المعاش ما يكفي؟

[FARES_]

السلام عليكم

المعاش ..

هو موضوع لفت نظري من البيئه حولي..

كثير منا.. يشكي حاله للناس ويتحلطم
شخصيا تكلمت مع شخص من الدوام حديث قصير

فتح الموضوع واهو قايل " ياااخي احباط نفسي لما تستلم معاشك ونازلك 600 وشي تحس معاش خدم او نطر منهم " نقطة .
يمكن صحيح معاشك قد الحال نظرا لأنه شهادتك ثنوي لا اكثر وبالأصل انت دوامك حكومي لا تتوقع معاشك بيطير فوق مثل الي يشتغلون بالنفط على سبيل المثال
انت قبل لا تتحلطم عالنعمه الي انت فيها.. ليش ما تقول الحمدلله؟ ليش ما تشوف الي مو قادر يوكل عياله.. ليش ما تشوف يدور شغل ومو حاصله بسبة الواسطات !

المسأله هنا تعتمد على طريقة اصرافك للمعاش... كيف؟
ممكن يكون معاشك 1500 دينار بس يصفالك 200 اخر الشهر
وممكن معاشك 700 ويصفالك 300 دينار بالشهر

حط ببالك ان تشتري شي انته بحاجه له مثال اكل ومشرب.. المطاعم خلها اسبوعيه مو يوميه,,
ماراح تموت اذا تميت على خبزه وجبن او توست لمده اسبوع منها رجيم يا رجال هههههه

انا هنا اعطيك حلول حسب تفكيري الشخصي بخصوص طريقة التوفير

- لا تدبس نفسك بقرض كماليات وانت بعز شبابك
- نظامك تتغدا برا وتتريق برا كل يومين ثلاثه هالتغير حلو...بس ترا اكل البيت هم زين بعد
- السفر لاحق عليه.. منت ملزوم تسافر كل سنه مني ومناك ترا يبيلها مصاريف
- حاول ما تعود نفسك عالمطاعم دووم.. سويلك جدول مره بالأسبوع بالويكند مثلا
- ستار بكس كل صباح؟ سولك كابوجينو بالبيت واخلص انا مجرب اوفر ريتد
- دايما اذكر ربك على كل فلس بأيدك لأنه غيرك يجمع الخرده سنين...
- احرص ان يكون حلال مو خامد ببيتك وتروح تطق البصمه وترد على ابو دوامك فلاتي !
- افتحلك حساب توفير ثاني يفصل عن معاشك نسبة معينه ولو قليل
- جربت تكون بيتوتي؟ جرب راح توفر مبالغ ما كنت متوقعها.. الفراره ما وراها غير الخساير
- راعي ماركات؟ اكشخ مو مشكله بس مو كل شهر تطير معاشك كلا على فنيله فيرساتشي ؟
- لما تروح مطاعم.. احرص انك تشتري بطل ماي او بيبيسي من اقرب بقاله ولما تطلب قولهم ما تبي مشروبات بس اكل..
لانه بطل الماي بالقاله ب100 فلس وبالمطعم نفس الماي ب780 بس عشان صبه لك بقلاص...
- منت ملزوم بموتر سبورت.. اخذلك شي يوديك واييبك ويكون موديل يديد وبسعر حلو
- لا تطالع فوقك.. ارقبتك تنكسر ترا مهما كدييت ماراح توصل مواصيل عيال الجخ والتجار ولا حتى جستن بيبر
تذكر المثل ( لو تجري جري الوحوش غير رزقك ما تحوش )...
كل واحد منا مكتوبله رزق معين بالحياه ماهي شهادتك بترفعك لهم ولا دوامك مرتين باليوم بيخليك تعيش حياتهم
صحيح بيزيد معاشك لكن ماراح توصل للطبقة البرجوازيه .. تظل فرد من الطبقه الكادحه بمعاش افضل لا اكثر
فلي عليك انك تقتنع باللي عندك وتقول الحمدلله على كل حال .

بالنهايه .. ما عندي سالفه بس حبيت افضفض شوي معاكم
واتمنى يفيد البعض كلامي..

تذكرو يا جماعة ماهي الفلوس الي تجيبلك السعاده... اهي مجرد سبب بالحياه
المفتاح في القناعه ,, دامك مقتنع بلي تستلمه كل شهر صدقني ترتاح

لا تحط ايدك على خدك وتتحلطم تقول... اوه صديقي نفس شهادتي ببكالريوس كذا بس معاشه دبل وانا على معاشي طايح حضي
وعارف لكل انسان ظروفه وصحيح فيه ناس ممكن ما يكفيه فعلا لأنه المسؤوليه تتراكم عليه بس كل من يقدر يدبر اموره بطريقته !

اذا عندكم نصايح معينه ممكن تضيفونها او استراتيجيتكم في التوفير... تفيد الناس الي عالحديده نهايه الشهر

​

 

[squall leonhart]

- ستار بكس كل صباح؟ سولك كابوجينو بالبيت واخلص انا مجرب اوفر ريتد ​

و الله انك صادق .. اول ما زوجتي جت امريكا كانت تشتري من ستاربكس ب 3$ دولار 5 ايام في الاسبوع يعني قول 60$ في الشهر .. اشتريت لها مكينة اسبرسو ب 45 دولار و صار كوب القهوه يكلف اقل من 25 سنت في البيت ( طبعا مع الوقت اشتريت مكينة احسن ب600 دولار و مع كذا لسي باوفر فلوس كثيره على المدى الطويل )

اصلا ستار بكس واحده من اسوأ القهوات الي تشربها باي مكان .. ما ينافسها بالسوء الا دنكن

 

[s3rorh]

- منت ملزوم بموتر سبورت.. اخذلك شي يوديك واييبك ويكون موديل يديد وبسعر حلو

صحيح والله .. أنا اشوف السمجة الصغيرة وايد زينة :stuck_out_tongue_wi

:joy:

 

[FARES_]

صحيح والله .. أنا اشوف السمجة الصغيرة وايد زينة :stuck_out_tongue_wi


:joy:

خف النغزااات يا رجل xD
عاد انا شبه اقتصادي بس عالأقل مو في هالنقطه بالذات هههههههه

 

[FARES_]

و الله انك صادق .. اول ما زوجتي جت امريكا كانت تشتري من ستاربكس ب 3$ دولار 5 ايام في الاسبوع يعني قول 60$ في الشهر ..

بالضبط k_hand:

 

[Game Time]

أنا ما عندي وظيفة

 

[Contra11]

الوضع مختلف بكل دولة , اللي ياخذ 700 دينار بالسعودية يعتبر بطران

 

[Sonata]

الفلوس ما تشتري السعادة....... كذبة مشينة.

 

[SAUD~F-16]

في كلام وإشاعات عن زيادة المكافأة الجامعية 30% . يعني من 840 ريال إلى الف وشوي. عموماً أنا طالب ومدري إذا هذا الموضوع يشمل الطلاب او لا بس قطيت وجهي على أي حال. إشاعات زيادة المكافأة للطلاب صار لها سنين تتداول بدون ما يصير شيء. والمبتعثين خصوصاً في أمريكا سمعت منهم أنه وضعهم صعب شوي. يقدرون يفيدونا بهالموضوع شبابنا المبتعثين، شخصياً مكافأتي مستحيل توصلني نهاية الشهر. مابين بينزين السيارة(40 دقيقة ذهاب ومثلها للعودة) وكتب الجامعة الغالية ومستلزماتها الأخرى والوجبات الخارجية خلال الدوام اللي مجبر عليها وحاجياتي الخاصة بالكاد توصلني نهاية الشهر. واغلب الطلاب مايعتمدوا عليها أصلاً كمصروف. ودائماً يذلونا الأخرين بقولهم "أحمد ربك أنك تاخذ فلوس مقابل دراستك" متجاهلين تماماً أننا في دولها تطفو فوق نفط. لكل مقام مقال وأني أخذ فلوس مقابل دراستي مش شيء "واو " في حالة بلدي.لكن الحمدلله على كل حال ومهما كان إحنا في حال أيسر من خال غيرنا.

عفواً لكن 1500 دينار كم بالريال؟ عندي مشكلة بتحويل العملات...

 

[Wild Fox]

الفلوس ما تشتري السعادة....... كذبة مشينة.

حسب مفهومك للسعاده ..

 

[Lawliet]

الفلوس تشتري السعادة ؟ كلام طفولي، أعتقد مافي أحد مافكر بهذا الشي من قبل بمرحلة طفولته أو مراهقته. أكثر من شخص قالي عندك كل شي، وش ناقصنك ؟ هذا الظاهر، وكلامهم صحيح، لكن أنا أعرف نفسي أكثر من أي شخص أخر، أنا تقريبًا ماعندي أي شي من اللي مايشوفونه. الفلوس ماتشتري السعادة، مهما حاولت تقنع حالك بخلاف ذا الشي بيجيك يوم من الأيام وتقتنع، لما يصير عندك الفلوس، لما يصير عندك كل شي يظهر للعامة

عفواً لكن 1500 دينار كم بالريال؟ عندي مشكلة بتحويل العملات...​

حوالي 20 ألف ريال

 

[Raheem]

الفلوس ما تشتري السعادة....... كذبة مشينة.

+1

 

[Don JoKer]

هي ماتشتري السعادة صحيح ..

ممكن تشتريلك اشياء رفاهية وتعيشك عيشة مرتاحة, لكن عاطفيا مثلا .. الفلوس ماراح تشتريلك الإنسان الي تحبه او ترتاح له (يمكن يمشي معاك مصلحة لوقت مؤقت)
صح في ناس عندهم فلوس وسعيدين, بس مو شرط ان اي شخص غني بيكون سعيد

بس في نفس الوقت اسخف جملة سمعتها في حياتي هي "الفلوس وصخ دنيا" هذي هي الكذبة!
وصخ الدنيا هو الي بيعيشك في الحياة!

الزبده .. الفلوس مهمة صح, لكن مو هي المقياس الي راح تقيس عليه سعادتك.

 

[HASSAN NEX]

بعض النقاط اشبه من ان تكون خياليه :stuck_out_tongue_cl ومااعتقد في احد يسويها
وبعض الاشياء تضحك يعني واحد معاشه فوق الالف وياكل خبز وجبن نص الشهر ليش؟ عنده اوليات غلط ,الاكل اخر شي ممكن تفكر فيه وسالفه البصمه ترى نص الشعب جذي وحلال ماهي حرام الدوله تدري ماهو سر لو مايبون كان تشددو
بالنسبه لي اهي كلها سالفه اولويات

يجيك واحد يسوق موتر له وزن وهو ياكل خبز وجبن كل يوم وعمره ماسافر ولبسه سيئ والخ بس علشان يبي يتفشخر شوفوني انا بو موتر :stuck_out_tongue_cl

الفلوس ما تشتري السعادة....... كذبة مشينة.

مع احترامي لك لكن هذي سذاجه
كانك تقولي كل فقير تعيس ومايعرف غير سعيد
انا سافرت دول شبه معدمه وماعندهم شي ويبتسمون 24 ساعه مستانسين اكثر مني ومنك

مثل ماابو الشباب في FIGHT CLUB يقول
The things you own end up owning you.

في ناس عندها ملايين وانتحرت, اهو كل شخص وتفكيره كونه ايجابي او سلبي وفي ملايين في دول فقيره يتمنون عندهم عشر الي عندك, كثار ما عندهم شربه ماء او سقف يحميهم من المطر وغير تعيسين
اسف اذا دشيت عرض :stuck_out_tongue_cl بس كنت حاب اوضح نقطه

الفلوس تشتري السعادة ؟ كلام طفولي، أعتقد مافي أحد مافكر بهذا الشي من قبل بمرحلة طفولته أو مراهقته. أكثر من شخص قالي عندك كل شي، وش ناقصنك ؟ هذا الظاهر، وكلامهم صحيح، لكن أنا أعرف نفسي أكثر من أي شخص أخر، أنا تقريبًا ماعندي أي شي من اللي مايشوفونه. الفلوس ماتشتري السعادة، مهما حاولت تقنع حالك بخلاف ذا الشي بيجيك يوم من الأيام وتقتنع، لما يصير عندك الفلوس، لما يصير عندك كل شي يظهر للعامة

انا اشهد :thumbsup:

هي ماتشتري السعادة صحيح ..

ممكن تشتريلك اشياء رفاهية وتعيشك عيشة مرتاحة, لكن عاطفيا مثلا .. الفلوس ماراح تشتريلك الإنسان الي تحبه او ترتاح له (يمكن يمشي معاك مصلحة لوقت مؤقت)
صح في ناس عندهم فلوس وسعيدين, بس مو شرط ان اي شخص غني بيكون سعيد

بس في نفس الوقت اسخف جملة سمعتها في حياتي هي "الفلوس وصخ دنيا" هذي هي الكذبة!
وصخ الدنيا هو الي بيعيشك في الحياة!

الزبده .. الفلوس مهمة صح, لكن مو هي المقياس الي راح تقيس عليه سعادتك.

عيشه مرتاحه = سعاده يعني؟
في ناس شكلهم تعساء هني ويدرون على المعادله
مافي علاقه بين انساء يكون سعيد ام لا بالفلوس
لكن في معادله ان الانسان يكون تعيس لان ربط في مخه بشكل غير مباشر ان فلوس او مرتاح = سعاده

كيف الناس كانت عايشه الاف السنين قبل بحياه شاااقه وبدون مواتر وثلاجه للاكل والخ ولا كلهم كانو تعيسين
الفلوس تونس الواحد مؤقت لكن مو long term

 

[XORO]

- جربت تكون بيتوتي؟ جرب راح توفر مبالغ ما كنت متوقعها.. الفراره ما وراها غير الخساير ​

صدقت الفراره او الحواطة ما وراها الا المخاسير عن نفسي بطلت عن هذه السوالف الا اذا بغيت شي لكن طلعات بدون هدف لا

- لما تروح مطاعم.. احرص انك تشتري بطل ماي او بيبيسي من اقرب بقاله ولما تطلب قولهم ما تبي مشروبات بس اكل..​

هذه كم مرة سويتها وكم مرة وفرت علي عندنا البيبسي بـ 1.50 درهم مع الوجبة بـ 5 دراهم مثلا لا ونص الكوب ثلج ::::

اذا عندكم نصايح معينه ممكن تضيفونها او استراتيجيتكم في التوفير... تفيد الناس الي عالحديده نهايه الشهر ​

مدري تنفع نصيحة او لا قبل كم سنة كنت اسولف مع شخص في محل للالعاب يقلي انا قبل كنت اطلع طلعات مولات وسينما واخسر فلوس
الحين يوم شريت World of Warcraft بطلت طلعات ووفرت فلوسي :thumbsup:

حاول انك تدخر جزء ولو بسيط من الراتب بشكل شهري

 

[Wild Fox]

كيف الناس كانت عايشه الاف السنين قبل بحياه شاااقه وبدون مواتر وثلاجه للاكل والخ ولا كلهم كانو تعيسين
الفلوس تونس الواحد مؤقت لكن مو long term

القناعه و الشكر على النعمه

 

[Don JoKer]

ما اتفق مع الي يقولوا انك تكون بيتوتي هو الحل الافضل

الحل مو انك تكون بيتوتي وتحرم نفسك .. الحل الانسب انك تعرف حدودك

 

[عاشق 360]

نظرا لأنه شهادتك ثنوي

بعلق على هالنقطه ,,,

ياخي يبطون جبدي الي جذي , لاهو تاعب ولاهو دارس وفالنهايه يبي يشتغل فمكان سهل يناسب امكانياته ويبي بنفس الوقت يبي راتب وزير !! وطول الوقت يتحلطم , اعرف ناس يصيرون لي مثل السالفه ... اتعب بتحصل ..

اما بخصوص الصرف , معاك بكل الي قلته , رفيجي سنويا يسافر لاروبا بسفرات تكلف الكثير , والمشكله ان راتبه مايغطي ثمن السفر السنوي , فيضطر ياخذ قروض وفيزا وعفسه .. انزين ياخي ليش ؟؟ السفر مو شيئ ضروي علشان تشربك عمرك في ديون وانت توك بادي حياتك , لو انسان متقاعد ممكن اتفهم ...

 

[ABUALI]

تصدقوا
الصدقه تدفع البلاء عنك، وتبارك لك في الرزق، تبارك لك في أموالك، يعني في أسوأ الحالات ما بتقدر تشتري كماليات لكن فواتيرك وقروضك ومواصلاتك وأكلك وسكنك ما بيقصر عليك

 

[Sonata]

لو الفلوس ما كانت سبب في اسعادك، لا تعمم وتطلق احكام من مخك، يا "كبير". الامر يختلف من شخص لاخر، يعني نسبي، يعني مافي جواب فعلي هل تجلب السعادة او لا لانها تختلف من شخص الى اخر.

خلينا ناخذ العاب الفيديو على سبيل الافتراض، تشتريها بفلوس، والسبب لشرائك لها؟ تزيد من كمية البروتينات في جسمك مثلا؟ طبعا تشتريها عشان تستانس وتروح عن نفسك.

احنا هنا ما نتكلم عن سعادة مطلقة وابدية طبعا، انما عن السعادة بشكل عام ولو مؤقتة.

نقطة اخيرة: احنا هنا خلال بيان اراء، وفي مجتمع كل طرف يحاور الطرف الاخر فيه باسلوب محترم، واستعمالك لوصف مثل "طفولي" يدل على وضوح في الترفع وعدم احترام الطرف الاخر. اتمنى المرة الجاية تراجع قاموس مفرداتك قبل لا تطرح ردك.

وبالمناسبة، اطلاقي على الجملة وصف "كذبة مشينة" كان لان ما لها اي اساس من الصحة، ومش تقليلًا من احترامي للاخ صاحب الموضوع.

 

[s3rorh]

ودي أجيب كل شخص قال السعادة مو بفلوس... و اخليه بس يجلس داخل هالسيارة ويمشي فيها

و أبي اشوف تعابير وجهه وقتها ..... أعتقد بتجيه أنواع الإنبهار و الواو و كل شي رهيب بالدنيا ... بس لما يجي عند إنه يبتسم و يصير سعيد ... أكيد بيتذكر بأنه هالسيارة ما جات ألا بفلوس ... بذيك اللحظة تلقاه أكيد يقلب وجهه نكد ...

ليه .. لأنه السعاده مو بالفلوس لول ..... كيف لأ ... وما هيه السيارة جات بالفلوس يا رجل !!!

السعادة تنقسم لعدة أجزاء و عوامل على حسب مفهوم الفرد نفسه ... بس مافي 2 يختلفون على انه الفلوس تاخذ العامل/الحصة/الجزء الأكبر من السعادة !!!

 

[Wild Fox]

لو الفلوس ما كانت سبب في اسعادك، لا تعمم وتطلق احكام من مخك، يا "كبير". الامر يختلف من شخص لاخر، يعني نسبي، يعني مافي جواب فعلي هل تجلب السعادة او لا لانها تختلف من شخص الى اخر.

خلينا ناخذ العاب الفيديو على سبيل الافتراض، تشتريها بفلوس، والسبب لشرائك لها؟ تزيد من كمية البروتينات في جسمك مثلا؟ طبعا تشتريها عشان تستانس وتروح عن نفسك.

احنا هنا ما نتكلم عن سعادة مطلقة وابدية طبعا، انما عن السعادة بشكل عام ولو مؤقتة.

نقطة اخيرة: احنا هنا خلال بيان اراء، وفي مجتمع كل طرف يحاور الطرف الاخر فيه باسلوب محترم، واستعمالك لوصف مثل "طفولي" يدل على وضوح في الترفع وعدم احترام الطرف الاخر. اتمنى المرة الجاية تراجع قاموس مفرداتك قبل لا تطرح ردك.

وبالمناسبة، اطلاقي على الجملة وصف "كذبة مشينة" كان لان ما لها اي اساس من الصحة، ومش تقليلًا من احترامي للاخ صاحب الموضوع.

اعصابك ، مش مستاهله . :sweat_smile:

 

[Wild Fox]

ودي أجيب كل شخص قال السعادة مو بفلوس... و اخليه بس يجلس داخل هالسيارة ويمشي فيها

و أبي اشوف تعابير وجهه وقتها ..... أعتقد بتجيه أنواع الإنبهار و الواو و كل شي رهيب بالدنيا ... بس لما يجي عند إنه يبتسم و يصير سعيد ... أكيد بيتذكر بأنه هالسيارة ما جات ألا بفلوس ... بذيك اللحظة تلقاه أكيد يقلب وجهه نكد ...

ليه .. لأنه السعاده مو بالفلوس لول ..... كيف لأ ... وما هيه السيارة جات بالفلوس يا رجل !!!

السعادة تنقسم لعدة أجزاء و عوامل على حسب مفهوم الفرد نفسه ... بس مافي 2 يختلفون على انه الفلوس تاخذ العامل/الحصة/الجزء الأكبر من السعادة !!!

مش كل الناس بالسطحيه اللي في بالك ، و لا كل الناس سعادتهم في سياره يركبوها
في ناس عندهم كرسيدا "مهكعه" و مبسوطين و لا يحتاجوا السياره ذي عشان ينبسطوا

 

[XORO]

اكيد اي واحد لو عنده فلوس بيكون سعيد ومرتاح وخاصة لو كنت ملياردير ما بتكون مضطر
انك تشتغل وتكون مقيد مستحيل ولا واحد مننا يتمنى انه ما يصير غني

فــــــــــ

الفلوس تشتري السعادة = نعم
الفلوس تخليك سعيد = نعم
الفلوس تخليك تركب لامبورغيني مع صعرورة = نعم :v:

بس الفلوس ما تشتري الصحة
ولا الاهل ولا الاصدقاء الا اصدقاء المصلحة يمكن

تصدقوا
الصدقه تدفع البلاء عنك، وتبارك لك في الرزق، تبارك لك في أموالك، يعني في أسوأ الحالات ما بتقدر تشتري كماليات لكن فواتيرك وقروضك ومواصلاتك وأكلك وسكنك ما بيقصر عليك

:raised_hands:

 

[BLACK WIZARD]

مشكور ياخوي على الموضوع الرائع..:thumbsup:

1-ياجماعة تعرفون عبارة التعليم للجميع (ظاهريا) ..<<على من تضحكون تقصدون التعليم للجيوب المتروسة (باطنيا)
2-الرجال اول مايجي ليخطب البنت يدور حوار درامي بينه وبين ابوها
الاب:كيف حالك..مشاء الله شباب هاه..إلا أقول كم راتبك...<< هذا السؤال افتتاحيه المحادثه وبعدها يقرر يكمل ولا برع
الخاطب:5000درهم ...بس لاتخاف بيعطونا علاوات سنتين وأوصل 20000
الاب: هممم وكم بتدفع للمهر....تراها فل أوبشن ..وارد أمريكا..100000 :scream: وفوق :laugh:
.....وسفرات شهر العسل والمايونيز ..وسيارة اخر موديل...وفله ..و عرس في فندق ابو خمس نجمات ونص......وووووووو.........
النتيجه = 1-إذا قبل 80%طلاق بسبب الديون المتراكمه والمشاكل اللي بتحدث ..و20% يوميا على البندول والإسبرين
2-إذا ماقبل العرض فهو رجال ولازم يعطي اب البنت صفعه على وجهه قبل المغادره k_hand:

خلونا من هالهم يوم أخلص قرف الجامعه بفكر ...اهم شي يكون عندي انمي ...وزوجتي فان هانتر ....والباقي خله يولي.................................امزح لاتصدقوXD
_______________________
.
.
.
.
.
برأيي أهم شي الواحد عنده أكل يكفيه ..و فراش يؤويه ..وش تبى أكثر...لازم اخر موتور نازل وعلى البنك تتخقق على الناس ....

......لو كل المسلمين يطلعون زكاتهم ماكنا لقينا فقير.......

 

[Don JoKer]

ودي أجيب كل شخص قال السعادة مو بفلوس... و اخليه بس يجلس داخل هالسيارة ويمشي فيها

و أبي اشوف تعابير وجهه وقتها ..... أعتقد بتجيه أنواع الإنبهار و الواو و كل شي رهيب بالدنيا ... بس لما يجي عند إنه يبتسم و يصير سعيد ... أكيد بيتذكر بأنه هالسيارة ما جات ألا بفلوس ... بذيك اللحظة تلقاه أكيد يقلب وجهه نكد ...

ليه .. لأنه السعاده مو بالفلوس لول ..... كيف لأ ... وما هيه السيارة جات بالفلوس يا رجل !!!

السعادة تنقسم لعدة أجزاء و عوامل على حسب مفهوم الفرد نفسه ... بس مافي 2 يختلفون على انه الفلوس تاخذ العامل/الحصة/الجزء الأكبر من السعادة !!!

اكيد راح تحس بالسعادة في البداية، بس بعدين ؟ الاشياء الترفيهية اعتبرها سعادة مؤقتة بس

 

[XORO]

عجبني شخص لقيته في سيارة عادية وحاطط ستيكر بالخط العريض على زجاج السيارة من الخلف وكاتب :

موتر مزيون ولا رنج مديون ::::

 

[s3rorh]

مش كل الناس بالسطحيه اللي في بالك ، و لا كل الناس سعادتهم في سياره يركبوها
في ناس عندهم كرسيدا "مهكعه" و مبسوطين و لا يحتاجوا السياره ذي عشان ينبسطوا

شدخل السطحية بالموضوع !!
انت مو راكب اي سيارة ... انت راكب سووووبر سيارة ... وما يركبها إلا الـ$$$ ( مع تجاهل سالفة التأجير :stuck_out_tongue_wi )
صراحة ألي يركب سياره مثل هالنوع ... ويقول الوضع ( عادي ) وما احس بسعادة !! ... بسميه عديم إحساس ... و أرفسه برا السيارة :joy:

سؤال شاطح شوي .. وخارج الموضوع ...
كم شخص دخل الطب ... بس لأنه ( يحب ينقذ البشر لانه هالشي يسعده ) .... بتقول لي مافي طبيب ما يفكر بهالشي ... بقول لك لا يا شيييخ ....
أول سبب ممكن هوه ( ارفع راس اهلي و طموحي و خلافه ) ... و وراه مباشرة يجي السبب المادي !! أما سالفة أسعد بمساعدة الأخرين .... خلاص على كذا .... افتح لك محل فرن/خباز ... و وزع لك خبز ببلاش من الصبح ... وخلي الناس تنبسط و تبسطك ... او شوف لك شغله ثانيه أسهل تسعد فيها الناس و انت تنبسط ... بدال لا تقعد 5 سنين بالقليل كله تاكل بالكتب ... مدري هي تاكلك لوول


وأكرر ... الفلوس سبب و عامل كبير للسعادة !!

 

[Wild Fox]

شدخل السطحية بالموضوع !!
انت مو راكب اي سيارة ... انت راكب سووووبر سيارة ... وما يركبها إلا الـ$$$ ( مع تجاهل سالفة التأجير :stuck_out_tongue_wi )
صراحة ألي يركب سياره مثل هالنوع ... ويقول الوضع ( عادي ) وما احس بسعادة !! ... بسميه عديم إحساس ... و أرفسه برا السيارة :joy:

سؤال شاطح شوي .. وخارج الموضوع ...
كم شخص دخل الطب ... بس لأنه ( يحب ينقذ البشر لانه هالشي يسعده ) .... بتقول لي مافي طبيب ما يفكر بهالشي ... بقول لك لا يا شيييخ ....
أول سبب ممكن هوه ( ارفع راس اهلي و طموحي و خلافه ) ... و وراه مباشرة يجي السبب المادي !! أما سالفة أسعد بمساعدة الأخرين .... خلاص على كذا .... افتح لك محل فرن/خباز ... و وزع لك خبز ببلاش من الصبح ... وخلي الناس تنبسط و تبسطك ... او شوف لك شغله ثانيه أسهل تسعد فيها الناس و انت تنبسط ... بدال لا تقعد 5 سنين بالقليل كله تاكل بالكتب ... مدري هي تاكلك لوول


وأكرر ... الفلوس سبب و عامل كبير للسعادة !!

ههههههه ، يا اخي اسمحلي اقلك ، انت سخيف ! ليش تشخصن الموضوع ؟ ايش دخل ابو الطب في الهرجه ؟
خف علينا يا عادل امام
اللي ياخذ في باله ان سياره بتجبله السعاده انسان سطحي و نظرته ما تتعدى خشمه .

 

[Fatani Heart]

صعرورة مثالك فيه سطحية كبيرة؛ ياليتك ما حطيته. >.>
بالنسبة لي القناعة = السعادة.
إذا عندك فلوس الدنيا كلها وما عندك قناعة ورضى وحمد وشكر عمرك ما حتكون سعيد.
وإذا نظرتك للفلوس أتها تجلب السعادة فهي سعادة مؤقتة وتزول.
مثل مثال صعرورة انبهار وواو مؤقت.
ونقول مثلا جته الفقير سيارة فخمة هدية هل متأكد 100% بينبسط فيها؟
ممكن سعادته تكمن قي إسعاد أهله ووالدته فيبيعها لأنه السيارة وفلوسها ما تهمه قد أهله.
ما حد بيعيش سعيد طوال عمره وما حد ضامن أنه بيقى سعيد بالفلوس والسيارة اللي معاه.

حدد هدفك ووظيفة بتخليك "مبسوط" طول ما إنت تشتغل وتنجز فيها.
ولا وظيفة تخلي حياتك زفت وتكرفك طول الوقت عشان الراتب كبير
وبسبب الكرف واختيارك للوظيفة من البداية عشان الراتب بتخليك تفكر التفكير السلبي أنه الراتب عمره ما حيكفيك.

عندي قناعة تانية أن السعادة حاجة نفسية غير ملموسة وتجيك من شيء غير ملموس برضه...
مثل الشعور بالإنجاز والحب والراحة النفسية وخدمة الغير بدون مقابل والترفيه عن النفس بغض النظر كيف.
كلها تجلب أمور تجلب السعادة إذا تشوف أنك ما يمديك تمتلك أي شعور من اللي فوق الا بالفلوس فإنت شخص مادي وغير قنوع.

طفلك مو سعيد عشانه ما عندك فلوس تجيب له اللعبة الغالية، وما تمتلك سعرها؟
جيب له حاجة تعطيه نفس "الشعور الترفيهي" اللي بيخليه "سعيد" بلعبة تانية رخيصة وجرب تضيف كم شيء كأن تجلس وتلعب معاه بيفرح أكثر من اللعبة الغالية.

ولدك يبغى السيارة الفلانية الفخمة عشان أصحابه وما حيفرح إلا بيها؟
حاول تربيه إن الحياة مو بذي السهولة والسطحية أولا والانبهار بيكون مؤقت وما بيفيده بشيء
خليه يحس بطعم تجميع فلوسها وأن لو يبغى شيء يحصله بنفسه
صدقني بينبسط أكثر لو اشتراها بفلوسه الشخصي لأن حس و"فرح" ب"شعور الإنجاز" لسواه أكثر من السيارة نفسها.

حبيبتك تبغى الفستان والساعة الفلانية وتبغى تسافر؟
اعطيه بدالها "شعور حب" كافي يخليها تنسى ذي الأشياء.

وما في أحلى من الصدقة وخدمة أهلك عشان تحس بشعور "الراحة" وأن الدنيا ما تستاهل أن الواحد يجري طول عمره ورى الفلوس.

أخيرا الفلوس عمره ما بيكون عامل وسبب للسعادة.
الإنسان اخترع شيء اسمه فلوس وزرع الفكرة في مخه.
الحيوانات تمتلك شعور السعادة بدون شيء اسمه فلوس.