليه عقبال ماتتأهلون ان شاء الله ..

المنتخب السعودي ااااه من منتخب لاعبين من انديه محدده ومازال التمسك ببعض اللاعبين ومعروف عنهم انهم ما يعرفون وش الكره اساسا كأنهم يلعبون بحواري , وين اللي يقول ان ريكارد له الحريه التامه انا اشوف ان الاسماء هي هي بدون اي تعديل بالعكس ممكن اسؤ كمان .
المشكله واللي رافع ضغطي بعض اللعيبه مستواها ممتاز بأنديتها لكن مع المنتخب عبارة عن خرفان جالسه تعلف وتنتظر تنتهي التسعين دقيقة وتروح للبيت .. معقوله لاعب منتخب ما يعرف يشوت بلنتي؟؟ معقوله منتخب لاعبينه بينهم عداوه ولا واحد فيهم متفاهم مع الثاني ..

والله ما يهمني فوز المنتخب ولا خسارته انا يهمني ان منتخبنا يبيض الوجه ويكون منافس ينخاف منه وله هيبته

 

[Nintendo]

اعتقد خلاص هذا الجيل اثبت انه ماعاد عنده شئ يقدمه، املنا كبير في منتخب الشباب انه يكون بشكل افضل بالمستقبل ولكن الشباب الحلوين بذا الجيل اعتقد خلاص مافي امل نشوف خير من وراهم

 

[Leon]

خخخخ 3 أهداف من كور ميتة و أخطاء مضحكة ، أبجديات أولية في كرة القدم .. تسليم كور+ كونترول .. صفر عالشمال ! ... لول .

 

[Sir Guts]

اخيرا البحرين فازوا:laugh: و لو ان المباراة توقفت 10 دقايق بسبب شغب من الجمهور الإندنوسي

ماعلينا انا مو حاط اي امل في المنتخب هذا .. السعودية اليوم لا تعليق ايش هذا؟ وين السعودية؟

وين المنتخب الي كان ياكل اليابان و كوريا و البقية؟ منتخب ميّت و كأنهم اول مرة يلعبون كورة الصراحة

و منتخب الكويت ماقول الا كفو عليكم تبيضون الوجه و هاردلك للإمارات و عمان الي عيب يخسرون من منتخبات زي هاذي مع احترامي لهم

 

[Wild Fox]

ريكارد المفروض استلم المنتخب و لعب مباريات الدوره الوديه و المباراه الاولى في التصفيات .. يعني على الاقل كان فهم الفريق اكثر .. هو يحتاج وقت و سواء فازوا ة لا انهزموا محد بيذمه او يمدحه .
اللعيبه المفروض تلعب من قلب اكثر .
كاس العالم 2014 و لا فريق عربي .

 

[Classic Player]

المشكلة من الاعبين مو من المدرب والله
لاعبين محترفين و ابداع في أنديتهم .. مع المنتخب ولا كأنه موجود

هنا دور الإعلام لازم يشبون في الاعبين و يمسحون فيهم الأرض عشان يعرف كيف يلعب بقميص بلده

 

[BioHazard]

معليش بس كيف اللاعبين يبدعون مع الانديه ويفشلون مع المنتخب؟ اللاعبين يلعبون ضد بعض وكلهم الله بالخير عشان كذا تشوف مستواهم زين مقارنه بالبقيه، لكن لا جت المباريات الدوليه تشوف الجد.

الصراحه ريكارد تفلسف شوي، حسن معاذ جناح؟ يجري على فشوش. احمد عطيف واغلب الكور مقطوعه من عنده. الشهري دخل ولعب كويس بس يحشرونه في جهه ولا يفتحون له. مافي اي تغيير لجهه اللعب كل المناولات مقروءه وبس اللاعب يبي يسلم الكوره عشان ما تنقطع منه، يعني ناول اوكي بس لا تناول لواحد بينحشر بين ٣. والله شي مقرف اليوم الي شفته.

انا ما الوم المدرب لانه الصراحه المعطيات ما تأهل بس ما اعرف ليش مصرين على هالشيبان الي باين انهم منتهين، شف حتى اللياقه بالاخير مافيه كريري مات وسط الملعب. بس برضه ما توصل المواصل انك تدف هجوم كذا عبط، تبديلات غريبه قتل فيها المنتخب وخاصه الوسط، ٣ مهاجمين وجناحين، مين بالوسط؟ تيسير وكريري بس! حتى يوم دخل السهلاوي صار لازم يرجع لين الدفاع عشان ياخذ الكوره.

المنتخب يبيله اعاده تدوير بالكامل بس الشي هذا ما بيصير الا لا بدآ الدوري وشاف ريكارد اللعيبه كلهم، وطبعاً تكون الكلمه الاوله والاخيره له (بالمشمش)، مع انه ريكارد يميل للشيبان.

شي مقرف والله المنتخب وان شاء الله بس ما تصير فضيحه وما نتأهل.

 

[awadnin]

شي طبيعي أن المنتخب صورته سيئة (تارك متابعة الكورة من سنوات طويلة)، طيب تقولون كيف حكمت وأنت ما تتابع؟!

المنتخب السعودي كلهم (غير محترفين بالخارج) حسب ما أعلم، يعني بالأساس يعتمد على (الدوري المحلي).

الدوري المحلي عندنا أسمه دوري المحترفين، يعني اسم على غير مسمى، لو كان بالفعل دوري محترفين كان شفنا الأندية مستقلة وكأنها شركات خاصة لها مجلس إدارة ولها مالك حقيقي.

إذا طبق الإحتراف بمعناه الحقيقي هنا أن شاء الله راح أتابع الدوري ومباريات المنتخب السعودي.

 

[The Blue King 9]

اعتقد ان مشكلة رأس الهرم مازالت موجوده ومستحيل تتصلح مع نواف بن فيصل
وش الفريق بينه وبين سلطان ؟ جاب ريكارد بس ؟
طيب ليش ماكان ما استغلوا اسابيع الفيفا عشان المدرب يتعرف على اللاعبين !!
خلاص انا شلت من بالي كأس العالم 2014 يالله ان شاء الله يتحسن الحال وخلنا نفكر في 2018 وعسانا نوصل بعد

 

[Jonas]

الي بيلوم ريكارد ما يفهم في الكورة , الحين يتأخرون لين ما بقى الا شوي و تبدأ التصفيات و يجيبون المدرب؟؟؟ و هو حتى ما شاف الدوري قدامه!
استلام الكرات و اللعب بدون كره لازم يشتغلون عليه كثير , و اهداف استراليا كان ممكن تفاديها بسهوووله. هزازي يحتاج صانع العاب ممتاز (الشلهوب) عشان يستلم كوره صح امس في كم لقطة هزازي يرجع للوسط عشان يستلم كوره

 

[Nintendo]

ماعتقد احد بيلوم ريكارد ولكن تضحك لمن يقولوا انه هو اختار التشكيلة وواضح جدا جدا جدا جدا انه مايعرف اللاعبين حتى ومراكزهم!!

الشئ اللي من جد يرفع الضغط انه الاهداف الثلاثة امس كلها غلطات من لاعبي الخبره!! الهدف الاول تغطية اسامه هوساوي سيئة للمهاجم والثاني غلطة حسن العتيبي وكريري والثالث استهبال من المنتشري!! اي خبره واي بطيخ