الموضوع الرسمي للبطولات الأوروبية لهذا الموسم 11/10

[Mesharey]

أوزيل عمل لقطة فنية رهيبة مع مدريد انصح الكل يشوفها. بجد مشروح لااعب كبير

تقصد هذي :

هنا لقطتين من المباراة :

مع الاسف ضيعها راموس، كرة ماتتضيع @_@

المباراة كانت باردة امس، مو نفس ديربي العام الماضي بالذهاب، كانت توتر رهيب بآخر الوقت XD

 

[hussien-11]

يا ولد يا أوزيل ! لعيييب

عموما المباراة كانت مملة بشكل فظيع !

و طبعا لقطة مورينهو واضح انه الرجال صار يقصد التمثيل قدام الكاميرا -__-

 

[Tanton]

مورينيو انسان خبل :laugh:: يا حبه للاستهبال

 

[Mr.Stars]

اوزيل افضل صفقة لهذي سنة لريال مدريد ، وتالي يجي دي ماريا و الله الريال مستوى فرق عن الموسم الي راح .. و كرفالهو وحش صراحةً لاعب ما عليه كلام خله دفاع الريال يصير اقوى لان يبغى لهم لاعب خبرة لان مارسلو و راموس لحين ما صرت عندهم خبرة كبيرة جداً .. و لو يجي بعد معاهم مايكون يصير افضل الدفاعات .. و مورينهو ما يستهبل اسلوبه جذي ..

 

[أوكازو]

يا اخوان فهد العتيبي يستهبل؟
سمعت له مقطع هدف توريس على تشلسي.. شي خرافي خرافي جداً التعليق
من زمان كنت ادوخ عليه و كمّلها الحين بالمقطع هذا...

و الجزيرة الخايسة مخلين أيمن جادة و حفيظ دراجي يعلقون ملاحم أوروبا!!!!
و إلا لا جاك عصام الشوالي مسوي لي فيها امرؤ القيس و يسجع حروف الجر حتى :tongue:

 

[JIN KAZAMA]

يا اخوان فهد العتيبي يستهبل؟
سمعت له مقطع هدف توريس على تشلسي.. شي خرافي خرافي جداً التعليق
من زمان كنت ادوخ عليه و كمّلها الحين بالمقطع هذا...

و الجزيرة الخايسة مخلين أيمن جادة و حفيظ دراجي يعلقون ملاحم أوروبا!!!!
و إلا لا جاك عصام الشوالي مسوي لي فيها امرؤ القيس و يسجع حروف الجر حتى :tongue:

ايمن جاده ضروري وهو يعلق ينحط فوق بوتجاز (فرن:yuck: عشان يسخن شويه ,يبرد المباراه بتعليقه لول

 

[squall leonhart]

يا اخوان فهد العتيبي يستهبل؟
سمعت له مقطع هدف توريس على تشلسي.. شي خرافي خرافي جداً التعليق
من زمان كنت ادوخ عليه و كمّلها الحين بالمقطع هذا...

و الجزيرة الخايسة مخلين أيمن جادة و حفيظ دراجي يعلقون ملاحم أوروبا!!!!
و إلا لا جاك عصام الشوالي مسوي لي فيها امرؤ القيس و يسجع حروف الجر حتى :tongue:

احسن معلق موجود على الساحه هو فهد .. مبدع بشكل غير طبيعي .. لو صدقت الاخبار بان الجزء القادم من فيفا بيكون معرب فما اتمنى غيره صراحه

 

[hussien-11]

اوزيل افضل صفقة لهذي سنة لريال مدريد ، وتالي يجي دي ماريا و الله الريال مستوى فرق عن الموسم الي راح .. و كرفالهو وحش صراحةً لاعب ما عليه كلام خله دفاع الريال يصير اقوى لان يبغى لهم لاعب خبرة لان مارسلو و راموس لحين ما صرت عندهم خبرة كبيرة جداً .. و لو يجي بعد معاهم مايكون يصير افضل الدفاعات .. و مورينهو ما يستهبل اسلوبه جذي ..

ما حكيت يستهبل ، حكيت "يمثل" و لا طبعا أسلوبه ما كان هيك أيام بورتو ، ما كان استفزازي بهالشكل بس الدوري الإنجليزي علمه الكثير خخخخخخخخخ

أوزيل >> سنايدر

حفيظ الدراجي سلامتك و المشمش ! لما شفت مباراة مدريد و الأتلتكو ، مع اني مو مدريدي إلا اني تضايقت من تعليقه ! أي مخالفة لمدريد .. تسلل يا سيدي الحكمممم



و أي مخالفة على الأتلتكو .. قرار خاطىء يا سيدي الحكممممممم و اللاعب ليس متسلل

و دوشنا بالقرارات الذهنية و الحالات المحلية ! تفلسف كثير صراحة

 

[Tanton]

حفيظ الدراجي من أسوء المعلقين عندي .. ما أقدر أشوف مباراة اهو يعلق فيها

 

[JIN KAZAMA]

حفيظ الدراجي من أسوء المعلقين عندي .. ما أقدر أشوف مباراة اهو يعلق فيها

هذاك لما تعاقدوا معه تعاقدوا معه على اساس انه كامل المواصفات (معلق - حكم - محلل ) كله في واحد
بس للامانه دمه خفيف لول

 

[squall leonhart]

حفيظ الدراجي من أسوء المعلقين عندي .. ما أقدر أشوف مباراة اهو يعلق فيها

اوه لا تغلط على حفيظ .. لووول المعلق ذا يحول اي مبارة حتى لو كانت مملة لمهرجان من الضحك و الكوميديا بالنسبة لي .. الله بحفظه لنا بس ^_^

 

[Vorg Zangief]

انا يعجبني ايمن جادة .
من يوم ما قال "اوليفر بيرهوف المنقذ ينقذ الألمان من جديد"

 

[Double T]

مافي معلق في الكرة الارضية مزعجني زي حفيظ الدراجي ،،، و المشكلة انه يعلق مباريات ميلان كثييييييييير

 

[إحساس]

^^

بالضبط .. كل يوم ناشب في مباراة ميلان ..

 

[Mr.Stars]

صراحةً مافي على الشوالي و بن خليف و الكعبي من افضل المعلقين اما يوسف سيف مااطيقه بالمرة .. :confuse:

 

[BlackBird]

حفيظ ناشب في مبارايات الميلان بس عشانه ميلاني
وعلى مباراة الريال يوم علق تحسه مقهور من الريال يقول هذا مو ريال مدريد هذا ريال مورينيو
بس عشان ميلان انهزم واتعادل في هذا الموسم !!! -_-

وعلى سالفة المعلقين أنا ما أحب اتفرج على عصام شوالي بحكم إني مدريدي والسبب مزعجنا ببرشلونة :sarcastic:
وحفيظ وأيمن أول ما أسمعهم أقلب عالتعليق الإنجليزي.
والي يعجبني صح علي محمد علي مهما كان انتماءه تحسه يعطي كل فريق حقه فالتعليق وما يخش فالفريق المنافس ويعجبني رؤوف خليف لو كنت تشجع فريق وما كان يلعب ضد الميلان :laugh::
والي اتمناه يجي الجزيرة الرياضية هو فارس عوض

عارف حكيت قصة حياتي بس انجرفت مع السالفة :tongue:

 

[أوكازو]

رؤوف بن خليف أفضل الموجود من كديش الجزيرة.

- أيمن جادة و لخضر بالريش -حق الاستديو الاسباني- متعصبين برشلونيين بشكل مقزز جداً
طبعاً مقززين مو لأنهم يشجعون برشلونة.. هو من حقهم بكل تأكيد
لكن اللي يقزز صدق هو انهم يظهرون هذا الشيء دون أدنى مواراة و ما عندهم أي مشكلة!

أجل أيمن جادة يقول هيركلوس هو الاختبار الحقيقي لمدريد و مورينهو :tongue:

- حفيظ -كان يعجبني- بس حقيقة لما بديت اتابعه صار أبو نعال
التسلل اللي انحسب على أوزيل بالمباراة الأخيرة و هو مب تسلل .. أبلشنا .. لا لا لا تسلل زي ما قال حسين
مشكلتي عموماً مب من هالنقطة .. المشكلة انه يورد معلومات مغلوطة بالهبل .. يعني التوليفة ما تعوق معه.. سواءً معلومات عن اللاعبين أو لعبة كرة القدم عموماً!
اتذكر انه ولف عن قوانين التحكيم بمباراة الريال و اتليتكو.. ثم استحى على وجهه و قال مافيه قانون حرفي كذا.. بس المعنى العام يعني كذا :tongue:

- علي محمد علي + علي سعيد الكعبي ممتازين.

- يوسف سيف.. كان يعجبني.. لكن مؤخراً كل ما يعلق مباراة لمدريد لازم يطيح سب بمدريد
و مدي وش السبب صراحة.. هل لأنه مدريدي و يحب يقول هاااه شوفوني تراني ماني متعصب.. مدري عنه و الله!

- الفقاعة عصام الشوالي... ما عنده غير كثرة القرق و القيل و القال و كثرة الكلام..
و جاءت الكرة في الماصورة.. الماصورة المعووجة.. المعووجة المتنحة.. الماصورة البيضاء.. تلك التي خلف الحارس.. اللي لابس.. لبس بقدونس :tongue:
ارحمنا يا نزار قباني تكفى ارحمنا!


حقيقة الحين.. فهد العتيبي و بس.. و يا ليته وقع للجزيرة و اطربنا بالديربيات و دوري الأبطال بس.

 

[Byakkino]

على طاري المحللين والتعصب

أكبر محلل متعصب شفته في حياتي .. التوبيلي من دون مبالغه كل كلامه عباره عن : الإنتر كويس وحلو واليوفي وع وشرير .. الأنتر اطلق فريق واليوفي والميلان فاشلين .. اذا فاز اليوفي : فاز لضعف الفريق الخصم .. اذا فاز الانتر : نعم هذا هو الانتر العظيم
​

 

[squall leonhart]

على طاري المحللين والتعصب

أكبر محلل متعصب شفته في حياتي .. التوبيلي من دون مبالغه كل كلامه عباره عن : الإنتر كويس وحلو واليوفي وع وشرير .. الأنتر اطلق فريق واليوفي والميلان فاشلين .. اذا فاز اليوفي : فاز لضعف الفريق الخصم .. اذا فاز الانتر : نعم هذا هو الانتر العظيم
​

ايوه من جد قمة التعصب .. بعدين دايما يدمح الفريق لو فاز حتى بدون مستوى و يسبه لو خسر حتى لو كان ما يستحق الخسارة .. فرق عن الاسطورة الحقيقية تشزاري مالدني :inlove: مع انه ميلاني الا انه وقت التحليل محايد و يحطي كل ذي حق حقه ..

 

[إحساس]

- الفقاعة عصام الشوالي... ما عنده غير كثرة القرق و القيل و القال و كثرة الكلام..
و جاءت الكرة في الماصورة.. الماصورة المعووجة.. المعووجة المتنحة.. الماصورة البيضاء.. تلك التي خلف الحارس.. اللي لابس.. لبس بقدونس :tongue:
ارحمنا يا نزار قباني تكفى ارحمنا!


حقيقة الحين.. فهد العتيبي و بس.. و يا ليته وقع للجزيرة و اطربنا بالديربيات و دوري الأبطال بس.

فطست ضحك على الماصوره .. فعلا عصام الشوالي كان يتغنى بـ اسلوبه بالتعليق .. لكن خلاص هذا الاسلوب صار ممل جدا ولازم يشوف له شي ثاني ..

وبخصوص فهد العتيبي .. بصراحه انا ما اتابع الدوري الانجليزي ابدا لكن .. سمعت تعليقه على هدف توريس الثاني على تشيلسي .. صراحه هالتعليق يبين ان الولد رهيب بمعنى الكلمه ..

 

[Mesharey]

وعلى سالفة المعلقين أنا ما أحب اتفرج على عصام شوالي بحكم إني مدريدي والسبب مزعجنا ببرشلونة :sarcastic:

الشوالي مدريدي بالمناسبة ..


انا اشوف المباراة وبس ما انتبه للتعليق XD
بس يعجبني الشوالي وفهد العتيبي وفارس عوض وعدنان حمد ويوسف سيف @_@

 

[Uzumaki Naruto]

التعليق الانجليزي +1

 

[JIN KAZAMA]

الشوالي مدريدي بالمناسبة ..

متاكد؟

 

[Vorg Zangief]

الشوالي برازيلي مدريدي .
هذا شيء اكيد 100%

 

[Byakkino]

متاكد؟

هو قايلها بنفسه في احد الفيديوات شايفها في يوتوب بس ما يحظرني اسم الفيديو حاليا

تعديل : لقيت الفيديو
http://www.youtube.com/watch?v=3c7bBTP3Yt8&feature=player_embedded

 

[F.JUBRAN]

التعليق الانجليزي +1

-100 اسوء معلقين هم الانجليز باردين لدرجه تقهر المباراه نار وماتسمع صوت المعلق الا وقت الهدف

بخصوص المعلقين حاليا مافي افضل من الشوالي و رؤوف و الكعبي تعليقهم يدخلك جو في المباراه و يعطوك معلومات رهيبه

و ليش اغلب المدريدين يكرهوا الشوالي هل لانه دايم يمدح في برشلونه ويقول حقيقه انه برشلونه افضل فريق في العالم ؟

 

[Uzumaki Naruto]

لول أنا عكسك جبران.. هدوءهم يعجبني وحماس وصراخ العرب يعور راسي. وأنا أنقهر اذا المعلق قال اسم اللاعب غلط (أكيد طبيعي تصير والكل يغلط) بس في حدود. غير اني ما أشوف له داعي انهم "المعلقين" يقولون اسم كل لاعب يستلم الكوره لا ويقولونه غلط بعد.(على ان في معلق انجليزي بالجزيره دايم يغلط بأسامي اللعيبه)

وطبعاً المشكلة الأزليه وهي الحياديه, ما أتوقع حتى يحتاج أتكلم عن العرب فيها. بينما الانجليز أغلب الي أشوفه منهم هو الحياديه (ما عمري حسيت أصلاً انو في تحيز لنادي في البريميرشيب) ولا في التشامبيونز ليج

وأكثر شي يعجنبي في تعليقهم انو كثير يقول المعلق شي أنا كنت أفكر فيه بعد ما صار شي بالملعب(مثلاً اذا صارت ربشه أو احتكاك بين اللاعبين يعلق عن الي سببها بتمثيل من اللاعب أو غيره, ما لاحظتها بالعرب). العرب دايم يقولون الواضح.

لول وتراني أتكلم عن تعليق يا شباب D: (لاحد يطب علي ويقولي منحاز للغرب ولاشي. ولو اني ممكن أكون)

 

[Raziel]

^
هذا الرجل يقول كلام جميل جداً
إضافة إلى انني أتمنى الجزيرة في يوم من الأيام تفعل خدمة مشاهدة المباريات بصوت الجمهور فقط لا معلق أجنبي ولا عربي
عن نفسي وصلت لمرحلة ما أحتاج لمعلق كل اللي أبغاه أشوف المباراة كأني الحضور ..

 

[أوكازو]

وعلى سالفة المعلقين أنا ما أحب اتفرج على عصام شوالي بحكم إني مدريدي والسبب مزعجنا ببرشلونة :sarcastic:
:tongue:

عصام مدريدري و قالها بنفسه.. و أيضاً يوسف سيف
لكن مدري وش مشكلة المعلقين المدريديين.. هل انهم يحاول ادعاء الحياد بسب ريال مدريد؟
أنا ما اقول خلوكم مثل الزلايب -لخضر بالريش و أيمن جادة- بس خلك معلق حيادي
سمعت فيما سمعت إن فهد العتيبي مثلاً مانشستراوي.. و مع ذلك سمعته يعلق مباريات لمانشستر بالهبل و عجزت امسك عليه أي شيء يبين تشجيعه لمانشستر هذا فضلاً عن التعصّب!

عصام الشوالي مثلاً تكلم عن المباراة اللي فاز فيها ريال مدريد 11 - 1 على برشلونة و قال معروف إن الجيش الأسباني تدخل في هذيك المباراة بين الشوطين و هدد لاعبين برشلونة بالقتل :laugh::
بناءً على موقع كوووورة طبعاً من قسم برشلونة هناك :S <-- ما قال هالجملة طبعاً

و بغض النظر.. أنت منت ملزم تقول هالكلام اللي على الأقل غير مقطوع بصحته.. رغم أن الشواهد كثيرة جداً و ثابتة بصحة النتيجة!

فـ حقيقةً مدري وش مشكلة هالناس بالضبط.. يحسبون اللي أكثر يتكلم هو أبطل معلق بالعالم :S

-----
و بالنسبة لي.. مؤخراً صرت اتابع المباريات على ESPN و معلق انجليزي بطبيعة الحال
شخصياً أفضلهم على العرب.. هدوء + معلومة + نقاش = اطلق تعليق :inlove:

على طاري المحللين والتعصب

أكبر محلل متعصب شفته في حياتي .. التوبيلي من دون مبالغه كل كلامه عباره عن : الإنتر كويس وحلو واليوفي وع وشرير .. الأنتر اطلق فريق واليوفي والميلان فاشلين .. اذا فاز اليوفي : فاز لضعف الفريق الخصم .. اذا فاز الانتر : نعم هذا هو الانتر العظيم
​

التوبيلي هو هذاك الإيطالي اللي حاط سكسوكة؟ :laugh::
إن صار هو فهو تحفة من جد :laugh::
أنا شفته مرة وحدة بس و عرفت انه انتراوي متعصب
يوم كان ابراهيموفتش يطرّي الانتقال من الانتر.. مسح فيه الأرض.. خلاه قرافسين على غفلة.. خلاه مايسوى الجزمة اللي لابسها :laugh::

 

[Tanton]

هل أنا الوحيد اللي يشوف صوت فهد العتيبي يشبه صوت عيسى الحربين :tongue: