لو لسه ما وصلكم العلم. النسخة العالمية لأحدث كتابات مايدا-سينسي لها نازلة فوق الأسبوعين @_@
بعد ما في 2022 طلع وتكلم كيف أنه خلاص ما عاد رح يكتب عمل أنمي مستقبلا بسبب التنمر الي جاه (لا تتنمروا يا TG!) الكثيرين اعتبروه صار منتهي بعد ما خلاص صار لا كاتب أنمي ولا روايات مرئية (لسه في 3 ينتظروا تكمله Angel Beats). لكن بعد إعلانه ذاك بكم يوم فقط. نزل Heaven Burns Red الي له فترة شغال عليها. اللعبة الي الشيبان في البداية قالوا أنها مجرد محاولة بائسة من عنده عشان يستخدم اسمه لآخر مره ويحصل له كم ينً طيبً من حيتان الجاتشا الي يحبوه قبل ما خلاص يتقاعد رسمي. لكن الي ما حسبوا حسابه حصل! طلعت اللعبة مكتوبة بكل حب وشغف يحسسك أن مايدا فعلا يبي يكون هنا معانا ومو جالس يحاول يزرفنا! الحب فيه وصل أنه يسولف عن البيسبول! ظاهرة لا تحصل كل يوم!
ايش هي القصة؟ غزاة فضائيين دمروا العالم وأنت الآن رح تعيش الحياة اليومية لإحدى البنات المجندات المختارين الي عندهم القدرة على أنهم يجابهوا الأعداء. ليه لازم بنت؟ فين الرجال؟ الرجال موجودين لكن في قواعد عسكرية ثانية جالسين كمان يقاتلوا في جانب ثاني من اليابان. كل هذا طبعا عشان يتم منع الاختلاط والتركيز فقط على الجانب الرجولي في سرد حياتهم العسكرية من دون بدأ علاقات لا حاجة لها
وبعد شويتين عشان الأولاد ما يبيعوا مثل البنات للأسف الشديد.
طيب فين الحماس في القصة؟ غير قتال الفضائيين المكسورين الوسخين ذول. الشخصيات نفسها ما عندها فكرة عن أي شيء يخص الميليتري. والشكوك ذي بعد عنصر ثاني يخلي تركيز العمل ينقسم عليهم. ايش الميليتري مخبين من اسرار؟ كيف بالضبط الشخصيات حصلوا على قواهم؟ في كثير تساؤلات ثانية تبدأ تنبني لكن كل واحدة فيهم المفروض تنكشف في لحظتها فما ودي اخربها الآن. + لو جربت عمل واحد من مايدا-سان المفروض تعرف كيف جو اعماله ومتى الحماس بالضبط @_@
المحتوى القصصي فيها حاليا يعطي +60 ساعة قراءة بالراحة ويا ريتهم كانوا أكثر ,_, حاليا القصة توقف على نقطة كويسة بالرغم من أنها كليف هانجريه نوعا ما لكن الفصل الرابع رح ينزل نصفه بعد كم يوم والنصف الثاني ممكن ينزل قريب مع الرتم الحالي المستعجل للنسخة العالمية. الفصل الخامس هو حاليا أكثر شيء موصله فيه النسخة اليابانية الي المفروض متقدمة علينا بفوق السنتين !_! هذا مع 26 إيفنت لسه ما وصلونا كل واحد فيهم يحتوي على محتوى قصصي ممتاز من ضمنهم إيفنتين ل Angel Beats عليهم مدح هائل في كيف محافظين على روحها, مش متأكد لو يعتبر Sequal مباشر لكني عارف أنه لازم تتابع الأنمي عشانه. *باقي ألعاب الجاتشا تكتب التعاونات فيها وهم مراعين أنك شخص ما عندك أي فكرة مين الي قدامك*
الخيارات في القصة معظمها بس تغير في النكت لكنها تمشي معاك حتى قدام. عادي بعدين تلاقي خيار من عندك أثر في مجرى حوارات الشخصيات وبعض ذي التأثيرات حتى شفتها توصل للإيفنتات! فيعني أنك تعيد تختيمها من جديد لكن ذي المرة مع خيارات ثانية عشان تشوف التغييرات الي رح تطرأ فعلا worth it @_@ من الي شفته حتى بعد في CGs محصورة للخيارات ذي لسه ما انفتحوا لي عشاني ما اخترتهم.
الفصول القصصية تنقسم لأيام. الأيام فعالياتها مش ثابتة. في أيام رح تشوفهم أول ما يصحوا, في أيام رح تشوفهم في الطابور الصباحي, في أيام رح تشوفهم ياكلوا في المقصف وفي أيام يتعلموا ويتمرنوا. في معظم الأيام ذي رح يسمحوا لك بحرية الحركة داخل المعسكر عشان تروح تسولف مع الشخصيات... والي هو هاي لايت اللعبة @_@ المجانين خلوا طاقم الشخصيات يحوي على فوق ال 50 شخصية كلهم Voice Acted في كل الكلام الي يقولوه! والأداء الصوتي لهم...
قمة ,_, *المقطع المحجوب مش حرق فعلي لكنه من الفصل الثالث لو لسه محد وصله*
كل الشخصيات ذي جذابة وتثير الاهتمام بطريقة أو أخرى! حتى لو في البدايات ما كانوا, أول ما تسمح الفرصة لهم أنهم يبرزوا رح تشوف كيف أنهم فعلا كويسات ومش أحاديات البعد ,_, هو هنا معظم تركيز الإيفنتات على أنه يوريك ذي الشخصيات. وما ابالغ لو قلت أن أكثر لحظة أثرت فيني في القصة كانت مع إيفنت لشخصية جانبية ومش حتى من القصة الرئيسية.
طبعا العناصر فوق ذي مش يعني اليوم كامل يمر على واحدة من عندها, هو الأيام صايرة خليط بينهم عشان ما يطلع شكلها روتيني ممل. وفعلا ولا لحظة مليت من عندها.
ما في أي بخل بال CGs هنا وكمان يقدموا عروض 3D كاملة للحظات القصصية المهمة. الجيم بلاي نفسه جانبي والجزئيات الي تجبرك تلعب ما تشكل غير حيز صغير من التجربة غير أنه ال Auto يمشيك حرفيا في كل الجزئيات هنا ما عدا قتال واحد في آخر إيفنت نزل حاليا لو لعبته بنفسك رح يأخذ من عندك أقل من 5 دقائق بس عشان تعديه.
أغاني اللعبة كلها من كتابة وتلحين مايدا-سان ومن غناء ياناجيناجي. وخلال القصة رح تتكون فرقة غنائية من البنات رح تكون كمان أغانيهم كلها من تلحين وكتابة مايدا-سان والغناء رح يكون من XAI و... سوزوكي كونومي!!!!!!!!!! أحسن مغنية في الحياة جابوها هنا تقدم لنا أغاني من دون حد طالما اللعبة مستمرة! أغاني الفرقة معظمها ممتازة وما عندهم أي أغنية سيئة! كيف ممكن يطلع من عندهم سوء وسوزوكي كونومي معاهم؟ يعني ياناجيناجي لحالها Powerhouse وتضيف معاها سوزوكي كونومي بعد؟ كيف ما تكون لعبتك عندها أحسن Vocals في التاريخ؟ هذا ما يكفيك؟ أغنية ال Ending بعد من مغنية ثانية محد يعرفها *ججك من دون ال ج*
تبي تستمع لشويتين من عندها من دون حرق قوي:
أغنية ال Main Menu وأغاني القتال الي كل ما طلعوا تمنيت لو اللودينج عندي وشخصياتي كانوا سيئين عشان ما توقف ,_,
أول أغاني الفرقة. أكثر لحن ايقوني لهم وفيه له نسخ ثانية. مش المفضل عندي لكن البقية طعمهم يكون أحلى يوم تسمعهم في اللحظة الي ينكتبوا فيها مع القصة.
حاليا مبسوط جدا في التجربة وكمية المفاجئات فيها الي ما تجي على البال ولا الخاطر @_@ هي أحلى قصة قرأتها ذي السنة و 10/10 واقدر أشوفها لو طولت مع كم سنة وكملت على ذا المستوى تكون جزء من عندي لا يتجزأ ,_,
)، خاصة يوم الرواية تفصل بالمشاهد العنيفة اعتقد بس تقرأ وصف عملية قتل كريبي من ان تشوفها هع، خصوصا يجيك ذاك الاحساس ان أوروبوتشي مبسوط وهو يكتب هذا 
