البلاي3 عندي ما قام يشتغل !!!

[obie trice]

السلام عليكم !!

باختصار :

كل ما أشغل البلاي3 . يظل فترة بسيطة حتى قبل ما تشتغل اللعبة . و بعدها يطفى الجهاز على طول .
اللمبة تشب أصفر بعدها . يطفى و اللمبة تشب أحمر بشكل متكرر .
لما أضغطها مرة ثانية . يرجع كأنه مطفي . و هكذا كل ما أشغله نفس الشيء .

ممكن حد يقولي شنو المشكلة ؟؟!
تحياتي ...

 

[Id]

للأسف جهازك مات

 

[obie trice]

شكراً
ثامر ..
للأسف
يعني motherboard راح فيها .. ..
للأسف ..
الحين شنو تنصحني أخذ يديد و لا آخذ xbox360 ???

 

[Nemesis Zone]

انا بدأت اخاف بصراحه على جهازي !! وليش يقولو البلاي 3 مايخرب ومستحيل يخرب وماخدينه كثيرين خوفا من ROD الي موجوده في الـ360

أخوي اللمبة الصفره معناته ان جهازك مايتصلح اذا كان عندك ضمان وديه اذا لا الله يعينك 1 جديد !!

طيب وش نوع جهازك وكم مساجة الهارد ديسك ؟


(الله يخلي الـWii بس )

 

[hussien-11]

الله يعينك أخوي ..
جهازك أي موديل ؟ ما عندك ضمان ؟
كم لعبة PS3 عندك ؟ اذا عدد كبير جدا حرام تشتري 360 و يروحوا عليك ..
​

 

[obie trice]

الهارد ديسك .. كأنه 60 قيقا ؟؟!
مو متأكد ..
لا للأسف ما عندي ضمان ..
. . . .

عاد تدرون .. أنا خفت أشترى أكس360 بسبب rod
و الحين الي صار ان جهاز البلاي3 راح فيها ..
للعلم .. صديقي حاشته نفس المشكلة و شرى جهاز جديد ..
للأسف ..
شكلي باخذ يديد .. لأن حرام على الألعاب الي شاريها ..
و تدرون صار هذي المشكلة في بعد ما قمت أحط الجهاز في كبت .. تقريبا .. هو مفتوح من الأمام لكن لما كنت أقرب من الجهاز أحس بحرارة عالية تنبعث صوبه ..
.. أتوقع هذا هو السبب ..
شكلي باخذ الأثنين مع بعض . 360 و بلاي3 يمكن يعطيني خصم محترم

الله يخلي لي الوي بس هههههههه

 

[Nemesis Zone]

مش متأكد بس يقولو ان اللمبة الصفراء خطأ فني في أجهزة الـ60 جيجا (ماني متأكد)

الله يخلي لي الوي بس

لأن مافيه لا لمبه حمره ولا صفره ولا أعطال

 

[G7Ga7]

الله يعينك .. لكن ربّ ضارةٍ نافعة

اذا تقدر تبيع العابك بأي مكان (على 100 ريال اللعبة), وتدبر العاب 360 مستعملة, لا تفوت الفرصة..
هذي لستة بأفضل العاب الجهاز:
http://www.metacritic.com/games/xbox360/scores/

 

[Still Alive]

هذي اسمها الـ Yellow light of death . ارمي جهازك في اقرب زبالة للآسف

 

[hussien-11]

مش متأكد بس يقولو ان اللمبة الصفراء خطأ فني في أجهزة الـ60 جيجا (ماني متأكد)

هي مشكلة حرارة على حد علمي بسبب القطع الي حجمها 90 نانومتر في موديل الـ60 جيجا ..

اذا تقدر تبيع العابك بأي مكان (على 100 ريال اللعبة), وتدبر العاب 360 مستعملة, لا تفوت الفرصة..
هذي لستة بأفضل العاب الجهاز:

ليش يبيع ألعابه و يخسر فيهم و يرجع يشتري ؟ و فوق هيك قائمة السنة هاي للـPS3 أحسن من الـ360 .. و ألعاب القائمة من ميتاكريتيك .. أول 10 منهم 7 موجودين عالـPC .

عموما لو قدر يشتري الجهازين خير و بركة P:


​

 

[AMG]

لو كنت تلعب بي اس 3 من اول الجيل لا تشتري 360 و تسوي مثلي.....راح يخيب املك لول

 

[Ze Truth]

اذا كنت بتشتري جهاز جديد انصحك تنتظر الين E3, يمكن يعلنون عن PS3/Xbox Slim ولاشيء...

 

[obie trice]

أنا مو ناوي أترك البلاي3 .. مرة وحدة .. لأ لأ لأ لأ ..

أبي أشتري جهازين . مع بعض .. .. علشان يعطيني البياع سعر جيد ..

و بهذا نضرب عصفورين بحجر واحد

 

[IBrAhiM_86]

أخوي في أمل انه يتصلح الجهاز ..

انا ولد عمتي طلعت له اللمبه الصفرا ..
المهم وداها الرحاب عند محل تصليح ولا يقول له انه هاردسك الجهاز عنده متحرك من مكانه ..
وصلحها والحمدالله اشتغلت ..

عاد انت جرب حظك وروح لهم وشوف اذا يتصلح الجهاز ولا مايتصلح ..

 

[obie trice]

أخوي في أمل انه يتصلح الجهاز ..

انا ولد عمتي طلعت له اللمبه الصفرا ..
المهم وداها الرحاب عند محل تصليح ولا يقول له انه هاردسك الجهاز عنده متحرك من مكانه ..
وصلحها والحمدالله اشتغلت ..

عاد انت جرب حظك وروح لهم وشوف اذا يتصلح الجهاز ولا مايتصلح ..

شيء جميل .. الله يسمع منك ..
بوديه و أشوف .. مما لا شك فيه
السؤال هني .. على جم صلح الجهاز ؟؟

 

[M 7 L]

أهلين صار معاي نفس الشي من قبل " العدسة ودّعت " !!

بس على فكرة ظهور اللمبة الصفراء ما يعني موت الجهاز يعني ودّيه لأقرب محل تصليح وخلّيه يشيّك عليه ...

الإحتمال الأكبر يكون من الحرارة لأن مثل ما قال حسين موديل 60 GB هذي مشكلته ...

وإن شاء الله ما تحتاج تشتري جهاز جديد

 

[Super Shadow]

أنا أشوف أنك تشتري جهاز يديد

حرام عليك تضيع الألعاب الي شريتها

 

[Burdegation]

وده الرحاب شوفهم شيقولولك, يمكن خرابه يتصلح

و تدرون صار هذي المشكلة في بعد ما قمت أحط الجهاز في كبت .. تقريبا .. هو مفتوح من الأمام لكن لما كنت أقرب من الجهاز أحس بحرارة عالية تنبعث صوبه ..
.. أتوقع هذا هو السبب ..

اذا تصلح الجهاز او شريت جهاز جديد لازم ماتحطه داخل مكان مغلق على شان يكون فيه تهويه و مايحتر الجهاز بسرعه خاصه مع موديل جهازك القديم

 

[Zero]

حط في بالك أن المتوفرين الآن هم 80و160 جيجا والثاني غالي جدا ، والأهم أن هالمرة في ضمان.

بالنسبة للجهاز .. قائمته ممتازة لهذه السنة زي ما أنت عارف ، وال360 رخيص وتقدر تجيبه بعدين.

 

[T i d u s]

قبل كل شي ظهور اللمبة الصفرا مهب بالضرورة إن الجهاز ودّع !
أنت وده لناس فاهمه وتوكل على الله .. وبعدين إذا شفت إن ما فيه
أمل وحاب تشري PS3 جديد ( وهذا إلي أنصحك فيه ) إنتظر شوي
لأن فيه كلام إن سوني راح تنزل من قيمة الجهاز .. :​

 

[PS]

سؤال ياخوي بس ليش ماتاخد ضمان مع الجهاز ؟

وهل ستاخد الجهاز الجديد مع ضمان ؟

 

[ASWD]

انا بدأت اخاف بصراحه على جهازي !! وليش يقولو البلاي 3 مايخرب ومستحيل يخرب وماخدينه كثيرين خوفا من ROD الي موجوده في الـ360

أخوي اللمبة الصفره معناته ان جهازك مايتصلح اذا كان عندك ضمان وديه اذا لا الله يعينك 1 جديد !!

طيب وش نوع جهازك وكم مساجة الهارد ديسك ؟


(الله يخلي الـWii بس )

اكيد تمزح؟

انا مش جاي ادافع ابدا عن الجهاز لكن*محد* قال انه مايخرب او مستحيل يخرب..مافيه شي مابخترب..لكن نسبة خراب بين جهاز وجهاز تفرق.لول حتى مافيه ادنى مقارنة هنا بين الاثنين اللي انت ذاكرنهم في ردك

انا عندي نفس جهازه ومن الدفعات الاولى لنظام البال ولله الحمد شغال احسن مايكون له الحين سنتين تقريبا..وبنفس الوقت عندي 360 من الموديلات القديمة*إليت* ونفس الشي الحمد لله ماشي تمام التمام

ممكن يكون الخراب من سوء استخدام الجهاز مثلا محكور فمكان ضيق وماتجيه تهوية كافية.عكس الجهاز الثاني اللي ماتدري متى يخرب عليك حتى لو كان في مكان مناسب من ناحية التهوية وغيره

ومن قال لك ان الوي مايخرب؟..دور في يوتيوب والمواقع المهتمة بالامور هذي وشوف

عموما معوض ان شاء الله..حاول تصلحه واذا ماتصلح خذ لك واحد غير اذا كان ودك في العاب الجهاز الحالية والجاية..خصوصا ان سعره ارخص من قبل عند الوكيل وغيره+من كلامك انه المشكلة منك لانك خليته فمكان سيئ التهوية والجهاز اساسا يطلع حرارة واذا مالقى مجال للتهوية فبكل تاكيد بيجيه شي عاجلا ام آجلا..كمان ماتقدر تقول راح احول لجهاز غير لبلاي3 كون الالعاب هي الفاصل اصلا في اقتناء الجهاز من عدمه..

 

[obie trice]

أوكي .. بعد ما وديت الجهاز . محل ..
قالي الmother board خربان ..
و نصحني بجهاز 40 قيقا .. على 115 دينار ..

.. .. ..
قلت أسألكم .. أولاً ...
هل هناك مشاكل في جهار ال40 قيقا ..
العرض مغري بصراحة .. .. ؟؟
شرايكم أشتريه ؟؟!

 

[obie trice]

مجال للتهوية فبكل تاكيد بيجيه شي عاجلا ام آجلا..كمان ماتقدر تقول راح احول لجهاز غير لبلاي3 كون الالعاب هي الفاصل اصلا في اقتناء الجهاز من عدمه..

صحيح ..
تدري الجهاز ظل معاي فترة تقريباً أكثر من سنة !!
.. ..
ما اخترب إلا يوم حطيته في كبت .. صارله تقريباً اسبوعين ... و أنا ألعب و هو بكبت .. .. حتى لما أحط يدي جمبه أحس بحرارة عالية .. ..
..
حتى المحل الي وديته له .. قالي انت تحط بكبت .. على طول .. !!
و قالي يجهاز يحتاج تهوية ..

 

[PS]

أوكي .. بعد ما وديت الجهاز . محل ..
قالي الmother board خربان ..
و نصحني بجهاز 40 قيقا .. على 115 دينار ..

.. .. ..
قلت أسألكم .. أولاً ...
هل هناك مشاكل في جهار ال40 قيقا ..
العرض مغري بصراحة .. .. ؟؟
شرايكم أشتريه ؟؟!

عرض منتاز و40 قيقا تقنية جيدة أنا عندي واحد , والحمدالله صحتة منتازة
بس لاتنسى الضمان

 

[Nintendo]

اهم شئ الضمااااااااااااااااااااان .. لاتفكر ابدا تاخذ جهاز بدون ضمان

 

[Burdegation]

^
فعلا اهم شي الكفاله

اخذلك بو 80 من الوكاله و كفاله سنه و ارتاح نفسيا (و ترى بو 40 بسرعه ينترس)

 

[T i d u s]

صحيح ..
تدري الجهاز ظل معاي فترة تقريباً أكثر من سنة !!
.. ..
ما اخترب إلا يوم حطيته في كبت .. صارله تقريباً اسبوعين ... و أنا ألعب و هو بكبت .. .. حتى لما أحط يدي جمبه أحس بحرارة عالية .. ..
..
حتى المحل الي وديته له .. قالي انت تحط بكبت .. على طول .. !!
و قالي يجهاز يحتاج تهوية ..

لووووووول !!
أجل الله لا يلومه إذا إخترب ! :w00t:​

 

[BLACK KN1GHT]

للأسف جهازك مات ! ,,

صارت لواحد من أخويائي .. ما فيه حل الا انك تشتري جهاز جديد

محتوى مخفي

أو تشتري Xbox360 :rockon:

 

[Jonas]

what are you waiting for ?

JUMP IN

ممنوع الكتابه بالانجليزي