الدي اس القادم، قلم هزاز؟ (براءة اختراع جديدة)

[Golden_Sun]

يبدو ان نينتندو لن تتخلى عن فكره الRumble Pak اللي كانت تضاف للدي اس لجعله هزاز.
براءة اختراع جديدة لنينتندو يُعتقد او يُتوقع انها للدي اس القادم.

باختصار شديد، الفكره كالآتي:

انت ضربت عدو بشاشه اللمس عن طريق القلم > العدو نقص طاقته مثلاً > ستشعر بردة الفعل عن طريق الجهاز من خلال اهتزاز القلم بيدك. (اعتماداً على قوة الفعل الاول، راح تكون قوة ردة الفعل -الاهتزاز-)

There's a lot of "vibrating said vibrator in a vibration pattern"-type speak in the filing, spotted by Broke My Controller (you may read the full document here.) But the crux of the matter is that players would press the stylus into the DS' touch screen, attacking an enemy character, for example, and then feedback would come from the device itself, being felt through the stylus. The amount of feedback is calibrated to in-game events - strong or more successful attacks produce more, weak or unsuccessful ones produce less.

شنو تعليقكم على الموضوع؟
انا فقط اتساءل عن حجم القلم الجديد.. اللي بكون داخله قطعه الاهتزاز؟؟ (بديت اشك ان DSLL والقلم الكبير لقياس ردة فعل الجمهور!!)
http://kotaku.com/5476399/patent-filing-hints-at-ds-vibration-feedback-through-stylus

 

[Nyx]

مدري مو راضية تدخل مزاجي الفكرة , إلا لوكان الإهتزاز خفيف جدا .

(بديت اشك ان DSLL والقلم الكبير لقياس ردة فعل الجمهور!!)

الجهاز للشياب واللي مايطلعون من البيت >.>

 

[Id]

عادي يقدرون يخلونه هزاز في قلم صغير .. التقنية قديمة و يمديك تصغرها بشكل سهل الان ..

عموماً مو فارقه معي أهم شيء مواصفات الجهاز الرئيسية ..

 

[Jonas]

الفكرة ما اتضحت لي
على العموم بنعرف كثير في E3 القادم.

أرجوكم لا يجي واحد يقول wii HD عشان ما افقد اعصابي

 

[Ash Storm]

المهم فعلاً مثل ما قال ثامر هي مواصفات الجهاز الأساسية, و الاهم عندي هو وجود (كوميونيتي) ممتاز و خدمات اونلاين ممتازة على الجهاز ..

 

[Nintendo]

الفكرة خطيره اذا فعلا تطبقت, يعني القلم يكون هزاز ويأثر بالالعاب اممممممم بيكون اضافة جديدة لافكار ننتندو بسوق الالعاب.

 

[M 7 L]

فكرة حلوة ... لكن مو مهتم ... ننتظر نشوف المواصفات المهمة في الجهاز ..

تظل إضافة حلوة للجهاز ...

 

[Upperleft]

يقدرون يخلونها فكره حلوه.... على ما اظن >.>
مثلاً واريو وير، لازم تسوي كذا كذا و القلم يهز. يضيف نوع من الصعوبه
اقول، خلوني ما اتحمس احسن p:

 

[Nintendo]

السؤال اللي فبالي هل بيكون فيه بطاريه للقلم او بيكون قابل للشحن!!

 

[aza619]

^
لما تدخله في الجهاز يشحن اوتوماتك ؟

 

[Nintendo]

^
لما تدخله في الجهاز يشحن اوتوماتك ؟

المشكلة نتكلم عن ننتندو, اذا الريموت ماحطوا فيه بطارية قابلة للشحن فالمفروض تفكر بأرخص طريقة ممكنه بالتاريخ.. اذا مثلا فتحة القلم تكون شئ قابل لانه يشحن فهاذي بتكلف الشركة اكيد

 

[ROCKSY]

أهم شي ما يكون ثقيل مرة!
ولا بتصير نهايته لعبة أقلام إللي كنا نلبعها في المدرسة (إذا أحد يتذكرها)...
لعبة أقلام= هي أن يأخذ كل طالب أثقل قلم عنده ويحطوا الأقلام على أركان الماصة (الطاولة) و يحاولوا يطيحوا أقلام بعض بدفع الأقلام الخاصة بكل طالب بالدور، والقلم إللي يبقى آخر شي ع الماصة هو الفائز<<< محد فهم هههههه

 

[Wild Fox]

اكبر غلطه سوتها ننتندو انها خلت الفكره تتسرب .
الحين بنسمع عن PSP2 بقلم هزاز و الجهاز كمان راح يهز على وحده و نص .

 

[M 7 L]

المشكلة نتكلم عن ننتندو, اذا الريموت ماحطوا فيه بطارية قابلة للشحن فالمفروض تفكر بأرخص طريقة ممكنه بالتاريخ.. اذا مثلا فتحة القلم تكون شئ قابل لانه يشحن فهاذي بتكلف الشركة اكيد

تدري ... أحس إن البطاريات راح تكون غير قابلة للشحن + راح تكون من نوعية البطاريات الصغاااار ( الدوائر ) إلا بالعادة تكون لساعات اليد .. ويالله عاد وقتها .. اجلس فحّط لين ما تلقى محل يبيعها


ههههههههه ...

 

[JOE]

حاسها فكرة عبيطة

 

[Vorg Zangief]

-_- ما أحسها إضافة كبيرة للدي أس ..
حالها حال الدي أس ذو شاشة الكبيرة -_-

 

[aza619]

تدري ... أحس إن البطاريات راح تكون غير قابلة للشحن + راح تكون من نوعية البطاريات الصغاااار ( الدوائر ) إلا بالعادة تكون لساعات اليد .. ويالله عاد وقتها .. اجلس فحّط لين ما تلقى محل يبيعها


ههههههههه ...

لا وين .. ما تجي
حجم البطارية كبير بالنسبة للقلم


مافي الا الشحن فقط

 

[ice cube]

الحل المنطقي :
القلم يكون موصل بالجهاز و يستمد طاقته منه (واير) بس جذي ننمنع حرية الحركة بالقلم.

 

[Nyx]

المشكلة إذا كانت مواصفات الجهاز قوية وهي على الأغلب راحت تكون ....
...








...








راح نفتقد للـ2d للأبد


للأبد :cryy:

 

[xxamerxx]

اللي فهمته من الموضوع ان القلم فقط سيضاف له خاصية الاهتزاز .. مااعتقد نينتندو راح تضيف هذي الخاصية فقط للقلم اعتقد راح يكون له استخدامات اخرى ممكن يكون القلم نفسه عبارة عن موشن مضاف له خاصية الاهتزاز نفس الويموت تقريبا

 

[Snake-87]

لو الجهاز نفسه يهتز يكون أحسن . (يتذكر الميني جيمز الي تعتمد على الهزاز بماريو بارتي) .
لأنه لو القلم بيستخدم بطارية راح تشحنه أو تبدلها كل فترة + راح يعتمد على الوايرلس وراح تشغل الوايرلس بالـDs وراح تستهلك بطارية أكثر بجهازك وما تقدر تطفيه إلا إذا طلعت من اللعبة للقائمة الرئيسية .

 

[Still Alive]

الفكرة باكملها غبية بالنسبة لي

تضرب عدو عن طريق شاشة اللمس بالقلم ؟ :confuse: اعطونا غيرها ..

 

[14/08]

قلم هزاز ؟! .. أتخيل نفسي أحاول ضغط حاجة في الشاشة وبنفس الوقت القلم يهز :annoyed:

اكبر غلطه سوتها ننتندو انها خلت الفكره تتسرب .
الحين بنسمع عن PSP2 بقلم هزاز و الجهاز كمان راح يهز على وحده و نص .

هنا يجي دور تسجيل براء الإختراع

 

[mario0o]

حلو الشعور يوم تسوي اشياء وتحس برده الفعل بالقلم.

واكيد ننتندو عندها افكار اكثر لجهازها القادم بس ما نعرفهن

اهم شي مايكشفون عن ميزات الجهاز بدري و ......:whistle:


" منو يتوقع ان هالخاصية بتكون في جهاز DSi XL فالغرب ومسوين المؤتمر عشان يكشفون عن هالاضافة وقت صدوره فالسوق الغربي وبعدين فاليابان! "

بس لو يوفرونها للجهاز اللي بعد الدي اس يكون احسن عشان نحس بالتجديد والتغيير..

 

[itachi]

أثق في نينتيندو وكيف بتستفيد من هذي التقنيه في ألعابها ..مثل ما استعملو اللمس والصوت والشاشتين في العابها